SOYmart by 豆乳狂人

D24榴槤系列之後就變左泰式奶茶系列✦牛油果吉列蝦青瓜絲粢飯暫時係我食過最好味嘅粢飯之一！之前食過牛油果鰻魚肉鬆果款，呢款都一樣咁好味阿😍吉列蝦炸得唔硬口感啱啱好，配埋牛油果、蛋、青瓜簡直健康好味之選😊✦滋潤之選冬天乾燥，當然要滋潤一下啦！面頭就見到椰奶，中間配料就有三色芋圓、西米、桃膠、最後芋泥打底🤩啲桃膠仲好大舊㗎，好足料👍🏻✦泰奶仙草麻糬重頭戲甜品！打開就見到塊Lotus焦糖餅乾浸係芝士奶蓋度😍 額外配料仲有仙草、麻糬、西米、泰奶豆乳打底！另外仲有一盒餅碎俾你加入甜品到一齊食👏🏻好豐富，強烈推介必食！…Read More

最強甜品店豆乳狂人又有新系列啦⸜(｡˃ ᵕ ˂ )⸝♡今次係泰式奶茶！鹹食就有打拋豬！身為粉絲怎能錯過～甜品叫咗「泰奶仙草麻糬」配料依舊澎湃～面頭有𝙇𝙤𝙩𝙪𝙨焦糖脆餅+餅碎 再加層芝士奶蓋 鹹甜夾雜下底有齊豆乳麻糬、仙草、西米 配搭泰奶豆乳 口感同味道都層次十足 泰奶同豆香兼備！粢飯亦都好有驚喜 有打拋豬、酸辣豬頸肉兩款微辣惹味 大嚿足料 真係粗過碌手臂哈哈ᕕ( ᐛ )ᕗ打拋豬有滿滿肉碎 好似將泰式生菜包塞咗入去咁豬頸肉嗰款還原到肉嘅爽脆口感 仲有埋玉子 兩款夾埋超脆嘅油炸鬼食都好正≧(´▽｀)≦…Read More

豆乳狂人一向以豆花甜品同粢飯出名～最近刷到豆乳狂人新出嘅 泰奶豆乳系列，即刻被燒到🔥話晒係新品，梗係要去佢哋 荃灣旗艦店 親自試下，結果真係泰有驚喜～。荃灣店仲特別增設咗堂食區，食完飯嚟食糖水、吹下水一流，
無論一個人慢慢歎定同朋友聚會都啱晒～🍮 今次試咗三款甜品飲品：🥣 鮮芋泥豆花（凍）走甜
豆花質感超滑，入口即化，豆香味明顯但唔會太重。
芋泥好綿密，口感似冰冰涼涼嘅芋泥雪糕，唔膩口；我揀咗走甜，甜度啱啱好，食完都唔會有負擔～🧋 泰奶芋圓豆花
呢個係今次新系列最大亮點！
泰奶味濃郁得嚟唔會死甜，豆花底滑溜、香氣十足。上面仲有 Lotus焦糖脆脆＋三色芋圓，層次感超豐富～成個配搭意外地好夾，甜度剛好，啱晒鍾意泰奶味但又怕膩嘅人！最貼心嘅係，佢仲附送一小盒Lotus餅碎，可以自己加落去，飲到最後都保持到香脆口感！🍵 8.6抹茶豆乳
抹茶香氣濃郁，微苦中帶甜，配上豆乳香氣真係好match。
飲落順口又唔厚重，飯後嚟一杯完全唔會滯，清新得嚟又帶淡淡豆香～
每款都有自己特色，食得出店家嘅用心。
加上旗艦店環境打卡感強、氣氛輕鬆，
甜品控一定要試，特別推薦泰奶芋圓豆花！💛…Read More

今天行完街又買左幾款甜品返屋企嘆❤️🔹多芒楊枝甘露芒果味道濃郁，口感順滑，入面有芒果果肉、西米同柚子肉。西米煮得剛好，柚子肉帶少少苦味，令整體食起上黎唔會太甜膩。🔹超煙韌豆花配料確實好煙韌，珍珠、小丸子和芋圓都有咬口。豆花本身口感細滑，帶淡淡既豆香。上面既奶蓋係鹹鹹地，同甜味配料搭配一齊唔錯。🔹奶蓋芋泥小丸子豆乳杯底有綿密芋泥，同豆乳混合後味道好協調。奶蓋口感輕盈，帶點鹹味。入面仲有小丸子，增加左飲用口感。呢幾款甜品表現都唔錯，材料搭配得合適，食起上黎感覺都幾滿足。…Read More

見到豆乳狂人出新嘢，係泰國風味，仲有泰奶豆乳，而個人都幾鍾意泰奶，當然要試下叫左個「麻糬泰奶豆乳茶」，泰式奶茶個種茶膽澀香同豆乳嘅順滑竟然好夾，茶味唔會搶咗豆乳個陣豆香，麻糬似融化緊嘅糯米糍，上面仲有焦糖脆餅碎，增添豐富口感另外試左多芒楊枝甘露同牛油果吉列蝦青瓜絲粢飯。楊枝甘露個芒果粒好多，西柚肉好juicy，至於個粢飯真係好正，牛油果蓉夾住脆炸吉列蝦同青瓜絲，個口感似食緊壽司卷但係粢飯版，早餐食完頂到 lunch 都得！…Read More