SOYmart by 豆乳狂人

營業中

休息中

星期日（10月16）下午兩點幾去食，叫咗兩個粢飯一個桃膠豆乳一個炸芋圓。見到有得拎就叫男朋友去拎，點知拎返嚟冇粢飯反而有個唔係我哋嘅芒果小丸子，咁咪拎返出去同店員講。哇，個店員個樣西到好似我哋拎錯我哋叫錯咁，黑口黑面，同佢講完佢完全冇諗住理，忍唔住問佢咁個粢飯點，佢隔離個店員先講句「坐底等吓啦」。然後我哋就望住支豆乳同盒芋圓等，等咗十分鐘依然冇動靜，再去問就話「仲有三個先到你」成程完全係貼錢買難受，可能你會話你冇比服務費唔可以要求咁多，但講真我食四樣嘢我都比咗成$14x, 我都中唔係要求佢拎埋比我，只係冇必要黑我面啩？仲要個炸芋圓，一pat嘢咁，唔知自己食緊咩，似泥膠⋯桃膠豆乳啲桃膠又係痴埋一堆，粢飯入面好似冇榨菜咁，夠油炸鬼硬到介口⋯我去返街邊上海檔買好過。

以新派豆乳為主題的新店 SOYmart原來已經係荃灣海之戀開幕，經過都見到幾多人，鍾意飲豆乳既我就俾佢menu同裝修吸引左☺️環境幾舒服，有好多位置可以坐底慢慢飲同食野。7”特濃豆乳（無糖）推薦招牌之一👍🏻熱辣辣既豆乳用扁身膠樽裝住，方便收藏😉飲落有非常香濃既豆乳味🤤無任何豆腥味，無糖更加飲到豆既原味道，亦飲得出精選過指定黃豆去製作，先有咁高質既豆乳，飲落暖笠笠，真係好舒服☺️招牌 7.6 特濃豆乳採用非基因改造黃豆，店舖為左堅持品質，每日會係店舖內即製 7.6 特濃豆乳，難怪豆乳飲落咁新鮮好味😋

真實食評 SOYmart by豆乳狂人以前飲過幾款豆乳都係好飲 基底係有濃厚嘅豆香味 但係佢其他嘅嘢食.....我真係不敢恭維 已經畀過好多次機會去試 但我會形容係難食! 🅾️今次order係 芋泥桃膠小丸子同 特濃豆乳芭菲 桃膠小丸子我已經叫盡量少甜 因為店員話有啲黑糖先好食 佢幫我落單係小小小甜 一食落口 😶唔係呀嘛.....嘩 嗰種糖度...係甜到不能形容 我覺得食曬成杯真係有糖尿病 然後佢啲桃膠真係要改善下 好污糟🙈 我都明白無可能要求乾淨到自己係屋企處理嗰種程度 但真係好影響食慾 我最後係食咗三分一就掉咗 😑另外杯芭菲都唔好得幾多 甜到乸喉都算 全杯嘢係0層次感 淨係一堆好甜好甜嘅嘢擺埋一齊 $57 食杯咁嘅嘢真係後悔到一個點🤢🤢🤢總結我同阿丁嘅結論就係 支裝豆乳大家可以試 但佢其他甜品 真係唔好啦 🤮❌️

佢地既食物同飲品款式好多元化，夠晒創新，主要都係同荳品有關係😉每次行過都有唔少人排緊隊，今次都係要等一陣先排到我地～而且佢地既包裝好可愛😍方便拎住黎行街🥤1️⃣ 咖啡奶蓋豆乳呢杯除左有咖啡味既豆乳之外，仲有豆乳布丁同珍珠，可以滿足我既唔同願望😝不過今日飽飽地就走左個奶蓋～今次飲落既咖啡味無之前咁濃郁同埋甜左少少🥲但加埋豆乳布丁同珍珠黎食就中和番。豆彩布丁豆味好濃，如果有多啲就好啦🤣🥤2️⃣ 紫米豆乳呢款飲落比較清，唔會過甜👍🏻紫米份量好多，加埋豆乳一齊好好飲，仲好飽肚，當糖水食都可以🤣呢個包裝既好處係飲唔晒可以閂番蓋之後再慢慢飲，但唔好放太耐喔，始終都係新鮮飲會好啲

鐘意食豆製品嘅我，帶埋男朋友去荃灣西到食豆乳🤣荃灣西分店係自己揾位，再出去點餐走休閑路線，適合假期下食午餐或下午茶除咗主打豆漿外，仲有多款小食、粢飯、雪糕等吉列豬扒粢蛋飯💛好大份啊，要兩個人share先食到其他嘢食比傳統粢飯更大份粢飯入面包住吉列豬扒、肉鬆、油炸鬼、榨菜、蛋豬扒爽口，即炸的🥰一啖咬落口，口感豐富，鹹香味好突出！ 和風七味炸脆雞單骨炸雞啖啖肉，外脆內軟肉質真係好Juice🥰🥰上面灑上和風七味粉，夠晒入味呀！呢個可以再encore🤤海苔肉鬆脆皮木棉豆腐大大粒黃金豆腐，一啖一口，即叫即炸上面鋪滿海苔肉鬆，鹹香味十足，豆味香濃好好味呀！下次可以試吓其他味道粒粒仙草用仙草做底，當甜品食一流💛上面鋪滿芋圓，口感煙韌🤤而家仲推出咗榴槤甜品，梗係要試吓啦！榴槤芭菲一層層，配料非常多啊上面有舊大大嘅榴槤肉， 係D24 蘇丹王，超香啊榴槤肉口感綿密，甜味剛剛好！👍🏻👍🏻SOYmart by 豆乳狂人 荃灣大河道100號海之戀商場2樓2036號舖

最近見好多人推薦佢個榴連系列雖然我冇特別中意榴連但睇完又心思思想去飲返杯豆乳🙈好耐之前去過一次 嗰陣已經好多人排隊估唔到而家仲多過以前🤣.🍴7.6豆乳焙茶 $36 💛8/10今次黎到叫咗豆乳焙茶試一試因為本人都幾中意飲焙茶🫣雖然焙茶嘅烘焙味道濃郁但同豆乳都幾夾 唔會搶哂成個focus😳因為特濃豆乳嘅豆香味都非常出基本上可以由佢厚身嘅質地判斷到同坊間十幾蚊支豆乳嘅差別係邊💁🏻‍♂️有少少後悔冇+$6要有珍珠小丸子嗰款冇配料硬係有啲空虛咁🥹.🍴oreo奶蓋可可豆乳 $48 💛8.5/10呢個係第一次去時叫嘅除咗嗰名提到嘅元素之外 其實仲有包埋珍珠 成個組合超邪惡🤩原本有少少擔心呢個配搭會超甜但佢地甜度方面控制得都妥當真係覺得唔夠甜嘅 可以問店員拎糖漿㗎✌🏻.🍴吉列豬扒粢蛋飯 $45 💛7.5/10入面有吉列豬扒、油炸鬼、肉鬆、榨菜等餡料好足 成個由外到內都即製熱辣辣連食粢飯最常中伏嘅油炸鬼都好脆身冇炒車 新鮮度爆燈😌但調味偏淡 結果食哂啲餡都未餸哂舊飯 改善埋呢part先值回票價 始終價錢唔平 期待除咗新鮮會再好味少少🤨.其實第一次去仲叫咗嗰超煙韌oreo奶蓋不過由於係上次嘅期間限定嘢就唔多

一路都知道荃灣海之戀開咗一間新派賣粢飯豆漿嘅新店！所以今日特登出去朝拜打卡，店內環境可以，見人龍都好長，諗住都唔會差得去邊，點知食完覺得真心麻麻哋！我哋叫咗四樣嘢食，原味粢飯，黑芝麻豆漿同芋圓甜品！包括好精美，可惜食後感⋯⋯條油條太乾和有油益味、榨菜太少，肉鬆夠多不過救唔返成條粢飯！真心感到失望！支黑芝麻豆漿好飲可惜唔夠凍！失望！甜品芋圓亦都係唔夠凍！堂食竟然冇餐盤提供，搞到我要自己去手拎去坐位度！哎！反正我食過一次就算，唔會再去幫襯！

環境: 其中一面有大大的落地玻璃，望出去見到 一片綠色的植物，配合淺木色餐桌，感覺悠閒舒適。下午茶☕海苔肉鬆脆皮木棉豆腐😍$38一絲絲的醎香的肉鬆鋪滿在木棉豆腐上，木棉豆腐表面經過低溫油炸，放入口中豆香四溢，柔嫩綿軟，入口順滑。十勝紅豆豆乳😍$32粒粒红豆飽滿，口感軟棉，混合了豆乳，豐富的豆乳味依然突出。堅果芋泥豆花😍😍$38芋頭香氣足，但甜度適中，混合淡高的豆乳，再配上有口的堅果(杏仁，腰果)，好好味，又飽肚，好滿足。🥰地址:荃灣二樓 2036號荃灣海之戀商場

經過海之戀商場見到呢間甜品店好多人排隊所以你試吓佢裝修係走台式文青風格由於太多人嘅關係我哋今次淨係試咗外賣自取個芋頭泥好綿滑好濃厚，係幾好味嘅，只係個豆乳個味道偏淡，原本見到佢個賣相咁吸引以為係幾好飲，點知有少少失望，要另外加咗兩個糖漿先好飲好多，可能佢係用新鮮嘅有機豆乳做，所以冇乜點落糖，所以個味道好淡口，反而淨係飲過芋泥就好正！

𓌉◯𓇋【豆乳狂人既甜品令人有點失望🥲】呢間主打豆製品嘅舖頭 任何時間都keep住有人 都幾受歡迎 係荃灣食完飯就順便係度食埋個糖水啦🤣😆▹◃┄▸◂┄▹◃┄▸◂┄▹◃┄▸◂┄▹◃┄▸◂┄▹◃❀ 多芒楊枝甘露🥭🚁🚁🚁($48)坐喺度等咗差唔多15分鐘先有得食 望落去都幾大兜 二人分享剛好 面頭鋪滿粒粒芒果同埋柚子肉 頭幾啖都幾好食既💩但之後食到下面就得番西米 三分二都係西米🥲☹️有啲仲黐埋一舊舊 食落好寡又無乜味 整體芒果汁比例太少 最後啲西米被遺棄了😵‍💫😵‍💫❀ 紫米豆乳🌟🌟（$32）都係叫返豆製品穩陣 豆味勁濃郁 口感比較稠杰漿口 紫米有咬口😍😍飽肚感強烈🥳 又唔太甜 好飲！

星期日lunch time去到位於荃灣海之戀商港嘅豆乳狂人，座位安排上似food court要自己搵位，當時去到亦好好彩有位坐😆雖然食物價錢比平時食開嘅傳統上海小店貴，但勝在裝修舒適，所有graphic都設計得好靚，而且食物質素都唔錯，夠創新之餘種類亦都好多㗎🤍感覺係間好台式嘅豆乳製品店♪.▫️鮮芋泥豆乳 $32（7/10）佢比想像中更加唔甜，可以飲到豆乳原始嘅味道，卻唔會有豆腥味♥︎而芋泥香唔算好濃，屬於淡淡溫和type，起初我仲係到搖枝飲品，諗住芋泥同豆乳會mix埋一齊，但原來係唔會，雖然分開兩層但其實我每啖都飲到芋泥同豆乳( ˶ˊᵕˋ)੭.▫️狂人粢飯 $32（7.5/10）好驚喜🥰從未食過粢飯嘅油炸鬼係脆卜卜(都可能我唔算成日食粢飯?)，好好食😋暖笠笠嘅糯米可以再煙韌少少，包住夾雜少量芝麻同充滿咸香嘅肉鬆，再加上炸菜確係幾正，如果再爆餡少少我會更滿足(˶ˊᵕˋ˵).❥…食物味道未算驚為天人，但因為種類繁多，好多口味都好吸引，加上地點就腳，所以之後有機會都會再回訪(⑉︎•ᴗ•⑉︎).如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我@fibee3b

SOYmart by豆乳狂人🥛係我最鍾意嘅豆乳店之一👍🏻，有多款口味豆漿選擇外，仲有不同類型由🗜豆品製成嘅甜品同小食🤤，咁多款都未試哂，所以成日都好想嚟食😚！最近SOYmart全新推出咗一系列😍🤩榴槤甜品，榴槤系列特別用上😻馬來西亞D24蘇丹王品種，果肉厚實，香甜綿密😋，同幼滑且充滿豆香嘅豆乳crossover🤝🏻，為你味蕾帶來美味新衝擊💥。·🥣榴槤奶蓋豆花 HKD$74仔細地用了榴槤抹杯💕，豆花上仲有一大球榴槤蓉🤩，榴槤份量超多，未食已經散發著陣陣榴槤蓉香氣❤，心心眼咗😍！榴槤蓉口感綿密，成個感覺就好似食緊榴槤咁😙，豆花加榴槤嘅化學作用🤝🏻原來係咁正！再加上大大粒白玉，煙煙靭靭令口感更豐富👍🏻。·🌯牛油果鰻魚玉子粢飯 HKD$55好開心SOYmart仲有粢飯賣🤗，依家已經愈嚟愈少地方有得食啦。粢飯即叫即做，摸上手熱辣辣🔥；內餡比平時食到嘅更豐富😋，有牛油果🥑、鰻魚🐟、玉子🥚、青瓜絲、油條等，搭配新穎且亦能保留傳統特色。·🥛7°特濃豆乳(無糖) HKD$24平日最鍾意就係飲豆乳狂人嘅豆乳🤩，7.6 特濃豆乳每日喺店內新鮮即製☺，豆乳味道超級濃郁😻，係我飲過最濃嘅一家！無糖保留原汁

去開荃灣西做嘢，我通常會去海之戀商場睇吓有咩食，因為好多間餐廳都係CP值好高，之前見到SOYmart淨係用黃豆做餐廳嘅主要食材，仲可以開到成行成市，當然要試吓佢啦！🥛榴槤奶蓋豆花 ($74)識我嘅人都知道係一個榴槤控，見到呢一個榴槤奶蓋豆花咁特別當然要試吓啦！榴槤用馬來西亞D24，香甜軟糯，豆腐花順滑，加上自家制煙煙韌韌嘅白玉，口感非常豐富🧋Oreo奶蓋珍珠豆乳 ($48)我以為奶蓋淨係可以用牛奶先打得起嗰種質感，原來豆漿都得！奶蓋棉棉，Oreo味重，加上珍珠，飲一杯可以代替一餐😂🥠海苔肉鬆脆皮木棉豆腐 ($40)木棉豆腐真係好少食到，因為大部份人都淨係鍾意食滑豆腐，呢一種木棉豆腐嘅工藝越來越少見。木棉豆腐其實係將豆漿加石膏粉凝固，打碎之後再喺布上面加壓，令成個口感比較結實綿密，炸起上嚟皮脆，加埋紫菜肉鬆嘅鹹香，令成個感覺好惹味😋🍚牛油果鰻魚玉子粢飯 ($55)以前食粢飯，都係油炸鬼再加肉鬆，完全冇諗過牛油果、鰻魚同埋玉子可以咁樣配搭！裏面都有油炸鬼，食落非常之脆，一睇就知係即叫即做，因為放耐左油炸鬼一定會變淋，而且有油味會重，呢個配搭左一啲青瓜絲，令成個口感清新得黎惹味😋

沙田人氣熱店🌟豆乳狂人🌟開到去荃灣海之戀啦🤤🤤創辦人阿瑋特意開設副線SOYmart ✨除咗售賣新式口味豆漿外，仲有多款芭菲、芋圓、鹹點類小食等❣️店內更設有製豆漿機，客人可以睇到成個製豆漿過程💡SOYmart食材來源大多來自日本宮城縣，其蛋白質、口感、豆味都比加拿大/內地貨源更高質😻更特別採用日本熟漿技術，除可保留黃豆本來豐富蛋白質，仲會令豆香味道更加濃郁💕最近SOYmart 更推出一系列榴槤甜品，將創意與傳統併行，滿足新一代食客對求新既需求🧏🏻‍♀️榴連系列用上 D24 蘇丹王品種🏅其果肉厚實，口感綿密，甜味適中，與豆乳配搭得剛好，同豆香互相輝映💯❇️榴槤奶蓋豆花一上枱就聞到陣陣榴槤飄香，超吸引🫦以榴槤抹杯，好創新😋榴槤味特別香濃✌🏻綿滑豆花配鹹香奶蓋，仲有超足料既榴槤肉，啖啖濃郁甜香，估唔到榴槤MIX 豆乳係咁夾架‼️仲有大大粒自家人手製白玉，口感煙煙韌韌好有嚼勁，散發陣陣糯米香味🤍榴連系列仲有❇️榴槤奶蓋豆乳❇️榴槤奶蓋❇️榴槤豆乳芭菲等我下次再試埋先😆😆另外叫咗幾款甜品＋飲品同屋企人開心SHARE 💝🔹多芒仙草有齊鮮芒果、仙草、西米、特調椰奶、芒果汁，芒果肉超大粒，超香甜🥭 🥭仲有滑溜仙草同

海之戀商場首選餐廳❤️不過放假比較多人 通常都要排隊同埋餐廳以自助形式自己揀枱 食完野自己掉番垃圾呢間餐廳除左野飲 甜品 仲有小食 同粢飯一個粢飯一支豆漿已經好飽肚叫左一個吉列豬扒蛋粢飯好有驚喜🫢豬扒同油炸鬼一咬落去十分脆口加上餐廳加左自己既醬汁 十分配搭👍🏻👍🏻👍🏻👍🏻粢飯份量十足 可以2個人share 完全唔同街外食既粢飯 一支輕豆乳 豆味濃烈 同埋一支size 都唔小 唔怪得比市面上既貴最後仲叫左芒果小丸子🤪全部都十分滿意不過餐廳就比較不環保 全部係用即棄餐具