SOYmart by 豆乳狂人

營業中

休息中

人越大越怕食啲好死甜嘅甜品但有時同班女仔朋友出街👯‍♀️食一餐飯又真係傾唔夠😆然後今次其中一個朋友仔就帶我地去食呢間甜品真係太遲認識呢間店喇！📍SOYmart by 豆乳狂人✅滋潤之選 - 芋泥+桃膠+西米+特調椰奶+芋圓+黑糖💰$45美美年紀開始大之後越黎越鍾意食桃膠真係好養生💃🏻✨除左好足料之外成碗豆奶真係好好味好重豆味之餘 甜得黎好自然香口唔係啲人工化學甜味仲有個打底嘅豆腐花真係好滑😋另外朋友嗰碗雖然望落好似一樣樣咁但其實係唔同野黎嘅✅三色芋圓豆花(熱)💰$32朋友仲細食食左一半剩返拎左返屋企第二日再食佢呢個碗係好厚實嘅外賣碗拎走都唔會驚漏出黎同埋環保L美美又可以重用幾次先再拎執回收♻️另一個朋友就真係食唔落所以嗌左支野飲佢呢支仲係銷量冠軍🏆✅鮮芋泥豆乳💰$32個味都係好好飲不過佢話個芋泥好難倒出黎🫠食呢碗野其實都可以當一餐正餐咁制食完飽到頂住個胃🥴

讀過魯迅的《狂人日記》，也許你對「狂人」有種既定印象，可能是那種近乎癲狂的吶喊，也許就是一種執着。像豆乳狂人一樣，將傳統豆品結合創新元素，每日親手製作豆乳，帶來全新豆乳體驗！薑汁夠薑豆花豆花是香滑，帶一種豆味的濃厚，一勺下去薑汁和黃豆的香氣，沒有甜味，卻更純粹。可按個人喜好加點糖水。牛油果鰻魚玉子粢飯好的粢飯不得不需要一條新鮮炸好香脆的油炸鬼。這裡是即叫即包的，今天試了一款創新口味，牛油果和鰻魚一向都是好朋友，再加上軟綿的玉子，幸福感level up!豆乳烏龍茶布丁珍珠布丁和珍珠都是我在手搖飲品中最愛的配料，今次用的是豆乳，烏龍茶的香，加上布丁和珍珠，令人一口都不想停下！多芒仙草最後當然要吃點甜點，這多芒是真的多芒，加上西米和仙草，滿滿一碗好味道！這位狂人，對豆乳的堅持，今天不但救贖了我的饑餓，還治癒了愛吃的靈魂！

地址－ 荃灣大河道海之戀商場2樓店舖名稱—Soy mart by 豆乳狂人環境／設施－有少量座位特色－全部都係豆乳製品人均價格－$40-60評分－8/10每一次行完海之戀商場，當你離開的時候，總會經過呢間豆乳狂人，亦俾佢製作過程吸引，因為佢嘅製作過程全玻璃，你可以好清楚望到裏面嘅情況，令衛生加倍信心，製品製法非常多元化，又食嘅，又飲嘅，連飲嘅話都係非常之多味道，標榜健康！個人推介紅豆豆乳！如果大家行過海之戀嘅商場都可以去試一試，因為豆漿含有豐富嘅維他命

食過豆乳狂人嘅朋友應該都返唔到轉頭，豆乳、甜品、甚至連佢哋嘅粢飯都係世一！今次嚟到海之戀分店買外賣，佢哋地方都好大，堂食都無問題。牛油果玉子鰻魚粢飯（$55）- 熱辣辣嘅粢飯，份量十足，夾咗鰻魚好香，就連油炸鬼都仲好脆身👍🏿。吉烈豬扒粢飯（$45）- 本身都驚吉烈豬扒會淋，但完全無問題，仲係鬆脆。入面仲有玉子，有驚喜，好好味。十勝紅豆豆乳（$32）- 有大量紅豆，整體唔算太甜，好啱口味。桃膠豆乳（$32）- 入面有滿滿嘅桃膠，真係啖啖都食到，仲要個豆乳濃郁得嚟唔算好甜，一定再嗌。堅果芋泥豆花（$38）- 豆花好滑，配上芋泥更香。加咗堅果好crunchy，增添口感。

Finally got a chance to try this famed soy milk! I now understand why I had to queue for over 10 minutes for this soy milk! I ordered the glutinous black rice flavour. The staff was so kind to remind me that they do not add any additional sweeteners into their products and she asked whether I wanted to have one. The soy milk is generally very thick and healthy which is very much worth the price. 👍🏻😋

平日下晝行過荃灣商場，見到呢間就好想飲，今次試咗燕麥豆乳（$26），夠哂大支，好傑身足料，又唔甜，撈完再飲都有啲飽肚， 最緊要係健康啲😋 下次想試埋其他item！

📍SOYmart by 豆乳狂人荃灣大河道100號海之戀商場2樓2036號舖🍼鮮芋泥豆乳 $32黎到荃灣食野，就專程過黎呢間最近好HIT🔥既SOYmart by 豆乳狂人試試😋。由於我地已經食到好飽🌝，所以就淨係揀左佢地既TOP SALE 🔝- 鮮芋泥豆乳。雖然平時去開甜品舖🍨或者台式飲品店🧋都知道芋泥同牛奶係好夾💞，但原來芋泥同豆奶都一樣咁夾💘。我地幾鐘意佢冇乜點落糖🍬🆓️，將芋泥混合豆乳非常順口，唔洗一陣就飲晒😋。雖然幾好飲，但佢既size都唔係特別大🤏。我地覺得呢個價錢💲，同其他台式飲品🧋或者甜品🍨店比較就略嫌貴左啲💸。

因為要叫熱飲♨️，所以要等❽至10分鐘。以為佢哋會好Hea咁樣叮熱佢就算，但係原來唔係！要時間浸熱佢，呢個處理好好呀 ！ 😋😋 豆香味好濃 🤣🤣正呀！ 會想成日飲呀

之前經過好多次 都見到要排隊 👭👬👫今日見到無咩人 可以即刻有位 諗都無諗就行左入去其實一心係想試下啲🍼豆乳product不過唔小心比個 多芒楊枝甘露吸引咗😅$48多芒楊枝甘露🥭🍧成個杯都塞滿哂芒果同配料既楊枝甘露🤤🤤一打開就已經有陣芒果味湧出嚟芒果超甜 😋😋頂層有大大粒既柚子肉大大粒既西米 全部都脹卜卜 吸哂啲芒果汁一啖又一啖 超快KO成兜不過有個敗北位係 就係太足料 變左好似楊枝甘露羮咁..滿足唔到食糖水既癮🤪

我只係買一枝燕麥豆漿，我比完錢，以為即刻有得拎啦，但職員又唔比枝豆漿我喎。OK fine，可能要跟返叫飛number順序攞。但係等左20分鐘，number後過我既人已經有得拎，我就覺得好奇怪，都仲未叫我number？你由雪櫃攞枝豆漿出黎，5秒都唔使啦下話？走埋去問職員，職員勁先勁西面咁攞返枝一直放喺佢地枱面既豆漿比我！咁既服務態度，以後唔再幫襯！仲要佢既豆漿其實唔係真係咁好飲囉！Overrated得好緊要！

作為一個豆乳控，已經想試依間豆乳狂人好耐🤩🤩淨係擺係雪櫃嘅特濃豆乳都好多款式：有紫米、仙草、十勝紅豆…不過好大枝每次都驚飲完唔洗食飯，今次真係特登留肚飲🤣仲有其他小食，留返下次試埋佢先!!—— 鮮芋泥豆乳 $32實物真係好大枝😨我隻手都係揸到一半😂豆乳好醇滑超濃豆味；1/3樽都係芋泥好重本，質感軟綿同豆乳好夾，一邊飲啲豆乳又可以食下芋泥多份口感—— 黑白芝麻豆乳 $32好正啊🥹🥹啲芝麻好重味好天然，唔會覺得甜，溝埋豆乳冇平時就咁飲原味咁單調✅🌟推薦指數：9/10▫️▫️▫️▫️▫️▫️▫️▫️▫️▫️▫️▫️▫️📍SOYmart by #豆乳狂人 (#荃灣)荃灣大河道100號海之戀商場2樓2036號舖分店：沙田/樂富

食完飯後 未滿足於是走左去食最愛既芋圓 🤩🤩經常排長龍 今次好好彩 可能9點幾去 唔洗點排隊 好快就有得食 每次黎都會叫 滋潤之選 (有芋泥芋圓仲有桃膠） $45 呢個價錢好抵食 兩個人share 都仲得 佢貼心設計 食唔晒仲可以擰返個蓋帶走又得😎

豆乳概念店，估唔到豆乳都可以有專門店，仲要有好多選擇，豆乳豆花奶蓋豆乳茶等等，買完可以坐低飲傾下計。我最欣賞係嘅杯同樽仔，可以洗乾淨裝水、裝南貨😂Oreo奶蓋珍珠豆乳 $48Oreo奶蓋起碼佔一半，非常厚身，奶味好濃，豆乳都有oreo碎碎，珍珠煙韌有咬口。整體非常融合，奶香>>豆味，但個罐設計得太難去飲，飲唔到啲奶蓋。特濃可可豆乳 $28質地好濃好滑，第一啖飲到好重可可味，沒錯！係可可飲品，唔係朱古力味，然後有陣豆乳後勁味。個人不推薦。7° 特濃豆乳 (無糖) $24特濃非常濃，無糖都唔會無味，有黃豆嘅甜味，而且豆香很濃，入口順滑。*黑白芝麻豆乳 $32有粒粒芝麻口感，質地濃稠。黑白芝麻味香但未算特別濃，始終都係豆乳味>>芝麻味。*薑汁夠薑豆花 (熱) $20豆花滑嫩，唔會太腍太綿，雖冇豆乳咁香，但豆香唔差。黃糖已經融晒變咗糖漿，薑汁辛辣，可接受嘅辣度。*三色芋圓豆花 (熱) $32芋圓慢慢咬會食到芋頭、番薯味，木薯粉比例多啲，偏向煙韌咬得耐嘅芋圓。個人覺得芋圓配豆花口感上唔算夾。

今日經過海之戀，見到呢間豆乳專門店！之前已經聽過朋友介紹，話好濃郁好香，有多款口味，樽身設計亦都好靚😍所以今次經過都買左枝豆乳試下😋有別一般嘅豆漿，豆乳嘅口感會再厚身啲，飲完一枝都會好有飽肚感！

豆乳狂人嘅黃豆類產品出晒名真材實料，豆味濃郁；我另外鍾意嘅就係佢地嘅桃膠，每次經過都會買返支凍嘅桃膠豆乳飲，佢地嘅十勝紅豆豆乳都一樣咁好味。今次我就試咗佢地嘅奶蓋桃膠豆乳茶，拉環設計嘅樽蓋好新鮮，不過唔係話好方便就飲到啲奶蓋。佢地嘅奶蓋鹹鹹地，有好香嘅芝士味；桃膠豆乳茶好甜好甜。我另外點咗份黑糖桃膠豆花，一打開個蓋就見到橙黃色嘅桃膠表面，可惜食落去，豆花嘅黑糖味唔重，搞到我好想倒糖漿落去🤣黑糖桃膠豆花 $32奶蓋桃膠豆乳茶 $42