Sodam Chicken (已結業)

臨近元旦，當然要去狂歡一下～在香港，蘭桂芳可算得上氣氛最為濃厚，當然過去盡慶一下，雞年即將結束，我和朋友決定這晚晚餐到附近吃個韓式烤雞大餐！「Sodam Chicken」的餐牌一如概往很多的炸雞和烤雞大餐！而且還出了幾款新的烤雞，我和朋友也一致決定要試一試！先來一個小食炸紫菜卷，紫菜外皮被炸得非常酥脆，內裹卻沒有被油滲入，內面的粉絲也很清香，蘸點著泰式辣醬吃風味不錯，可以一試。我們先點了一份新推出的蜜糖蒜香焗雞，因為要把雞徹底焗熟，所以要一點時間，可是卻會覺得一切都是值得的。焗雞的表皮焗得非常脆，可是肉汁卻彷佛一點一滴都被鎖在內邊一樣，而且不會覺得油膩，還滿佈香甜的蜜糖風味，極為好吃，可惜的是蒜香有點太淡不夠突出，沒太多為焗雞增添層次感，而最遺憾的是我們只點了半份蜜糖焗雞...只得半份焗雞當然不夠喉！為此我們決定再點一份焗雞，只因這裡的焗雞做得太過出色了，外脆內軟而且肉汁豐富，這次點了另一款—煙薰炭燒焗雞。梟首以待的焗雞，果真不負所望。咬開外皮，豐富的肉汁滴出，煙薰的氣味直攻鼻樑，香氣逼人，味道亦很濃郁，只是相比起蜜糖蒜香烤雞少了一份惹味感，但都不失為一個絕佳美味。潮流興炸雞配啤酒，吃

🐔🐔🐔韓流keep住咁hit,, 又係時候去食烤雞 見到 Sodam Chicken 咁多好評，吸引左我好想去試睇完餐牌，選擇唔算好多，非常適合有選擇困難的人。。哈～薑味手工啤食炸雞配啤酒係正ge，但飲落feel唔到薑ge存在。。。蜜糖蒜香烤雞都是用上急凍雞，就是要吃蜜糖的甜味，還有蒜香味烤得皮香脆，肉質不會乾身，十分惹味～凱撒沙律份量十足，夠3-4人吃生菜爽脆、蕃茄仔蛋汁、配芝士、煙肉減少了烤雞的熱氣感～泡菜豬骨湯烏冬很暖肚的烏冬， 烏冬彈牙，豬骨湯香濃，滿足！蜂蜜檸檬綠茶反而很想大讚這杯飲品，好飲過啤酒，真心仲加左柚子蜜，檸檬香氣怡人，甜度適中，超好飲～唯一差D就係迫迫地，環境ok但好嘈

下午來到蘭桂坊附近，第二次來這間韓式炸雞店，吃百吃不厭的炸雞，見到有季節限定的新菜式「芝士火鍋」非常吸引，可惜正正是下午茶時間吃芝士火鍋好像太heavy了，只好下次再試，所以今次選擇了另一新口味「蜜糖蒜香焗雞」，原味炸雞塗上蜜糖，有香濃蜜糖味道，另外還配有蜜糖汁，要多甜有多甜，好喜歡這甜的味道。不吃辣的朋友可能會喜歡這甜甜的口味。另外點了熱帶風情薄餅，樣子普通但意想不到的好味，餅皮香口，芝士味濃。

係蘭桂坊對上嘅呢間Sodum Chicken，主打新派韓式創意料理，仲有好多主打芝士嘅菜式，我呢啲芝士迷就啱晒！先嚟兩杯雞尾酒，西柚啤酒($75)同青蘋果燒酒($78)。果味係重過酒味嘅，飲得呢啲都係過吓癮咁嘅啫！太陽芝士炸雞($198)賣相就好吸引，無骨炸雞底下都仲有層芝士俾你點，芝士同炸雞嘅流口水配搭！凱撒沙律($80)有啲煙肉都芝士碎加咗分，車厘茄同菜都算新鮮，簡單嘢啦！曼克頓義餅($138)辣肉腸雖然係重點，但個水牛芝士都香味都得到好充分發揮，皮夠薄，不錯！

開喺中環嘅炸雞店，啱啱喺斜路嘅一個角位，呢個位置會略略遠離酒吧區，所以唔會好嘈，一個小小嘅寧靜角落。食物就貫徹左韓國的一貫作風，都係大大碟，叫左一碟細嘅烤雞，已經有大概半隻雞嘅份量。呢個係蜜糖脆脆味道，烤雞嘅面會有脆片，又有蜜糖。食落去雞肉好淋，而且比炸的好，油脂不多，味道仲好好。好耐都冇食過的芝士火鍋，如果人唔多叫一個只配面包嘅餐都夠。面包係類似法包的包，外層脆實，入面鬆軟。芝士味道唔算好濃，亦幸好不太濃，質地似稀身嘅乳酪。沾下去完全足夠沾上面包面，中意嘅可以多轉幾下，等個包成個都充滿著啖啖嘅芝士。漏左講個頭盤，選左蕃茄沙津，哈。係新鮮嘅大蕃茄，厚肉，多汁，簡簡單單嘅加上醋汁，開胃又健康。鋪嘅位置唔算好大，但係會有兩層，但係如果要一大班嚟食，就建議先訂位，大枱都係得一至兩張。

韓風炸雞停不了，識我的朋友都知道我最喜愛的炸雞一定是Sodam Chicken。中環蘭桂坊站開了一段日子，都未嚐一試。韓式涼拌水冷麵，未食炸雞前，先食啲冰涼的東西。冷麵彈牙，配上味道適中的涼拌醬和配菜，是的……“我就是喜歡”！！蜜糖芥末香蔥炸雞，沒有原因，只有證據，由第一次幫襯到宜家，每一次都必食的炸雞，就是喜愛蜜糖的甜中帶有微微的芥末刺激，再配上我愛的香蔥，真的“愛是很簡單”。煙薰炭燒焗雞，今早終於給我打到了另一新歡。我真的佔不到焗雞的雞肉還可以保持得那麼嫩滑，而且煙燻的香味，雞皮的香中帶微脆，大家有機會，請一試。提子特飲，大大杯，一口炸雞，一啖飲品，就是我的享受。

最近又再煲韓劇，想起有段時間沒有食韓食，所以收工後即相約好友chill一chill。餐廳樓高兩層，座位數目不算多，環境不錯。炸紫菜卷串紫菜裡包裹的是韓式粉絲，表面炸得香脆可口，味道偏淡，所以要蘸跟配的甜辣醬才可口。韓式涼拌水冷麵水冷麵的精髓就是麵要夠冷，夠煙韌！這裡就做到了水準。整個麵的配料十分簡單，有泡菜、蔥、蛋、青瓜絲、紅蘿蔔絲及芝麻，湯底有少少酸辣，所有元素加起上來就已經好好味！泡菜豬骨湯烏冬由於太肚餓的緣故，再點了一個麵食。烏冬扁而幼身，掛湯能力一般，質感嫩滑，頗彈牙。用上豬骨湯底，配合泡菜的辛辣，很惹味。蜜糖蒜香焗雞感覺上焗雞比炸雞無咁熱氣，所以選了蜜糖蒜香焗雞。焗雞水準令人難忘，首先雞皮薄而酥脆，底下沒有一層厚厚的黃油，吃完都不會感到油膩。其次就是雞肉很嫰滑，有肉汁，雞種選得好！最後就是醬汁方面，微甜的蜜糖汁滲着陣陣蒜香，很滋味！

今晚又去Sodam Chicken 食炸雞，上次同朋友食過，話好好味，今日又心思思話要再食，而今日心情又悶悶地，一於去食炸雞開心下。朋友最鍾意芝士，所以叫咗大人氣嘅太陽芝士炸雞， 炸雞個皮炸到好脆，脆漿好薄，D肉又好juicy，唔會好乾，點埋用農夫包載滿水牛芝士，車打芝士，仲有秘製嘅芝士醬汁，雖然極度邪惡，但真係好好食，越食越滋味。我叫咗蜜糖蒜香焗雞，鍾意佢個皮焗得好脆，又唔會油淋淋，入口甜甜地又有滋潤嘅蜜糖，仲有蒜香味，越食越開胃。食炸雞一定要叫啤酒，朋友叫咗蜜桃啤酒，加咗蜜桃味嘅啤酒，夠晒香甜，好啱女士飲。我就叫咗Apple Cider Rita，鍾意佢甜甜地，酒精又唔高，好啱飲。同朋友一路食炸雞，一路飲啤酒，唔覺唔覺兩大份炸雞比我地食清光，食完真係勁滿足。

好耐冇嚟過蘭桂坊, 今次同兩位朋友小聚， 就大家返工地點就選擇咗蘭桂坊。 由於其中一位朋友酒精敏感， 所以我哋就揀咗呢一間餐廳，主要食嘢。 其實之前喺銅鑼灣店都已經試過覺得好好食。餐廳有兩層，上層比較舒適，可以睇到外面嘅景色， 又比較靜。今日天氣好凍，我地叫既都係熱食, 仲叫左薑檸蜜暖暖胃蜜糖芥末炸雞我自己就最鍾意食呢個，炸粉唔多唔少，肉又夠嫩，外脆內滑，又唔會有肥膏位，呢個蜜糖芥末好夾，一D都唔似KFC果D奇怪新口味，真係食完一隻又一隻蜜糖蒜香焗雞叫呢個係因為仲好想食雞，但又唔想太熱氣。蜜糖同蒜香係一個唔錯既配撘，不過都係鐘情熱氣嘢多D泡菜豬骨湯烏冬好鍾意食呢一個鳥冬，好彈呀，食好耐都唔冧，泡菜湯底好開胃熱帶風情薄餅呢個叫左個薄批，怕太飽，有超多料，芝士多到可以拉絲，熱辣辣好好味三個人食，呢個份量岩岩好，唔錯，偈計又舒服。下次想試下呢個CIDER

《Sodam Chicken》 #Central #LKF🔹甜酸炸雞 $148🔹原味炸薯條 $55🔹Asahi生啤 $75🔹柚子味燒酒 $88-之前已經係銅鑼灣食過 印象中炸雞係幾出色嘅👍🏻 中環開左分店位置較方便咁岩當日係平安夜 有限時同最低消費-咁講返野食先 炸雞係真係好味嘅 （可選有骨或無骨）甜酸炸雞係原味炸雞上加d醬 我覺得好過平時食嘅甜辣炸雞 因為有原味炸雞嘅脆皮 又有d酸酸甜甜嘅味中和下 感覺上無咁熱氣🔸小建議 $148黎講份量比較小 同埋最好有得Mix兩種味嘅炸雞 因為一般我都會叫「半半」滿足兩種願望。-薯條唔錯嘅 我係鐘意呢款粗薯🍟-可能因為係LKF嘅關係 酒款係比較多小小 而燒酒有我鐘意嘅柚子味真係加返分先-▫️由於坐位唔係咁多 今次就坐左係bar枱位置 說實話 望到成個沖野飲過程係有d扣分 雖然我飲支裝酒唔影響到我🤷🏻‍♀️-ByT:7/10 instagram: 90sfoodieshare #食在中環

之前已經來過一次，知道它冬天有個芝士火鍋，所以約了契女，帶她吃芝士火鍋。上次吃炸雞，今晚要了煙薫炭燒烤雞大份($190)，特級芝士火鍋($278)，柚子梳打($38)，Apple Cider Rita($78)。煙薫炭燒烤雞大份，有十幾件雞，雞皮表面烤得好香脆，有濃郁的煙薰味，而雞肉保持嫩滑，一點都不會有肥膩感覺。特級芝士火鍋，有四種芝士：藍紋、金畢文、巴馬臣、韓國水牛，溶合而成的芝士火鍋，單單是芝士已經好香好濃。而火鍋配料有：芝士年糕、紫薯年糕、豬仔骨、薯條、腸仔、車厘茄和農夫包。將配料點落芝士，再放入口時，感覺到芝士的香濃，而不失材料的味道，結果我們未吃完配料，已經沒有了芝士，不過可以免費追加一個芝士鍋㡳，最後當然亦被吃光啦。由於餐廳沒有提供清水，我們選擇了Apple Cider Rita和柚子梳打，它們都是帶點酸味，用來吃烤雞和芝士火鍋，是最好的配搭，而Apple Cider真的大杯，我和太太分享一杯已經足夠了。我們是第一次吃芝士火鍋，估不到這樣好味，真的是一試難忘，怪不得這麼受歡迎，下次有機會再吃。唯一美中不足，就是要問侍應才有芝士火鍋的餐牌，好彩我做足功課先來。

今次第2次嚟食 淨係嗌咗個太陽芝士炸雞 2個人食 已經食到好飽 仲要食5晒😂d芝士同忌廉好快飽肚 但好好食 好香 拉岀嚟仲好多絲🤤🧀d炸雞都還可以 佢地會俾你揀要有骨定冇骨 但d炸雞嘅size好似比起上一次食細 建議如果想食個太陽芝士炸雞 除非好大食 如果5係 2個人食 最好食完個炸雞先諗洗5洗再叫野食 因為真係幾”濟”下

這天跟友人來到蘭桂坊找東西吃，看到路邊一間裝潢雅緻的餐廳，說是炸雞很不錯，心血來潮便入內了。店員很快便領著我們上二樓，內裡的裝潢滿是質感，感覺簡潔時尚。第一時間當然是看餐牌了，木質外觀的餐牌讓人對這裡加分，內頁色彩繽紛而且有圖片介紹，讓人看得食指大動。光看餐牌的圖片便夠讓人難選了，每幅圖中的食物都好像很不錯⋯⋯現在還有芝士火鍋⋯⋯感覺這頓晚餐該選什麼真的挺困難，每種也好像很好吃耶。好吧，最後總算選好了，也感謝店員等我們挑了這麼久才點餐呢。首先，凱撒沙律。新鮮生菜搭配了小蕃茄跟肉絲，灑上芝士，份量很足，整整一大碟，附上了沙律醬，讓客人自行因應喜好來澆上。我們是全都澆光了，拌好後便開吃了。沙律醬特有的味道溢滿口腔，生菜脆生生的，時而夾雜了些芝士味兒，很能挑起食欲。芝士薯條拼麵包粒，配有蛋黃醬。這個還真不錯，整道菜也滿是芝士粉，喜歡芝士的人大愛喔，而且吃多了也不覺膩。麵包粒帶甜，薯條厚身，炸得香脆，不自覺地便多吃了。四式芝士薄餅，作為主食是很飽肚喔。送來一看便知很大塊，餅底帶脆，批邊脆皮，餡料是軟嫩熱燙的四重芝士，濃郁的芝味，卻又不讓人覺膩。然後便是整頓晚餐最期待的 太陽炸雞了。可選有骨或無

今日與好友在中環Salon逗留幾小時後很餓，便到就近的 Sodam Chicken 食盡我們至愛的芝士火鍋及韓式美食填肚~經典芝士火鍋配農夫包粒，農夫包粒香脆，再蘸上由藍紋芝士/金畢文芝士/巴馬臣芝士/ 韓國直送的水牛芝士混合的醬汁，四重芝味，芝香味濃，暖胃飽肚，最啱冬日與好友品嘗~首爾風味焗雞，焗雞感覺比炸雞健康少油，雞皮薄而香脆，雞肉嫩滑多汁，配以特製芝士蒜香醬，令味道更添獨特濃香的芝士味，風味十足，香口惹味!韓式涼拌水冷麵，冷麵柔韌掛汁，盡收湯底濃厚的韓式泡菜酸辣味、青蔥及芝麻的香味，配菜烚蛋/青瓜絲/蘿蔔絲浸泡在湯底中，更酸香醒胃，滋味十足~ 兩人share仍很大碗，味美滿足~Seoul Sweet，甜而不膩的青蘋果汁，充滿酸香清甜的青蘋果味，與佈滿砂糖的軟糖串味道合襯，甜美清新~Passionate Love，富天然的提子香，酸甜醒胃，解膩一流!正餐以至飲品無可挑剔，尤其冬日限定的 芝士煱，芝香撲鼻，暖意窩心，令人回味~飲品又大杯又味美解渴，值得再來!

雖然是韓色食店，但座落於蘭桂坊，也不失蘭桂芳的酒吧特色。室內環境佈置優雅，充滿時尚感，令人可以放鬆心情，好好享用美酒佳餚。我們到訪之時，不少三伍知己邊摸酒杯底，邊吃焗雞，愜意非常。其實這次，我和絲打二人，是慕名而來的。為的就是這個$278的特級芝士火鍋。先說說火鍋底，相比起西式芝士火鍋，這個更適合香港人的口味。這個芝士火鍋用上了韓式芝士，比較稀，味道比較清新，易入口。正正因為芝士底較稀，可以不斷吃，不覺膩。加上烘得非常香脆的，美味非常，我們吃完一件又一件，欲罷不能。芝士鍋底可以免費添加一次。除了香脆麵包，其他火鍋配料，還包括薯條、香腸、蕃茄、美國豬仔骨及年糕，非常豐富。菊花蜜特飲$58不得不提這個菊花蜜特飲，賣相相當吸引。味道則像有紙包菊花茶，加氣成為汽水，保留了經典味道之餘，滿有新意。蜜糖蒜香焗雞$140我們還點了蜜糖蒜香焗雞，雞皮香脆，焗雞乾身，不會油淋淋。至於肉質，入味鮮嫩，而甜絲絲的蜜糖，配添層次。我和絲打相當滿意。離開餐廳，竟然讓我們碰上了蘭桂坊的特別樂隊巡遊表演，非常熱鬧。為我們這一夜劃上完美的句號。