Sodam Chicken (已結業)

返工前同朋友聚一聚，記得之前去蘭桂坊有間食雞都唔錯。直接去食返餐正雞！呢道仲有酒吧、酒檯，咁緊係有酒供應啦！不過睇個餐牌似cafe 多過食雞😂我哋係食雞之前緊係食返個沙律先啦！新鮮、新鮮，加曬凱撒沙律醬，好開胃咖❤️主角黎啦！蜜糖焗雞啊！焗到好香脆，完全無油，但係仲保持到雞肉既爆汁感！每咬一啖都忍唔住加返啲蜜糖。本身諗住會好野痰，但係一啲都無，仲追食添啊！最後叫左個石鍋泡菜烏冬，湯底有泡菜而黎既香辣感。烏冬好彈牙！我哋連湯都飲埋😂

黎到蘭桂坊 除左飲野 其實都可以係黎食好料架!因為愈黎愈多新餐廳係呢一帶插旗.. 鐘意蒲老蘭既朋友食野多左好多選擇!Sodam Chicken - 佢剛係銅鑼灣開張無耐已經去幫襯過佢既招牌太陽炸雞!!個陣食真係覺得無論視覺上定味覺上都好震撼今次知道佢係中環新開左分店.. 加上屋企人受到星星熱潮影響..對韓式炸雞突然好有興趣所以就決定帶晒一家人黎品嚐韓!式!炸!雞!!🐔中環店比銅鑼灣店細好多.. 而且分左2層..地下個層應該只坐到大約10個人2樓相對起黎比較多座位.. 但係地方都係比較細枱與枱之間既距離幾接近坐得比較迫.. 坐滿晒二十幾個位既話應該會幾辛苦幾鐘意由2樓望出去既景色..~ 呢邊唔係太多人行過黎所以望出去有幾悠閒同寧靜既感覺原來除左炸雞 佢都加入左一d焗雞既款式~ 共6款口味怕炸雞太熱氣就岩叫喇~~~另外見到佢都加多左一d飽肚食物甜酸炸雞$148首先唔好低估佢既份量.. 原來都有成7大件炸雞架..落單時員工會問你想要無骨定有骨我地都覺得有骨雞肉相對會無咁鞋身 所以揀有骨~首先食得到炸粉好薄 無多餘既油份..外皮係緊緊將雞肉包住左完全唔會有皮肉分離既現象炸雞本身亦都唔會過咸而甜

今日同朋友去蘭桂坊happy hour 完後就直接係呢頭附近食埋野。原來韓式炸雞店hit 左咁耐，但我個朋友竟然從來未試過，佢話淨係食過KFC d 炸雞 🤨 所以就拉左佢入去，再繼續飲過 😂我地叫左蜜糖蒜香炸雞，甜甜地好脆，最緊要唔會食到成口油，雖然好多件，但我地兩個三兩下手勢就食哂，我地差d仲想encore 😂😂另外叫左豆腐窩，辣辣地幾開胃，豆腐就好滑身呢碟韓式生菜沙律好特別，出面食生菜沙律就食得多，但用泡菜醬黎整沙律我真係第一次食，d菜都好新鮮爽脆，好match 炸雞冷面雖然無用冰上，但都keep 到溫度，d面好彈牙，甜甜酸酸咁 👍🏼👍🏼

😋邪惡😈三重芝士🧀麵包雞🍗嚴重好味😍✅太陽芝士炸雞 Cheese bread fried chicken (mozzarella, cheddar & cream cheese sauce) $198 : 無骨炸雞外皮香脆，內裡嫩滑多汁🤤配芝士係非一般好味！麵包焗到好鬆脆，簡直係夢幻組合🌈 呢個份量可以四人份👍🏻✅炸紫菜卷 Fried seaweed rolls $60 : 口感幾特別！配酸甜醬好開胃！👌🏻韓式涼拌水冷麵 Cold buckwheat noodles $90 : 吃咁heavy既炸雞就梗係要叫碗清新啲既冷麵！麵質超彈牙，配料就比較少。👌🏻 Kiss me honey 菊花密特飲 $58 : 炸雞店既飲品選擇係少啲既，連清水都要$38😂 呢杯mocktail都幾正路而且好大杯，夠四個人飲🍹👳🏻‍♀️服務方面，職員態度還可以。但最後將冷氣調到勁大，好似想迫我地快啲走....

呢排一直都想食芝士火鍋，但係除左pizza hut之外，都諗唔到有咩其他既選擇。直到早兩日見到傳單，就係蘭桂坊，見近近地就去左試下因爲得我同另一個frd食，所以淨係嗌左個芝士火鍋同杯野飲。特級芝士火鍋既配料一眼睇哂，唔多唔少，兩個人食岩岩好。另外有得免費加添一次芝士，係拎新一個鍋比你，呢點幾好。不過放上客人枱時，要等10分鐘左右，d芝士先熱不過芝士就唔係個種拉起有一絲絲個種芝士，比較似芝士醬。而配料之中，年糕味道最特別，骨味道不差，但就得3塊。呢餐盛惠$34x，唔太貴，不過男友人食完覺得唔飽但膩，好唔抵😂

以酒吧型式的韓國炸雞店位於中環蘭桂坊，客路當然是中環上班一族又或外國人為主。地方雖然不算大，總算坐得舒適。菊花蜜特飲賣相扼like一流，大大朵太陽花作裝飾。味道甜而不膩，帶點淸香菊花香氣。生菜沙律看似平平無奇，其實用了泡菜汁作醬料，生菜爽脆清甜兼有微辣，開胃的頭盤。四式芝士薄餅餅底好薄身酥脆，四種芝士混合一起確係芝味濃郁，但略欠拉絲效果，觀感上少了樂趣。煙燻炭燒焗雞潮流興焗不炸了，為的是健康問題。焗的方法比較好，至少小了一份油膩感。雞件入口己嗅到煙燻味道，好香。肉質有點乾身，肉汁少。辣豆腐湯沒想像中辣，恰到好處。惹味開胃。材料豐富，每啖充滿口感。

響雲咸街斜路，有一間餐廳外觀好有風格，黑色好modern，吸引左我！有兩層，上層可坐bar檯位望街境，睇d車來來去去，叫碟炸雞+西柚啤酒響度坐，爽爽！ 一定要講呢個冬季限定韓式芝士火鍋，十個讚！！！ 芝士味好濃，濃得黎又唔膩，加上火鍋滾著，超濃芝士香！睇menu係4款芝士煮成，藍紋、 金畢文、巴馬臣芝士，仲有韓國直送水牛芝士，再配埋農夫包粒，咬落脆脆，每粒包住暖暖芝士，冬天食一流如果夏天有出，我都要再食！芝士槳都想打包返屋企慢慢嘆！韓式必點炸雞，叫左蜜糖芥末香蔥，仲有甜酸味！皮唔算厚，脆脆的，肉好嫩，可以一撕撕肉咬到！煙肉味道到位，年糕夠煙靱！蘋果特飲最特色係有童年回憶糖果串，都幾大杯，鐘意飲甜的，可自己一杯！

約了朋友食飯~~佢地都係中環返工，就睇下中環有咩好食✨朋友想食韓食，就搵到呢間食🐔架喇。店舖整個行 Loft 工業風~唔係好大，不過分左兩層。上層有埋 bar 台~主打當然係韓式炸雞／焗雞啦~一樣有主食 e. g. 水冷麵， 泡菜烏冬，Pizza~~仲有芝士火鍋！我地見到餐牌咁吸引，第一樣揀既就係 太陽炸雞 ♥♥$198雞可以揀 有骨／無骨~~炸雞炸得好乾身，唔會油淋淋，好脆。芝士用農夫包裝住，沾醬既時時候，仲會見到拉絲。雞沾唔哂，仲可以用麵包點，一 d 都唔會浪費~~Cheese Lover 必點！！一款叫炸雞，另一款就試試焗雞。佢都有好多款，我地揀左煙燻炭燒雞 $135。焗雞感覺健康啲，一樣好乾身，亦都好脆，分別在於無左啲炸漿。有好香嘅煙燻味，雞肉亦唔會話好鞋~啱啱好丫小食要咗炸紫菜捲串 $60好好味，佢入面係韓式米粉， 外脆內軟 👍👍 加埋個辣醬，我自己一個都可以食曬成碟！除咗雞，我哋都帶叫咗個韓風燒豬仔骨試下 $140標準 size 有4件，我地一人一件剛剛好！出奇地，我覺得呢個係最好食😂😂除左個醬汁味道做得好，每一啖有醬汁包住，但好明顯係慢慢燒到參味，唔係就咁放堆醬上去就算

好友從外地回港，想逛逛中環和蘭桂坊，遂盡地主之誼帶她在中環走一圈，最後黃昏去到蘭桂坊，讓她感受一下這裏的氣氛 。走上斜路的盡頭，被炸雞的香味吸引，原來有一所韓國餐廳在這裏， 興之所至，吃吃炸雞又何妨 ！店子分樓上和樓下兩層，樓上地方較大，但都是得十來個座位，這晚頗多韓國人和本地人， 我們很不容易才有位，還要坐在吧頭， 我們也欣然接受。這裏有多款口味炸雞，有辣有唔辣 ，選了蜜糖蒜香焗雞， 標準的有七件， 又點了煙肉炸年糕和凱撒沙律及 pizza， 吃炸雞要配啤酒才夠盡興，我點了特色的青蘋果啤酒， 好友滴酒不沾，點了很別緻的提子特飲 有一串軟糖架在杯邊， 很是有趣。 煙肉炸年糕， 一碟有兩串，點了不辣的，煙肉捲著韓式年糕條炸，上面放了些醬汁 ，煙肉香脆惹味， 恰巧補上煙韌、燙熱及味道較淡的年糕的不足， 在低於十度的氣溫下，來一口燙熱，來一口煙韌，實在過癮！ 凱撒沙律，爽脆的羅馬生菜，清麗可人，拌了特製醬汁，煙肉碎和芝士，吃得清涼與快，像為口腔噴了清新劑。蜜糖蒜香焗雞， 以鐵鍋子上， 外皮焗得香脆， 沒有半點脂肪，上面澆了蜜糖和粟米片，雞件是連骨的，份外滋味，更備有即棄手套給你拿著吃， 熱烘

認真，全港TOP韓式炸雞/焗雞堅係非SODAM莫屬！話咁快第三次幫襯，今次試試蘭桂坊新分店💃🏻 點左NEW：蜜糖蒜香焗雞 ($140標準/$198大份)🍯 焗相對健康（但個人覺得即使熱氣 炸雞是無可取代😭）焗都一樣做到外脆內嫩，咬開肉汁係口腔爆發💦 單靠幾塊蒜片冇咩料到，如果蒜香味重啲更好，而且感覺蜜糖偏多有點兒過甜～另外仲點左一份正常size既煙燻焗雞，即刻對比份量小好多🙈🙈最後 當然唔少得每次必叫的蜜糖芥末炸雞！！炸雞同焗雞一齊食即刻感受到個分別，而且其實SODAM既炸雞唔似其它咁油膩，不過今次芥末味冇咁重⋯ 蜜糖又係過甜yayyy同埋我最愛既紫菜粉絲卷，炸漿唔算厚，好正！

表姐過左來香港玩幾日，去左中環購物，行完街肚仔肚餓緊系要吃晚飯啦！知道系中環蘭桂坊果邊有間韓國菜又有芝士火鍋，難得有芝士火鍋緊系食芝士火鍋啦！點左個芝士火鍋套餐：流心芝士年糕，紫薯年糕，豬仔骨，黃金炸薯條，腸仔、養夫包粒。芝士火鍋浸麵包粒外脆內嫩，芝士好濃郁好好味，紫薯年糕內里包住紫薯年糕煙煙韌韌超正，黃金炸薯條炸到金黃色好香薯仔味，豬仔骨肉質好入味又夠淋又香浸上芝士更加美味可口。蜜糖蒜香焗雞，遞上來香噴噴外層層皮好鬆脆內里肉質嫩滑又有肉汁，外層塊塊雞都沾上蜜糖。熱帶風情薄餅外面邊脆卜卜里面好軟熟，又有好香的芝士味道，非常美味可口。

上網見到呢間係facebook宣傳得咁犀利！！點都要黎試一試，叫左一個太陽芝士炸雞，煙肉年糕串。炸雞炸得好脆，食落雞肉仲係好嫩好juicy，不過最好叫無骨既，因為可以多d肉食，芝士味都好香好濃，份量又夠多，食到最後個包索哂芝士，都幾好食。

今個月有兩位朋友生日，我們要慶祝一番先得，有位朋友仔好喜歡食芝士炸雞，所以我們要推介這間韓式餐廳包粒沾上熱騰騰芝士醬超滋味，好好食啊<流心芝士年糕和紫薯年糕>都相當有咬口，混入芝士醬，配合天衣無縫，好吃<美國豬仔骨>烤得好香好多肉，平時在外面食豬仔骨系得少少肉，但今次這豬仔骨好多肉好吃<脆皮腸仔>咬一口，脆皮內軟<車厘茄>好爽甜多汁<薯條>炸得好香脆，食得出薯仔好新鮮芝士煱必叫，勁好食炸雞的雞肉仍然好滑，炸得不干，非常適合配上芝士醬，這個芝士醬內裹有好細細粒芝士，外面燒烤過，內裡軟綿綿的芝士紫菜炸得好惹味，沾上甜酸醬，好開胃天氣冷冰冰，食碗冷麵更透心涼麵條好彈牙爽口，湯底味道都非常好👍食炸雞自然要叫一些清涼的飲品

最近同事介紹附近一間美味的韓式餐廳，於是我們一行4人中午就走過去試試這家位處雲咸街的Sodam Chicken。 同事比較想試芝士火鍋，分大和小的經典芝士火鍋， 小的芝士火鍋$128，只配農夫包，我們人多當然選擇大的芝士火鍋套餐... 這個大的芝士火鍋包括很多款不同的食物，份量十足... 農夫包粒︰包粒脆脆，配合濃郁的芝士一流。 美國豬仔骨︰帶小小辣而且很入味，肉質夠軟有口感，辣的程度適中，即使不能吃辣的人也絕對可以試吃。 黃金炸薯條︰粗粗的薯條外面酥脆裡面軟，就連不點醬料吃都特別香，外面加上暖暖芝士令人吃不停口。車厘茄︰能很好的中和肉的油膩感，吃下來不會覺得很膩。 韓式流心芝士年糕、紫薯年糕︰非常煙韌彈牙, 加上芝士好味道。 司華力腸︰腸肉又脆又嫩，經炸的司華力腸和芝士很夾。 這裡的服務很好，可以免費補給芝士湯一次，否則我們未把食物食完就吃光所有芝士... 另外，餐牌上的各款炸雞也很吸引，我們就選了傳統的韓式炸雞試試...雞肉帶點甜味和微辣，皮炸得夠脆而且肉質嫩滑，配合微酸的汁來吃很惹味。 份量既多又好吃，同事覺得配可樂或啤酒吃一流。 最後我們或加了一個烏冬，烏冬很彈牙，湯

Sodam Chicken，大家可能就會想起韓式炸雞，但今次來用餐就發現他們新推出了芝士火鍋！其實我自己是喜愛吃芝士，但芝士火鍋我是敬而遠之；因為吃芝士就應該吃它的奶香，不同芝士有其不同的特色，而芝士火鍋正正破壞了這種風味，而且中伏次數很多，幾乎每次都會中伏一次。人類戀是要犯著重複的錯誤，有新東西吃，當然要點啦！首先來到的是凱撒沙律，在吃油膩的東西前我習慣都會先吃一些沙律或是蔬菜，因為如果直接就吃下炸雞這些食物的話，一來會很容易吃得太多，二來吃畢以後我的玻璃胃會有點受不了，變相當晚就很不舒服。作為開胃菜的凱撒沙律，凱撒醬本身就是很適合，而且這裡用我沙律菜我很是喜歡；吃進去爽脆，非常新鮮，沙律菜量很多，還有車厘茄、芝士、煙肉條作為配搭。說時遲那時快，芝士火鍋就送到我們面前啦！這個特級芝士火鍋看起來很像很貴，可是非常超值。除了芝士火鍋本身以外，跟上的配料還有手工流士芝士年糕及紫薯年糕、美國豬仔骨、炸薯條、腸仔、車厘茄及農夫包粒。個人推介叫這個比只叫芝士火鍋更超值。前陣子在歐洲也有看到豬仔骨，但去過的朋友也知道歐洲的物價真的不是說笑，在歐洲一直想吃的豬仔骨，回到香港就當然要一吃為快。兩個人吃