Sodam Chicken (已結業)

每年一到農曆春節，連續吃幾天傳統年菜難免悶到發慌，不如選擇一餐換個口味，初三我和家人一行四人來到中環的Sodam Chicken一嚐邪惡的韓式炸雞。樓高兩層，面積不大，像酒吧的格局，人多時會坐得有點擠。Sodam Chicken於短短七年間，在韓國已開設70多間連鎖炸雞店。餐牌主要以炸雞及焗雞為主，不過除此之外，也有其他小食供應。原味炸薯條 $55雖然是炸物，不過還好不算太多油，吃完也不覺得特別滯膩。厚切薯條連着薯皮炸得鬆脆，肉心軟綿細密得似薯蓉，調味不重，呈現豐滿薯仔的原汁原味。瑪麗嘉塔皇后薄餅 $120這款長青不敗的經典口味Margherita材料非常簡單，pizza餅底不像美式般厚實，入口香脆，不會吃得飽飽滯滯。舖滿厚厚的芝士，可以造出拉絲效果，芝香濃郁，內裡是醒胃的蕃茄醬汁，又是一道惹味的邪惡美食。首爾風味焗雞 (標準) $128焗雞和平時的炸雞同樣香脆，但就相對少油分，減低罪疚感，吃完亦不會覺得過份油膩。沾上酸甜醬汁，別有一番風味，令人齒頰留香。雞肉的肉質嫩滑，烤焗期間把油份迫出，變得肉汁豐富，不會烤得過乾，外脆內嫩，原味款式不加太多調味，最能表達食材的原始味道。蜜糖蒜香焗雞

這天的節目非常豐富，先逛過維園年宵市場，再到中環海旁的大型機動遊戲嘉年華，晚上我們再到蘭桂芳吃炸雞！Sodam Chicken 不是位於蘭桂芳的核心，少了份喧鬧，多了份熱鬧中的寧靜。餐廳樓高兩層，我們抵達餐廳的時間有點晚，上層都坐滿了，被安排坐於樓下。選此餐廳是由於朋友很想念這裡的芝士火鍋和炸雞，所以我們也不用花太多時間看菜單，二話不說便點了他至愛，另外我也選了我喜歡的水冷麵。炸雞的款式選擇非常多！大約有十款，花了我們一點時間選，因為很多味道我也喜愛！最後選定了蜜糖芥末香蔥炸雞。一碟大約有八大件，可選有骨或無骨，我當然選無骨的！非常方便進食！炸雞的味道甜中帶少許辣，很惹味！而且外皮非常香脆！雞肉不太油膩，也算香滑。如果醬汁多一點便更完美！芝士火鍋有兩款選擇，我們選了特級芝士火鍋，食物比較豐富，而且較抵食！特級版包括：手工流心芝士年糕、紫薯年糕、美國豬仔骨、黃金炸薯條、腸仔、車厘茄、農夫包粒。而每個特級版可以免費添加芝士一次！整個配料我最喜歡的是農夫包粒和手工流心芝士年糕。單吃農夫包粒已可感受到那份香脆感，放在火鍋中，包粒完美地吸收了芝士，讓味蕾好好感受著芝士的濃郁感。芝士年糕也不錯！煙

好開心，有朋友係外國返黎香港放假，所以專登叫埋大家約出黎食飯，趁難得機會聚一聚。因為之前有講過想食韓式炸雞，所以諗都無諗就即刻打電話黎Book呢間Sodam Chicken，除左本身地點近朋友酒店之外，食完之後落樓下就可以直刻搵間酒吧繼續飲下野傾下計，再加上之前已經食過幾次，覺得質素都可以保持水準，咁就一於食呢間啦。沙律：每次都一定會叫一份沙律大家share，份量同之前一樣都係超級多，菜夠清新爽甜，無變黑或霉，最緊要已經晾乾水，唔會一路食一路滴水，用黎配炸雞食可以令味道更fresh。芝士火鍋：我地叫左一份升級版芝士火鍋，香脆的麵包麵當然係必需品，沾芝士一流，最正係仲有一條條的年糕及紫薯年糕，入口甜甜地，加埋芝士又甜又鹹，意外地係好好味的配搭。個人覺得用車厘茄沾芝士都好新奇，入口先感覺到熱熱地，一咬落去就有爆汁蕃茄，忍唔住食左好多。而豬肋係最最最最好味的部份，煮得又軟又入味，食落會覺得有少少辣，本身已經可以獨立成一個菜，依家加埋芝士汁，原來味道層次會更豐富架！炸雞：推介朋友食呢度的炸雞，係因為炸雞入口唔會覺得油淋淋，外皮乾脆、肉質嫩滑，咬落時雞肉仲有肉汁，絕對唔會炸到乾柴咁樣，就算一個人

講起sodam chicken可能大家淨係會諗起炸雞，但係佢係今個冬天出咗個冬季限定韓式芝士火鍋，我就覺得價錢好親民淨係需要＄278，一般芝士火鍋都好貴！今個星期我就同朋友去咗中環嗰間試啦！我哋當然叫咗呢個特級芝士火鍋啦，咁因為唔想太熱氣咁所以我哋就叫咗個蜜糖蒜香焗雞，飲品方面梗係叫佢個apple cider rita啦！首先就講下個芝士火鍋啦，其實佢未黎我已經聞到一陣好濃嘅芝士味，唔係啲好低級嘅芝士囉！原來有四款芝士組成，有埋韓國直送水牛芝士架！唔怪得知咁香啦～咁講下個配料啦！都有好多野架，有手工流心芝士年糕，紫薯年糕，ribs，薯條，腸仔，車厘茄，可以唔少得農夫包粒啦！值得一提嘅係個芝士火鍋仲可以免費加添一次添，好抵呀！咁個蜜糖蒜香焗雞我都好鍾意，由於佢唔太熱氣同埋佢雞肉好嫩滑，唔會好鞋咁樣，我哋就叫咗個標準嘅＄140份量都好多㗎～Apple cider rita ＄78，依然係大杯度飲極都飲唔完XD 總括來講，同朋友兩個人去食，叫咗個芝士火鍋同埋焗雞仲有飲品就已經好飽呢個價錢真係好抵～

同偽泡菜人朋友食飯, 定必想起食佢家鄉菜 - 韓國菜式同佢食炸雞嘅次數粗略估計都不少於5次....今次都一樣唔例外我平時最鍾意食甜酸炸雞, 但今次見到有新配搭 [檸檬柚子炸雞] - $148/7件 ~ 柚子同樣是我杯茶....炸雞外層淋上柚子醬, 檸檬汁....酸酸甜甜最正係雞件炸到香脆又乾身, 即使外層沾滿醬汁, 亦無影響脆脆外樣[水果啤酒] - $75, 麥芽味唔會太強, 且帶有水果的微微香甜味道, 幾適合女仔飲之後再來一個 [經典芝士火鍋配農夫包粒] - $138芝士火鍋融合了4款芝士 - 藍紋芝士、Camembert  Cheese、 Parmesan Cheese, 仲有韓國直送的水牛芝士4款芝士混埋一齊, 味道真係難超~香~濃~呀!用農夫包粒蘸就可以吸晒啲芝士喇![煙肉年糕串] - $55/2串每次食韓國菜都會好想食炒年糕, 不過食左炸雞 + 芝士火鍋之後仲邊有胃口鯨吞見到呢個煙肉年糕串...即時心心眼, 可能滿足食年糕的意欲煙肉年糕串外層淋上辣辣地的醬, 好惹味, 同時年糕口感夠彈牙....

約了住香港島的朋友食晚飯。因為未去過蘭桂坊食飯的我，好想試下，所以她帶了我去這間位於蘭桂坊的Sodam Chicken 。 地方不大，但有兩層，環境昏暗，很有格調。上層可以望住街景享受美食，都幾有風味和情調。太陽芝士炸雞，$198。我的最愛。芝士會起絲的！醮了芝士的炸雞仍然好香脆嫩滑，超好食。而且芝士很香濃但一點都不漏。而麵包也很好吃，外面脆，裏面又吸晒芝士，啖啖都是香濃的芝士味。韓式涼拌水冷麵，$90。朋友最喜歡這個。看賣相已經令人垂延三尺，夏天吃應該更一流。味道酸酸辣辣，但感覺清新，很開胃。吃完炸雞吃這個真的有清新感覺！炸紫菜卷串，$60。入面是一條條的韓式粉絲。配甜酸醬，很惹味。想起韓國飲品就想起柚子，柚子梳打，$38。裏面很多柚子，很濃柚子味。柚子綠茶，$38。店員很細心的提醒好熱好熱的。一樣有濃濃的柚子綠茶味。原本想吃這個韓風燒豬仔骨，但太又人氣了，賣光。下次有機會再吃吧。這裏還有很多款食物，看著圖片樣樣都想吃呢。這裏有加一服務費，兩個人吃了$466。這樣的地點和環境加上樣樣好食，算合理了。我們兩個都吃得很飽，還好沒有韓風燒豬仔骨，要不然要打包，但在蘭桂坊這種有點高尚的地方我

見到依個餐牌就心郁想食好耐，終於約到日食檸檬柚子炸雞開心到彈起埋😻食炸雞一定要飲啤酒🍺西柚啤酒唔太甜，口感厚順🤤韓迷朋友就飲難得係香港見到既cass雞尾酒🍻入口酸瞇瞇又唔太酒精🍸重點係依個柚子檸檬炸雞，冇骨食落啖啖肉，口味清新唔油膩，個炸皮唔厚仲好香脆🤤🤤另外再嗌左煙燻焗雞，口味同炸雞好唔同，比較淡。乾身既外皮，入面同樣鮮嫩，有雞鎚雞翼唔同位置🤡最後係一個螺肉撈麵，意外好好食同辣口，凍食一流🤤🤤麵有嚼勁，醬汁小小稠😀韓國之夜超滿足！

今日同同事喺中環做嘢後，約埋一齊食晚飯先返屋企。上網搵搵有韓國炸雞店，懷念首爾嘅橋村炸雞，所以就去試試。餐廳空間唔係好大，有兩層，店員安排坐2樓，座位空間都比較擠迫，想搵張凳放袋放衫都有啲難。蜜糖蒜香烤雞(標準份)有7件，雞肉都嫩滑，可惜蜜糖味同蒜味都好輕微，重口味者嘅我認為唔多夠味，而且味道只係好表面，有啲失望!!!泡菜豬骨湯烏冬味道正正常常嘅，烏冬都滑溜，如果泡菜味濃啲更好。蘋果特飲都幾大杯，有一支軟糖，似係蘋果糖漿加梳打水，我應該叫杯啤酒比較好吧....總括黎講，應該食炸雞同飲啤酒會好啲，但座位真係太迫喇!!!

一直都係韓式餐廳嘅粉絲，之前都有試過銅鑼灣嘅sodam chicken，覺得唔錯。今次有朋友話想食韓國嘢，一諗就諗到sodam chicken，於是就嚟咗呢間位於中環蘭桂坊附近嘅分店喇位置都唔算難搵，蘭桂坊上到最督轉左再上就係～室內環境都唔錯～ 暗暗地幾有氣氛除咗地下嘅幾個位之外，仲有樓上座位～首先上嘅係飲品～ 我哋一人叫咗一個荔枝燒酒（$78）呢個係朋友嘅荔枝燒酒～ 荔枝味好濃好好味，反而酒味就冇乜柚子梳打（$38）好飲跟住就到主菜喇！韓風紫菜焗雞（標準7件）呢個係果陣嘅新推出菜式，所以我哋都唔執輸，試咗先紫菜味好重，所以個外層好入味。雞肉好滑，但係出面嘅紫菜味就滲唔到入去，令到佢無乜味甜蒜炸雞（$155）之後嘅係甜蒜炸雞！本身諗住嗌蜜糖蒜香焗雞架，不過見已經叫咗個焗雞，就費事再叫焗嘅。所以嗌咗呢個炸雞韓風燒豬仔骨（標準）($140）呢個超好食！！啲肉整到好淋，一切就出嚟～ 而且個BBQ汁都好好味！芝士忌廉粟米（$55）最後就係呢個伴菜喇～我嘅最愛粟米熱嘅時候不出嚟仲有拉絲架！兩個人真係眼闊肚窄，點咗咁多嘢，食到好鬼飽。但係無論幾飽我哋都清晒啲嘢，因為真係好好味！！另外不得不提嘅就係

就黎過年，陸續都約緊唔同圈子既朋友食團年飯。今晚約左個好朋友食飯，佢係不折不扣既韓迷。對韓劇、韓星、韓衫、韓妝已經去到走火入魔既地步。依d 呢～就唔係我杯茶。不過，大家都有樣野係好鍾意既，就係韓式料理啦🤤-今晚揀左中環依間韓國餐廳一打開餐牌，有唔同種類味道既焗雞同炸雞🐥🐣🐔 樣樣都好想食🤤 剩係睇menu ,個肚都開始打鼓🥁 -🌟韓式炸雞 （冇骨）嘩！啖啖肉！好大件呀！ 炸粉唔會厚，新鮮熱騰騰夠哂酥脆！唔會炸到乾身，雞肉好juicy 同嫩滑我食左大半份都唔覺得油膩-🌟蜜糖蒜香焗雞焗雞不經油炸，相對低熱量d, 冇咁邪惡😁外層薰滿蜜糖既香甜，配上陣陣蒜香，色香味俱全。外皮香脆,肉質嫩滑，唔乾身👍🏼-🌟凱薩沙律🥗食左咁多肉，叫左份沙律，減輕一下罪惡感🤫同時都減輕下飽滯既感覺沙律菜嫩綠新鮮，車厘茄夠鮮甜一份簡單既滿足-🌟泡菜豬骨湯烏冬今日天氣咁凍，食完兩份雞都好似未夠喉咁。冬天好似食極都唔飽咁🤨最後決定叫多碗烏冬本身好鍾意食泡菜，又鍾意豬骨湯既甘甜兩味cross over 就perfect la 泡菜味唔算好濃，但酸酸甜甜既湯底都唔錯烏冬都幾彈牙食完個人暖笠笠 好飽足-🌟蘋果特飲 見到隔離台d

冬天正是芝士火鍋出場嘅時間，尤其適合情侶，冇咁漏，又可以慢慢食，懶sweet咁，拮住點下點下咁。打邊爐就梗係冇咁好情調。過往都有食過d連鎖店出品芝士火鍋，有d去到3、400蚊，食材亦比較一般。早幾日見到fb廣告好行，話呢間餐廳有芝士火鍋，又話做到月尾。今日就收工過來試一試。餐廳位於蘭桂芳近雲咸街，有韓國野食。餐廳裝潢格局有d似酒吧，分兩層，閒日來都幾乎坐滿，想食記得預約，否則天氣咁凍喺街邊等位食風，都幾係野。我地被安排喺2樓嘅2人枱，其他位都已經坐滿，咁我地都拿拿聲落單，費事浪費時間，反正一早就睇過係想食芝士火鍋。講真，都幾抵食，人均百零蚊，可以玩下，而食物質素都唔錯特級芝士火鍋 $278：話用左4款芝士造成，包左芝士鍋、手工流心芝士年糕、紫薯年糕、美國豬仔骨、炸薯條、腸仔、車厘茄、農夫包粒，仲可以免費添加芝士火鍋一次。不過今日豬仔骨已經賣哂，店員話換番3件炸雞俾我地，都ok呀。而我地最後都冇追一次芝士鍋，因為份量已經好足夠芝士鍋用蠟燭熱住，不過等芝士熱嘅時間有d耐，大大話話都等左廿分鐘，先見到冇少少煙出。麵包粒抽乾水份，好似焗過咁，份量不少，而食落都好香脆，配芝士就唔洗講，又邪惡又食

近日寒冷天氣來襲，幾個麻甩佬就諗緊食咩好呢，而我就提議食雞不過，食嚟食去都係kxx不如轉下新嘅口味，所以就嚟到中環這間店舖。點解店舖嘅位置都算容易搵到。 店舖內位置 就唔係好多，所以想食嘅話就預早去吃。食物方面呢呢間舖頭呢畀人有好新穎嘅感覺 炸雞配上芝士嘅味道，係可以咁match。 好多人怕食炸雞會好油膩，但我可以同你講呢間店比其他kxx嘅炸雞係唔油膩同埋好食得多。員工嘅服務態度都算ok。坐樓上嘅話係可以睇到一大中環繁忙嘅景色。

農曆新年即將來臨，與朋友相約一起剪髮，藉此機會換個新形象。剪完感餓意，在中環四周圍慢行，發現蘭桂芳開了炸雞店，正！蜜糖蒜香炸雞 - 有標準同大的選擇，兩人關係選了標準。送上時香氣撲鼻，細數下有六小件。炸雞表面炸得香脆，面層沾上蜜糖及粟米片，不失單調之餘入口更為香口。炸薯條 - 薯條熱騰騰，粗身入口更惹味。份量頗多，不過兩人邊談天邊食很快便食完！螺肉拌冷麵 - 冷麵質地軟稔，入口爽彈，滲上黑芝麻更加香口。螺肉質地軟淋淋不韌，香辣度適中，入口酸辣頗惹味！(左）提子特飲 - 味道有點像小時候飲的黑加倫子汁，甜度及冰度均適中，有氣關係飲後更見舒緩！（右）菊花蜜的味道細飲下相對較淡，不過仍然飲得出有菊花味，食完炸物後飲會舒服得多。兩杯份量均大大杯，即使有冰情況下份量亦很多！

通常都係星期五六先會落LKF星期一去都真係第一次約左朋友落LKF happy hour飲酒之前梗係要食返啲野架啦見sodam位置又好啲野食又吸引,就去試下啦餐廳有2層,我鍾意居高臨下,望窗外既景,就坐樓上啦呢度出名係炸雞,不過有好多款我地經過一番掙扎之後決定要1種炸雞1種焗雞另外芝士火焗都係呢度既名物,我就最鍾意食芝士架啦淨係叫農夫包粒既話,我覺得會唔夠喉加多百幾蚊就有多好多料,抵啊另外再叫個清清地既水冷麵平衡下先太陽芝士炸雞 $198有得揀有骨或無骨我地就無乜所謂既我覺得有骨就好似多一份味道啲,無骨就方便啲因為焗雞一定有骨,咁炸雞我地就要無骨啦出到黎個賣相好好,中間有個芝士農夫包個鐵盤都有芝士既,所以有好香既芝士味食落口真係不得了外層炸到好脆,咬落去'索索'聲入面啲肉都係好嫩好新鮮點埋啲芝士一齊食真係一流啊蜜糖蒜香焗雞 $140有得揀標準$140或大份$198係我心目中,焗雞始終係無炸雞咁吸引因為炸雞感覺上係香啲脆啲好食啲但佢既蜜糖蒜香焗雞又比到我驚喜既感覺喎雖然係焗,但外面層皮個口感都好好,有機會係焗之前或後特別處理過唔係既話焗完層皮應該係會腍左,無咁好咬口食落去甜甜地,因為啲蜜糖