Sky726

放假天約會朋友們來到位於旺角呢間sky726食brunch，地點都好便利，搭電梯上到樓層25樓，景緻開揚，令人心曠神怡，邊吃邊欣賞香港。我們點了脆皮鴛鴦炸雞，分別是兩隻不同味道和顏色，原味和竹炭味，口感香脆。海鮮意大利飯，這個大大力推介，美味非常，海鮮伴隨濃濃芝士味的意大利飯，正！再來，是香草雞胸意大利粉，厚切大大件的雞胸，口感十足。甜品點了Sky Delight，包括有雪糕球和窩夫，唧上朱古力醬在面頭，窩夫既鬆化又香脆，配上雪糕球一起吃，是最佳絕配，美味可口，讚！一邊聊天丶一邊觀賞美景丶一邊吃著美食，坐得舒服又輕鬆，這個brunch絕對是可以好好放鬆心情的一餐，晚上到來相信又是另一風味。

日子過得不容易, 間中要找點時間好讓自己放鬆點。上星期六, 相約好友去旺角食Brunch, 好友選擇了這間Sky726, 貪其地點方便, 可以午飯後行去寵物街及花墟, 而且餐廳有落地玻璃, 可以一覽遠景。我們三位女生被安排坐在靠窗的四人枱, 雖然天陰但間中放晴, 餐廳播放著英文流行歌, 完全是周末最佳的閏密約會之地。我們點了海鮮意大利飯, 香草雞胸意大利粉, 脆皮鴛鴦炸雞, Sky delight (waffle)海鮮意大利飯; 濃濃蕃茄、茄膏的味道, 意大利飯不硬, 加上芝士的拉絲, 十分提升食慾, 是味蕾的享受, 份量頗多, 不止一人份量, 足夠三個女生分享。香草雞胸意大利粉: 香草醬很香, 加上橄欖油及菇菌, 意粉煮得剛好, 份量同樣很多, 有點吃不完。脆皮鴛鴦炸雞: 特別在黑色的炸雞是用了墨汁, 皮的確炸得香脆, 但墨汁咻道不明顯, 味道與一般炸雞差不多。Sky delight: 雲尼拿雪糕很香滑, 濃濃的雲尼拿味, 配上脆身偏甜的窩夫, 滿足了愛吃甜品的我們。整體很滿意, 午餐有7折, 都幾抵食

最近日日都要戴口罩好辛苦，嚟到呢個空中花園終於可以放鬆一下。呢間餐廳位於旺角彌敦道，餐廳環境都裝修得好靚，而且有一個好開陽嘅景觀。黎呢度食咗個lunch，Lunch set都包左沙律同餐湯仲有一杯嘢飲。餐湯係雜菜湯，入邊好足料，飲每一啖都有唔同嘅蔬菜。另外餐包有好香嘅香草味，而且仲有啲微溫，加埋啲牛油食溶溶地好正。沙律加埋果醋，酸酸地好開胃。主菜叫咗泡菜雞肉意大利飯，呢個組合好特別。雞肉都幾嫩滑，加埋泡菜酸酸辣辣好開胃，食完有啲唔夠喉。另外叫咗個手打芝士和牛漢堡。佢有別平時將啲菜同蕃茄夾埋落個包一齊食，佢係分開咗等你可以一啖食到個包，唔會跌晒啲嘢出嚟。個和牛入口即溶好正，加埋個包烘到脆脆地好夾。薯條炸得好脆好好味。值得再嚟嘅餐廳。

問他們有否介紹，只會叫你自己睇餐牌。服務員一點也不親切。食物尚算合格。食材料尚算新鮮。地方比較細，但由於客人不多所以還可以。環境都算優美。試過一次就算，不會再去

幫朋友慶祝生日，想找一間環境比較有氣氛，清靜的地方！選擇這間果然不錯👍服務生的服務很好！這個大蝦意大利飯味道不錯，值得一試這個味道一般，沒有什麼特別！肉醬薯條10分香脆，肉醬份量算很多！甜品賣相很特別！影相一流！

1. 環境有啲迫，我張凳同後面枱客人坐既凳係貼埋既，邊個一起身都會撞到對方張凳。侍應會建議我地將書台手袋放係窗台，因為如果放凳到我地又坐埋係凳到，更加會頂到後面既客人，咁大家自己想像下有幾迫啦下2. 叫左黑松露薯蓉，但佢係無溫度、常溫咁上，唔通佢係冷盤？如果係請大家無視我呢個評論3. 訂位個陣同左職員講甜品要寫”happy birthday Michael”，最後妮左個happy birthday Micheal”....

我們吃的是四道菜配四款酒，價錢是六百左右，以這裡的食物質素及環境加上服務來說，不是離譜的價錢。未吃東西侍應先倒來汽酒，乾身而味道不甜，氣泡細緻而爽口，清新又帶點果香的收結，絕對是非常稱職的餐前酒。在喝汽酒的同時麵包籃也拿來了，隨心選了小法包及橄欖包，文華的烘焗出品一向是信心保證。而跟麵包同樣吸引的當然是與之一同拿來的有鹽及無鹽牛油，而在文華大家更不能錯過的是這裡的特醇橄欖油，味道清新之餘也帶濃郁的橄欖香。

經app Eatigo 有特價，某啲時段有半價， 即使係午餐都有半價， 食物質素好， 服務好， 午餐款式多， 意粉 啲汁多咗少少 少啲汁 會更好食， 餐湯配餐包， 餐包暖兼 軟淋淋好好味

都係嗰句 期望越大失望越大睇咁多好嘅comment but... signn 本人只可以講食材嘥曬喺廚師手上慢煮豬扒 黑毛豬扒sorry講句垃圾 慢煮烤雞仲衰過我自己喺佳寶自己拎返屋企烤嘅雞。。 嗰個牛骨髓加三塊 toast查半塊都唔夠搽半塊都查唔勻 。 香港人發生什麼是食嘢質素降到咁q低真係陰公。。。hongkonger deserves better...😔 甜品都麻麻地。。。 唔好立亂信openrice comment! happy new year !

念住生日慶祝一下（唔係周末），於是到Openrice上訂位，轉頭就打電話話無位，取消了我的訂單，睇完電影之後上去行了一圈都係想食，walk in入去整晚都未坐滿人，真係…………

今日三個人去食晏，點左三個set lunch，挺好吃，特別係西冷牛扒啱啱好熟但又冧，七折完每個人除開120樓下。最重要係麵包同配咖啡嘅牛奶都係暖暖哋，感覺好用心。讚。

老公book左平夜夜食SKY726, 不過精打細算的我覺得節日出街食太貴, 所以建議提早慶祝，趁老公收早食Lunch。用eatigo book枱, 不同時段有不同折扣, 我選12點, 有50% off。本以為set lunch冇半價 (但like facebook都有7折), 點知有喎, 又慳了一筆!12點得幾枱客, 好清靜。waitress只得一個，不過做事都好有效率。老公本來想晚餐食晚煮法國菜, 望住這景色, 夜景一定更靚。午餐都有慢煮菜式, 我地order 慢煮西冷，lunch set lunch set 跟餐湯, 沙律, 主菜, 飲品。我覺得這個湯好好味! 幼滑creamy! 沙律也是中上, 醋不多也不少。這個慢煮西冷冇得揀幾多成熟, 我不時食牛肉食5成熟, 所以覺得這西冷太熟，個汁不夠鹹。令我意外的是配菜, 法邊豆好味呀! 我地加$15 order 是日甜品，唔記得問係咩, 味道似 chocolate brownie + cake。 埋單見lunch set都有半價很驚喜。 lunch time上菜很快, 走時一點幾, 全餐廳滿座了。

以為環境不錯，怎知只是一般。D玻璃又污糟，個境唔特別（望旺角屋頂）。食物又貴又難食。Lunch time 叫咗一沙律一burger一小吃兩普通飲品折後也要5佰元.....我以後一定唔會再去

最近真係好忙啊，今日出開旺角難得有時間可以休息下。即刻諗起呢間Sky726，係鬧市入面可以飽覽城市景色，安靜進餐，靜靜地settle一下～泡菜煙肉意大利粉～味道好夠！多料！ 泡菜同意大利麵既組合簡直就係韓式同西式嘅結合，見佢咁特別諗住試吓佢！原來佢哋組合埋一齊有另有一番風味！泡菜辣辣的帶點酸，意大利粉索晒泡菜汁，撈埋煙肉同菇類～的確味道不一般～口味較重，喜味濃人士必試！跟着set餐～有湯、面包🥯、同沙律～ 望住個景慢慢食，真係好舒服～嘆杯熱檸茶，覺得這個下午非常不錯！

22/12 星期日中午去食，比想像中少人，好似得兩三台客。餐廳冇開燈，全部靠自然光。感覺上裝修一般， 同樓上Cafe差唔多，但個景就幾開陽。就到聖誕節所以水bar佈置左唔同嘅聖誕裝飾。餐牌個設計好似一般般，睇咗好耐有似唔夠吸引。羊架唔so唔un。好食！簡單製作但已經好好食，黑松露同薯蓉係絕配。呢個食法都幾得意，田螺有牛骨髓嘅味道。牛骨髓嘅精華仲可以配小多士食埋。臨近聖誕同男朋友都想打下卡，request係甜品上面寫Merry Christmas~ 檸檬蛋白炸彈幾值得試！因為出邊食唔到，同埋佢呢隻黃色好靚，影相一流。有蜂蜜、檸檬、蛋、cream嘅味，好食的，仲會俾埋一個錘仔你，要自己博爛佢先可以食。叫咗一杯有薄荷、vodka、雲呢拿、棉花糖嘅signature cocktail，不錯不錯，但個人覺得棉花糖唔好咁焦好味d。最後買單兩個人$600，整體來說性價比OK的，post上story都有啲睇頭。星期日晏晝唔多人所以可以坐到窗口位。