1/1/2020諗住輕輕鬆鬆食得好啲，過咗嚟試伏，點知真係好伏 好啦我講啲好嘢先 聲稱係推介飲品，但其實只係好普通嘅鮮奶珍珠。 熱嘅牛油果鮮奶，好飲，加埋桃膠有咬口，但其實我心諗牛油果加鮮奶點整都應該好飲。 軟殼蟹包，軟殼蟹係幾好嘅，但我個人覺得好鹹。 重點來了肉眼扒加鵝肝，貎相看似不錯，但就大錯特錯！所有嘢都冇問題，但塊扒好un! 超un，好似咬緊橡筋或者鞋底咁 成個1月1號俾佢搞到冇晒mood，同男朋友兩個人喺度望住大家互咬，十分尷尬。 大家睇真啲，我哋叫咗medium well，但其實佢只係煎一邊，名副其實的一邊medium一邊well！$188來說性價比極低！ 同埋個服務員講嘢好細聲，係絕對唔會聽到佢講嘢嘅。下午茶時段鋪頭唔算full，但就唔比我哋位4人卡位，結果就要坐另一枱2人枱隔離，大家聽倒大家講野。

平日夜晚七點嚟食 質素比以前差左好多 1.肉丸比以前細粒、冇咁juicy，醬汁冇以前咁濃 2.試咗樣新出小食，蕃茄海鮮飯球，個皮好厚好乾 3. 新地筒，不過不失 4. 蜜糖腸就幾好食，皮薄，肉多 一如以往係平嘅，所以唔要求得咁多😂

凌晨三點搵嘢食，隔離粥已經關左，試吓呢間打冷 食咗¼先影呢一幅相，本身大大兜，好滿足。 田雞粥米飯粒粒分明，好足料。 服務員態度好好，見我哋拎住一袋二袋即刻攞張凳俾我哋擺嘢。

26/12 見到OpenRice有78折就去食自助餐，比起我早兩日食三四星級嘅酒店差。款式選擇唔多、海鮮唔新鮮、甜品唔特別、沒有聖誕玩具給客人、服務員面口差。 門面 好頹嘅聖誕樹 見到生蠔一早開好晒擺喺度，唔新鮮、入邊有蠔殼 好正常嘅忌廉湯 冇咩想食食碗河粉先

聖誕日lunch time來食，價錢同平日一樣。 整體感覺係...最難忘嘅是所有食物都係自己整，有得玩有得食咁。特別推介一男一女來吃，可以不其然有多啲互動，又可以睇到對方細唔細心。 先點了一杯柚子酒梳打，冇藥水味，都幾好飲，但飲唔倒有酒。 第一道菜，好多芝士！ 自己抄自己撈 整個圈形再加入醬汁 成品！自己整貌相一般但好好食！熱騰騰的芝士好正 第二道菜，御好燒...先將所有食材撈埋一齊 A面燒5分鐘 B面再燒五分鐘 之後A面再燒5分鐘，加上調味料就完成啦，不過完全食唔出綠茶味。 一開始會比舊粉團你，見到個樣就覺得滯 哈哈難得自己整都可以整得咁靚。但厚燒pancake入邊好實，好滯，如果有得+1球雪糕會更好~ 餐廳好好，會準備工具、計時器、鏟等等比客人。所以整體來說係幾值得試的，同埋食材預先撈好晒，其實我覺得客人點整都一定好食。

22/12 星期日中午去食，比想像中少人，好似得兩三台客。餐廳冇開燈，全部靠自然光。感覺上裝修一般， 同樓上Cafe差唔多，但個景就幾開陽。 就到聖誕節所以水bar佈置左唔同嘅聖誕裝飾。 餐牌個設計好似一般般，睇咗好耐有似唔夠吸引。 羊架唔so唔un。好食！ 簡單製作但已經好好食，黑松露同薯蓉係絕配。 呢個食法都幾得意，田螺有牛骨髓嘅味道。牛骨髓嘅精華仲可以配小多士食埋。 臨近聖誕同男朋友都想打下卡，request係甜品上面寫Merry Christmas~ 檸檬蛋白炸彈幾值得試！因為出邊食唔到，同埋佢呢隻黃色好靚，影相一流。有蜂蜜、檸檬、蛋、cream嘅味，好食的，仲會俾埋一個錘仔你，要自己博爛佢先可以食。 叫咗一杯有薄荷、vodka、雲呢拿、棉花糖嘅signature cocktail，不錯不錯，但個人覺得棉花糖唔好咁焦好味d。 最後買單兩個人$600，整體來說性價比OK的，post上story都有啲睇頭。星期日晏晝唔多人所以可以坐到窗口位。

收工夜左，半夜黎食串燒，真的不錯！ 先講環境，木枱木凳坐得幾舒服。 款式多，肉類、海鮮類、蔬菜類等等都有 但見餐紙右下角地址仍寫了紅磡德民街。 羊串唔太韌。多春魚夠香，燒得剛剛好。 菠蘿幾甜，好Juicy。 生蠔$40兩隻，對自己好啲都叫咗。美國蠔大大隻，有口感，蠔味十足，唔係怕肥都會飲埋啲汁佢。 秋葵和露筍，點左少辣不過都好辣，加咗孜然粉好好食。 聲稱是西班牙來的sparkling juice，見佢poster有四款味道，點知原來剩係得兩種，而凍的只有這一款，我自己個人覺得一般，感覺上糖水味重，但配重口味嘅串燒都ok嘅。 唯一美中不足的是店裏播的音樂係舊國語歌，氣氛不太match。

石門有好多唔同嘅飲料店，但我幾鍾意呢間比較天然、主打用真蜂蜜沖嘅爸bee蜂蜜。今次我叫左一杯爸bee頂級蜂蜜，再加埋奇亞籽，飲落就係健康嘅飲品。佢仲有好多其他唔同嘅配搭，茶、奶等等，全部都係用真嘅蜂蜜沖嘅~

其實平時間唔中同啲舊朋友聚會、reu都會去樓上Cafe，見喱間啱啱開就膽粗粗成班人上去試吓，一改我對樓上Cafe嘅印象~ 因為平時啲餐單通常係意粉意粉同意粉，呢度竟然有魚有雞有帆立貝etc，仲要係幾好食㗎喎！煮得好香、意粉硬度適中，嘢飲都幾好，我叫咗一杯Chocolate Smoothie，真心好飲，朱古力同奶嘅比例啱啱好，又唔會太甜，勁想再點多杯 聽水吧哥哥講話呢間Cafe想以朋友為主題，之後正式開業會有少少似韓國hunting bar嘅模式，入到餐廳可以安排同其他朋友一齊玩遊戲，好似幾有趣咁之後應該會再去試吓！ 然後我見佢哋當日喺度舉行緊Boardgame活動，食完野飽飽地橫掂都冇嘢做，水吧哥哥就教我地玩左Pictionary同CSI，笑到我地碌地，原來桌遊唔係淨係男士會啱玩㗎。我記得以前啲Cafe會有board game，但唔會有人教玩，呢間Cafe好多boardgame，如果睇啱邊款想玩又唔識可以搵佢哋教，讚👍🏻 同埋呢度啲服務員全部都超有禮貌，同埋好主動🙆🏻

海鮮魚生唔鮮 湯好咸 貴價主食永遠唔refill 要軟嘅食物好硬，要硬嘅食物好軟 只有生菜比較正常 Waiter waitress態度差，一坐低就比張單我哋 總之，不要來，不要中伏