Simplylife Bakery Cafe

營業中

休息中

本人係九龍塘simply life fans。午餐經過將軍澳，難得不用排隊，就試一試啦！Set lunch $88, 包野飲。加$10有湯和麵包，湯係必飲，好出色，好足料！今日係充滿住蘑菇蓉的蘑菇湯 🍄！食物等左一段時間先上枱。嗌了兩個漢堡，麵包感覺窿左，過左火喉！薯條都係炸耐左。魚柳墨汁漢堡魚柳好香，有魚味。車打芝士大啡菇漢堡大啡菇有汁，正但雞肉較hai口。相比下，似乎九龍塘食物較有穩定水準！或者下次試下意粉啦

成日路過，除左一朝早，其他時間都有人排隊，上次去太古城又一城都想食，但拎左飛望到個number....就知等好耐，就放棄但今次下定決心要去食，望到有好多number一直叫都無人，企係度個啲人其實拎幾多號呢偶爾有幾個係show手機，上網搵下先知原來呢間可以用apps拎飛，下次可以試下滿心期待，等了又等，終於到我地入去食入邊暗暗，幾好情調，位闊落，坐得舒服好肚餓，係門口睇左menu，所以一坐低就叫得野食老公叫左牛扒配紅酒，我叫左意大利飯配橙茶燒肉眼扒（5成熟）配薯條，蘆筍燒得好香，好juicy，鍾意食扒就啱晒，因為肥膏分佈都好好，每啖都少少肥膏咁，好味道蘆筍係粗大條2條，啖啖肉，多數餐廳用幼身㗎嘛，呢度居然唔係，好味，2條唔夠喉添呀個扒居然早來過其他野食，估唔到喎我杯橙茶來，貌似檸檬茶嘅飲品，但飲落口，好有橙味，甜甜地，又幾特別喎門口等位都見到職員不停切橙，原來整呢杯野飲，推介（不過只限凍飲，無熱飲）南瓜粟子有機糙米飯隻碟好大碟，有啲誇張，但隻碟好淺，其實可能係一碗飯鬆啲，但足料好味，不過唔多夠喉，好似係咁食左碗飯無食餸嘅感覺咁就。。。做造我要叫甜品叫左呢個竹炭抹茶蛋糕（全名唔記得lu）不

每一次去都會有驚喜，因為食物質素一次差過一次；今次一個人下午茶時段去，叫咗食最鍾意食嘅牛肉漢堡，我早過隔離枱落單，但最後隔離枱來先我10分鐘：p 以佢已經電子化嘅落單系統，理論上係冇可能發生，可能人定勝天啦！當個遲咗好耐嘅下午茶餐送到，第一啖我食到炭嘅苦味，而且麵包又硬又唔夠熱，芝士已經由熔嘅狀態變回固態，不幸之中嘅大幸係，啲薯條仍然係好好食，杯冰茶仲飮得吓；我心諗每一次嚟，質素都差過之前，係咪因為最近原來多咗好多trainee? 我睇怕以後可以放棄幫襯將軍澳分店。

以前喜歡去九龍塘的分店，但是每次都要排隊。自從知道將軍澳開了新店，很喜歡這裏，下午茶時段從來不用排隊。單是這樣，已經值得加分。每次來到吃下午茶，也是叫牛肉漢堡，雖然偶然會🔥得過火，有些炭味，但仍然最愛吃漢堡。我也很喜歡下午茶的飲品，除了果茶以外，也可以叫特飲。特飲的拉花也很美麗，非常細緻。蛋糕套餐和墨西哥包也很好味。無論地點交通環境，這裏絕對是將軍澳下午茶的首選。如果有機會，我也想試試在這裏吃晚飯。

一般下午茶時段都比較少人，想不到平日四點的simplylife一個人都要攞飛等位，餐廳座無虛席，還好是等了大概十分鐘便可以入座。$45的下午茶餐有牛肉漢堡配薯條連飲品，加上座位舒適，確實超值！味道方面，薯條味道一般，份量不多，麵飽新鮮熱辣，牛肉偏乾但牛味算足夠，加上剛好溶掉的車打芝士及煎得香脆的煙肉，相當惹味，整體不算多汁，個人喜歡乾身一點，可以嘗到食材的真正味道，所以不是問題，如果喜歡多汁多醬的朋友可能嫌味道太寡，跟餐飲品點了冰茶，味道微甜，跟漢堡十分配！有機會會再來試其他下午茶餐啊

成日都見好多人排隊，今日終於有機會試下啦。佢得Brunch $128份，叫左牛扒三文治，睇落個樣都幾好味，但一食就好失望，又乾又硬，牛扒---＞牛肉乾！大失所望！以呢個價錢真係唔抵食。

我一向也很喜歡Simplylife的裝修，給人很舒服的感覺。它們的食物質素也是高質，但午市和晚市的價錢並不便宜，所以我平時也很少去吃。今天碰巧在下午茶時段經過，好像發現新大陸似的，下午茶餐只需$45？十分掋食！我點的車打芝士煙肉牛肉漢堡份量很大，漢堡跟午市的無異，牛肉juicy有口感。叧外薯條也炸得很脆口。吃完也很飽，絕對非下午茶份量。餐茶本來以為只是普通的咖啡奶茶，原來還可以要 cappuccino，不用加錢，十分驚喜！

今日黎SimpleLife食下午茶餐平時午餐既漢堡都要八十幾，下午茶只需$45我地兩個人點左四份餐想一次過試多幾款 原來都吾係好大份 所以輕鬆解決哥達芝士雞肉漢堡  $45這是小型漢堡，配香辣薯條，份量都係少，作為下午茶份量岩岩好可惜雞肉漢堡乾爭爭 完全無juicy既感覺漢堡包皮塗上少許牛油去烘，鬆脆但食落感覺偏乾仲點左兩個添，味道一般咋香辣薯條沾上炸粉去炸，酥脆香口味道不錯，說好的香辣係零辣度意式軟包配巴馬火腿，哥達芝士 $45同我想像中好大出入 意式軟包係厚切方包一塊上鋪上番茄兩片，一塊生芝士(凍的無焗過)，加幾片巴馬火腿芝士大塊又厚 好彩我接受到食生芝士，而且呢隻芝士味道適中，吾會勁咸 淡淡芝士奶香 我都仲接受到 不過試過一次就夠了！農夫包配磨菇，菠菜，哥達芝士 $45農夫包又係多士底，不過呢款係五穀雜糧麵包 上面有菠菜磨菇 半溶芝士係正既！超拉絲奶味香醇 味道還可以下午茶時段為星期一至五 3-5:30pm (公眾假期除外)配上一杯熱檸檬紅茶，作為輕食份量係吾錯

Simplylife 食開一向都吾錯 水準都keep到好多年將軍澳哩間吾算多人 係書局對面 位置都吾算易搵入面對比其他分店吾算大最重要係個環境真係無得輸 暗暗地 好有情調同氣氛😻😻好岩同朋友或者情侶幾個人係度傾下計叫左2個all day breakfasts egg Benedict 同一個粉， 我地加多10蚊仲有個湯，當做breakfast and brunch黎食，份量算大 。磨菇湯好濃郁 係出面好難食到咁純正多料既湯配埋面包食 其實都幾飽架Egg benedict入面係菠菜同三文魚，味道偏咸小小 但係都好好味 個蛋漿爆哂咁流出黎 真係好吸引佢杯檸檬紅茶同其他地方吾同！！佢吾係用檸檬 而係用橙 個感覺更加refreshing 同甜d!😀😀

午餐失水準，之前幫襯過幾次都沒有什麼大問題，味道也非常好，但今次徹底失望，今次魚柳墨汁漢堡就中伏，炸薯條嘅份量一次比一次少而且過火，魚柳漿很厚也是過火，麵包咬落去冇口感，食落去唔知自己食緊乜，湯及飲品就沒有大問題，較為合乎標準，另外朋友order的車打芝士煙肉煎蛋漢堡也是過火的。由於中午時間等候太長，排隊最少等半個鐘至1小時，因此建議提早透過手機應用程式遙距攞飛，節省在門外等候嘅時間。

有啲人唔鍾意連鎖食店，但係我反而鍾意佢水準穏定，價錢合理！好似Simplylife，加多45蚊有沙律/湯、紅/白酒，我覺得好抵所以不知不覺成為咗我嘅飯堂今晚叫咗安格斯牛扒同紅酒燴牛尾糙米飯。牛扒五成剛剛好，有炭燒嘅焦味，正糙米飯方面，對女仔嚟講份量剛好，都一樣好好味！環境方面都係一貫Simplylife嘅風格，暗嘅燈光，classic嘅裝修，舒服又可以坐低慢慢傾，所以對連鎖鋪頭，未必一定負評嘅！

本身一開始叫野食態度都算ok，但最後尾結賬個陣態度極差。個侍應行埋黎俾張單結賬時,不但冇講幾多錢，仲要成個身另轉面唔望我地。之後另一位侍應行過黎找錢個陣，直程就咁放低錢就走左去，一句都冇講就走左去。 點解呢間野d員工服務態度可以咁差！！

舒適的環境和有質量的食物就係令我再幫襯的原因，依家終於冇咁多人等，lunch time食等5mins就有枱。Menu同上次黎差唔多，可惜2人枱有些逼。+$10就有餐湯或沙律，daily soup南瓜湯有roasted南瓜子係入面，好香，也帶點南瓜蓉。麵包超好味，非常鬆軟。唔要汽水可揀Homemade iced tea，果味可以再加重些，不過有fresh orange 加分。魚柳墨汁漢堡($78)好似英式fish & chips，炸魚配tartare sauce好正路，魚肉扎實，炸得脆脆的，freshly made，不錯。Black burger係墨汁做的，食落又冇特別味道，但係有gimmick。配酸瓜、 蕃茄和薯條，尤其喜歡roasted tomato，水份都鎖在裡面，十分juicy。車打芝士煙肉牛肉漢堡($78)好正，cheddar cheese完全溶化在牛肉上面，仲有crispy bacon，配厚身的牛肉味好香，非常滿足。Burger 加上芝麻，又香又脆。另加$12有coffee，同行友人加左mocha，十分抵加！

放工同好朋友去tea ，唔需要等位，人亦都唔多，一入門口已經見到好多非常精緻既cake 同酥餅，下午茶餐一律45蚊包1杯飲品，先叫一個千層抹茶茉莉蛋糕，樣子非常討好，薄薄既一層蛋餅卻有濃濃抹茶香味，忌廉幼滑，帶茉莉香味，整體感覺滿意。煙肉漢堡配薯條，burger size 唔算大，但牛肉味濃，煙肉夠香脆，個飽烘過亦都係脆既，薯條有調味料，唔點茄汁都夠味。野飲可以揀橙茶或一壺熱茶，唔使淨係得咖啡奶茶咁悶，係下午茶傾計既好地方。

Decided to try this out tonight with kids! Since Every time we walk by there is long queue, we use The food guru to pick up a e-ticket at 6:35pm but still need to wait till 8:10pm for a table for 4! We ordered ribeye steak, oxtail risotto and beef fettuccine! The steak was a little dry and the oxtail rissotto was very salty! Beef fettuccine was the only good dish tonight! Overall food taste average but definitely not worth the 90 mins wait! Probably will not go back again!