Simplylife Bakery Cafe

營業中

休息中

Simplylife將軍澳分店新開業後日日見著食客排隊。內裏裝飾風格很cozy，菜單價格亦合理，今日正巧有機會一試。全日Brunch套餐$128有例湯/沙拉+冰茶/汽水+主菜。由於餐廳內空調凍人，一行三人均選擇例湯開場。奶油南瓜湯味清爽不膩，好暖身，更有少少南瓜籽仁點綴。麵包香脆，不會太韌，塗些許黃油風味更佳，讓人不由期待主菜。希望越大失望越大。炸魚薯條通通炸過頭，硬似化石。倒是配菜柚子沙拉表現不俗，既無柚子苦澀sauce也清爽得剛好。牛肉漢堡店薯條及培根同樣也是炸過頭，牛肉餅調味尚可，但整體風味及口感就欠佳。三文魚炒蛋貝果，比前兩個主菜表現更好，奶酪口感不錯。但整體並無亮眼之處。總體感覺：環境4/5（扣分在空調太涼），前菜5/5（表現出色），主菜2.5/5（差強人意），價錢3/5（合理）。

開左好耐，今次終於試下張枱有點兒細，坐得唔舒服先黎麵包，無加熱，牛油又比得少沙律同餐湯正常點左個牛肉漢堡，好乾，原來入面無醬汁。之後比左茄汁同mustard 醬我，估唔到用平時茶餐廳既膠樽裝我老婆叫左個春雞，除左細隻，仲完全無味埋單$ 377，平時我去開soho  同類型餐廳，呢間完全無得比，唔會有下次lu 

SIMPLYLIFE CAFE係將軍澳區新開張,初時日日都大排長龍,終於等到人氣丟淡後, 夜晚6點半時去到餐廳,大約10分鐘就可以入座,餐廳既情調好好, 每枱都點晒蠟燭咁,同情人去氣氛一流 雖然SIMPLYLIFE係好多地方都有分店, 但今次係我第一次食,餐廳價錢都偏貴, 見唔算好肚餓, 就同男朋友點左一客意粉同一客漢堡,再加$30要左餐湯同餐飲首先黎左餐湯, 一般既味道, 冇咩太大驚喜之後到餐包, 係法包黎既,偏硬, 我唔係太喜歡, 比較鍾意一般西餐廳軟熟既餐包今日既冰茶款係橙茶, 依杯有驚喜,我平時都算係檸檬茶SUPER FANS, 第一次飲橙茶,原來橙同紅茶都一樣好夾, 味道好FRESH!之後主菜黎喇, 係車打芝士煙肉牛肉漢堡($118),百零蚊既價錢, 份量都偏細,塊牛肉都幾好味既, 夠厚, 咬落去亦有肉汁,但整體都係一般, 唔值得依個價錢,算係CAFE既皇牌菜黎講, 認真有D失望!之後意粉都黎左喇, 係慢煮紅酒肉碎手製闊條麵 ($108),份量一樣係偏細, 但味道唔錯,意粉既汁好特別, 唔係出面餐廳食到既紅酒汁, 肉碎既味都好香,夾埋D芝士碎同蘑菇粒, 值得一讚!最後加左個蛋

話說Simplylife 好多地方都有分店，但將軍澳呢間分店真係好鬼誇張，試過剛開張個牌7點幾拿位但連拿位都比人拿哂🌚所以次次見到個條人龍都打斷左幫襯既念頭，但今日又好好彩wor 8點幾都係等兩張台就有🙌🏼價錢其實都唔平架，而且野飲要另外加錢配💸我就點左steak加burger同家姐share!隨餐附的面包！口感鬆軟👍🏼但係沒加熱扣左啲分👎🏼加左要個湯同杯白酒，都係正常水準，普普通通。不得不讚呢塊肉眼扒十分高質！無論係肉質定係煎既功力，都完全超出我預期！絕對值200蚊！但係稍有敗筆就係蘆筍油味太重😞但整體都高質！！值得一嘗！呢個雞肉漢堡認真一般！面包烤得太乾，而且有部分更是烤焦的，所以食落有點苦澀味😑而雞肉部分味道可再濃一點，有點太清淡😌題外話，張台真係細到喊出黎！真係第一次食西餐咁細張台！既然收得有咁上下價錢 環境配套真係有待改善！

聽男朋友說是一家新開的西餐，早前經過，在外面稍微觀察了一下，簡約裝修，燈光偏黃偏昏暗。當晚8時多，全店滿座，但不太多人等位。另外有Cafe部門，除左咖啡之外，還有牛角包等西式麵包，亦有造型吸引的各種蛋糕。男朋友👃到咖啡香，立即忍唔住買杯咖啡試試。order左杯flat white 外賣，價值36元。當時無咩人等外賣，所以大約5-8分鐘就拎到杯咖啡。男朋友指咖啡豆豆種不錯，香味濃郁，但是咖啡師手勢差d，泡沫太多，而且泡沫粗糙，令到咖啡入口不夠香滑。咖啡熱度適中，不會太燙嘴。紙杯的質地都高上，能夠隔熱。咖啡杯大小比starbucks 小，所以價錢偏貴？紙杯設計簡單，亦能夠清楚寫明咖啡的類別，外賣也不會輕易調亂！聽男朋友哥哥講想試一試這裡的食物，下一次再來！題外話：這裡的員工服務態度欣勤，很樂意推介食物，笑容甜美，令人有消費意欲！

呢間分店拎飛服務奇差今日晚膳拎住C011號飛，六時左右已經去到，當叫到C007嘅時候，但冇人應，那麼就應該叫下一張C008，但服務員竟等C007號飛10分鐘有多，等到拎C007號飛嘅人到達帶位後才叫下一張，C008都沒人應就立即叫C009，這樣嘅差別待遇和訂枱有何分別？

每次路過呢間 Simplylife 晚飯時間都必定有好多人喺餐廳門外等檯，但係每次見到人太多都放棄等候。終於有一日忍唔住，耐心等咗 1hr 先有檯。唔知係咪因為坐滿客人侍應忙到不可開交，我哋坐低咗大概 15 分鐘除咗 reception 提供嘅 menu，一杯水都沒有，舉手都要 keep 住舉大概 5 分鐘先有侍應過黎招呼。明白嘅，可能客人多，燈光又昏暗，差不多張張檯都有客先後對侍應招手⋯Simplylife 嘅 menu 選擇好少，一張 A4 紙就已經係概括餐廳所有嘅 menu option，想叫個合心水嘅 starter 都難，唯有直接要 main course。基於我係一個 super beef lover，所以叫咗一份 Grilled U.S. Angus Rib Eye (rare cooked)，朋友就叫咗一份 Grilled Black Cod。點餐後侍應好快送上 bread basket 及 butter。好失望，新鮮放檯面嘅 baguette 竟然冷冰冰硬繃繃，每咬一口都必須要牙齒同手合力扯開，咬口感覺奇差。平時我特別喜愛baguette 頂端，當晚都被逼放棄，皆因真

Yet another festive season, after a long OT night, I have finally had some time to spend with my family for a simple dinner at SimplylifeCarrot soup with some old rustic breadTheir housemade carrot soup was pretty sweet in taste and the amount of cream was just right to me. The soup was smooth with no lumps, and I always like to dip their rustic crunchy bread into the soup for a more fun dining experience. Lamb shrank The lamb was pretty juicy and succulent in texture, while the flavour was arou

Dinner set叫咗肉眼扒及銀雪魚，食物質素還可以，但味道就超咸。👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻

來到popcorn 當然要到處行下，睇下有咩正嘢先，點知就俾simplylife 既丹麥酥吸引住，好正呀。 好香，又鬆又脆既外層，果然係酥，好好味。我叫左個棒子味，啲棒子又香又滑，好夾同酥皮，面頭仲有一些杏仁片，超香脆，整體又不會太甜，食一個不會感覺太流，食一點甜品令自己開心一點。

星期六黎，本來想試下佢個下午茶，但原來下午茶係平日先有，唯有食set等左1個鐘，終於有得入黎。呢到環境比九龍城果間舒服，冇咁迫，又唔會聽到炒野聲。3人點左以下食物，最like寬條麵，担担白汁，可惜份量太小。蘑菇漢堡包既巨蘑菇好juicy，炸魚薯條一般般。中午食冇限時，同朋友邊食邊傾，食到5點幾差唔多最後一枱先走，過左個休閒假日☺️

攞好飛，問下佢叫到咩號碼，佢個沒禮貌樣子話比我知個顯示器係好高既上面，叫你我自己睇啦!! 話~咩事?唔洗錢? 禮貌啲講句都得卦?仲諗住新開餐廳想話試下，比佢咁既態度攪一攪火黎埋，唔鬼食。 老闆請著呢啲伙計真倒米。。

門口嗌飛個waitress唔講啦 落order個侍應好串 其實客人未get到你都唔需要不耐煩 同咪成日催人咁 d野都未黎已經拎餐巾迫你擺 excuse me？我係客而唔係幼稚園小朋友 請你自己反思下啦先生。

我張飛前面幾個number都無人，當waitress叫到我number都無停，直接㩒下一個number,個pair企左係counter側，一支箭入座，而我倆企5步後俾個waitress話吾好意思，你地miss左，要等5張後，呢刻已經o左，不過我身邊個人話費事同佢嘈，算！等到我地後6個number, (都係無人入座)，我地show張飛問係咪入得，佢竟然話係等5張'成功入座'呢刻真心忍吾住火都黎，你叫十幾廿個number先成功入得一張，我等到幾時!!! 痴鬼線，同佢理論就話公司規定，最重要係我地根本一直無行開過，點樣miss,係你地人手㩒太快miss左我地number囉！入左一張"成功入座'個waitress又忽然示意我地入，明顯係知自己理虧!!!呢個紀念日完全被佢ruined!!!

本人非常喜歡此餐廳 幾乎每日均來吃飯 午餐 下午茶 晚餐均嚐遍了餐廳除了環境良好乾淨 服務人員有禮 食物選擇又多 尤其喜歡南瓜湯 有機糙米餐 及所有的魚餐唯一挑剔的是 湯及麵包附上的牛油份量太大了大約只吃了1/3 非常浪費 請調節一下 另外牛油若可以提早半小時放室溫 以方便塗抹在麵包上 否則硬蹦蹦的難以塗上總括而言 此餐廳若保持水準 實在是港人之福