Saravanaa Bhavan (已搬遷) 新店位置

今晚同Mr.J終於衝出將軍澳去到尖沙咀食晚飯。Mr.J一向喜歡食濃味嘅食物，又鐘情食辣野，所以今晚我揀咗食印度菜，況且食得多中餐、西餐或日本菜都悶啦，一於嘗試下其他國家嘅菜式，話唔定有驚喜呢？上到餐廳唔洗驚，會有中文餐牌提供。今晚食咗1)一人餐(2)印度烤餅(3)印度咖哩蔬菜花多眼亂，眼見一人餐有十種小碟，每樣試少少都好足夠。除咗有10小碟，一人餐仲會有白飯、印度煎餅等等俾客人去點醬汁食。10小碟每一隻都令我好驚喜，因為大部分我都從未試過類似嘅味道，感覺好新奇又特別。裡面有其中一個係乳酪，店員話如果覺得其他野太辣，可以用嚟解辣。1人餐份量唔細，1個人食會好飽。印度烤餅係Mr.J強烈建議要食，佢話用嚟點咖哩汁就最正。果然無錯，一放上枱，就聞到好香嘅烤餅麥香味，先試一啖，暖暖哋唔太乾身，齋食都好好味。用烤餅嚟點印度咖哩汁，食到停唔到口。印度咖哩蔬菜睇落去好似好細碟，其實好足料。裡面有青椒、蕃茄、薯仔、青豆、椰菜花等等，全部都索哂咖哩味，好正。印度咖哩汁比平時食到嘅更重香料味，更濃郁，但當中嘅咖哩味唔會太辣，連唔太食到辣嘅我都可以接受到。因為個咖哩汁太好味嘅關係，個烤餅好快就俾我索哂咖哩汁食

由於印度擁有很多不同的宗教信仰和習俗，亦受到回教，印度教和歐洲國家的影響，所以印度的飲食習慣在不同地區亦所有不同。而素食在印度其實也是很盛行的。  Saravanaa Bhavan 是一間吃素的餐廳， 可以稱得上是世界上第一大的印度素食連鎖餐廳，它在印度有多達二十多間所分店，而且在世界各地也佈滿分店；新加坡、馬來西亞、阿聯酋國家、南非、肯亞等。 更在英國，美國等西方國家也有不少分店。猶記得從前在英國讀書的日子，除了Chinese take away 外，也很喜歡點印度take away；尤其喜愛Tandoori 及 Masala。 得悉到這間連鎖店在尖沙咀原來是有設分店的，便很想來朝聖一翻，畢竟吃到印度素菜的機會比較少吧。 尖沙咀的印度餐廳大多數是集中於重慶大廈那邊，而這間餐廳是位於亞士厘道這條美食街。餐廳不是走印度裝潢的路線，取而代之是以白色和橙色為主調，白色的牆身，橙色的椅子再配以橙色的燈箱，盡顯時尚的風格。 走進餐廳立時便感覺到走進了另一片小天地，餐廳顯然的很受印度人和外國人的垂青，星期五晚上大部分的座位也差不多被他們坐滿了。 除了室內的位置，左右兩旁更有室外位置，晚上更可以感受

朋友聚會，第一次來試。食物不錯，而且全素的。很好service，原本book嘅係4人檯，臨時有朋友加入都比張大檯我地。有朋友遲到，食剩嘅食物都凍曬，老闆好好人，全部幫我地番熱d食物，很體貼。餐後仲送甜品，唔止大人食得開心，老闆仲送氣球，棉花糖氹小朋友開心。我地從6點坐到10點，老闆都冇趕我地走嘅意思，讚!

薯仔餡餅裏面薯仔非常之分粉，好食到爆，唔少材料生色唔少，令佢個口感變得豐富。餅底覺得呢煎得十分香脆 ，外表有少少油光，咁樣係最好食嘅，再配上呢個咖哩魚，醬汁香濃得宜，唔會過份濃郁，非常之適合香港人的口味。魚肉十分嫩滑，而且份量也不少，感覺很抵食。 咖哩汁配上餡餅是一流和最好不過的，建議如果大家係一人食嘅話， 咁樣係一個唔錯既配搭。

本身想寫英文食評，畢竟是印度餐廳但食過後，覺得不錯，應該讓更多看中文的朋友知道這裡的經理跟員工的服務態度好好，服務為先，因此令我印象加分這裡大部分的食客當然少不了印度的朋友，座位坐得舒服，感覺乾淨經推介下，我係花多眼亂情況下選了這個*精選飯餐SARAVANA Special Meals - HKD901人份量，不能共享一次過可嚐到多款不同口味的印度食品印度炸餅/麥餅（2份）加上伴菜，飯，辣豆湯，南印度甜酸香料湯，特製南印度乳酪椰子咖喱，香料椰肉菜，熱煲蔬菜扁豆餬，南印酸奶拌蔬菜，蔬菜湯，印度特色乳酪，自制乳酪，特色奶油牛奶，香脆印度餅，醃菜及甜點，真好，差不多一次過嚐盡印度味美先來印度麥餅，味道不太有味，口感煙韌店員建議配上各款醬料乳酪同吃，各有風味先來嚐嚐這款椰子咖喱，味道適中，又不會過於辛辣，相反令這個印度麥餅更增加口感味道這款熱煲蔬菜扁豆餬亦是頗美味，扁豆豆味婉約，配上飯同吃又別有一番風味香料椰肉菜，香料果真濃烈，味道亦濃郁，完全滲透每片椰菜，建議配飯同吃更好醃菜亦好好吃，並不像平常中國吃到的醃菜般鹹或酸，反而來得正常，正常的鹹度，就像平常吃到的豆角加上香葉般，香氣更出南印酸奶拌

最近突然與辣很有緣，素食朋友介紹了 Saravanaa Bhavan，說是頗有風味的印度菜，全素餐單，見她坐落於尖沙咀鬧市當中便硬著頭皮去試一試。餐廳內印度人多，像去了印度一樣，地方企理，除可透過玻璃窗一窺師傅技藝外，還有室外露台位置。除了看不懂的餐牌外，餐廳特意預備了中文餐牌，實在是讓我鬆了一口氣。有趣的是每檯給一枝枝裝水，杯和餐盤亦是金屬鑄造的。印度拉昔味道就是乳酪，有鹹甜兩款可選，我是為了解辣而點的。鹹甜兩款的味道都很強，鹹的那款不很習慣就是了。乳酪炸圈 Curd Vada以扁豆製成冬甩配乳酪醬，灑上莞荽，少量辣椒粉和孜然，香料味重而且食法特別，少吃印度菜的我頓時被這以強勁香料主宰的調味震懾。芝士烤餅 Paneer NaanNaan 大家都比較熟悉，混入芝士的Naan烤出來鹹鹹香香，較貼近香港人口味。特餐 Saravana Special Meals看似細細碟，實則有飯有麵包，份量大件頭，配上各種味道的醬汁和咖哩，不容看輕。麥餅味道較淡，但咬口煙韌，脆餅則香脆，以兩種口感試特餐中不同咖哩和醬料，十分過癮。飯偏乾身長長的，混合醬料食更為滋味。乳酪椰子咖哩比其他香口，椰味使味道更香甜

公司係尖沙咀準備開分店，今日出去，搞掂好哂啲嘢就去搵嘢食，亞士厘道其實好多古怪嘢食，今日想俾自己試下新嘢，平時甚少食印度菜既我，屁股癢就想試下~一上到黎，全部職員都係印度人，應該都好難唔係正宗，我睇左menu好耐，發覺啲菜式係全素，款式又唔似平時既印度餐廳，好多dishes係我未見過既，睇左好耐，決定叫個磨菇炒飯，飲拉茶，加份玫瑰炸奶球做甜品。磨菇炒飯$75香到爆！有好多莞茜，腰果，洋蔥同紫洋蔥，蕃茄，辣椒粉，茴香，香茅絲，少量薄荷葉，個炒飯唔辣，但食落口有好多變化，佢真係用印度長米，所以好有咬口，上面白色既係用酸奶同洋蔥煮成既汁，可以撈飯。整體上唔多覺有落鹽同其他調味料，主要係靠香料令到成個炒飯帶出味道。玫瑰炸奶球$20淡淡既玫瑰花蜜，有奶味既炸波波，外層脆脆地，似係用粟米粉整成，我可以肯定印度人食嘢好甜，因為呢個真係好甜，個炸波波本身幾好味，但用花蜜浸，所以變到真係甜左啲印度香料拉茶$30飲落去，有香茅味，比起平時既奶茶多左層次，多左一種草既甜味，好似維他奶既麥味，咁樣溝落去幾好味，好飲過平時既港式奶茶。所以我平時唔飲港式奶茶，只會飲拉茶，曾經係新加坡差唔多一日飲兩杯，不過佢同馬拉

今天去了一間印度餐館，嘗試一下印度風味，這間餐廳全部都係印度人，包括食客(都有一兩枱講廣東話)望完menu，點左三樣野，第一係印度煎餅叫左個原味，因為唔太肯定其他口味係咩，唔敢咁進取，口感似pancake不過薄d，配3款酸辣醬同辣豆湯(似食麥樂雞咁有唔同醬點)，白色有薯仔同奶味，綠色就好重胡椒咪，紅色我覺得最好食，亦都係最多香料同最辣但最好食，配上呢個pancake，令你想不斷係咁食第二樣係佢地店員推介的印度拼盤，入面有湯，有醬，有配菜，不過menu同佢黎度係兩樣野，事後問番，原來佢地有些菜式係天天𣎴同，佢仲跟個飯，一個人食真係好飽。各種菜式味道特別，甜，酸，辣都有，有些個係乳酪來的，一起配薄餅同飯食，每款都落左𣎴同即香料，很特別。第三樣係咖喱薯仔椰菜花，呢款較貼近香港人口味, 又唔算太辣，𣎴錯！

朋友介紹有間幾特別既印度菜, 佢所有菜色都係素菜, 聽到都想試下間野係尖沙咀, 去到好多印度人 OR 南亞人.首先點左一個瑪沙拉印度酥油烤餅個烤餅SIZE超級大, 而且好香, 裹面仲有薯蓉餡, 伴碟仲有4種醬, 每款都好味, 食完呢個都好飽另外仲點左芝士烤餅, 口感鬆脆又好香芝士. 份量可以再多啲叫左杯芒果奶昔, 冇香港飲既奶昔咁杰, 甜度適中最後叫左個水果雪糕, 上面有啲提子乾, 下面有好多水果, 雲哩那味雪糕加上朱古力醬, 完美結束呢餐印度菜

呢個應該係我食過最香最停唔到口嘅咖哩.佢叫做VEGGIE CURRY,特別嘅係有濃郁腰果蓉去煮!自己從來冇試過呢種味道,知道出面好多間咖哩有杏仁粉去煮.材料簡單:甘荀洋蔥zucchini&peas. 但主要係食個汁,you know~? 辣得黎帶甜味,仲越食越香,配白飯一流.而我就配左下面呢個餅.ONION RAVA MASALA DOSA上枱時呢SET似PANCAKE嘅DOSA仲大過個TRAY!由側邊薄脆開始配淡咖哩;再到奶白色似SOUR CREAM又似YOGURT DIP;再食到食到橙色(最辣).食到中間到主角出場- potato and onion fillings with special herbs and green chili, extremely tasty!!!最後基本上冇分味道輕重鍾意點咩汁就咩汁,反正都食到成手係..lol有冇聽過食辣野飲yogurt 可解辣?呢個SALTY YOGURT聽落古怪但當食到成肚都係咖哩飲落又幾爽口.不妨一試.

平時去尖沙咀都系食放題多，好少會晚餐無肉食，朋友介紹到尼間出名既印度素菜餐廳 ，唔止多款仲好正宗tim七點幾去到好彩唔洗等有兩人位，八點後就開始多人，而餐廳望落多數都系外籍人士，似系熟客仲同D店員有講有笑尼次坐得較偏，店員都好nice叫我地直接將D野放上仍地擺設張枱到望到餐牌成本字典喧厚真系眼都特，唔洗講都已feel到佢有勁多款比你簡，單做素菜已經去到咁既數量一D都唔簡單，我諗咩人去到都總有一款岩心水我就點左個芝士餅同咖哩，仲有杯乳酪，佢地仲有小食啦、甜品同印度特色野飲等等，款式都非常多個芝士薄餅睇圖都唔覺咁大塊，尼到都嚇左跳真系大過塊面入面既芝士非常足，仲拉到絲，薄餅有跟四種配料，非常滿足咖哩既料都好夠，離遠已經閒到佢既香味，撈飯確系一流，入面有菇、薯仔同香料等等，平時食開咖哩雞豬都離不開有肉，估唔到無肉都咁好食，同份量足夠兩個人開心share食到尼到都已經飽飽地，杯乳酪都大杯，同平時既味差唔多但無咁糊，下次可以試下芒果口味晚餐二百蚊都唔洗食到咁特別既印度菜，再加上味道一流，下次如果多人食飯尼到都不失為一個好地方

以前喺外國嘅印度人區食過Thali之後就念念不忘，原來香港都有得食Thali其實即係一個大盤入面有各式各樣嘅食物。而喺呢間餐廳嘅餐牌上，Thali叫做特餐，可以揀跟poori或者chappathi，我梗係揀poori，因為好似比較少機會見到［特餐，$90］大盤上有十小碟 — 有唔同嘅咖哩、乳酪、湯、菜、甜品，同埋三個poori（印度炸餅）同一片papadom（香脆印度餅），另外仲有跟一碗飯！都幾大份將啲餅移開後發現原來仲有一碟mango chutney匿埋咗喺下面。由於係用生芒果醃嘅，食落好爽脆，味道則酸辣開胃每一碟咖哩嘅第一啖都覺得好惹味好香，但愈食愈辣，食食吓全部都變左一樣味呢個時候可以食下白色嘅乳酪refresh個口一下上菜嘅時候侍應印度叔叔同我講，呢個係甜品，千祈唔好點餅食食落第一啖係好濃嘅丁香味，唔鐘意呢朕味嘅人應該會即刻放棄呢個甜品。但係我好鐘意，愈食愈覺得朕味好熟... 啊，原來係masala chai latte嘅味道！入面有大西米同埋一條條唔知咩類似米綫嘅嘢。雖然我覺得好味但真係好飽食唔落了...［芒果拉昔，$35］另外，食印度嘢唔少得mango lassi！芒果味香

一間印度食店印度菜通常冇話正唔正宗 , 若係印度人開 佢地來自邊個印度區域就有佢獨特既味道同飲食習慣 . 而呢間就係素食店 唔好以為素食店就唔好食， 今日第一次試佢既醬汁好好正又夠特別Saravanaa special meals with poori 90 蚊可以話係一個印度醬汁既全餐， 大部分既醬汁都有 好似 濃咖哩 淡咖哩 青椒汁， 奶， 乳酪 薯蓉 各式其式 , 而中間有兩塊炸包 同一塊脆既印度snack snack好似有胡椒味既薯片甘 而炸包 係嗰種發酵到有少少脹起既包食落鬆軟 點以唔同既醬汁撈埋一齊食 好味得黎又好夠飽 個人建議 可以食落咖哩味既醬汁 然後再再食嗰d白色既 因為白色既通常唔係有奶就係有乳酪既成份 可以清一清佢 梅花間竹甘黎 就最啱！  Masala dosa 60 蚊印度素食經常有題菜式 一塊好大個圓柱體題脆皮 外表美觀 點以唔同既醬汁 提議脆皮要快d食 唔好攤凍 , 而脆皮入面有少少青咖哩薯蓉 出面亦有4種唔同既醬汁， 有一味淡身咖哩 一味濃身咖哩 一味類以青咖哩既醬汁 同一味 白色似係豆同乳製味既醬料 建議可由白色嗰度 開始先 再試 青咖哩 淡 同濃咖哩

平時經常都係食日韓台泰既菜式, 今次挑戰自己, 一於試下印度菜, 餐廳位於尖沙咀亞士厘道, 好易搵到入到去差唔多全部都係外籍人士, 第一次係香港見到外國人仲多過香港人.一坐低就點左一個印度芝士炒飯附有2款醬汁, 一款咸啲, 一款冇咁咸, 撈飯味道好夾咖哩芝士加印度芝士烤餅呢2個係配搭好好, 烤餅本身好香, 芝士味濃, 用黎點咖哩非常唔錯咖哩少少辣, 就咁食都得, 不過用我就鐘意用烤餅送野飲叫左杯甜印度奶昔, 味道有啲似益力多,不過就濃郁好多甜品叫左個印度特式新地, 雲哩那雪糕下面係奶昔, 而且有好多唔同既水果包括士多啤梨, 木瓜等 味道少少薄荷, 幾特別侍應們態度好好, 非常樂於幫助, 而且充滿笑容, 絕對為呢餐印度菜加唔少分.

Saravanaa Bhavan is famous in the UK so I was elated to learn that they are in Hong Kong.Definitely highly recommended to expats because this is the stuff we get overseas and I won't waste my breath recommending it to the locals because what they expect from Indian food is entirely different.Saravanaa Bhavan is vegetarian so it is now competing with Branto, Woodlands, and Khana Khazana.To be honest I haven't really tried the others because I rarely dine in the dark side of Kowloon.I remember vag