影片
港鐵奧運站 A1 出口, 步行約8分鐘
繼續閱讀
營業時間
星期一至日
11:00 - 20:30
以上資料只供參考, 請與餐廳確認詳情
501 瀏覽
老朋友如果特別給你驚喜你覺得可以係乜?可以係佢中咗六合彩然後請你飲茶食飯跳舞。可以係成為左政府知名人士然後你有特別待遇。可以係你很久不見然後給你一份窩心的禮物。大概以上三個都可以係很大的驚喜，而你的人生中未必有咁嘅機會見到晒三個唔同情況。有點慶幸，我半經歷了第三個所謂的驚喜，當然事實有少少出入，但也的確係令我覺得幾不可思的事。有一天，朋友A小姐打電話給我，我們大概應該有兩年沒有見過。我們的相識也是很有趣味，註定我們一定要做朋友，久不久我們也會通過電話，簡單見過面談談大家的近況。今次打電話給我，只要問我一些工作上的問題，突然佢問我，鍾唔鍾意食雲吞麵。我當然說鐘意，也是事實，然後佢就問我有冇聽過一間大角咀非常出名的麵檔。那間店基本上是我這幾年在大角咀必去的店，去過起碼五六次，我仲同佢講，呢間野我最鍾意食雲吞同鯪魚球。然後佢同我講，佢同朋友接手左呢間野，改左名，叮囑我快啲過去食。今日講完個電話，第日下午五點我就去到。店名都改埋，但其他野完全冇變，這裡叫Sam哥麵食。一日都係依然係那種傳統的蛋麵香，大地魚湯香，牛腩汁的香，一入到去基本上就令人有肚餓的感覺。每樣的設施，餐廳的裝修也沒有大分別，還是我那時喜歡的舊模樣，感覺格外親切，老闆變成了我朋友的朋友。我還記得這間舊餐廳我寫了一篇食評，叫舊街角。原來都有三四年的時間，不過似乎這麵店依舊，同連詩雅的腿一樣長，沒有這幾年車水馬龍的改變。中匯街依然都是舊區，這或者是舊區依舊可愛之處。立刻食碗最出名的雲吞牛腩麵，雲吞依舊是非常大粒 咬入去完全是蝦，幾隻大大粒的蝦。牛腩的香味當然依舊非常強，那個孖筋非常淋，牛腩件件有實力，又彈牙又有嚼口，味道極佳。麵當然有蛋香，每條也彈牙，而且掛上那濃醇迷人的湯，麵條都大有絲絲的牛腩香。另外吃了通菜，這個沒有什麼特別驚喜，不過腐乳的調味，幾出色。另外，老闆話魚皮好食，於是我便叫一碟來試吓，當然不是爆燈的出色，但以$8一碟嘅價錢，講真，係邊搵， 唔食對不起自己。菜式例如鳳爪，豬潤，豬手等等都絕對不錯，另一位朋友想食於是叫了一碗雜錦，每樣都有番咁上下，豬潤較為薄身，豬手淋得來充滿骨膠原，鳳爪夠入味，原來這裏不只雲吞可愛。另外也吃了鯪魚球米，之前的麵店也是出名的一個項目，爽口彈牙，是常識吧。最後叫杯椰子水，果然是新人事新作風，飲品選擇都這樣健康和站在潮流的前線，的確值得支持。這個老友的驚喜也真是格外特別，以後相信久不久也會來支持一下。Sam仔記粥麵 大角咀中匯街40號地舖
繼續閱讀
第一次黎sam仔記食招牌雲吞牛腩河粉雲吞很大粒料很足粒粒蝦包住係滑皮中很有蝦味，牛腩牛根入味一D都唔韌，麵中加入濃郁的腩汁，主麵啊姨手勢操作高，老師父河粉一D都唔粹，其後我叫了一包炸魚皮香脆👍🏾👍🏾👍🏾價格不貴，比出面市價平，簡直係平民價錢
繼續閱讀