S2 Kitchen (已搬遷) 新店位置

我跟朋友都喜歡吃日本菜，貪其美味而又不會太油膩、太熱氣，感覺較為健康。今次跟朋友到中環石板街附近的一間日式小店，繼續向日本美食進發！雜錦刺身 - 雜錦刺身包括有牡丹蝦、鯛魚及深海池魚。牡丹蝦口感綿密鮮甜，鯛魚魚味相對深海池魚味道沒有那麼濃烈，味道一般。深海池魚魚味突出，肉質則較爽甜。芝士魚餅 - 魚餅四四方方、漲卜卜。外皮帶有微微焦香，口感溫暖而又軟綿綿。魚餅內裡包裹著芝士，咬下去芝士隨隨流出，軟滑非常。

平時經過石板街都唔覺有間隱蔽小店，好奇心驅使下要入去試試海膽杯材料豐富、食材層層相間，顏色奪目，視覺效果一流！頂層是大片北海道紫海膽，接著是白蝦，白蝦新鮮、味道鮮甜。拖羅蓉質感軟腍跟三文魚子口感完全不同，魚子在口腔爆開，散發淡淡鹹香 。吃到中段，松葉蟹肉都被厚厚的海膽包圍，紫海膽味道豐腴，海水味不太重，回甘味道濃厚，口感多層次，海膽迷最愛！帆立貝粒鮮甜嫩滑，牛油果果香中和微酸的沙律汁，有營又開胃。年糕內裡是紫芋餡，外皮酥脆Q軟，有米香味。用海苔夾著吃，微鹹海苔跟清淡的年糕很夾，好吃。壽喜鍋份量充，單單是和牛已經鋪滿鍋面。材料有牛肉、雞蛋、豆腐、洋蔥、白菜、冬菇等。湯底是用醬油、砂糖和味醂而製，風味較為甘甜。和牛片味道香濃，戳破雞蛋，將和牛沾上蛋汁同吃，美味非常！除了和牛，同時還可以吃到滑滑的豆腐及吸盡湯汁的大白菜。

難得朋友從外國番黎，好幾年冇同佢慶祝過生日了！我地兩個都特別鍾意食日本菜，尤其海膽，經過一輪research後，決定帶佢黎中環S2 kitchen食好西～～十層海膽杯 ($398) 🌕🌕🌕🌕🌕黎得S2 Kitchen，相信好多人都係因為佢冒名而來，愛麗絲都係～～依個杯用左燒白飯魚脆片、黑魚子、北海道紫海膽、沖繩海葡萄、藍鰭吞拿拖羅蓉、三文魚子、白蝦、松葉蟹肉、鮮海帶碎，總共十層而成。成個海鮮杯既食材都好新鮮，冇任何腥味🤤特別要點名讚北海道紫海膽、藍鰭吞拿拖羅蓉、三文魚子同松葉蟹肉！！主角北海道紫海膽喺十層入面足足有三層，啱哂鍾意海膽嘅你～佢味道比平時食開嘅馬糞海膽清淡，但就帶住淡淡嘅甜味，唔會食完佢就食唔到其他刺身嘅味，所以無論係就咁食或者同埋其他配料一齊食，都唔會有賓奪主嘅情況。 芝士年糕 ($48) 🌕🌕🌕🌕🌖(掛住食唔記得左影相) 同坊間嘅芝士年糕有D唔同，出面通常係炸嘅，連埋芝士食一黎比較油膩，二黎食完一個已經feel到滯滯地；但依度就係用烘嘅方法，個人認為年糕嘅比例亦比芝士多，變相冇咁漏，仲可以食到多一份軟糯煙un嘅口感-芝士魚餅 ($48) 🌕🌕🌕🌕🌑雖然只係普通嘅魚餅，但

每逢小週末好多時都好想出去搵食，人性嘅心魔就好似小朋友返完五日學校生活、最終可以放假一樣心情也輕了很多， 可能每每遷就上朋友放工之原故， 所以每逢小週末得到這份愉快的心情特別感到期待，是日繼繽鐘情於日本料理，中環【S2 Kitchen】都是我來過幾次的日式居酒屋了，把新派fusion元素注入傳統日本料理當中，創造獨特的風味！係我最受落既地方。.【S2 Kitchen】既舖頭唔算係啲當眼位置，係一條小街既內則，但係遠處都會看得到門面既啲紅燈籠，因為太顯眼了，挺靚的。入面位置不大，大概15人既樓面位再加一小小長既吧枱，而我今次又坐吧枱啦，可能喜歡看看日式師傅整野食既過程，同埋吧枱傾計都好方便呢。枱面對筷子個頭係即棄既，要自行套入去，挺得意既概念，向上望就見到好多酒杯，當然日式居酒屋就是要飲酒吧！大量酒杯挺美的。餐牌選擇非常多！第一頁已經係呢度招牌大介紹「S2 十層海膽杯 」其次，由創作料理、爐端燒、串燒、麵類、沙律、前菜都有，我地最後有點到D創作推介，另外再加少許其他食品。實行樣樣都試一試，上次食個D都係Encore，1-2樣都夠了，因為相信其他都好好食呢。 🔹楊枝甘露沙律 $98楊枝甘露

今日到女友接我放工(其實佢遲咗好多)都係約佢直接糸餐廳等...😅去到擺花街沿着斜路直上就見到依間好有日本特色嘅S2 Kitchen ，因為我係收工直接過嚟，所以只係六點幾入面人唔太多，等咗25分鐘女友終於出現😍可以叫野食...其實冇乜心水，所以廚師發板，可以唔使諗😁海膽杯係招牌菜，一層海膽、一層蟹肉、一層海膽、一層吞拿魚、一層三文魚子、又一層海膽...唔好睇佢細細杯，每層都新鮮、不同口感，作為前菜，會令你好期待之後嘅菜式😍炸粟米餅，廚師好有心思，可以炸到個粟米餅一啲都唔油，我最怕食炸物咬落去成口油，呢個粟米餅絕對冇依個問題👍🏻芝士年糕非常鬆軟，咬落去小心辣嘴，我估裏面用水牛芝士，芝士味唔太濃又可以食到外面年糕嘅甜味😋左邊三串肉，右邊三串素，師傅好似為我地設，左邊適合我，右邊啱晒我女友，牛舌、豬肉、雞珍，肉汁非常多，冬菇、茄子、番薯，燒得啱啱好，唔會燒到過晒龍🤤刺身拼盤有吞拿魚個頭殼頂、牡丹蝦、帶子、油金魚、仲有一種唔記得咗😅第一次食吞拿魚個頭殼頂，佢冇吞拿魚腩咁油，但係會比普通吞拿魚鬆軟一啲，正！牡丹蝦、帶子非常鮮甜，油甘魚肉質夠實，最後一款都非常好味，我故意再問侍應叫咩魚，講完又係唔

之前係中環返工既時候已經好想黎試呢間日本野，但奈何每次經過都full house，今日難得有位就黎試下。見到個海膽杯果下已經哇左一聲，d海膽多到滿瀉咁制，每食一口都要小心翼翼怕佢跌出黎。海膽杯材料非常豐富，有大量既海膽之餘，仲有黑魚子、海葡萄、吞拿魚白蝦同蟹肉。由於每一層既配搭都唔同，所以食落每一啖都有唔同既驚喜，而且每樣食材都非常新鮮，食完真係有種幸福既感覺。碳燒蠔呢個真係不得了，蠔味好鮮好突出，食完係意猶未盡！必推！刺身拼盤帆立貝好鮮甜，放係檸檬上面增添左d清新既味道；牡丹蝦 好大隻，而且肉質鮮嫩。鵪鶉蛋串炸即炸熱辣辣，外層炸好好酥脆，又唔厚粉，正！芝士魚餅魚餅爽口彈牙，咬落啲芝士係爆出黎，好正！滑蛋豬排飯首先份量係好大份，2個人都係勉強食得完。d蛋非常滑，好食到淨係用d蛋送飯都夠。 豬扒幫你切好曬，非常貼心。

呢間居酒屋嘅十層海膽杯好出名，要一層一層咁食，咁先試到佢每一款海鮮嘅鮮味😋1️⃣吞拿魚腩海膽卷 🍣 $158吞拿魚腩蓉嘅份量好多，食落去啖啖嘅脂香味，吞拿魚腩蓉上面嘅海膽入口即溶，最正梗係一大啖咁將成舊卷物鯨吞入肚😏2️⃣S2 十層海膽杯 $398材料包括咗海膽，松葉蟹肉，北海道紫海膽，沖繩海葡萄🍇，黑魚子，燒白飯魚脆片，藍鯨吞拿拖羅蓉，醎海帶，三文魚子和白蝦🦐。雖然我好想一大啖食哂佢，不過店員叫我一定要一層一層咁試，當然乖乖聽話啦。三文魚子嘅醎香味濃郁，吞拿拖羅蓉淡淡嘅脂香味，松葉蟹肉配上醎海帶更加帶出松葉蟹肉嘅鮮甜，北海道紫海膽有少少實身，白蝦爽口彈牙。3️⃣芝士魚餅 $48魚餅好爽口彈牙，咬到中間仲有芝士爆漿咁出來，好治癒🤤4️⃣碳燒岩蠔 $98/2pcs呢個真心大推!癡線咁正!芝士滿佈岩蠔，而且岩蠔非常鮮甜肥美，一咬落去果下d汁出囇來。5️⃣鵪鶉蛋串炸 $58食落去唔會有好熱氣嘅感覺，外層好香脆，內層則彈牙。6️⃣燒河豚魚乾🐡 $78燒河豚魚乾🐡好有咬勁，而且醃製過之後醎醎地好惹味7️⃣燒枝豆 $48枝豆上面有d調味粉幾特別💡中環隱世居酒屋🏮幾正，而且服務質素一流S2 Kitchen地址🐾:中環威靈頓街5

中環有間食海膽杯好出名的舖頭S2 kitchen，以前我在中環上班時老細都有請過我去食，海膽味道鮮甜，一試難忘。Lunch time一定要卜位，否則有排等。呢日咁啱約左朋友中環行街，行到晚飯時間就即興再去。不過今次唔食海膽杯，因為睇menu發現有好多望落好好味的海膽刺身美食，決定試其他，呵呵！中拖羅海膽卷：用料新鮮，不需點豉油就咁食都好有味，仲反而更食到食材的鮮味。拖羅入口即溶，混埋海膽，味道更富層次感。楊枝甘露沙律：芒果粒加蘋果絲整成，好特別，第一次咁食，味道好清新。芝士年糕：芝士極濃，年糕唔係會好濟果隻，夾埋紫菜食，好好味！薄切魚生海膽刺身：呢個我個人極度推介，池魚刺身同海膽都新鮮到無野好講，海膽大舊到驚人，睇到就覺得好振奮，用魚包住大大舊海膽食我都係第一次，原來味道係咁好！粟米流心脆餅：又係芝士呀！粟米加芝士，再炸成脆餅，外脆內軟！吞拿魚腦天：吞拿魚頭頂嘅兩片肉，好罕有架！我估唔到呢兩片刺身咁大塊，條魚一定好大！腦天係入口即溶架！咁大塊刺身都入口即溶，真係好好味！串燒：有茄子、冬菇、番薯、十勝豚肉、雞神、牛脷，個人推介牛脷同十勝豚肉，前者好juicy好林，後者肥瘦適中，燒得好香。

提早五分鐘到達餐廳，餐廳氛圍比較暗，地方稍微有點窄，座位不算少。1.先進入正題：食物點了一個海膽冷麵，一隻雞翅鮑魚，一串雞腎，一碟炸芝士，一片吞拿魚腦天（經理推薦）。海膽冷麵海膽質素不錯，鮮甜厚肉。麵條口感非常彈牙，非常爽，質感快要跟金針菇可以比擬！松露的香也吃得出來。整體來說不錯，但是我覺得冷麵汁有點太苦了。雞翅鮑魚比我想像中的小，不過想想畢竟雞翅裡面的空間有限。我個人覺得清酒味很香，可是鹹味不太夠。雞腎有一點腥，不過非常脆。cheese炸得很脆，裡面完全留心，火候控制的不錯。吞拿魚腦天我是第一次吃，肉質很嫩。overall所有東西都是即叫即做，熱辣辣。我覺得下次再來的話會試試看刺身拼盤之類的。最好吃我覺得是那一片海膽（冷面汁有点可惜我个人不太喜欢），其次是cheese。吞拿鱼刺身其实也很好，就是我个人对吞拿鱼的自带的血味麻麻地。2.service有收10%服务费，我覺得服務值得比+1。waiter很親切，可能不是傳統5星級酒店那種級別的帶著疏離感的服務，但是看到他們staff之間相處和諧很像朋友一樣，心裏也會很舒服。waiter知道燈光暗，不適合拍照，亦看到我一個人應該會需要讓相機

本身見到禁多好評諗住同同事去食，05分到。我唔食生野諗住叫a4和牛sukiyaki,點知話冇牛。禁我就諗住叫海膽黑松露炒飯，禁佢就話要等半個鐘，身為打工仔邊有禁多時間，禁我就叫烏東(豬)。點知轉個頭又話個爐壞左，淨係可以食魚生，當時好無奈，點知過左幾分鐘又話個爐用到，個時已經25分佢上到個餐已經40分。本身係想同同事食餐飯，點知要上司先食同走先。唔明點解可以話係中環最好的日本菜，價錢係親民，但係建議去前打個電話問下有咩食先，費時食到成肚氣......

同HONEY 都係港島工作所以好多時, 返工, 食飯都會係番同一區。因為方便,今日放工後,不想回家煮飯就係公司附近看看有什麼好食.無意之間找到間日本菜館,好有日本FEEL店內比較細,但簡潔之餘自己感覺像居食屋的感覺坐下看食譜後,原來店內最出名係海膽“北極光海膽杯”除了面頭看到的海膽，裡面還有松葉蟹、蟹膏豆腐、海膽豆腐、沖繩海葡萄、黑魚子和紫海膽等，七彩繽紛的海膽杯，最愛吃其海膽有鮮甜仲有不同色彩配搭, 令味蕾帶來不同的享受。鵪鶉蛋串炸.薄薄一層脆皮包著鵪鶉蛋重點是夠熱令食物味道更出芝士年榚外型脹卜卜食落香脆內軟,芝士味不會太濃,之後, 試下兩款串燒,牛同豬,牛肉比較嫩,豬肉入味, 亦沒有因為燒而令肉質改變。食了不少肉類,所以叫一份牛油果帆立貝洋風海膽沙律,沙律菜不用多,爽脆, 加上鮮甜海膽,互相配合。Honey 都想食刺身及魚叫了一份甜蝦, 拖羅及帶子刺身下面加上乾冰,令整份刺身更吸引刺身好新鮮, 肉質光澤之餘,加上厚切,味道鮮甜。平日經常食燒三文魚頭鮫,今次都有不錯重點是魚頭細細,但魚油脂好豐富好香魚油味道連豉油都沒有添上直接享受味道。食日本菜不可以沒有壽司飯食.所以叫了一份甲羅燒迷

每次來S2，第一樣必點的就是鼎鼎大名的十層海膽杯，沒吃過別說你來過，香檳杯內放上10層新鮮食材，北海道紫海膽/沖繩海葡萄/松葉蟹肉/白蝦/三文魚子/吞拿魚拖羅蓉/黑魚子等等，高貴食材，輕巧的香檳杯內竟然可放上十層，海膽杯完全沒有塌下來，店員提醒，直接享，不用添加豉油及wasabi，用湯匙一層一層享用，只能說，紫海膽，鮮甜，味濃一人一杯的話會比較飽肚，最好是跟朋友share一杯品嚐芝士年糕，熱烘烘的剛剛從焗爐拿出，外層軟滑帶點脆，煙韌，中間是半溶芝士，唔會太溜, 用紫菜夾住吃，絕對是充滿日本特色魚頭麵豉湯，剛好喜歡吃魚頭的我，店員介紹今晚有這個麵豉湯，奶白色的湯頭，滑滑的魚肉，配料也有很多，蔬菜，豆腐粒廚師發板特色壽司，6件吞拿拖羅魚蓉卷，金目鯛壽司，仲有拖羅刺身每次麵係新鮮即制，賣相同味道一樣好最後，點了幾串爐端燒，茄子，冬菇，雞腎，燒牛舌，用簡單的調味料作調味，喝著酒，邊談天，確是人生一大樂事

牛油果海膽沙律牛油果海膽兩樣都係我的最愛, 沙律食落清新‧可清洗味蕾。 對於海膽控黎講依個十層海膽杯啱晒我口味估唔到海膽份量都好多, 竟然有1/3杯(其實差不多有半杯)都係海膽，超滿足呀！十層海膽杯燒白飯魚脆片黑魚子北海道紫海膽沖繩海葡萄藍鰭吞拿拖羅三文魚子白蝦北海道紫海膽松葉蟹肉北海道紫海膽鮮海帶碎 吞拿魚腩海膽卷 – 吞拿魚腩海膽份量唔小, 食落啖啖吞拿魚腩海膽 自家制大定櫻花蝦玉子燒 - 好香濃蛋味而且好滑, 味道不錯! 牛肉烏冬 – 食左好多生冷野, 要食返小小暖既食物, 牛肉烏冬至好不過!! 但份超多, 食完已經好滿足啦!! 串燒 芝士年糕亦係我的至愛, 焗到表面金黃色, 脹卜卜, 食落有勁多芝士, 外脆內軟, 好過引! 餐廳環境比較細, 但好有日本居酒店FEEL, 店員傳菜時都好細心友善的講解一下菜式，就是這個良好服務態度，我會想再黎食。

咁多款海鮮 我就對海膽情有獨鍾 而中環呢間海膽店順理成章變成我既愛店 雖然啲食物一啲都唔平 但我都會定時定候再去食～～ 作為舊客就梗係知呢個海膽杯係必叫架啦北極光海膽杯佢既份量唔多 但勝在質素取勝 入面全部都係靚料 好豐富，包括有黑魚子、海膽、海葡萄、拖羅、三文魚子，白蝦和蟹肉等，最底層的是鮮海帶碎。海膽的量好多，基本上每啖入口都係鮮味蘋果沙律 跟住再黎的呢個沙津 味道清新,食完好鬼開胃！芝士年糕 凍食過後 就到呢個熱辣辣年糕 咬開就有流心芝士，好好味黑松露炒雜菌一上到台 已聞到好濃黑松露味 再加埋多種菌類撈埋好好食S2特色海膽火焰卷 呢個好精彩 店員將火焰卷擺上黎跟住再喺兩邊加酒點火，海膽卷燒過 味道再出啲 海膽入口即溶好幸福呀忌廉粟米餅 粟米餅入面有滿滿既粟米粒 加埋忌廉 好香口～原條鰻魚飯鰻魚厚切 無咩細碎骨 再加上醬汁 啖啖肉超好味

家中老媽係海膽控 所以我帶左佢去中環黎呢間專食海膽既餐廳，因為之前都同過好幾個朋友食 都覺得味道不錯！ 店面唔大 位置唔多 店員見到我地就帶我地坐低，佢就同我地介紹海膽杯是為必叫! 咁我地都梗係要叫黎食下啦北極光海膽杯但呢度要講講 佢既份量真係唔多 大家唔好expect好大份 雖然份量少 但勝在質素取勝 入面全部都係靚料 好豐富包括有黑魚子、海膽、海葡萄、拖羅、三文魚子，白蝦和蟹肉等，最底層的是鮮海帶碎。海膽的量好多，基本上每啖入口也是海膽鮮美，另外蟹肉好鮮味蘋果沙律 跟住再黎的呢個沙津 酸酸地味道清新份量十足好飽肚芝士年糕 凍食過後 就到呢個熱辣辣年糕 佢外面焗到脆卜卜，咬開就有流心芝士，熱辣辣好好味黑松露炒雜菌食完芝士年糕 又食番啲素食中和一下～一黎到 黑松露味已經好濃 再加埋多種菌類 好味道～S2特色海膽火焰卷 呢個好精彩 店員將火焰卷擺上黎跟住再喺兩邊加酒點火，好有效果忌廉粟米餅 外面吉列皮 入面有滿滿既粟米粒 超有口感 原條鰻魚飯鰻魚厚切 而且無細骨 再加上醬汁 好惹味！ 成餐飯老媽都好滿意 期待下次再試埋其他野海膽菜 ～