S2 Kitchen

409
18
36
港鐵香港站 C 出口, 步行約6分鐘 繼續閱讀
所有分店 (2)
電話號碼
28858803
開飯介紹
以每日限量的海膽杯聞名,一杯用上三分一至半底海膽,其餘製作材料有拖羅蓉及三文魚籽等,另外其海膽燒岩蠔、半生熟安格斯牛肉、清酒鮑魚雞翼、三文魚夾餅創作壽司和紫芋年糕都非常值得一試。 繼續閱讀
營業時間
今日營業
11:00 - 16:30
18:00 - 22:30
星期一至五
11:00 - 16:30
18:00 - 22:30
星期六
13:00 - 23:00
星期日
全日休息
公眾假期
13:00 - 23:00
*星期日休息
付款方式
Visa Master AE 現金 銀聯 支付寶
座位數目
28
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
賞訂座積分
外賣服務
加一服務費
當面支付
有關餐廳
人氣爆燈: 激烈的海膽盛宴
小店位於中環石板街,街拍的熱選之地,不經意可能會錯過S2的店面。甫進店內店子雖小,跟在日本看到居酒屋一樣,卻散發著濃烈的海膽味,小型聚會三五知己把酒談心,正!

必試海膽杯!
除了必試海膽杯,也不要錯過牛油果帆立貝洋風海膽沙律、粟米刺身、酸汁水母、特色火焰卷、清酒鮑魚雞翼、 三文魚夾餅創作壽司等多款招牌菜。特別注意,請預早訂座 / 網上訂座。
有關獎賞計劃
食評 (496)
質素keep得住! 焦點食評
等級4 2018-08-16
36 瀏覽
今晚特意帶一位很喜歡食海膽既朋友, 到中環一間穩閉而又出名既S2 Kitchen食dinner。早在大半年前幫襯過, 印象唔錯, 亦上過電視既飲食節目, 在飲食平台上更大受好評, 相隔一段日子, 再試試食物水準如何!來到定必order呢度人氣既【特級S2海膽杯】HK$398雖然只是細細杯, 能清楚看到玻璃杯中有唔少魚生一層疊一層的裝得滿滿, 很豐富。menu上亦有列明一共有十層不同魚生疊成, 一個價錢能品嚐十種魚生, 正! 每層魚生都切得很小, 三文魚籽從口中爆開, 鹹香既魚油, 不用額外再點醬油, 味道已經很足! 入口即溶既海膽亦不會有腥臭味, 呢個海膽杯絕對可以令人食出原汁原味! 【清酒鮑魚雞翼】HK$78/隻雞翼賣相飽滿, 被輕輕焗過, 再以火槍稍為燒過表面, 令雞翼肉質keep到juicy, 咬開更有淡淡酒香, 雞翼已被去骨, 更塞了原隻鮑魚係入面, 鮑魚爽口彈牙。仲有兩款更能滿足視覺享受既美食:【S2特色火焰卷】HK$148卷物表面已預先被火灸, 為滿足食客既視覺享受, 碟上加上鹽同埋酒精, 點火後, 火焰一起, 微微接觸到卷物 (唔會過份燒燶卷物), 火焰大約維持一陣就會自動熄滅。卷物中有蛋同埋蟹柳, 上面疊了帆立貝、海膽同埋蟹籽, 火炙後, 海膽成半溶狀, 整件卷物入口除了有多重口感, 鮮甜味十足! 配上甜甜沙律醬, 正!另一款就是以乾冰效果來滿足視覺享受既【雪海板上飄】HK$318上檯已感受到滿滿仙氣, 係一款凍食, 岩哂宜家夏天既悶熱天氣。蒟蒻麵上加了海膽、松露, 份量的確不少! 蒟蒻麵沒有調味過, 味道偏淡, 需將海膽混合一起食, 麵質很爽, 啖啖都食得到甘甜既海膽味。除了多款清酒, 更有少量日式無酒精飲品供應: 【蜜瓜汽水】HK$24喜歡海膽既朋友當然不會錯過出面比較少有既【海膽雪糕】HK$68店員指雪糕係由北海道牛乳自家製成, 混入了海膽, 不過雪糕質感不算軟滑, 帶點鬆散, 甜甜地、少少鹹, 味道幾特別。最後餐廳更會送上雪糕泡芙做完美句號。食物質素大致keep得好, 食材新鮮, 餐廳面積很細, 座位較密, 坐得唔算舒服自在, 但食物品質同埋服務質素搭夠, 值得一去! 繼續閱讀
(以上食評乃用戶個人意見 , 並不代表OpenRice之觀點。)
勁回味。海膽宴 焦點食評
等級4 2018-08-15
172 瀏覽
記得朋友說過有機會一定要試S2 Kitchen的海膽,今日就同米仔去豪一下!挑戰膽固醇,不過之後唔知要跑返幾多公里路才補回呢~~~唔理喇!嚟返個海膽宴先!十層海膽杯呢個十層海膽杯係來店必食之選!望下望下,海膽杯的海膽的份量有成半杯之多,點解叫十層?第一,佢的材料有很多,包括海膽、白蝦、黑魚子、海葡萄、吞拿魚茸、三文魚、蟹肉、同海帶,第二,層層疊起,每一層都分得清清楚楚,所有配料混在一起,簡直係挑戰味蕾!芝士魚餅這個芝士魚餅好美味可口,主要用鱈魚製成,內裡有芝士流出,正!S2特色海膽火焰卷呢個火上燒的海膽卷,賣相超掂!雖然看似係普通加洲卷,但上面加蟹子、海膽,就令整個卷都UPGRADE了!整個配搭味道很好,那個醬濃淡適中,好回味!三文魚夾餅創作壽司呢個夾餅壽司,又係另一特別之作!兩塊脆餅,夾著壽司,中和了三文魚的軟軟質感,整個又軟又脆,口感非常豐富!海膽燒岩蠔燒至半熟,蠔邊爽脆,蠔身滑不溜口,CREAMY!個人雖然鍾意沙律醬,但感覺有點多,但沙律醬的味道又不會太膩,也不會搶走了蠔的鮮味!雲海板上飄雲海板上飄其實係海膽蒟蒻麵。呢個清涼的蒟蒻麵,其實蒟蒻麵本身無味的,但師傅加特製醬汁(秋葵汁調味),把蒟蒻麵味道提升了,加上海膽伴食,令爽口彈牙蒟蒻麵升呢了~~~樂師傅海膽雪糕海膽雪糕? 有點難想像!原來先將海膽蒸熟後,混和3.8牛乳北海道及糖而成的!口感幼滑,味道甘香,帶點微鹹,感覺幾有新鮮感! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-07-28
829 瀏覽
之前已同朋友食過呢間S2 kitchen ,餐廳主打海膽,今次我再一次帶超愛海膽的老媽再來一次,看秈她對海膽評價如何~~ 入到去店員就帶了我地去bar台,今次當然係再叫一杯海膽杯!  北極光海膽杯 $398十層材料嘅海膽杯1燒白飯魚脆片2.黑魚子3.北海道紫海膽4.沖繩海葡萄5.藍鰭吞拿魚拖羅蓉6.三文魚子7.白蝦8.北海道紫海膽9.松葉蟹肉10.北海道紫海膽11.鮮海帶碎不得了,今次一係要每層講下,黑魚子好濃海水味、海膽當然鮮甜肥美、海葡萄、拖羅、三文魚子,白蝦和蟹肉等,最底層的是鮮海帶碎。海膽的量好多混合埋蟹肉好鮮味 不得了!!!!老媽畀足十分佢!芝士年糕 $48凍食過後熱辣辣年糕上彭 外面焗到脆卜卜,裡面年糕煙韌,咬開更有有流心芝士,正!牛油果帆立貝洋風沙律 $168跟呢個沙津 海膽+帆立貝 份量十足 再加埋牛油果同沙律夠醒胃,但我覺得幾飽肚下,份如果細食無quota建議唔好叫呢個~~S2特色海膽火焰卷 $148之後呢個海膽火焰卷,店員將火焰卷擺上黎跟住再喺兩邊加酒點火,好有效果~~~一如姒往海膽超多,好好味吖~~~清酒鮑魚雞翼 $156鮑魚釀入雞翼一起焗,雞翼外皮脆口,入面鮑魚爽牙,清酒味入晒去海膽燒岩鹽蠔 $196燒得好香 蠔好大隻 加埋海膽焗 不得了海膽雪糕 $68 呢個海膽雪糕又係可以不斷encoure  因為真係好好味~~~入口甜再夾粒粒海膽乾粒,依舊驚喜 呢個我再一次推薦!!! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-07-17
1129 瀏覽
七月生日既我好多飯局😆✌🏻出左黎做野之後,都好難就到時間同朋友出街,但一到生日月份,又會一約就約到🎂今次就返住港島區既fd,去中環食好出名既十層海膽杯😍-🔹十層海膽杯($398)比我想像中細杯,係有十層唔同既魚生😳有三層係北海道紫海膽,海膽都算新鮮鮮甜無怪味👍🏻仲有拖羅蓉、白蝦、三文魚子、松葉蟹肉🦀面層有沖繩海葡萄,我個fd話佢第一次食,其實係脆口既🍇整體都幾正,如果大杯啲就好,兩個人Share真係唔夠喉架喎😐-🔹雲海板上飄($318)黑松露海膽蒟蒻麵,店員會淋乾冰,出哂煙咁影相💨成個感覺勁有仙氣🌬依家好興食蒟蒻麵,聽講係健康食品又高纖低熱量🤔食落口感好得意,有啲似椰果質地,不過我麻麻地呢啲健康野,如果係普通冷麵會好啲👻-🔹S2特色海膽火焰卷($148)呢個係會噴火,冰火二重奏🎺呢個火焰卷入面係玉子🐣有海膽同帶子鋪係頂,唧上沙律醬再火炙過🔥我覺得都幾好食,玉子甜甜地咁😋-🔹海膽燒岩蠔($98/一隻)我朋友好鍾意呢個!我就覺得味道唔錯,但隻蠔好細隻,海膽反而多到堆埋大過隻蠔🤣-🔹芝士年糕($48)外層烤得微脆,一咬落去入面煙煙韌韌😍又熱辣辣,好好味!裡面仲有軟心芝士🧀我勁唔小心滴到啲芝士頭髮同身都有😩-🔹清酒鮑魚雞翼($78/一隻)入面真係釀左好大隻鮑魚😱完全唔韌,都幾好食👍🏻🔹楊枝甘露沙拉($98)其實幾乎全部都係蘋果絲🍎仲有少少芒果同西柚,但食落真係好似楊枝甘露,覺得都幾特別,但$98定價有點高💰🔹海膽雪糕($68)我...實在有啲接受唔到海膽變成雪糕😂😂😂-🔺被安排坐係茶水間陰暗位🌚仲要比我見到入面個廚師打左半個鐘機(食雞?)先慢慢準備野食😨然後再打機再整野食,再打機......至少15-20分鐘先上一道菜,餓到💀最後成餐食左2.5小時.....😵 繼續閱讀
(以上食評乃用戶個人意見 , 並不代表OpenRice之觀點。)
等級4 2018-07-04
1345 瀏覽
同事推薦公司附近有間以海膽爲主的日本餐廳S2 Kitchen,決定去試試!餐廳面積不算很大,感覺像是居酒屋。餐牌選擇有很多海膽類的食物啊先點左個餐廳主打的十層海膽杯以北海道黃海膽、拖羅蓉、三文魚子、松葉蟹肉、海葡萄等等配料層層相隔所組成,像是在吃日式芭菲杯😂海膽味道不錯,份量激多,岩哂海膽愛好者青蘋果蟹籽沙律青蘋果新鮮爽脆,伴上蟹籽同蛋黃醬感覺清新燒芝士年糕平常的芝士年糕通常係炸,呢度用燒既方法將年糕燒熟,年糕軟糯煙韌,夾心的芝士軟滑且芝味濃郁S2特色海膽火焰卷店員會點火形成火焰效果,壽司卷面上加了海膽和蛋黃醬燒香,味道挺好清酒鮑魚雞翼去骨雞翼釀入了清酒鮑魚,燒得金黃香脆,非常香口芝士海膽焗蠔蠔肉夠新鮮,芝味十足雲海板上飄,即是黑松露海膽蒟蒻冷麵麵條口感滑溜溜的,加了黑松露和海膽就將整個冷麵的味道昇華了最後係甜品 海膽雪糕北海道牛乳雪糕裡加入了海膽,甜甜鹹鹹的,味道很特別海膽愛好者不能錯過這間日本餐廳嚕! 繼續閱讀
(以上食評乃用戶個人意見 , 並不代表OpenRice之觀點。)