Rice Paper (已結業)

service 又差, d 野又唔係話咁好食, 份量又少, 我唔會再去

我同樣有之前兩篇食評o既經驗, 同樣地問個侍應要水, 佢會重複講幾次係水喉水, 講完仲要係唔會比水你架喎, 咁好似有些少迫我o地叫佢o地d 野飲lor, 一杯野飲都有30幾蚊, 我o地叫左幾個唔同野飲(6個人去, 叫左4杯佢o地o既特別野飲), 又唔見得好好飲.野食仲衰, 睇個價錢係唔係太貴, 不過d野食細碟到死, 都唔知要叫幾多先夠我o地食, 唯有食d又再叫d咁. 我o地有叫佢o地出o既所謂rice paper, 問明有幾多張, 夠唔夠6個人食, 個侍應都話有6張, 諗住o岩o岩好啦, 叫左軟殼蟹, 黎到係有6張rice paper呀, 不過得5舊軟殼蟹呢, 咁即係點呀......你有6張野,唔該比番咁上下份量o既餡黎包啦, 極度"固寒"lor.其他野食都唔係太好味, 坐就坐得幾舒服o既.

我都有同你一樣經驗, 亦是多次講是水喉水,但我們個個都有叫其他飲品喎,但d侍應不是太想我們要不用錢水,仲多次重複是水喉水,直至落一刻仲要大聲講多,都唔知你咩服務態度.

我上2個星期同7個朋友去呢間rice paper食飯, 食到一肚氣呀! 我地8個人一坐落就叫野食, 然後就請侍應每人俾杯水, 個侍應就即刻問我地要有汽定冇汽呀, 我地問佢有冇d唔駛錢架, 佢就即刻話唔駛錢o個d係水喉水喎, 當時o個個侍應o既態度好似好唔想我地要唔駛錢o既水咁, 我地話冇問題呀, 要水喉水law, 佢就再重覆多2次話係水喉水o黎bor, 到佢幫我地攞d水放低時, o個個人又講"8杯水喉水"! 喂, 你想我地叫飲品都唔駛咁o既態度呀! 一係你就直情唔好provide 水俾人law! 如果你係有呢個服務, 你就唔好唔想人叫free water law! 如果佢d水喉水係唔飲得o既, 你咪唔好俾人飲law! 佢地咁o既態度真係唔得呀! 我地唔係唔想叫飲品, 不過, 佢講到水喉水唔飲得咁, 我就好想試下會唔會飲到人肚痛喇! (註: 佢地一支水$28, 一杯果汁$30幾)order左o既野食碟碟都小得可憐呀! 我地8個人叫左8樣野, 有d仲係叫左2個orders, 食完好似冇食過咁, 佢地用d咁o既手法想人地叫多d, 唔係咁好law! 我寧願你貴d, 份量多d law! 間餐廳個

(9 Apr 05) 同好朋友黎食晏, 環境/裝修好靚, 好歐洲feel。但首先要講呢度D service 勁差。D 侍應個個都黑面神咁, 尤其D waitress, 或者我地係女仔啦, 叫親佢地order、拿東西、賣單, 叫左兩次都唔彩, 之後叫waiter, 雖然都全無笑容, 但都helpful既。Order 左出名既, 乾蔥蝦米紙卷$38 三件, 基本上沒什特色, 係幾清淡, 出色既係個醬(我諗係有椰子, 同花生粹)。暖雞脆腐竹大樹菠蘿沙律$75, 見咁特別既配搭, 咪叫o羅, 點知係無大樹菠蘿既, 有D米色好似薑絲咁既物體, 唔知咩黎架啦, 可以勉強叫有少少大樹菠蘿味。另外見到menu有個類似pancake既相, 就問下咩黎啦, 係叫做, 豆….蝦乾泰式薄餅$95, 勁好味。薄餅裡面有d甜甜既蝦乾(唔係我地平時食開o個D喎)、仲有柚、好多蔥片。(仲有配個甜酸汁, 好似燒鵝醬味)最後當然係甜品: 法國蘋果撻金不換雪糕$45, 睇雜誌ok 大件, 來到size係好細咯o羅! 味道非常之好味, 個蘋果酥好正, 好多蘋果, 配埋個金不換雪糕好match! 但金不換既味, 我諗唔係好多人

今日同家姐都無節目, 就捐左黎尖沙咀食tea. 本來想翻炒之前食過o既皇帝蕉撻, 點知佢地二月轉左menu之後就停左呢個甜品! 不過就多左一個蛋糕餐, $48包自選切件蛋糕+雪糕/sorbet + 花茶, 星期一至日都供應.我同家姐都選擇左tiramisu+玫瑰花茶. 雖話係tiramisu, 但就同傳統o既有好大分別-- 蛋糕分三層, 面層係半寸厚o既cream cheese, 主體係baked marble cheesecake, 蛋糕底有薄薄o既焦糖杏仁碎. 與其話係tiramisu, 倒不如話係marble cheesecake. 主體o既cheesecake比坊間o既鬆身好多, 所以無一般o既cheesecake咁膩, 甜度唔高, 但係就有好香o既朱古力味. 成件蛋糕o既極品就係焗香左o既蛋糕邊, 好正! 配o既係熱情果sorbet, 好酸, 不過亦好開胃, 適合配cheesecake.玫瑰花茶係整壺上, 仲會不斷添水, 玫瑰香味較relaxing tea house略淡. $48可以o係度磨足成個下午, 真係下午茶好地方!p.s. 唔明點解佢地會停左皇帝蕉撻呀!真係好失望呀

風格獨特,裝飾很別緻.....但食物不算好吃.而且菜式份量不多,大夥人去吃極不化算.點了蒜蓉鮮魷(普通),蟹肉雲吞(好淋,很難吃),牛肉椰香飯($70左右,用大碗盛載,但竟不足一飯碗,貴得離譜), 蔗蝦紙包卷(ok),還有一個咖哩牛腩(一個普通得很的菜式,但要在吃完後呆等多半小時才到,效率極差),Order的飲料,$35的smoothie竟然是得大半杯...水果加水再刨冰,成本不是貴得只能製大半杯吧....難怪order的人不多!飲品是十分好賺,製得吸引些,多賣兩杯還化算啦!相比較美心另一餐廳,又一城的EXP, RICE PAPER大有不足之處..望能改善!!!

Environment and food ok, but price too high.

went there in 8 people to celebrate bday of 2 among the group. ppl are queuing outside at 7:30pm on a sunday nite. so better to make reservation.we order around 8-9 dishes, all are very small portion aimed to be shared by at most 3 persons. so it's not too suitbale for large group gathering as you can hardly feel satisfied.their famous rice-paper is just so-and-so. their normal rolls cost around $40 but those with rice paper (and u hv to roll them up yourselves) costs $70. the service was not v

食物一般, 我同朋友坐出面露天既位, 有得睇香江匯演, 但好大風好凍, 但個mood就好好, 如果坐室內就覺得勁嘈

一行八人去食lunch,有set lunch供應,一人餐有四款(約$80/set),四人餐兩款($380 & $460).包飲品.由於八人均為細食又心多既女士,所以order左一個$460四人餐+兩個一人餐,另散叫其他野.四人餐包括蔗蝦,炸軟殼蟹,炒白菜,黃薑飯,福建炒河,奄列,加四杯飲品兩個二人餐包括蔗蝦,咖喱雞飯+春卷,生牛肉河,加兩杯飲品另order:兩杯飲品,鴨胸沙律,素米卷環境唔錯,食物質素都ok啦,福建炒河味道唔錯,炸軟殼蟹都好食,咖喱雞飯都幾正宗,其他食物就不過不失啦.(註:春卷,生牛肉河唔夠分所以無試過),但係本人都係比較喜歡係d地道越南菜館食野,貪佢地舖頭有陣香料味.而且食個lunch每人$108.以以上菜色兼食唔飽黎講,實在唔值,唔怪得lunch有咁多位剩. ps.食物及飲品唔夠熱.而且又細碟......

三個人去吃晚飯，７：３０分等到差不多８：０５才有位，期間座位安排頗混亂．點了越南春卷，米紙卷（自己包），咖哩鴨（送法包），乾蝦飯，蒜蓉菠菜和青木瓜沙律．越南春卷味道一般，點的醬汁味道非常普通，沒有特色．米紙卷自己包頗得意，米紙本身有些少鹹味，但頗容易穿．咖哩鴨ｏｋ啦，乾蝦飯的乾蝦甜甜地，幾好味．蒜蓉菠菜和青木瓜沙律味道一般．侍應頗落力推介菜色，亦教客車如何包米紙卷，但安排座位方面要改善．價錢方面則屬中上，普通菜色份量不大．

上個月3個人去咗 呢到食lunch, 環境幾舒服, 但食物就唔係好得啦! 可以話係難食law!!!- 乾蔥蝦米紙卷(招牌菜??? 點解會淡而無味o架!!!)- 生牛河(一般貨色!!!)- xxx肉丸(又乾又硬!!!)- 蟹肉湯河(算係最好味的一個餸, 因為係用番茄湯做湯底)- 其餘2個餸都唔記得食咗d咩, 因為唔好食, 不提算吧!

一入去感覺唔錯,坐入面可以sit-by-window, 個view會更靚.佢地個"米紙",聽講係獨家架,味道雖然唔係話好好,但勝在特別,料同分量都可以自已話事,唔識包的話,可以請教佢地,d waiter 都好樂意教人.料方面最好唔好要魚啦!其他,越南0野好ok,係個大頭蝦就好唔掂,大係夠大,不過,完全無鮮味,用幾多香茅都帶唔出d味來,千祈唔好叫.

今晚一行七人(六大一小)到呢到食晚飯, 好失望, 完全食環境.首先張台已經唔滿意, 已經好早book, 都比d好差既台我地, 有咩理由用卡位再加張二人台比人? 我見有圓台, 佢都唔安排比我地.入番正題, Order左9款食物, 全部好唔掂, 碟大(份量得DD):1. 燒牛柳香草甜酸沙律$80 (D菜好苦好難食)2. 越南春卷$45 (算OK,因為比較大路)3. 六吋庶蝦$50 (聽個名好似好勁,條庶有六吋,D蝦就冇)4. 脆華雞Rice Paper $70 (幾得意! 自己用張米紙包全D餡黎食)5. 香料咖喱焗牛腩(包1條法包) $70 (D椰汁蓋過晒D咖喱味)6. 脆皮雞蕉蕾濕蛋麵$55 (改個咁既名,咪即係雞肉湯麵)7. 香鴨茄子黃飯$50 (算係咁多樣中最好味)8. 香茅蒜蝦湯粉$65 (算OK,因為比較大路)9. 豆腐四食湯闊河粉$50 (D料又唔值錢比咁少...)全部食完好似冇食過野落肚, 都唔知食過d咩!Total: $588.5P.S 如果帶生日蛋糕去切, 每位要收$40, 佢真係食全上, 加加埋埋咪仲貴過個蛋糕?