Rice Paper (已結業)

23/Feb/2006 係我第二次去, 兩次都係去尖沙咀店, 第一次去坐入面, 二人枱, 好迫! 隔離講o麥我都聽到曬.食物一般, 無驚喜.第二次去坐出面, 侍應缺乏, 我等杯朱古力咖啡等了半小時有多, 離譜. 食物及環境都OK.

最有名氣絕對就係佢地張紙, 米飯紙, 食得既紙愛唻包裝佢既配菜材料, 動作上好似食緊片皮鴨一樣, 不過記住要快手, 飯紙壽命有限, 大約5分鐘後佢就會溶解, 所以咪掛住玩包材料遊戲過久. 間野最大致命傷就係叫人困難, bar廳部份有大約三十張, 但只見兩個常註伙記幫手, 人手缺到令人哇一聲, 感覺仲以為回到03年經濟重災時, '裁員廣進', 抑或係生意太好請人請唔切? 心諗, 食野叫伙記咁難, 係非常提蟲既一回事.lack of service.

餐廳環境真係好靚，天朗氣清坐係室外會係好舒服，可惜當日fully booked，只好坐係室內sofa。午飯時間有set lunch，兩位女士不想太飽，所以要了兩客套餐：青咖哩鴨肉同龍蝦炒河，每個套餐跟一杯梳打。另外，每個套餐可以加$18 order 指定前菜，我叫左兩種炸卷。炸卷每碟只有兩條，大過我食指一點，好香口，加檸檬葉一齊食（伴碟個dee），唔錯。炒粉先來，有５件龍蝦肉，份量僅夠我食（減肥中）。龍蝦新鮮爽脆，好食！可惜冇其他醬汁跟上，點少少魚露就好喇。咖哩鴨可跟茉莉飯或法國飽，要了法飽，好脆，食到周圍都係麵飽碎。青咖哩一般，鴨胸肉既鴨味好輕。本來想叫甜品，叫了芒果西米布丁，來左個芒果西米撈，問肥仔waiter，話係越南style 喎，唔鍾意可以取消，但好粗魯咁收走dee 野。個肥仔waiter 收野時打爛野，搞到周到玻璃碎。我想如冇意外應該唔會再自動獻身去多次喇。

went there to celebrate dad\'s b-day, food was so-so we ordered the diy rice paper roll and asked the waiter to show how and nobody helped until we almost finished all the ingredients without using the rice paper!pork ribs tasted good(better than Dan and shooter my own opinion) and also curry tasty and spicy but their service was terrible too many tables too few waiters and too noisy environmnet, I will not go there again.

拍拖週年慶，同男友o黎依間靚靚餐廳食飯~ 我特登早兩日book定seaview chair(有分outdoor balcony or indoor sofa位，因為天氣凍我book indoor~)，但要限時8:30pm交檯~ 係餐廳o既規定，冇計啦，唯有早少少去~　Indoor sofa位係好舒服寫意，個海景雖然偏少少，都仍算優美~ 揀食物有少少難度，因為d新派越菜怪怪o地...後來我o地點左Roasted Duck and Pineapple Salad ($75), Viet Steamed Rolls ($50),另加main course BBQ Pork Rib with Lime($120)，打算食完再order dessert~ 　蒸春卷最先上，份量較少，味道唔錯~ 之後上燒鴨沙律，超難食...原來我完全唔識欣賞佢o既薑絲同香草...主菜o既青檸排骨齋得肉味，唔香唔好食，一樣強差人意，我食唔落囉...我同男友都食到無哂癮，最後甜品都冇食，就走人~　埋單$270，唔飽(出去再食過..)又唔好食，唔值囉~

知道呢間有戶外seat位,所以和男友一試兩個人點了: 軟殼蟹rice paper--要自製的,所以過程幾得意,男友很欣賞,我就覺得軟殼蟹味道ok,但未算激賞黑椒香矛甜蝦--沒有黑椒+香矛想像中的惹味,反而男友愛那種原始的甜蝦味道,算一般啦黃咖哩牛腩--最好味的一道菜!!牛腩很腍,咖哩很香,配上法包,好吃!!下次我會多叫個白飯的^_^ 其實最令我欣賞的是戶外seat位,吹著海風,很有情調,拍拖氣氛一流!!純粹以食物而言是ok但貴了點,但在香港有露天夜海景的餐廳不多,兩個埋單$270,加埋環境分數,overall是個拍拖晚餐好地方

睇左之前的評語，我訂左係室外，環境都ok，but冇想像中咁好。(係www.harbourcity.com.hk度張相個景好靚嫁~)不過都冇發生話『水喉水』事件，service都ok，起碼我要搵waiter有waiter，叫佢教點整rice paper又過黎教。至於食物方面，我地叫左1)軟殼蟹rice paper2)xx豆腐春卷3)豬仔骨4)豬頸肉咖喱(送法包) +再加多個法包5)小食--魷魚6)海鮮飯7)檸水+清水8)banana cheese cake + hazelnut cheese cake野食都算ok，rice paper 食落口味幾特別，至於果個小食魷魚就唔好叫啦，好普通。我見都幾多人叫豬仔骨，不過呢樣係睇落去有返咁上下size的一碟。咖喱幾好咪，佢係好大椰香，初入口甜甜地but 食落都唔係唔spicy嫁！法包都係幾脆，仲暖暖地所以我地叫多個法包黎點curry。由於有hsbc credit card 9折，即係免加一啦，都食左6百幾蚊，碟頭係細嫁啦，不過黎的時候都預左。整體黎講我enjoy個environment多過food，不過真係幾貴的。下次我都會再去，或者黎食tea，

訂了室外, 環境很好, 一邊望住海景聽住音樂, 好舒服.點了越南春卷, 燒鴨salad, 軟殼蟹rice paper, 豬頸肉炒麵, 椰香xx炒飯, 香菇炒豆腐. 整體份量勁少. 雖然我去食dinner之前, 食左個tea, 食完都唔覺得好飽salad- 味道&賣相都幾好rice paper- 起初對果幾張好似牛油紙o既物體有d懷疑, 又唔知點包. 過左大概5分鐘, 先有個waitress黎示範點包. 味道無甚特別, 而且張紙一濕左就好易爛. 用手掰開d大家share o既材料: 菠蘿, 楊桃, 炸粉絲.....有d狼狽豬頸肉炒麵- 豬頸肉要落足眼力搵. 菜仲多過麵香菇炒豆腐- 哩碟係落單時個waitress suggest我地, 全部都係肉, 要點d菜. (全碟都唔知有無十粒豆腐! 唔抵)點菜時, 叫左好耐都無waiter黎, 可能佢太專心, 睇唔到我地叫佢(當時只有3枱客). 唔知係咪我地叫得少野食, 又唔叫drink, d waiter個樣好cool.2女1男- 埋單$370 (美心集團, 信用卡10%off)

暗暗的燈光，優雅而帶點古典的裝修，給人很舒服的感覺．有部份的座位是卡位，而且能看到海景．由於訂位時要求，所以被安排入坐那些卡位．每位侍應都十分有禮貌，有幾位還頗靚女，點菜時還會主動介紹特色飲品，兩杯介紹的飲品都唔錯．Restaurant本身叫得rice paper，rice paper當然就係招牌菜，所以我叫左炸軟殼蟹（配搭一些生果和香草）來自製rice paper roll，ｄ軟殼蟹都幾多肉，好味．由於係第一次整，所以有人會教，唔洗擔心會唔知點做．另外，還有點了以下食物：青木瓜楊桃沙律：我覺得ok，唔係好特別，depends on個人口味蒸越式粉卷：好滑，好味，值得試牛肉茄子椰香飯：椰香味好濃好香，唔錯，$65食得過香茅龍蝦煎蛋麵：有三大塊龍蝦肉，味道都好好,但係比起其他食物會油膩少少價錢唔平，但環境氣氛十分好，所以貴少少都可以接受．原來Rice Paper是美心集團的，如果不是見到濕紙巾的包裝，真想像不到．

知道呢間野好耐，尋晚終於有機會試下。環境非常好，好有情調。兩個女仔(唔係細食果隻叫左:燒牛肉沙律(d牛肉好好味，同埋個汁好正)、香鴨茄子黃飯(好多鴨，好好味)、蔗蝦米紙卷(好食又好玩)、梨脆餅伴蜜糖乳酪(略甜)、香茅青檸梳打(幾清新)。份量係較細，但咁O既環境幾十蚊一個菜，算係唔貴。我地兩個都好食到好飽，食足三個鐘，好滿足........

同意灰灰所講, 呢度真係好難食, 份量又細價錢偏貴, 真係唔洗錢都唔會再去...同朋友夜晚行過見環境唔錯ok 多人又唔洗等就入左去食, 已經叫餐牌上感覺較保險唔會難食既野, 點知出乎意料地難食!1. 羊柳泰式沙律$8x 得幾絲薄ee 既羊柳, 係咪羊都分唔到2. 龍蝦仔扁意粉$8x 以為好保險, 點知都係難食, d 粉淡而無味, 唔夠飽都食唔晒3. 椰子雞肉春捲$4x 味道古怪, 好似'叔叔' 地我同朋友兩個女仔係細食個隻, 食完覺得好似無食, 要去附近滿記食番個糖水先彌補到心靈同個胃既不滿!

同boyfriend celebrate 生日, 我地一早book左table, service 唔錯,無要求都會比window seat, 情調同環境一流．．．．睇下ｍｅｎｕ，樣樣都算係貴我同佢點左1)玫瑰冰荼　($30)酸酸地，無咩特別2)雙雞湯蟹肉雲吞　($6X)雲吞一般，不過個湯好正，有雞味3)香蔥蝦米紙卷　($35)十分一般4)荷葉龍蝦蒸飯($85)幾多，夠兩個人食，不過普通左少少，都有龍蝦肉5) 凍朱古力疏乎厘　朱古力蛋糕($75)最好食的一道甜品．．．．貴，不過前者滑，後者味道適中我同男朋友都覺得貴，同埋得甜品好食

Taste wasn't so bad, but definitely not the reason to pull u back in there. Food potion are small but enough if u go there with ladies.I went there with window seat booking, i'm quite comfort with the seats. Price ~ Fair.Service are quite impressed. Conclusion: Can be better.

I really like this restaurant a lot. The food is very good. I like its curry a lot. The portions are not as small as described in some reviews. There are quite a few drink selections. And the decor is really nice, very fusion. The only thing I am not satisfied with is the staff. There are definitely not enough waiters / waitresses there and there is no attentive service (we sat there for 20 minutes w/o even being asked for drinks). Overall, though, I recommend it.

環境真係好好!下午茶時間(唔知星期六同日有無)仲有tea set，又唔貴!露天平台真係坐得好舒服，d海風吹埋黎，又有d太陽光，又可以睇到日落，真係好好啊!我試過冬天去都唔凍，因為果度有d幾勁下既暖爐，所以都ok。雖然d cake 就麻麻地，不過同朋友傾下計，坐一個下奏，都真係唔錯!(嘿嘿~有一次仲係果度撞到明星tim!)