Qui 意大利餐廳 (已結業)

既然咁多人寫你地服務差,便應改善一下啦.我是長期午飯客,因為在葵盛學校工作.這裏食物很好,好滿意,面包新鮮,午餐價錢抵,廣場開揚的環境坐得人舒服.唯一差到貼地的是服務,眾多服務生中有一個年紀都幾成熟的男人,RUDE到加零一,次次如是,完全好似不懂應對咁,點完菜後便一聲不響便收MENU,奇妙是一次我與英文科同事同往,同事以字正腔圓的英語點菜,佢卻變得禮貌週週,前後判若二人,真令人費解.試過我都未食完面包,侍應便來收走我的橄欖油碟,都吾知趕咩.好彩次次都同同事談天說地興高采烈吾係好理D侍應,如果吾係真係一肚食物一肚氣.

與兩個好朋友gathering，晚飯地點選擇大家都方便的葵芳，而餐廳就揀了我一直好想試的Qui。煎鵝肝-鵝肝本身有點根，外脆、入口溶化，但內裡唔夠熱透，肝味唔濃，缺少一種香羶味。Carbonara-只可稱得上一碟白汁意粉。羊肚菌牛肝菌意大利飯-除了飯煮得極腍外，而汁的味道有點怪怪。蒜香海鮮天使麵-這個是全晚最好的，蒜味夠香，如果再鹹少少會好D。而天使麵唔算幼身，與Carbonara的Spaghetti差不多。甜品是兩個心太軟及一個Tiramisu，兩款甜品有別於傳統。心太軟是原個杯上，食時才發覺，入面的朱古力醬實在太流質，可能比一般的心太軟，焗的時間較短。而Tiramisu是將咖啡、手指餅及mascarpone cheese三款材料分開的，朋友話味道一般一大pat的mascarpone cheese，實在太溜了。飯後感是，食物方面可算合格，但輪服務態度唔得，雖然不是什麼高級餐廳，有某些侍應的愛理不愛，態度又寸。

味道ok，係葵芳的西餐中比較好的一間。服務嘛，一般，有點rude，令人覺得odd.份量，作為女仔同午餐的話，我覺得是剛好。最好味就是包加醋，仲有咖啡。甜品今次係一個甚麼朱古力脆餅，勁甜勁實，唔得。哈，見人地食墨魚麵好好笑，成碟都烏卒卒，連墨魚都係黑色的。食完一啖，個口唇都會黑色一遍。如果唔記得抹咀走出街就好好笑。

幾日前係到食set lunch頭盤：雞絲沙律或蘭度豆湯選了後者，　味道淡而無味主菜：海鮮墨汁麵，都係淡味甜品：朱古力泡夫等咗好耐，嗰Waitress唔記得上總結一般啦，有啲不值　　　　　　　　　　　　　　　　

今午同朋友到大家有評的這間餐廳一試。可惜並不見有什麼睇頭，地方不算大，彎形的走廊堆放不到十張座及露天擺放六七張以照顧吸煙的朋友。但郤祇有兩個服務生，由接待、點菜、上餐、結賬及收拾，都是他們兩人。所以不要旨意有好的服務水準，及殷勤的招呼。食物方面，我們點了不同的套餐一試，沙律祇得幾條像三葉草加一小塊麵包，餐湯是蕃茄忌廉湯，主食有龍蝦、羊扒和帶子，感覺味道都是一般，甜品來個像雪凍的鬆餅。最攪野是飲品要個凍紅茶都無，實在是有點過份。所以祇此一次，下不為例！

7月14日星期六晚上朋友生日, 所以一行四人打完波食飯, 好彩有訂位, 如果唔係就無位座. 一座低服務員介紹今日晚餐係咩沙律, 咩湯, 之後就奉上麵包, 一定要點意大利醋, 好好味, 我們好快就食晒d麵包, 問他們可否再添, 他們轉頭就放低另一籃麵包, 可能打玩波關係, 狂風掃落葉好快食完, 他們竟然主動放低另一籃麵包, 他們有留意我們, 好細心.讚!食物方面, 總括是“好味”不論是雞沙津, ?豆湯, 主菜: 龍利天使麵, 意大利飯,羊架, 牛柳, 記得食d 配菜, 都好好味, 重有甜品.價錢方面, 見仁見智, 不同主菜, 不同價錢($128 - $208), 總括我們都覺得合理, 環境暗暗地, 幾舒服.總括無論是拍拖, 週年記念日, 三五知己談心都一樣得, 不過記得訂位.

同老公係lee 間食過好多次, 終於上黎寫食評!! 上個星期生日, 同老公黎食晚飯, 我就照舊都係叫set dinner, 今次叫個野雞胸沙律, 老公就叫左個佢最like既墨魚汁海鮮麵同order左一杯house white。先黎個麵包, 仲有我最鍾意既意大利醋, 正正正!餐\湯都好好味, 雖然份量唔多, 我反而覺得岩岩好, 太多會無胃口食主菜。主菜既雞胸比我想像中要滑得多, 估唔到雞胸可以o甘滑架!! 而佢\既配菜都好好!!而個墨魚汁海鮮麵亦都一如以往好好味, 老公次次都食鬼晒!! 至於甜品今次係朱古力蛋糕, 好味道!!house white好易入口!以o甘既價錢, 佢\既食物質素同環境真係唔錯, 我地會keep住黎架! lee 間係葵芳難得既好食肆!

見雜誌介紹話pasta 好吃今日lunch 終去一試入到去感覺比外面看入去大彎彎的格局唔錯~waitress 態度幾好,可能客比較小, 一入去就俾水和bread.叫了:澳洲龍蝦意粉:龍蝦無乜肉, 可能只是要個味, pasta 好彈牙, 味濃,好味!澳洲牛柳:牛柳叫了7 成熟, 幾有牛味,配菜有菇等,比牛較出色!甜品:自制雪糕配梨,雪糕幾滑, 第一次配梨吃, 一酸一甜好配合!餐飲一般~總括而言是葵芳區不錯的choice, 係新都會吃的都是連鎖店, 有這間在劇院旁的special store 都不錯呀!

之前上OPENRICE見大家話呢間意大利餐廳D野食都OK, 但係SERVE 就吾係好掂. 同男朋友考慮後都去試一試,因男友未到我就先入去等, 去到既時侯,個女士應都吾多有禮貌, 我坐底後五分鐘都冇比MEUN我, 又吾比杯水我先,但係當時D士應一D都吾忙,直到我男友到左先比MEUN同水我...我真係吾知呢D係咩SERVE??我地兩人..頭盆叫左個生牛肉, 另外,叫左蜆肉白汁酒煮意粉同西冷牛排,除左個意粉算係OK,D蜆好大隻之外, 個牛排吾係咁好味同個汁怪怪地, 個生牛肉冇咩肉味一D都吾鮮味,所以都有點兒失望.

出糧日，決定好好犒賞自己吃頓好的，便來了這間全區環境、食物皆最精緻的意大利菜館。　今次首次坐室內，與室外園林景觀完全是另一風味；相比之下，室內更見優美雅緻，而且有涼涼的冷氣很舒服!　如常的先來豐富麵包籃，麵包其實一般，但那碟意大利黑醋仍是那麼令我傾心。每次來都難免再次加添，而侍者都會殷勤、樂意的效勞。午餐有四個course($68-$198)，分別點了:　是日精選沙律/餐湯-想念第一次來吃到的精彩墨魚仔沙律，我選了前者，未想過今次來的竟是鵝肝醬沙律。兩大片我喜歡的鵝肝醬，配上清甜車厘茄沙律，我滿足得不懂說話了...　主菜-由pasta到龍蝦等，共有四款選擇，我點了扒三文魚配田園沙律。三文魚煮得嫩滑，外皮煎得帶點甘脆，味道較清淡，幾適合我當日的胃口，不錯。沙律沒有特別，反而是三文魚扒底的薯蓉很香，好吃!　甜品-仍是意式奶凍，不過今次有西梅肉在面，豐富了構圖與味道，再一次驚艷視覺與味蕾!　餐飲-點了熱咖啡，一聞而知香醇度十足；配的奶不但熱，更附有豐富泡沫，令人窩心；最後還附小小一片脆餅，不能再滿足了。　美好的一餐，實在多謝K相伴；並祝台灣之旅順利愉快，吃得更多!　P.S.鵝肝醬沙律與西梅奶

Tried two appertizers and both were nice. One were clams in white wine sauce and the other was antipasti dish for two (with Salmon, Parma ham, squid, mushrooms, crab meat etc.). Set meals were value for money (HK$88-98) with appetizer (soup/salad), main course, dessert and tea/coffee. Spaghetti with clams was delicious - not too soft and not too hard. Coffee with little almond cookie contributed a lovely finish. Wine was average. May sit outside if weather is fine and not so hot.

Lunch time去環境幾靜, 幾舒服,頗多外國人. Order了set lunch, 個蜆肉意粉軟硬度適中, 好乾身. Tiramisu亦不俗. 可能有露天關係, 突然有小蟲飛在食物上, 但侍應都有幫我換. 人手不夠.

晚市再試吓佢哋係咪咁不可一世,點知都係咁差的服務態度...唉!!!我覺得今次的麵包比上次差,像是有點不太新鮮.頭盤的鮮牛肉沙律很出色,刀工一流.餐湯是三文魚海鮮湯,飲後已有點滯.Set 1.太平洋鱸魚伴辣肉腸配菠菜汁$168 ~ 魚的肉質有點似銀雪魚,多食有點膩.伴菜及mash也很好. 其實Set 2.意大利飯伴三文魚配Florence粟子$138 ~ 自覺那粟子與港產的沒兩樣.整體也很好,但忌廉味重咗.Order 3.舌頭扁麵,紫蘇葉,松子仁法邊豆"Pesto"汁$78 ~ 這款麵味非濃,油太多,少一點會更好.甜品的Tiramisu一般啦.

見到都算有d好平, 同男朋友的晚餐就去食啦兩個人食兩個SET dinner, 加一共340有找地方感覺上都是幾整潔..可能人手不是太多, 人多時都不是太能夠照顧到有須要的客人d野食都好好味, feel到是有心機去做不過, 食到尾個時....................見到....有小強一隻在我的坐位附近..爬過....我也不能總結那裡乾不乾淨....就像是明明家中已經明一塵不染...仍是有些外來的客人

我同老公二月十四日去果度食！2個人食伍佰幾蚊，對於情人節講都算OK！首先有鵝肝伴一塊焗既多士，我本身唔食鵝肝，但係連埋面飽真係幾好食！跟住講帶子菜沙律，又係好好食！跟住一藍面飽，跟一碟黑醋，同埋黑松露，將D面飽搽D黑松露上去再點D黑醋，真係好好食，我地2公婆食哂成藍面飽，跟住果個湯就少得滯，但係味道都唔錯，好啦！主菜，我揀個黑豬鞍扒，我係第一次食黑豬，覺得個質感好似牛扒啦，軟綿綿，好好食！不過到呢個時候我已經食到好飽，祗能夠食到一半！最後既甜品，我都係祗能食2淡！但係味道都無錯！總結講！我十分滿意呢餐飯！因為我本身唔鍾係咁鍾意食意大利菜，因為以前食過唔好食！所以今次令本人改觀！好想快D去食多次就好了.....