Qui 意大利餐廳 (已結業)

昨天晚上,相約朋友們去慶祝生日,朋友在話葵青有閒好好吃的黑毛豬西餐廳因為生日人士只吃豬,所以就算遠(我身在港島柴灣)都慕名而去怎料到....原來是噩夢的開始去到餐廳，沒有人招呼外,連餐廳最基本的遮架亦欠奉,真有點兒那個排排坐以後,開始點餐驚見黑毛豬只可以兩位點一客....無奈接受,我只好割愛,轉吃日本宮崎雞肉意大利飯結果,4人點了牛肉,4人點了黑毛豬,1人點了雞肉等了好一會兒,上了麵包,餐湯,沙拉(整體都非常失望)麵包硬, 餐湯淡而無味,沙拉汁太酸終於到主菜上場牛肉------>硬+有渣+無切走牛根黑毛豬------> 4個人都無講要幾成熟(因豬肉一般吃全熟),上碟時每件都吾同成數熟佩服經理哥哥的急才"黑毛豬吃生D都無所謂"..........日本宮崎雞肉=一塊塊深咖啡色的粒粒,一字記之曰---->硬意大利飯中的飯不是用意大利米(當然成本所限,我明白),但竟然找到中國式鮮冬菇+秀珍菇....有點兒過分埋單共$1000左右,出左餐廳問問朋友,當中有無人吃過或者資料收集,結果系0人結果,所有人都吃吾飽,要再去吃過野,發誓以後約吃飯,一定要上OPEN RICE看看另,

二零零九年六月二十日晚上大約八時打算同男朋友到此晚飯, 在門口先望下餐牌啱唔啱食覺得ok就行左入去, 點知有個餐廳侍應serve 完客後就望一望我地就走左去。既唔問係幾多位亦無問有咩幫到我, 只係當我地兩個好似外星人咁樣走左去。期間在餐廳室內的工作人員不斷在伸手不見五指的地方走來走去, 好似當我地兩個人透明, 在一瞬間有一位類似收銀員既人行出黎, 不過只係掛住去收錢或者serve 客, 我地兩個人見最後那些人都無理會我地, 只好飄飄然飄去新都會繼續揾食 - 開始今晚騎呢西餐之夜。

又是麗梅姐的suggestion，第一次去葵芳吃意大利菜，心中當然會有些expectation。由於天氣很熱，便選了在餐廳內有冷氣的地方坐。地方略為狹小的，但情調都ok，地方也是十分之整潔。在桌上的餐具十分之清潔。因為是第一次試菜，就試set dinner - 黑豬及日式炸雞意大利飯。但為了想看看這店的水準如何，就加點了意大利的名菜 - pizza。先吃麵包，OK，very soft，我也蠻喜歡。Salad，看來廚師應該小心用醋的份量，否則，會有很多客人吃到胃部不適。菜Soup，溫度OK，but，只口渴了一半便停了，湯味不夠，沒有感到菜湯應有的豐富感覺。黑豬，肉質OK，味道太咸了，很難吃下去，那些伴菜有點不太正中(四季豆)，很像銀龍那類街坊餐廳的配搭。廚司應花點心機ma.....什麼日式炸雞意大利飯 - good -- fusion cuisine，未聽過可以把炸雞放在risotto上來吃。有點未學行先學飛的感覺。希望未來的意大利人會有機會把食法加入其食譜內。那些risotto煮到太硬，所選用的risotto也不是好貨，十分之粗"鞋"。這可能是廚師用心良苦地把salad弄得這樣酸來配這

人人都話佢個黑毛豬好好食, 梗係去試下啦!! 一個set dinner 先係$98蚊, 有前菜, 面包, 主菜同飲品, 其他無乜好講, 個黑毛豬豬竟然係厚切, 好大塊. 最初仲驚佢會"un", 不過出乎意料之外咁爽, 又唔"鞋". 肉汁都留哂o係條豬扒入面, 會有越食越想食o既感覺. 仲要食得好飽tim, 但係裝修就嘛嘛哋, 坐外面的話應該會好好多.

因為我之前係睇到黃麗梅介紹過, 尋日咪同男朋友去試Qui, 我無試去一間餐廳食咗兩口就要結賬走.......攪到我好唔開心, 仲非常失望........但睇返OPEN RICE食評又唔係咁差.....唔知係咪個廚師賭馬輸錢, 令到個味雷有事??我ORDER 咗佢地最出名1)黑豬, 係個SET...... 2)DOUBLE CHEESE 意大利雲吞 3)蘋果卷拼熱情果CHEESE CAKE每一枱都有麵包, 麵包特別係點醋, 令到麵包帶少少酸, 幾開胃(但你都可以要求牛油的)湯: 燒粟米湯---即係粟米忌廉湯(味道麻麻, 沒有特別)主菜:意大利雲吞-----超咸 真係咸到入唔到口, 原全沒有CHEESE味仲話DOUBLE CHEESE黑豬-----首先我地試咗陪菜, 個薯格係就好脆, 不過一D都唔熱, 都算....咁我地就試黑豬, 又係超咸 又係入唔到口, 仲要好"鞋".......我地食兩口就放低咗, 無食到甜品:蘋果卷拼熱情果CHEESE CAKE ----- 又話要等20分鐘去整......個蘋果卷係凍的......味道都OK 蘋果係脆的, 個CHEESE CAKE....無熱情果咪

今日同男友去到叫左黑毛豬set dinner - HK$98 - 有黑菘露菌, 個人可能第一次食, 食唔慣, 好大陣味..西冷牛扒set dinner - HK$98 - 依個幾好味, 厚+多汁, 我覺得依個牛扒好味過佢地推介既黑毛豬好多....附有餐包幾塊, 有D汁點, 但牛油要問侍應先有另外佢地用一個個玻璃樽裝住D水, 係你面前先開黎酙比你既, 但我見到佢D水原來係用水喉水, 要裝左落玻璃樽再酙比客人飲用, 未免多此一舉餐湯 - 粟米磨菇湯唔包餐飲同埋睇晒成本MENU都無飲品個LIST....另外仲有幾個弊處, 就係無reception, 客人經過室外既座位自己入室內餐廳, 先有侍應問幾多位, book左幾點, 有d客人甚至係入到黎, 岩岩有客人埋單, 侍應叫佢企係度等一陣, 而唔係叫佢出面等, 客人就望住d侍應執枱, 怪怪地d位幾迫下, 每張枱既距離有限, 要打側先過到同埋只係一間好普通既餐廳, 並唔係其他食家講到既有情調...

咁啱小公主屋企冇飯食，可以陪我出去食，竟然比佢搵到一間位於葵芳新都會廣場......隔離葵青劇院入面嘅意大利餐廳，如果你唔熟識嗰帶嘅地形你跟本就搵唔到，好在小公主以前去慣嗰邊，唔係有呢個領隊，我自己一個都唔知點算。入到去，環境黑黑的，成個場係一個半圓型設計，內圈係水吧，外圈擺滿枱，但夾埋得十張，仲有室外嘅枱，不過天時暑熱，真係搵鬼去坐。叫咗兩份set dinner，食物如下：1. Assorted Bread - 又係意大利餐廳嘅傳統，先嚟一堆麵包，慌死你唔飽咁，但係真係好好食，真係好鬆好鬆好軟好軟，有香草軟包，同埋法國包，仲有塊薄脆片。佢嘅黑醋同特純 olive oil，真係同其他地方唔同，連我地兩個本來唔係好喜歡呢樣嘢嘅人都覺得好好味。但係個蒜蓉牛油就太乾太杰，完全搽唔到落麵包度，叫人點食。2. 煙鴨胸沙律 - 整體算唔錯，不過不失。3. 甘荀忌廉湯 - 口感唔錯，算係落足料，但本人最唔喜歡就係用甘荀做嘅忌廉湯，點解佢唔改用西蘭花或者磨菇呢??4. 黑松露忌廉汁天使麵 - 太淡，帶唔出鮮味，用豆苗仔，有草青味。5. 紅酒燴鵝肝伴牛柳 - 鵝肝煎得唔錯，好香好滑，有瓜同茄子做伴菜，牛

個黑豬排真係唔好食又厚，又硬，冇味，ｂｂ叫果個三文魚唔好食前菜有一塊唔知係咪生火腿，除左酸咪都食唔出係咩食桌之間相距太近隔離桌果對情侶成日望住講野好似會俾佢地偷聽咁甜品有雪糕同蛋糕雪糕一般蛋糕賣相唔得，冇食到可能係剛好我地叫果ｄ做得唔好味可能其他人果ｄ整得好味ｄ．．．

今晚到葵青戲院睇歌劇, 專登訂客試菜, 準時六點鐘入座, 已有一, 兩枱人客 (後來在戲院又遇翻), 室內室外也有座位, 樓底也很高, 水晶燈佈置幽雅, 可惜枱與枱之間狹窄, 沒有太大私人空間!我們在 set dinner, $98, 選了兩個, Roasted New Zealand Beef (70% cooked) 及 Grilled US Black Pork Loin in black truffle cream sauce.....一籃麵包跟黑醋油先上, 暖暖的有三數種, 不是 fresh baked, 但也合格吧! 頭盤跟餐湯各要了一份, 餐湯是忌廉湯, 我不太喜歡, 所以選了什菜沙律, 醋汁酸味味, 蔬菜夠爽脆, 也有兩三件熟茄子配上, 不錯! 然後到兩件扒分別用了方形碟子, 配搭了兩個 mini 薯仔, 一些什菜, 牛扒及豬扒份量幾大, 黑豬連骨, 一切下已不妙, 非常韌, 只有近脂肪的一小部分是稍為腍, 黑松露汁亦不覺很香(我是否叫錯了), 牛扒只可七成熟(我們通常會叫五成), 但上時亦見中間部分帶紅, 不過熟, 肉味不濃 (outback 可取一點), 餐牌上列明

成年前食過一次, 感覺唔錯, 因為想係葵涌區搵一間似樣少少既西餐廳係好難, 呢度環境唔錯, 樓又高, 唔會嘈.同老公食左 2 個 set, $98/set, 湯 / 沙律+ 主菜. 是日 忌廉甘荀湯, 幾好飲, 滑+ 好香甘荀味, 得 ! 用一只好大既湯碟上, 靚 ! 凱撒沙律: 新鮮, 芝士味濃, dressing 好味, 係食到個底時就咸左少少, 但 overall , 得 ! 黑毛豬扒, 好好肉味, 又唔算細件, 好冧, 一 d 都唔鞋,汁都唔錯, d 伴碟都 ok, 碟菜係立體既, 又有 d herbs 係碟邊做裝飾, 以 $98 黎講, 係抵食 三文魚他他+ 意大利雲吞, 都好好味, 兩樣混埋一齊食好夾, 用料唔錯, 上碟都好靚, 唔錯.唯一有d 不足係個餐冇餐飲. 但其實呢 d 環境, 應該飲酒既, 如果呢個餐有個選擇係 + $30-35 有一杯紅酒, 咁就 very good la. 因為餐牌價成 $50/杯, 係葵涌區黎講, 貴左 d, 中環都係咁既價.

一早已經知道有呢間餐廳，不過一直未去過。睇雜誌見佢有個$98 tasting menu，有snake river farms的黑豬，就心郁郁去試下。環境唔錯，坐裡面會舒服d。不過服務就好一般，唔係話無禮貌之類，而係唔似西餐廳囉，有d茶餐廳feel...到主角黑豬出場喇! 以一舊98蚊嘅豬扒黎講，係ok嘅，算不錯。不過大家都係snake river farms，點解同fusion 5th floor果舊差咁遠嘅??? 當然一分錢一分貨，我明嘅，所以唔係話不滿，只係覺得都係貴d去食舊好d嘅開心啲...仲有呢個tasting menu係唔包餐飲，有d唔圓滿嘅感覺。我地開埋支白酒，四百幾蚊找數。

13號公司食New Year Lunch, 阿頭決定食呢間意大利餐廳。去到見到餐牌有羊肉, 而自己又好鍾意食所以就決定食呢個。個餐包括 -1. 餐湯 / 沙律 (我選擇o左要沙律, 但係有其他同事飲o左湯話都唔錯~)2. 麵包 (有幾個選擇暖暖o地, 所以好快就無晒, 不過可以不斷添食~ 點黑醋+橄欖油好味~)3. 主菜:羊肉拼南瓜意大利飯 (羊肉只係一般, 個南瓜意大利飯好好味, 但係份量太少啦.....) 燒牛肉拼黃薑飯 (因為隔離位同事叫o左, 所以食o左少少, o的燒牛肉好好味o架~)4. 飲品:熱檸茶 (唔識分好唔好, 但係飲咖啡o既同事話唔錯~)5. 甜品:蕃薯雪糕+蕃薯熔 (好特別好甜好好味, 可惜o的雪糕出到o黎熔o左一半..... = =)整體o黎講都唔錯, 但係88蚊一個餐份量又咁少又唔係特別好食; 自己比錢就一定唔會再去lu~或者可以搵日試下食晚餐可能會好o的~

搵平安夜既聖誕dinner搵左好耐, 因為以我依家咁既情況.....一隻腳gu下gu下出到去D多人 既地方....實聽比人撞瓜都得la.....所以我就book左位於葵涌葵青劇院既Qui Ristorante Italiano。貪呢度近屋企又唔駛同人迫! 呢到環境幽靜。筆者建議坐餐廳室內, 因為座位較舒適! 麵飽籃,配balsamic vinegar同butter。 Appetizer同soup一齊上, 個presentation都not bad。個湯係龍蝦忌廉湯,加上魚子醬Caviar配薄toast。 冷盤分別係蜜瓜配巴馬火腿or海鮮拼盤。Parma Ham係用西班牙火腿Jamon Iberico ham! 個Seafood platter有煙三文魚,青口,螺。 Lauea Cabernet Sauvignon 2005 from Chile. 夠 fruity, 我鍾意! Per glass都係 HK$58! 新世界既酒好底飲! 仲同兩個 Main courses好相配tim。main course三選二 Roasted New Zealand Beef Sirloin with

昨天晚上同兩個朋友又來這裏食飯,其實是其中一個朋友說好想再食極黑豬,所以又來了這裏,我們本來訂了七點四十五分,餐廳是會留枱十五分鐘,但我們也遲了,8:05分左右才到,但好彩還有位置,星期五的晚上,不算多人,我想半間餐廳full吧,坐在餐廳較入的位置,仕應很快給我們倒水,然後給了我們一籃麵包,麵包配黑醋食,甜甜地好味呀,然後我們就叫了三個晚餐,兩個飲南瓜忌廉湯,一個吞拿魚沙律,南瓜湯好CREAM呀,我試了一啖,不是太甜好飲,吞拿魚沙律我覺得吞拿魚好味,有D汁甜甜地幾好味.主菜方面:極黑豬依然咁好味,D肉好淋,有一陣香味,好特別,它跟普通的豬是有不同的味道,配汁一起吃,好味,配菜的紅蘿蔔條及椰菜細細條都好清甜入味,還有一小碗薯仔片,我覺得比較硬.牛扒好生,仕應都沒有問我們要幾成熟,好難切開,那把餐刀切了好耐都切唔開件牛扒,但味道都幾好,不會覺得血淋淋的感覺,還很大份呢.意大利雲吞配三文魚他他:本身麻麻地食,因味道好似怪怪地咁,不過試下都無坊,份量都幾多,我地食食下覺得中間個些不知是甚麼,因為有種魚的味,但又不知是甚麼魚,看不出來,於是問仕應,其實第一個仕應也不知道,他幫我們問另一個,然後另

前天和朋友到葵芳吃晚飯，看到劇院附近的歺廳，便不防試一試。因沒有訂位，所以便暫時安排在歺廳外吸煙區的位置。而那些waiter答應會安排室內的座位給我。坐下後waiter 不時請我早些落order先。 而我發現到我們離開時，室內至少有兩三枱是空置的。而食物方面，我們選擇了＄98 (PLUS 10%)一份的黑豬及雲吞，黑豬的味道十分淡，而雲吞的味道很咸。這兩份晚歺是不包括tea or coffee的，只有清水，麵包及前菜 (salad or soup) 。在用歺時至少有三至四次waiter來來回回收歺具及問我哋是否食完。總括來說我以後都不會選擇這家歺廳，並不是食物的問題，而是waiter的態度。