Pulau

營業中

休息中

今次食咗依間餐廳。好似foodcourt嘅中環街市環境幾chill。點咗個新加坡大蝦喇沙摻摻。好大碗吓。先講吓個喇沙湯。夠晒濃味。少少海鮮味。好香口。湯唔會太稀。帶微辣。可以入選Mingorr食過最好味喇沙湯頭三甲。餸有豆卜（索晒啲湯）正另外有蝦（都爽嘅）。魚蛋（彈牙）。少少糖心嘅蛋。魚片頭（爽口彈牙）。幾條綠色嘢。摻摻就有米粉加粗面。唔會浸到淋晒。每啖都掛滿濃濃喇沙湯。另外無乜牙菜都相當加分總結係一間有質素嘅餐廳。好食同份量都夠。雖然價錢都唔平。但對得起個品質嘅。

#中環美食 #中環新加坡菜中環個個都話剩係得貴格搞嘅嘢，想搵加$100左右可以食得飽又好味嘅好難？梗係唔係啦街市其實呢邊有好多餐廳，其中一間蒲羅就係我嘅鍾意嘅一間新加坡菜！本來第一次嚟係為咗食半熟蛋 配咖吔多士，原來佢哋睇喇沙同海南雞飯都幾出色！▪️新加坡大蝦喇沙喇沙湯底好香濃😍 有啲濃稠，惨惨份量都幾多，相當掛汁！裏面有鮮蝦，溏心蛋，魚蛋,魚片頭，豆卜，啖啖惹味！▪️半熟蛋 配咖吔多士麵包烘得金黃香脆，濃滑的咖央醬，食落甜甜香香，中間夾住一片牛油，層次豐富😋沾一沾半熟蛋嘅蛋液，別一風味！$36有埋半熟蛋都真係幾抵食▪️胡椒豬肉串每一串豬肉串嘅豬肉都豐滿肉肉入口胡椒味剛好，唔太重！仲好多肉汁！正▪️海南雞油飯海南雞雞肉嫩滑肥美，份量都唔少，我鍾意沾上甜豉油同蓉油，幾好味！配埋魚蛋湯～幾鮮甜！

行咗幾次中環街市，今日終於有機會試吓入面啲嘢食。我同朋友揀咗去食新加玻菜。我哋選擇咗Pulau嘅「娘惹茶薰鴨配雞油香飯及蘇東魚丸雞湯」同「檳城蝦麵」。海南雞飯就食得多，茶薰鴨配油飯就真係第一次食。見到咁得意嘅combination 就叫嚟試試。茶薰鴨份量好多，肉質嫩滑，不過無乜煙薰茶味。油飯飯粒分明，少少煙靭，唔錯。出奇地好味嘅係毫不起眼嘅兩粒細細魚蛋仔！估唔到魚蛋鮮甜，彈牙又唔腥👍🏻檳城蝦麵湯底鮮甜，飲一啖係會發出「唔😌」一聲！配料方面亦足夠，有鮮蝦、豆卜、腩肉片同長豆角。喺中環想快快脆脆，但係又要企企理理咁食個lunch的話，Pulau 都係個幾好嘅選擇。

「係中環食咩好？有咩係好食又唔貴？」呢個問題煩擾左我好多次，但自從中環街市開左foodcourt, 我每次諗唔到食乜嘢都會過去戈日落晒雨，所以大家局住要坐喺室內，但都無礙我食好野嘅心情～今晚想食d濃味嘅嘢，新加坡野就幾岩食叫咗佢哋最出名嘅新加坡大蝦喇沙，揀左摻摻，米線同油麵嘅配搭，買完野佢地會有人送餐過黎，不同於一般food court要自己mon住number, 非常方便同customer friendly❤️喇沙非常足料，所有配料都好大量，湯底非常濃郁，麵底好容易就索晒d湯汁，好入味😋面朋友就喺隔離檔叫咗海南雞飯，好多件雞而且肥美，份量都好多，呢個價錢佢都好滿意

朝早起身嗌呢間外賣，個樣望落去都正正常常。結果真係大伏，點左海南雞飯同埋巴東牛肉飯。牛肉過分醃製想掩蓋原食材嘅味，食落去得個鹹味。仲要係味精那落去嗰隻鹹，口感就係非常柴，好似滿漢全席個牛肉咁但係難食版。個雞食就腥嘅，食落去口感都係非常之柴，主要係一擺入口就攻上個鼻嘅嗰浸腥味，食咗少少成個掉咗。成餐除咗椰子飯個味係正常之外，冇一樣野係ok。$60-70一個人嘅價錢本來已經冇乜預期，其實唔會太挑剔，但係呢間難食到我忍唔住上嚟打一篇嘢同大家講佢難食。

自從「中環街市」被活化之後，真喺令呢座歷史建築物帶嚟180°轉變，再者，內裡開咗好多特色小店、餐廳，又搞吓展覽，真喺帶動多咗好多人流。講到食，地下層更僻作美食廣場，晌中環，美食廣場真喺唔多，而呢個「中環食坊」搞得唔錯。美食廣場內有10間店鋪，兜咗個睇睇，就想試試星馬嘢，因為，印象中都好一段時間無食過，而小弟本身都幾鍾意星馬菜。故此，就兜到過嚟近「德輔道中」呢邊入口，主打新加坡菜嘅「蒲羅」（Pulau）晌佢鋪面對住仲有多張餐枱，咁就更加方便。其實，整個美食廣場仲有好多位，室內、室外都有，而一堆室外位仲設定成一個庭園，猶如城中綠洲，感覺幾唔錯，不過，一來費事捧住啲食物搬嚟搬去，二來天氣有點悶熱，都喺涼吓冷氣舒服啲。晚市嘅選擇就一張列表睇晒，上截喺主食，下截喺輕食，全部都喺散點，很可惜無啲加配優惠嘅選項，店家主要供應食物，如想飲嘢就要去另外啲鋪頭買喇。為方便客人，場內亦提供冷熱飲用水，而旁邊仲有部自動洗手機，又幾好喎。除晌櫃位落單，亦可以利用二維碼落單，更方便快捷。娘惹茶燻鴨配雞油香飯及蘇東魚丸雞湯 $82平常食星馬嘢，主要都喺海南雞飯、喇沙米線、肉骨茶，今次就專登揀啲未試過嘅。老友揀嘅茶燻

第一次去翻身嘅中環街市，環境舒適，仲保留左好多街市原有嘅特色。一場黎到，決定係呢到食啲野。街市嘅地下主要係food court形式。一開始仲以為呢到食野會好貴，睇真啲 原來都幾抵食（係中環黎講）。最後，被呢間Pulau嘅喇沙深深吸引住！新加坡大蝦喇沙摻掺 $78喇沙最重要一定係湯底，呢個湯超級濃郁，而且食得出有蝦味，呢啲濃厚嘅湯係香港真係買少見少啦。而配料亦相當不少，足足有4隻已去殼嘅大蝦，仲有糖心蛋，幾粒魚丸，食完呢碗已經超級滿足！娘惹茶燻鴨 配：雞油香飯及蘇東魚丸雞湯 $82食過唔少星馬菜，但都係第一次見燻鴨，點可以唔試試。果然幾有驚喜，厚切嘅燻鴨，除左啖啖肉，仲有好強烈嘅燻香味，仲鎖住哂啲肉汁，好鬼juicy，配埋個醬同埋油飯，真係好驚喜，好好味，下次會再食！串燒拼盤（雞肉.大蝦.魷魚鬚）$78各款2串嘅串燒拼盤岩哂2個人share黎食，一人一串，唔洗爭😍。燒得好香，尤其係魷魚鬚，超正，本身想encore，但真係好飽食唔落lu。整體黎講，餐廳幾高汁，食物唔錯，環境又舒服，係中環黎講都真係幾抵食，值得一試！

中環返工，最怕食晏時間趕時間揾唔倒位。今次係1:00 咗由，第一次去咗中環街市最底層有個Food Court 叫Dining Ground，一個或者兩個人， 都可以揾倒位， 實在有驚喜。行咗幾間, 最後決定食喺間新加坡菜，價錢算係中環平/中價，$82 一個吉羅大蝦雞串咖喱麵。蝦不多，但湯底都幾濃味，同微辣，仲有雞串，幾好味😋。  推介。另外大家有機會，都可以試下佢哋海南雞飯，因為都見好多人都點依個，賣相都唔錯 。同埋個場, 係有自助洗手機，同飲水機，好貼心。美食吉羅大蝦雞串咖喱麵價錢: $82

6月28日午市時間 出錯餐 由蝦麵出錯喇沙 好聲好氣同職員講出錯餐，cashier短髪女職員竟然好惡咁講 要再出就要等好耐 態度惡劣逼人接受出錯餐 喇沙 食物質素普通 唔見得特別好 態度惡劣 永不回頭

嚟到中環街市覓食下集，上集就食咗以飯類為主打嘅ATTAP，下集就係介紹佢地嘅姐妹店Pulau。除咗有喇沙、椰漿飯，仲有唔少小食！今次都係輕輕揀咗兩款小食開心Share！🌟半熟蛋配咖央多士之前睇過啲Youtuber介紹新加坡早餐🇸🇬係會食半熟蛋配吐司食🍞。今次終於試到！麵包烘得香脆，中間夾上薄片牛油🧈，Kaya醬少少甜充滿椰香。再點埋半熟蛋，讓蛋汁沾滿多士，令多士唔會太Dry！下次可以再配杯咖啡飲☕️，咁就係個Perfect Morning！🌟街頭雞肉串燒雞肉🐥串燒醃得非常入味，香茅味同沙嗲味都幾濃郁。雞肉唔會烤得太乾，醬汁亦同串燒十分匹配。

雖然已經唔係第一次嚟中環街市，之前有黎環保雜貨店slowood 朝聖、飲過日式手搖，但黎食正餐都係第一次🫣Menu:1️⃣ 巴東牛肉班蘭椰漿飯 配蘇東魚丸雞湯（$78）巴東牛肉嘅獨特味道係會令人一試難忘🫢牛肉吸盡椰漿 & 香料嘅精華，而經長時間嘅烹煮後，肉汁亦變得相當濃稠（私心希望佢可以俾多啲汁我去撈飯🥰）牛肉雖然燉得軟爛但非常juicy、入味，味道香濃且帶微辣🐮 特別之處係搶眼嘅綠色班蘭飯椰漿非常濃郁，並唔係淨係調色得個樣🤟🏻2️⃣ 半熟蛋配咖吔多士（$36）首先，呢一塊多士本身已經烘至金黃色、好酥脆，係一塊合格嘅多士！🫰🏻 有無同道中人同我一樣覺得多士最好食係條麵包邊🙈 微焦嘅麵包配上甜甜地、有椰香味嘅咖吔醬 & 一小塊半溶化狀態嘅牛油，鹹中帶甜異常惹味🤤🤤

Pulau 中環街市中環街市有好多選擇，但係要數平靚正，加性價比高嘅就一定係呢一間東南亞餐廳娘惹茶燻鴨 配雞油香飯及蘇東魚丸雞湯茶燻鴨煙煙韌韌，層皮有少少脆，啲肉好嫩，一咬落去陣茶味即刻出曬黎，唔錯。雞油飯嘅油香味好出，啲飯粒粒分明。雞湯清得黎帶少少鹹味，魚丸幾彈牙，好解膩。好抵食，份量好多新加坡白胡椒肉骨茶 配雞油香飯及油條個肉骨茶好大桶好足料，有幾大舊排骨同成粒蒜頭，同埋有超級重嘅胡椒味，幾開胃，係好正宗嘅肉骨茶。半熟蛋 配咖吔多士半熟蛋個蛋黃好滑好流心，撈埋飯食一流！至於塊多士都幾脆，入面嘅咖吔醬份量剛剛好，牛油薄薄地一片，鹹中帶少少甜味，同時又唔會太膩。新加坡鹹蛋黃單骨雞翼外皮好酥脆，充滿鹹蛋黃香，入面嘅肉好滑，一定要趁熱食！❤️❤️

中環街市上面做緊微型藝術展，展出多件富香港元素的模型精品，今天陪兩老去參觀，之後就落地面的Food Court "Dining Ground" 食飯。Food Court內約有9間店鋪，巡了一圈後，我們選了這間新加坡餐廳，一來食物選擇多，二來兩點已有下午茶，價錢吸引。場內座位寬闊，有冷熱水供應，清潔嬸嬸非常勤快。如果天氣好，也可以選擇坐在中庭的半露天區域。落單可選擇用QR Code或親自到餐廳購票。取餐時職員見我一個人取幾份餐，更主動幫手。我在Pulau購票時，店員告訴我隔一個鋪的位的「亞答屋」是他們的姐妹店，一樣有下午茶供應。吉羅大蝦雞串咖哩麵（$72）咖哩湯底是使用多種咖哩香料混合，濃稠而惹味，兩串雞肉串燒烤得很嫩，整體非常出色。巴東牛肉斑蘭椰漿飯配蘇東魚丸雞湯（$68）黑黑的牛肉毫不起眼，卻是非常軟嫩，入口即化，吸滿了香料和椰奶的精華，連無乜牙力的老人家也覺得好好味。海南雞飯配蘇東魚丸雞湯（$72）這是在隔離亞答屋買的。雞肉非常嫩滑，油飯可口。雞湯清甜，飲完看到碗底有切粒的八爪魚乾，難怪如此夠味。新加坡鹹蛋黃魚皮（$56）魚皮脆卜卜，鹹蛋醬不多，只是薄薄的一層，令魚皮不過鹹又不油

中環街市翻新後... 變得更加乾淨企理同光猛... 而且進駐唔少食店! 今日專登去尋寶... 睇下有咩正嘢食!地下嗰層有d似food court... 但座位幾寬敞濶落... 感覺舒適! 終於鎖定目標... 揀咗【蒲羅】呢間新加坡食店! 呢度2點就轉下午茶menu... 下午茶嘅份量都唔細... 但價錢比午餐平少少... 都算抵食!今日order咗👇💢吉羅大蝦雞串咖哩麵 $72大大碗... 有開邊去殼蝦一隻、雞肉串燒兩串、豆卜、半熟蛋、乾葱酥... 咖哩味香濃... 另外麵底係油麵同粉絲兩溝... 好有質感! 特別提一提個串燒好惹味又唔嚡!👍💢巴東牛肉班蘭椰漿飯配蘇東魚丸雞湯 $68牛肉辣度適中... 味道香濃... 班蘭椰漿飯有淡淡椰香味... 易入口! 💢半熟蛋配咖吔多士 $36咖吔多士烤得香脆... 除咗搽滿咖吔醬... 仲夾咗大大塊嘅牛油... 好正! 而半熟蛋係可以蘸食... 感覺唔錯!💢新加坡咸蛋黃單骨雞翼 $56重點推介‼️‼️‼️雞翼炸得極度香脆... 外層沾滿厚厚嘅流沙咸蛋黃... 食完餘味無窮... 係想一食再食嘅小食囉!😍Overall... 食物質素幾好

今天天氣好，便帶老媽去活化了的中環街市行下。參觀完已下午三時左右，便順便在中環街市地下找野食，媽媽提議在Pulau吃下午茶。Pulau賣星加坡美食。下午茶餐選擇多，由$68至$72。除下午茶餐，也有多款輕食以供選擇，价錢由$36至$82。不用加一。我們叫了兩個下午茶餐和兩份輕食，共$270。雖然是下午茶餐，份量比美午餐。娘惹茶燻鴨配雞油香飯和蘇冬魚丸雞湯抵食。茶燻鴨咸甜適中，份量多，好食。配菜有我喜歡的花生，蛋，青瓜和魚乾。雞油香飯口感佳有米味。魚丸彈牙，雞湯也不錯。新加坡白胡椒肉骨茶我們揀了白飯，隨肉骨茶有炸麵。肉骨茶令人胃口大開，白胡椒味香濃，內有幾大塊美味香軟的一字排和豬肚，用湯送飯和炸麵好食。那個美味的大蒜頭好正，入口溶化!天氣熱，吃個清新的大蝦柚子沙律真不錯，美味有營。胡椒豬肉串一份四條，香口夾味，不錯。