Promenade 西餐廳

營業中

休息中

今日選這間酒店自助餐同家姐慶生；食物質素高，尤其喜體這裡的海鮮、BBQ 雞翼、燒羊扒和各款精緻甜品，真是美味。餐廳各員工有禮，服務好；Gary 好nice 送上生日蛋糕和祝福語，大家都好盡慶。今次餐廳生日月有75% 折扣優惠，還送上蛋糕並免切餅費這個promote,即得推介。

好耐無食buffet，今日一家大細到Promenade到食個lunch buffet，今次上酒店個網站訂位有折，都算抵食。食物嚟講，款式都算多，基本嘅凍海鮮，巴馬火腿，頭盤，沙律，魚生，熱食......全部都有，鐘意食生蠔就啱晒，因為呢到 lunch buffet 係有即開生蠔另外呢到個生滾粥值得推介，可以加鮮帶子，同蟹肉，令到碗粥好鮮甜喜歡甜品既朋友，呢個芒果拿破倫一定要試。而我最愛都係呢個榴槤脆批，上面榴槤之多，又香又甜

好耐冇食個自助餐啦！今次到紅磡海逸食午餐自助餐，因為比較平又有生蠔食😋對於生蠔迷來講絕對超值👍😋係餅乾上加上軟芝士超好味😋再嚟一杯熱咖啡十分悠閒的一個中午👍食完前菜當然就到主菜就係生蠔啦😋😋肥美多汁充滿海水味，拎完再拎食唔停👍正😋當然唔少得就係食甜品，甜品種類非常之多😍😍食到非常之飽👍👍

2月新年，也是我的生日，在新年期間生日，當然都要食得好點，所以在FB見到紅磡都會海逸酒店有甜心草莓下午茶自助餐，加上我最愛是食士多啤梨，同埋是韓國的士多啤梨整左好多不同款式的甜品，所以二話不說，就立刻BOOIK左，當是給自己的大餐~一去到，都相對好多人食，坐位方面都唔錯，近景色位置，開始自助餐啦，先食左他們的熱盤熱下身，熱盤方面真的有好多不同的中式和西式食物，真的比較合一家大細食~~我老公都話好多熱食~(因為我老公唔太食甜品)之後到士多啤梨的甜品啦，最特別是有士多啤梨的梳乎厘，真的好重的士多啤梨味~~同埋最令我開心的，是高高的士多啤梨塔~~同埋可以用棉花糖，士多啤梨點下士多啤梨味的朱古力，真的小朋友的幸福感~~士多啤梨的口感也不錯，令外也有埋不同的士多啤梨甜點，蛋榚等等~真的食都食唔曬~~之後最尾也拿左H字頭的ICECREAM，作為一個美好的完結我的生日餐~~今次的都會海逸酒店西餐廳 ，服務也OK~加上食物都唔錯，除左下午茶，真的都可以食下下午茶自助餐，祝自己生日快樂~~!

最近都喜歡在下午茶這個時間吃自助餐～感覺價錢比較便宜外，也吃得較多嘛。剛好網上看到這家在做韓國士多啤梨的甜品下午茶自助餐。而且還在做8折優惠，只要預先訂座和購買優惠便可以了這也是我第一次來這家吃自助餐，假日時間人很多，基本上就是滿座下午茶有提供三文治之類，每份不會太大～這樣吃著剛好另外也有海鮮，青口和蝦也頗新鮮的。當然也有熟食那些吧～像是Pizza、燒賣、蝦餃，也有廚師即場煮的粉麵等。沒想到的是 - 奶黃包，竟然也有造型，是豬來的喔！甜品的選擇相對也較多，當然不乏和士多啤梨有關的甜品吧！當中也有士多啤梨朱古力噴泉耶～吃完甜品還可以吃水果。推介梳乎厘 - 這個可要排隊等一下才拿到，有著很香的士多啤梨味道。香橙干邑士多啤梨杏仁籃 - 平時吃自助餐多數都是蛋糕類的，偶然吃這種也不錯！士多啤梨黄金磚多士 - 這個雖然是西多士，但內層很軟熟～也是有淡淡的士多啤梨味道。Tiramisu 吃起來有點太膩，還有桂花那個甜品也是太甜了 ... 相對之下，卷蛋的蛋糕很鬆軟～Cream吃起來不會膩。這裡還有提供杏仁燕窩，不過燕窩的數量當然很少 .. 當作是杏仁露來飲就好!?豆腐花的豆味頗濃也算香滑的可吃一下

帶屋企人去食buffet,本來想去試下朗豪酒店既自助餐,但係因為做緊芝士主題唔係咁啱老人家所以就改嚟呢一間選擇呢一間嘅最主要原因係因為多款式,可以適合一家人唔同嘅口味平日自助午餐都坐左8成滿, 呢間酒店位於紅磡當然包括唔少內地食客。 款式由冷盤,粥粉麵,牛扒,炸物,意粉,Pizza都一應俱全。是日有兩款生蠔,每人每次限拎兩隻, 一個師傅負責洗,一個師傅負責開,速度都相當快,人龍Keep住7個左右。至於日式壽司嘅角落就比較細,刺身款式亦唔係好多, 有一啲好似放咗一陣嘅壽司卷物,有冷麵,螺肉, 細細兜畀客人拎。我試咗三文魚刺身,質素過得去,好鮮甜又唔算,一般啦。值得一讚嘅係呢度嘅榴槤甜品有好多,而最有特色係即製榴槤班戟,廚師落嘅榴槤餡好大嚿,可以揀原味嘅皮或者班蘭味嘅皮。除咗班戟亦有榴槤蛋糕,榴槤撻等等,適合愛好榴槤嘅人 總括而言,呢間酒店嘅自助餐勝在款式真係比出面多,至於質素就唔算好突出。

不約而同有朋友仔介紹呢間自助餐咁生日就黎試個tea buffet 會一會佢啦未夠3點已經排長龍等入座，原來入面堅大，上層放嘢食，下層放餐桌，全院滿座。入口有沙律，由刺身開始。刺身得3款:三文魚，吞拿魚，希靈魚。 啲吞拿魚簡直就唔敢入口，夾落就知唔新鮮，食一啖溶散咁，唔好夾硬頂中間就放甜品，超多選擇，士多啤梨梳乎厘，士多忌廉蛋糕， 士多啤梨朱古力噴泉，好可惜，我係朱古力怪獸，對士多啤梨冇咩興趣 驟眼見到個心太軟，咋咋淋就攞咗去，仲以為係朱古力，點知係芝麻，撘雜莓食，都都ok啦。 另外鍾意榴槤朋友，呢到有榴槤撻，榴槤班戟，朋友仔encore幾次，應該係正啦，我就比佢地啲“香味”焗暈咗再過就有師傅即制天婦羅，秋葵同蝦，唔滴油，新鮮滾熱辣，推介再行入啲就係中式點心，粥品同湯麵，我比個柴魚花生粥吸引咗，粥綿柴魚味濃，配菜又多款，樣樣落啲，成碗粥就咁食晒行番轉頭，唔見有扒類，肉類，缺少咗啲嘢始終係tea buffet, 無肉都ok. 最後食埋 Haagen dazs雪糕太完滿。生日有件撻，手字寫得好靚，一班朋友食得好開心最重要

慶祝媽咪生日，佢最鍾意食buffet，所以一早訂定位一家人去，8個大人1位小朋友，落訂$1000，早幾年同媽咪周圍去食lunch buffet ，都食過好多間，呢間反而未食過。Buffet 12pm 開始，酒店職員安排左窗邊位置比我地，之後就出去拎野食，餐廳一眼望落去地方好大，食物款式好多，行左一轉都未睇得晒啲食物款式，屋企人就去拎生蠔先，每人每次拎2隻，我就食左熱盤先，龍蝦汁焗蟹肉，雞翼，仲有我最愛嘅牛油果醬，味道一般，生蠔反而幾鮮甜，個人覺得生滾粥好食，配料揀左皮蛋，蟹肉，牛肉碎，家姐同妹妹食完都話好食由於肚裝唔落太多野，所以好快就到食甜品，芒果拿破崙同blueberry Cheese cake 味道不過不失，最後食埋Haagen -Dazs雪糕就滿足哂Haagen-Dazs雪糕有好多款味道選擇，有支裝同杯裝，仲有新新地既味，White peach & Raspberry 同Cream cheese mochi 埋單前問職員係咪仲會有一個蛋糕送，因為之前打黎落訂時講左話會有，但等左一陣原來話冇，只得生日快樂牌同蠟燭供應，所以家姐出去甜品區自己併左個蛋糕🎂，其實某D酒店會另有一個生日

年尾朋友開的公司食年飯，受到邀請叫埋我一齊參與，實在太好了，又有得食😬其實呢間酒店之前自己都有湬食過，食物質素非常好，款式又多👍今次又再戰呢度既美食😋😋呢度無論乜嘢類食物大致上都有✌️✌️海鮮，熟食，甜品，水果，刺身，芝士，中式點心，湯，串燒，扒類，雪糕，pan cake⋯⋯⋯⋯等等，可算是食乜有乜，簡直係包羅萬有👏👏👏👏隨左款式多，各款食物味道都好好味😋😋我就最鐘意食海鮮，尤其是呀拉斯加蚧腳，味道鮮甜又大隻，差不多成晚都係掛住剪蚧腳食😂😂😂其他食物每樣食一件都飽到吳識郁😅😅環境舒適又坐得舒服，服務都吳錯😊

一年一度的自助晚餐時間又到了，筆者對今天可謂期待已久。今年選址在紅磡都會海逸酒店內的「Promenade西餐廳」。剌身類剌身有三文魚、吞拿魚、油甘魚等一般港人愛吃的款式，每次限取兩款。筆者試了帶子和三文魚，頗為新鮮。另還有蟹柳棒、玉子和壽司等日式食品，這些都是不限數量自取的。蟹柳棒味道正常，但沒有什麼特別，不取也罷。海鮮冷盤類海鮮冷盤區甚受歡迎，經常出現排隊人龍。事前做了搜查，得知網友推介長腳蟹，今天一試後感覺不錯。唯青口和翡翠螺入口後都吃到有沙，有少許扣分。同樣每次限取兩隻的生蠔，產地分別是美國和法國。生蠔新鮮但不算太肥美，筆者個人喜愛配濃味一點的海鮮醬。熱葷類一月自助晚題剛好是煙薰/清蒸菜式。筆者試了圖中右下的豉汁盤龍蒸鱔，醬汁腌得非常入味。另外也有一道陳皮蒸鮑魚，但筆者每次經過都只能看到空空如也的大盤，無緣一試了。右上的三文魚•蝦•蟹肉丸做得頗為彈牙，配上白色creamy的菠菜忌廉芝士汁，鮮味中帶點忌廉香，新穎又不錯的配搭。左面的清蒸石斑柳有點失望，魚肉尚算嫩滑但味道卻淡如水。蟹肉羹相當真材實料，每一口都喝到蟹肉，咸度也剛好。據說場內的生滾粥也是招牌菜之一，粥品配料是自行選擇的，

午餐自助餐,我覺得係最抵食，超多甜品有榴槤既甜品及多款芝士蛋糕同埋有多款m字頭雪糕🍦😋😋對於本人覺得十分吸引👍另一吸引之處就係生蠔👍生蠔全部新鮮即開有海水味又鮮甜肥美👍👍超正本人係蠔怪🤣仲有多款美食，因為午餐比晩餐平所以會午餐時段去再去食😋😋👍

海逸酒店自助餐款式比較多，最令我意外嘅係有鵝肝多士，因為唔係每間酒店都會有，同埋長腳蟹，魚生都好新鮮，生蠔唔係話好大隻，不過即叫即開幾鮮甜。除咗生冷野，熟食菜式亦都好多，不過都係西式嘅餸菜比較多。不過雖然菜式比較多，但係飲品只係得水同茶之外就冇其他，而且甜品多數都係得西式蛋糕，細路仔啫哩，連最基本嘅雪糕都冇。要位置方便咁啱兩次去都係坐門口位，拎嘢食好麻煩，餐廳設計唔知點解去拎嘢食位置有兩級梯級，兩隻手拎住嘢食真係要小心啲！

特登訂位嚟食佢個榴槤下午茶㗎！果然冇失望！非常好食！啖啖榴槤～好香！榴槤批：一大舊榴槤肉，好食！餅好鬆脆！流心榴槤蛋糕：超香滑～榴槤流心醬！配埋蛋糕食一流！榴槤pancake：嘩！一大舊榴槤肉加落去！睇到都流口水！朱古力味餅身，加埋忌廉！超級好食！超滿足！一啖一啖榴槤肉！榴槤芝士撻：又係好香榴槤味～忌廉芝士好滑身！好高水準！榴槤甜品全部都好好食！唔係一般貨色～焦糖燉蛋，都不錯啊！聖誕節關係，好多聖誕裝飾嘅蛋糕！芒果拿破崙！芒果香甜，餅香脆鬆化！又係好好食！好有聖誕氣氛啊～大人小朋友見到都開心除咗榴槤甜品，另一個必食Häagen-Dazs！雪糕批同雪糕～今餐真係超值！今次主要黎食榴槤甜品，其他熱食都OK！下午茶來講款式選擇多，其中天婦羅不錯！仲有溫泉蛋！*不過三歲以上要計小童收費了* openRice有折扣券，有折好抵食！

十月媽媽生日 （而家先有時間補返食評)呢到食buffet, 當然要預先book 位仲係成個月前九月已經book 定4人自助晚餐，當時預早同媽媽慶祝生日呢度空氣好！環境又靚！入到來見到食品種類繁多⋯⋯我都吾逐一介紹，但長腳蟹同生蠔係最受歡迎，而餐廳不停有refill，去到9點收擋前都keep 住有長腳蟹新鮮鮮彈牙，麵包蟹多膏，蝦一般蠔亦夠肥美！刺身沒有特別要求要多少塊, 師傅卻很鬆手, 每樣都給了很多. 三文魚很厚切, 看起來很新鮮, 肉質肥美滑溜, 正!燒牛肉燒得剛剛好，肉質好嫩！不過長期要排隊...羊架: 又是即燒的, 肉質頗腍, 沒有羶味.燒虎蝦好新鮮，好彈牙不過每次只限兩隻. (encore三次)甜品時間太多不能盡錄Haggen daz 雪糕不斷供應，有很多種味道可選擇，只能嘆一句.眼闊肚窄不日再戰吧！當日是媽媽舊暦生日食得好開心啊....

好友大飯聚，最終選擇紅磡火車站隔離酒店的下午茶自助餐。朋友已提前二星期訂枱，出發前，幸好在網頁找到八五折優惠劵，又抵左！　　當日，大家都準時到達～開餐！　可以座無虛席！果然名不虛傳！　先去看看有什麼美食。沙律及前菜小食　　多款基本沙律和已經調好的沙律。　蟹柳蟹籽墨西哥薄餅卷　　這款Quesadilla好清新但好好味，除了青瓜和蟹柳清新的味道外，還嚐到陣陣牛油香。自己已經夾取二次了！　　　　蝦餃燒賣　平日到酒樓飲茶，看到蝦餃燒賣都是特點，捨不得！現在任食，就要多取几件。天婦羅五款炸皮有微微的梘水味。蝦唔靚。秋葵，南瓜，蕃薯帶著微微的甜味，無需加其他調味料。而魚肉較淡，配鹽會較美味。黑色的迷你煙肉蛋漢堡包　包殼外脆內軟，煙肉鹹中帶甜。而且細細件，前後吞了二件。　　　這個自助餐，只有一款咖哩～雜菜咖哩，估計是Masala底的。嚐過辣的咖哩，就要以甜品來解辣。芒果拿破倫　在其他餐廳散點，也要几十個大洋。現在任食，當然不能錯過。　　黑芝麻心太軟　外皮跟餡料都是黑色。不過流質餡料中，混有粒粒黑芝麻，帶來多重口感。自己食左三件。名牌子雪糕和雪條　大家都很努力回本！還特地把雪糕雪條的包裝盒叠起來，拍照