Play House Play Cafe (已結業)

停課關係第一次平日帶小孩們到愉景新城·play House玩，這兒是一間親子餐廳，我大人小孩都可以邊吃邊玩。預先訂座有優惠$130一大一小進場，當中包括$100作飲食卷抵銷。忌廉汁卡邦尼扁意粉🍝：＄78，意粉份量十足，賣相實在麻麻，意粉配有三色椒、蘑菇和煙肉，足夠兩個小孩吃飽飽，味道一般，不要有太大期望。千島海鮮薄餅： $145 ，是最名貴的菜式啊，薄餅size不算太大，勝在即叫即製送上枱仍然熱辣辣，而且配料豐富(鮮蝦、蜆肉、魷魚)，芝士和千島醬味道濃郁，非常好味，大人和小孩都愛吃。推介！現在飲品和蛋糕都有推廣半價優惠，半價後$22於是點了忌廉朱古力沙冰，朱古力味道重，亦算大杯。另外我們還點了燒仙草奶茶🥤＄28，味道不錯。後來加點炸薯條$35，一定是炸太耐，太硬了吧！注意⚠️注意：餐廳將於11月25日起進行裝修。

今日實在太得閒，天氣又熱，平時經過都冇入過去，今次決定試試佢入場非會員220元 ，會員計埋新入會就210玩，有50元可扣返叫餐度！依個餐牌冇野飲可扣餐劵有兒童餐選擇依個唔會得餐劵，但依個價包埋野飲仲有其他野食有好多野飲選擇，如唔飲野都唔緊要，場內有水供應的著socks就可入去玩餐飽了！準備食野時有得洗手，都好方便唔使特登出去洗手間！餐具自便啦！野食到，卡幫尼意粉都幾cream同好多煙肉，味道都唔錯架!pizza 都幾好味，好重芝士！薄底好香脆啊！一人份量實在食唔晒的！不過最唔好既就係，用餐區可著鞋，玩區著襪，當小朋友心急唔記得著鞋去用餐區對襪跟本抺晒人地鞋底既細菌，再帶入波波池，感覺上就算有日日洗波都.......太唔衛生啊

呀女生日 去呢度慶祝...其實一向對親子餐廳既食物冇咩要求因為最緊要係有設施俾小朋友玩!!!呢度環境都幾好，有波波池，彈床，煮飯仔等等小朋友一定唔會悶...但食物方面有待改善⋯⋯ 叫左兩個意粉、雞翼、焗薯蓉、香草腸、肉丸，仲有兩個兒童餐....味道真係好麻麻.... 好彩餐廳都有Tabasco 可以加返d味......雞翼味道還可以.....而兒童餐方面，真係建議唔出好過出.....😰呢個螺絲粉+brownie+幾粒火龍果+一杯蘋果汁.....竟然要$75....🤯🤯🤯🤯咁我寧願散叫了總括而言，去玩都ok但最好食飽先去😥

我帶小朋友嚟商場上堂，見到旁邊開左呢間PlayHousePlayCafe，即場買左我女女既套票，然後自己坐係度食飯等接我個女放學。見到呢度要Lunch Set，不過星期一至五12-6先有，其他餐廳正餐都偏貴，Lunch Set抵食啲我叫左個溫泉蛋肉醬飯+雞翼+芒果熱情果沙冰都不過不失，雞翼我個女應該會好喜歡食。睇到另一個食評推介所以一試，雞翼的確幾好食。 下次等我個女放學再黎呢度試下咖啡先，希望可以試埋其他野食啦！另外一提，職員啲態度都幾好，我唔明都可以問到明，好有耐性。食埋服務都抵！

近排我生日 唔洗番工但放平日 出荃灣行街 經過就見到呢度星期一至五有lunch set食 叫左個白汁雞飯另外想食雞翼 就加左柚子蜜雞翼！好味呀！再追加左一杯芒果熱情果沙冰！呢幾日落雨天又熱 想飲啲清新啲既野飲～埋單一百五十左右～ 接受到既範圍～不過入面好似仲好玩 遲啲帶我朋友個寶寶去玩先～ 今次先食為敬！各位雞翼控出動啦！白汁雞皇飯都係正常嘅味道～ 不過可能對男性來講覺得份量有啲少......我真係好鍾意食佢哋呢度嘅雞翼完全係我喜歡嘅口味～簡單一餐生日飯對自己好啲～

「Play House Play Cafe」是一間將 playhouse 及 cafe 合二為一的親子餐廳，入場人士可只選擇到 playhouse 玩，亦可另外付費即場用餐。 餐廳內約一半面積被設計為玩樂區，上下兩層森林樹屋的間格，小朋友可隨意走動。下層是一個大波波池，除了有三條滑梯外，更設有「波波火山」及「波波掛籃」等設施，逗得小朋友十分高興。 在樹屋的旁邊，擺放了一張彈彈牀，小朋友練完跑可緊接練練跳！雖然玩樂區的面積不算很大，但正好能讓家長們安坐一旁偷閒用餐，又能用眼「緊守」玩樂區的唯一出口，是很多親子餐廳未能做到的好處。 菜式種類方面，餐廳主要提供一些西式食品，如意粉、薄餅、咖啡等，另設有數款兒童餐配合小朋友所好。 先來兩道小食焗蜜糖雞中翼及芝士牛油焗蘑菇。焗蜜糖雞中翼蜜味不強，反而黑椒味搶香。芝士牛油焗蘑菇香氣稍遜預期，倘若能用上大蘑菇效果更佳。 夏威夷薄餅體積迷你，介乎厚薄批之間，出品稍稍放涼，或多或少影響了鬆軟的口感。蘑菇肉醬扁意粉味道正正常常無乜特別。 專為兒童而設的套餐，內含粟米肉醬螺絲粉、田園鮮水果、法式蛋糕仔及有機蘋果汁。套餐