Pizza Max Bistro

營業中

休息中

小店墨西哥fusion菜佐敦有好多小店，亦有唔少菜式，如果你喜歡吃墨西哥菜，佐敦的確係有好多選擇！朋友介紹我食呢一間，話佢嘅咖喱好有特色，而且坐得舒服，即管一試！三位朋友共聚一堂，每個人各有喜好，我就好想食呢度出名嘅咖喱，呢個咖喱雞配上蒜味薄餅，簡直比得上重慶大廈嘅咖喱！佢嘅薄餅唔油膩，而且好香口，外脆內軟！佢嘅Pizza亦都唔錯，我哋叫咗個意大利薄餅，佢係薄批，點起煙韌，而且足料，我喜歡火箭菜，佢佈滿整個Pizza，正！我們最欣賞竟然係個蘑菇，佢嘅醬汁非常之好，唔會過分濃郁，而且個麵包食真係好特別！佢嘅沙律係用蜜糖做醬汁，我第一次嘗試，喜出望外，味道同出面整嘅唔同，一食就愛上，連我嘅女同事都好鍾意食添！

是日與友人到佐敦pizza max bistro吃晚餐。好快就安排好座位，個環境都幾舒服。店員拿了餐牌及水給我們，服務態度都幾好。我們點了鮮魷魚圈，印度薄餅，馬薩烤雞腿。鮮魷魚圈香脆彈牙，有好香既魷魚味道口感唔錯。再將檸檬片擠出檸檬汁加入沙律菜吃令沙律菜更加fresh。印度薄餅上面有烤雞，洋蔥，甜椒，蘑菇再加上薄荷沙律醬。薄餅餅底焗得好香口，有大量香嫩雞肉洋蔥及甜椒。沙律醬味道都不俗。馬薩烤雞腿少許辣，味道非常野味可口，個汁入口刺激味蕾。雞腿入晒味肉質一流。

今晚同朋友在佐敦打比賽前先到pizza max bistro食晚餐。睇完餐牌就叫左以下食物鮮魷魚圈配雞尾海鮮醬和檸檬片，印度薄餅，馬薩烤雞腿。鮮魷魚圈炸得幾香口，脆漿唔會太厚身所以食起來都幾爽口彈牙，檸檬汁加入沙律菜一起食都好清新好味。印度薄餅有鮮嫩印度烤雞，洋蔥，甜椒，蘑菇配薄荷沙律醬。個餅底夠薄身夠脆口，料都非常多。味道都唔錯，每樣料都夠晒味道。馬薩烤雞腿味道好好，唔會太辣。加一點醬汁配合起薄餅更佳。雞腿爽口彈牙，味道都唔錯。

我們一行2人，聽朋友講這間餐廳不錯，雖然位置不算好方便，但食後都算直得😊。一入門口感覺餐廳太大，但坐得舒服，可能我們食lunch,所以太多人，建議大家如果想試最好先book位。食物方面分別叫了：公司特選薄餅（M),這個pizza真係好好味，足料，pizza夠脆，味道不會太喊，選料配搭啱啱好😋；另外叫了：意大利千層麵，這款都好好味，熱辣辣新鮮出爐，芝士和肉碎和蕃茄味都不會太喊、足料（因好多餐廳尤期是連鎖式經營，多數都會好濃味和好喊），連服務方便好有禮貌，價錢合理，值得一試👍🏻

今日去完元朗行街, 搭到柯士甸站行十分鐘左右就黎到呢間西餐廳, 呢度有pizza, 西餐, 印度餐, 同埋酒飲, 正如佢店名一樣。必點前菜: 雞肉牛油果沙律, 沙律上面係淋蜜糖芥末醬, 同整個沙律非常之夾, 沙律好大份而且好多牛油果, 鍾意食牛油果既一定要點呢個! 主食點左意大利肉醬千層麵, 千層麵幾大份, 肉醬味濃又多, 好食過肉醬意粉。小食點左半份back ribs, 雖然半份, 但都有8~10舊骨, 感覺上好似多過一半呢, 而且仲跟埋薯角, 炸得好脆又熱辣辣, 非常好食, 真係鍾意食薯角既可以單點薯角, 一籃有好多舊, CP值都幾高。一向冇太喜歡飲酒, 但又唔想飲果汁咁悶, 呢度有smoothie(沙冰), 每次黎到都必點香蕉沙冰, 色香味俱全, 香蕉味好重, 非常滿足。

朋友早前介紹呢間餐廳，咁啱朋友約食飯唔駛諗地方啦！坐底等朋友我又照舊睇劇，侍應無理我又唔催，不過餐廳都唔滿。朋友嚟咗揀嘢食，佢話想食 Samosa,我就想食 ribs, 然後加多個咖哩羊同 naan 就夠。Samosa 呢啲基本嘢要整得唔好食先難，呢間普普通通無乜特別。Baby Ribs 啲肉有啲靭，唔夠淋身，唔係我想食嘅質地 😑咖哩羊有啲辣，夾埋 naan 食就好正，我哋食食吓有啲飽就停咗傾計，隔咗陣想食叫佢哋幫我哋熱返啲咖哩同 naan 又無托手踭喎，而且 naan 好明顯唔係用微波爐熱嘅，抵讚 👍👍

前公司在附近, 所以以前是這裡的常客. 通常都是吃午餐居多.你們可以在之前相片庫看看它的午餐MENU.湯加主食再加飲料 80元有交易, 加一服務費都不用, 而且一人吃也可以刷卡.因為轉工的原因, 很久沒有踏進過佐敦這一塊.是有點想念的.今天5時左右剛好在附近, 也剛好有點餓.所以就一行2人進去, 看看可不可以找回以前熟悉的味道.一進去, 裝潢沒有任何改變.這個時間, 餐廳也沒有人. 出來迎接我的是餐廳東主, 他還問我為什麼那麼久沒來.我真的沒想到他還會記得.我們點了兩個主菜, 雖不是LUNCH MENU 價, 但依然覺得價錢十分合理.第一道是我跟以前的同事們必點的一個 - 烤雞(半份)皮還是依舊的脆, 而且烤雞來說它的肉不算乾.份量很足, 加上這裡的炸薯角....真的很好吃, 很脆, 不油, 也不乾. 推薦 ~ 推薦 !第二道是千層麵, 印象中好像是在這頭一次吃.麵的質感很好, 因為我不太喜歡很軟的麵, 這硬度剛好.邊邊是烤得有一點脆, 汁也夠多夠味. 但唯一我覺得可以更好的是: 如果牛肉碎多一點會更好, 我覺得偏少.整體來說也很滿意的一餐. 很好的店主還送了我們一杯啤酒.很久沒來,

未入呢間鋪頭時候，見到有d伏，入到去竟然有驚喜👏🏻👏🏻 其實我以前好抗拒食🍕點咖哩，因為覺得又硬又凍唔好食，唔係間間整得好食，直至遇到呢間小店，真係令我對🍕改觀晒😳，🍕有口感唔硬，微暖，食完兩塊真係加單叫多兩塊，正宗咖哩又正😋印度人整意粉比較濃味墨西哥脆片都唔差，唔太鹹是日例湯蘑菇湯，溝左d 椰汁，令到個蘑菇湯更加滑溜。如果唔夠飽嘅朋友都可以試吓呢款豬仔骨，大大件夠抵食。兩杯cocktails🍸🍹都幾重酒味。價錢方面都唔快鬼，四個人食每位都係二百幾蚊食到飽，性價比高，值得推薦👍🏻👍🏻👍🏻

同朋友一起晚飯，其中一位朋友食過呢間餐廳， 推薦呢間餐廳，所以我預訂，體驗過後，發覺冇推薦錯誤。首先環境舒服，人流不多，可以輕鬆用餐，同朋友吹水，而且食物水準非常好，所有朋友都話食物非常美味，以後會再光顧。

今日假期專登去佐敦，好想食返之前食嘅嗰間多國菜，好掛住佢嗰個咖喱薄餅，同埋餐廳有個落地玻璃門對住條街咁樣食嘢好寫意，於是就一支公走咗去食。叫左呢一個咖喱雞配薄餅$62仲有一杯凍奶茶,仲要唔收+1服務費同埋凍飲唔使加錢。凍奶茶比港式奶茶淡少少，但係比細食奶茶濃啲，茶味都夠。到餐館有一個餐湯，今日係蘑菇湯，雖然比較淡少套餐款有一個餐湯，今日係蘑菇湯，雖然比較稀少少，但係蘑菇味都好濃郁。到主菜出場，有一碗咖喱雞，係深橙色，再加4塊薄餅，仲有一塊好薄嘅碎片。呢度嘅咖喱雞唔會好流，咖喱味好香，亦都夠辣。而薄餅方面唔會好油膩，因為有啲餐廳嘅薄餅係加咗好多油，但係呢一間嘅薄餅就冇，同埋佢嘅薄餅有一種麵粉嘅甜味，所以食多多唔會覺得飽，呢個係我鍾意食佢嘅餐廳嘅原因。

lunch hour來到pizza max bistro是Indian and Italian food店員跟負責人大概都是Indianfried fish spaghetti, English breakfast原來有餐湯的, menu上沒寫Mushroom soup, 👍🏻👍🏻👍🏻Pasta是比較有彈性的, 口感及味道挺好不過份量太少了, 不飽另外點了English breakfast這個份量就正常的, 其實all day breakfast水準都不會太低吧當中薯仔絕對值得讚讚, I like it so much ❤️炒蛋, 蕃茄等都好味, 但garlic bread同腸仔就有點硬整體都不錯除了pasta的份量少了一點, 其它都滿意價錢在這區亦不算太貴, sandwich等都是$65左右服務很好, 有時寧願多付一點, 享用一份午餐比在茶餐廳又趕又逼好吧

佐敦附近做運動前約朋友食個午餐, 習慣睇下openrice有咩好介紹, 見呢個餐廳都幾多好評就黎試下。餐廳不大細細間, 呢日大約2點黎到唔多人, 我地叫是日Pizza, 煙三文魚意粉同咖喱魚飯各一share一齊食。午餐本身包咗餐湯同飲品, 西餐價錢算幾抵。 Pizza - 係即焗脆邊的, 面頭加了類似香草汁幾特別, 味道唔錯。煙三文魚意粉 - 份量少得可憐, 如果我自己一個食會唔夠飽, 好彩我地有pizza同咖喱飯咋!咖喱魚飯 - 唔太辣幾野味, 配有薄脆, 飯份量都係偏少, 食哂啲飯都仲有好多咖喱淨。總括味道係好的, 但除咗Pizza其餘份量過少, 就算三個女仔食埋pizza只係叫啱啱好。

Happy Friday，就梗係食我中意既PIZZA啦😌~~ 揀左好耐，最後揀左呢間印度Fusion菜，除左因為其好評多外，仲因為選擇多🤤。晚上6點零去到，當時全場只得一枱食客，所以出餐好快。臨近聖誕，餐廳已經佈置左唔少聖誕裝飾，聖誕氣氛濃厚😀。呢度供應多款酒類，最岩飲酒吹水既朋友，不過我唔太好酒，所以就無試到。餐廳除左一般既印度咖哩、薄餅、炸物小食外，仲有沙律、意粉、飯、連西式扒類都有提供，款式多但質素好唔好就真係試過先知。先黎一款前菜 – 墨西哥脆片 $105呢個真係吹水必點之物，大大份，食極都仲有，感覺食左一大包「D」字頭墨西哥脆卡咁😆。脆片上除左有拉絲芝士外，仲有酸忌廉、牛油果醬、莎莎醬，個人比較中意帶有草青味既牛油果醬😋，食起來夠清新，又無咁溜。雖然價錢有少少貴，但睇得出其用心之處，連碟都熱辣辣，所以即使放左一段時間但仍能拉絲。小食 – 炸雞翼6隻 $70雖然話係雞翼，但實質係雞搥仔，真係岩哂我呢D唔中意食翼既人😍。餐廳仲要細心到每隻搥都卷一層錫紙，避免食客整污糟手指，抵讚!!雞搥炸粉好薄好薄，而且炸到非常酥脆。其賣相雖然好紅，令人誤以為佢好重口味，但其實食落無乜調味料味，肉

上月到佐敦見客,之後約了同事晚飯。純印度菜的餐廳不少,但Pizza Max Bistro較特别。招牌所見,是匯聚了印度餐、西餐、意大利餐的 Fusion 菜館。時間尚早,座位還多,八時多後都滿座了。點了意大利式的沙律和印度的薄餅,印歐合璧!卡不里沙律( Capresse Salad )~優質芝士配新鮮多汁的蕃茄,簡單食材已經非常美味! 這水牛芝士是我吃過最好的!二者伴以火箭菜、香草和橄㰖油,味道十分配合。蕃茄和芝士都是大大塊的,吃得痛快!印度薄餅 (中)~材料有印度烤雞、洋葱、甜椒、磨菇配薄荷沙律醬。中型薄餅相當大,二人吃已足夠。芝士份量不少,若愛吃芝士,還可以指明加碼!材料融為ㄧ體,香軟柔韌,很滋味!招牌雜果賓治、芒果沙冰~再來兩杯飲品,很大杯,爽爽!食物質素高、份量足、價錢合理。下次再來,會多帶ㄧ、二位朋友,可以多點些菜式共享。

經朋友介紹嚟咗呢間多國西餐廳真係有好多唔同款式嘅菜Pizza、意粉、意大利飯、餃子、千層麵，好多選擇因為兩個人食，所以揀咗一個意大利粉同埋一個Pizza首先係蜆肉扁意粉（多辣）加完辣之後係意想不到嘅辣係好好味 好啱我哋食辣得來又唔會蓋過蜆肉同蒜蓉嘅味，扁意粉嘅軟硬度剛剛好，夠爽又有咬口蜆肉大大粒好好味Pizza就叫咗肉丸薄餅又係比我想像中好食我哋叫咗中size都覺得好大個，每舊Pizza都唔會有一粒肉丸，拉起Pizza時啲芝士拉晒出嚟好正呀成個Pizza都又甜又香芝士同番茄味揀得冇錯主要叫咗兩個main course, $300都唔使埋單最緊要係味道唔錯啱晒多啲人又鍾意食唔同野既聚會