170
10
1
港鐵佐敦站 C2 出口, 步行約4分鐘 繼續閱讀
電話號碼
34855547
開飯介紹
提供印度菜和意大利菜,主打薄餅,薄餅用料十足。另外還有意粉、扒類西餐、蒜蓉烤餅,食物選擇豐富,適合朋友聚餐。 繼續閱讀
營業時間
今日營業
11:00 - 23:00
星期一至日
11:00 - 23:00
付款方式
AlipayHK 支付寶 現金
座位數目
40
其他資料
網上訂座
酒精飲品
自帶酒水 詳細介紹
切餅費 詳細介紹
電話訂座
賞訂座積分
加一服務費
當面支付
有關獎賞計劃
食評 (189)
等級2 2021-01-09
74 瀏覽
而家疫情關係成日都叫外賣,見到呢間餐廳嘅野食好似唔錯,Lunch就叫嚟試吓。😋😋😋叫咗個蜆肉扁意粉,價錢都唔平要成90幾蚊仲要唔包嘢飲😰😰😰一打開見到咁多隻蜆其實幾吸引,但點知乾到阿媽都唔認得,仲要冇汁😔😔味道方面其實我淨係食到少少辣味,蜆好多沙,意粉就反而口感幾好,唔會煮到林晒先,不過其實都麻麻地。仲叫咗kebab、沙律等等,全部份量都好少。。價錢又貴兼冇野飲,真係有少少失望😔😔 繼續閱讀
(以上食評乃用戶個人意見 , 並不代表OpenRice之觀點。)
等級2 2020-11-15
393 瀏覽
今次同友人慶祝生日,一行三位💛經友人朋友介紹,挑選左呢間* 西餐、意大利餐、印度餐 *📍德州薄餅賣相幾特別,睇落系一個風味十足既Pizza以燒烤醬底,配上烤雞同磨菇,最點係酸忌廉同甜辣椒醬,估佢唔到咁夾係飽飽地既情況下依然食得落2塊,證明幾好食😂📍墨西哥脆片意想不到咁大份既墨西哥脆片,賣相驚喜,所以特別拍埋片3款醬,👉🏻酸忌廉👉🏻牛油果醬👉🏻莎莎醬莎莎醬有小小辣,配合其餘2款醬黎食幾野味,但對我黎講有小小敗筆位系落左小許芫茜😂另外亦有小驚喜❤當食哂面層既醬,去到底層既脆片亦有大量溶左既芝士碎,唔會得返齋脆片咁單調📍雞肉牛油果沙律好滿意既一份沙律,份量足之餘所有材料都好新鮮👍🏻第一眼就望我最愛既🥑生熟程度非常適中,切得大大舊,食既時候先食可以大啖食到牛油果既順滑口感而雞柳表面煎過黎,完全唔會鞋口,仲有2份半隻烚蛋🥚配埋蜜糖蛋黃醬,超滿足~ 味道好之餘感覺仲好營養,絕對會encore既一道菜📍去骨咖哩雞肉而去到呢道,我已經飽到只係格硬食左2啖2位朋友就讚不絕口,但我冇乜感覺就是這樣,過左3個幾鐘既宜家我都仲飽緊😂建議大家去食要注意下份量喔~ 繼續閱讀
(以上食評乃用戶個人意見 , 並不代表OpenRice之觀點。)
等級2 2020-08-12
872 瀏覽
I had been searching for a place to eat delicious momos for so long and this place definitely satisfied my craving! Their options were very diverse, ranging from middle eastern food to italian. While we only tried 2 dishes, they were both extemely delectable, therefore I can guarantee everything else on the menu probably is too. The customer service was excellent as well, the waitress was quite kind and patient. I would come here again without a doubt! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-05
813 瀏覽
佐敦一帶有不少小店餐廳,價格都比較親民,今次選了這家印度式西餐廳晚餐。小店座無虛席,等位大概30分鐘。餐牌除了印度咖哩、卡巴外,還有意粉、扒類西式選擇,的確適合朋友聚餐,總有一款啱心水!夏日炎炎,首先飲返杯野先!MANGO LASSI,好有乳酪味,酸酸甜甜開胃。VANILLA MILKSHAKE 唔會太甜都唔錯主食方面,首先有印度薄餅。配料有印度烤雞肉、蘑菇、甜椒等,加上薄荷沙律醬,好惹味!去骨牛油烤咖喱雞,雞肉份量很足,肉質嫩滑。咖喱汁辣度剛好,又有牛油香,推薦必食!蒜茸烤餅,熱辣辣剛烤好上枱,配咖喱一流。扣分位是用餐環境比較窄,而且當晚好嘈吵,講嘢要大大聲,有點辛苦。 繼續閱讀
(以上食評乃用戶個人意見 , 並不代表OpenRice之觀點。)
講起印度菜,平時都只係聯想到印度咖喱、印度薄餅,但係食完Pizza Max Bistro之後就發現,原來印度菜唔止咁簡單!呢間餐廳嘅位置喺佐敦嘅內街、屬於比較靜嘅地帶,由於唔係好近彌敦道嘅大街,附近人流唔算多,由地鐵站過去亦都大概要行10分鐘,對面亦有幾間酒吧,適合三五知己過黎食餐飯、飲杯野!正正因為餐廳嘅位置並唔係大街,如果唔係刻意上網去搵都未必留意呢間餐廳。事源就係最近出街食飯都係食日、韓、台,所以就同朋友抱住「試伏」嘅心態喺網上揀咗佐敦呢間印度/多國菜,發掘一下除咗咖喱之外嘅其他印度菜式!意想唔到,由試伏變咗有驚喜,亦都增加咗我對印度菜嘅興趣!-餐廳唔算好大,唔知係咪因為限聚令未過,今晚黎食飯嘅人亦唔算好多,坐得好舒服,大聲啲講野都唔怕嘈親隔離枱嘅人! 餐廳盡頭係吧枱嘅位置,望落好精緻亦有好多酒品選擇,而呢度嘅signature cocktail價錢唔算好貴,大概60-70蚊一杯,不過因為第二日要翻工所以淨係嗌咗蘋果汁🍹。餐廳內部裝修偏向以dark color為主,比較簡約,牆上面掛咗啲風格畫,提升咗整間餐廳嘅情調,餐廳亦keep住播啲jazz music,好有氣氛,啱晒食完飯繼續坐喺度同frd吹水hea下,所以我地5個女人都坐到差唔多收鋪先走!-頭盤去到揀食物方面,餐牌中英對照,非常方便,對於我呢啲英文差又懶得google translate嘅人黎講真係一個懶人恩物!沙律雖然餐廳已印度作為主題,但無論係頭盤、沙律、到主菜、廚師精選、意粉等等,其實都有好多西餐嘅選擇,一啲都唔會好似好悶剩係得咖喱揀!Pizza由餐牌所見, Pizza嘅選擇特別多,甚至可以自己配搭出最啱口味嘅Pizza !值得一提嘅係,只要加多$40就可以喺pizza上面食到水牛芝士,非常抵呀!主菜咖哩飯Dish of the day-經過一番掙扎之後,前菜我哋order左一個蒸嘅momo、一個炸嘅momo同埋一份沙律。首先講吓momo,亦即係特製醬雞餃(炸:$75;蒸$70),Momo係街知巷聞嘅印度街頭小食,可以話係印度人由細食到大,外型同口感都有啲似中國餃子,但係入面個餡係mix咗印度香料,所以食落係有另一番風味!雖然炸嘅momo外皮脆卜卜比較有口感,但係個人就鍾意食蒸嘅momo,因為蒸嘅做法可以keep住個餡入面嘅肉汁,一咬開啲肉汁就爆曬出嚟,非常juicy,再加埋佢個homemade辣醬,超好食!!!!!!!!-另外再嗌咗個雞肉牛油果沙律 Chicken and Avocado Salad($125),中規中矩嘅沙律,份量尚算大,5個女仔share啱啱好,感覺個牛油果如果再熟啲就會好食啲,因為個牛油果太生會冇乜味。但都好欣賞個雞肉醃得入味,食得出黑椒味,加埋呢個沙律用柚子醋Max埋,所以好Fresh唔會感覺太Heavy !-主菜出場喇!首先講下呢個必食嘅去骨牛油烤咖喱雞($109)配蒜蓉烤餅 Garlic Naan ($28),啱啱上菜已經聞到好香牛油味,而烤餅亦係新鮮熱辣辣出爐,嚟到啲煙不斷升起。咖喱同個烤餅非常match,咖喱味食得出比較重Coconut milk,加埋牛油,個質感好滑,但同時亦都比較好「漏」所以食咗一小塊咖啡烤餅已經覺得好飽好濟。至於個雞因為已經去咗骨嘅緣故,所以食得好舒服,啖啖肉,而且整得好嫩唔會overcook咗,超級推薦👍🏻👍🏻!我地另外再嗌咗個牛油烤餅 Butter Naan($24),牛油烤餅比較油,而且無蒜蓉烤餅咁香,所以我會建議大家都係嗌翻蒜蓉烤餅!-既然餐廳叫得自己做Pizza Max,我哋當然就要試吓佢個公司特選薄餅 Max’s Special Pizza (中:149  大:$179)啦!呢間餐廳嘅Pizza全部都有分M size同L size嘅,M size嘅尺寸係10吋,而L size就係14吋,兩個size都係切開成八片pizza,好容易同朋友share!由於我哋有個朋友係對芝士敏感,我哋同店員講咗之後佢都好細心幫我哋淨係放咗半邊pizza有芝士,留返半邊係冇芝士比我朋友可以食到。呢個Pizza係簿批,好足料,一切開啲topping已經跌曬出黎!味道黎講呢就唔算好impressive ,不過一定好食過Pizza Hut DHL嗰啲連鎖薄餅店!-最後我地亦點咗個意大利式餃子 Tortellini ($120),餃子本身好有口感,加埋芝士忌廉醬個味即刻豐富好多,佢本身個sauce入面仲有菇同豆,再落埋extra芝士粉真係錦上添花,好食過好多自稱正宗意大利菜嘅tortellini!-總括嚟講呢間印度fusion菜餐廳10分滿黎講絕對值得8分,每一碟餸都食得出係認真製作,而且好多樣化,最後埋單每人都唔駛140蚊,性價比極高!唯一美中不足就係呢度嘅餐牌冇甜品,如果有埋甜品就真係完美啦!🦕 by 周 - 圍 食 👁 繼續閱讀
(以上食評乃用戶個人意見 , 並不代表OpenRice之觀點。)