影片
以上資料只供參考, 請與餐廳確認詳情
招牌菜
夜晚約左人打波, 有成2個幾鐘先開波, 一支公又唔知去邊度食, 茶餐廳成日食都食到厭, 又唔想食果d連鎖快餐店. 咁就落聯和墟尋寶. 咁岩見到有間食pizza 同炸雞炸薯既小店,就入去睇下. 佢地有個一人餐勁抵食, 一個意粉/飯+小食(炸雞/一件pizza/薯格)+飲品, 都係三十幾蚊. 叫左個一人餐再加個散叫薯格(本人超鍾意食薯格), 超驚喜, 個餐既小食係一件pizza, 超熱, 個餅底係脆卜卜既, 個薯格無得頂, 又係脆卜卜熱辣辣. 過幾日一定再去食過
繼續閱讀
上次外賣自取，我現場order完之後才來堂食的一家人食完走咗，我都仲等緊（共等了35分鐘），所以今次堂食一個輕盈餐（$32，1個指定細焗飯+1件炸雞+1罐汽水）+一個皇牌餐（$35，1個指定焗飯+1件炸雞+加$5將汽水改1件烤雞）汽水自選，焗飯等大概十分鐘之後到，指定的有三種，都係大量製作，不過汁太多，似燴飯多過焗飯再過十分鐘，烤雞到，中間切開，有血嘅，投訴，佢拎入去，居然係將那件雞烤到切開位置冇血流就算，心稔：若果我唔係切，而係咬，佢都會連我D口水放入烤爐？？？莫非外送專門店的意思係貨一出廚房，恕不退換？結果再切一刀，又見血，仲係可以流出來的，這時件炸雞到，佢都可以視若無到，死未！？不一會，大門入口第一張檯傳來尖叫聲，一大強正由高處爬下，眼見收銀處一男一女無動於衷，同檯男士上前擊殺，但大強避入入口盆栽，此時廚房男出場，搬開盆栽殺掉大強，然後一聲唔好意思就回廚房去我們就急腳離開
繼續閱讀
因為較早前係粉嶺青少年服務中心開過聖誕派對，在這兒計過食物，於是又即管試下啦！我叫了一個迷你素Pizza（因為吃這些食物一定會叫炸雞及意粉、焗飯，太多肉，所以要叫素Pizza），送三件麥樂雞及餐湯，叫了一件炸雞，一個輕盈黑椒焗雞飯，跟司華力腸及一罐健怡百事。素Pizza－麻麻地，因為不夠芝士，如果多些芝士就更加好味！黑椒焗雞飯－好好味，因為她辣辣地，好香，好有風味！三件麥樂雞－不錯，熱熱地，沒有太多油，正！炸雞－好好味，不錯，好滑，但我一定要去皮才可以吃的！粟米湯－很好，好清甜，正！司華力腸－幾好，因為我從來都不吃這些腸的，但今晚我也吃了少許！服務態度不錯呀，下次我會試下堂食！
繼續閱讀
今日呀媽吾係屋企冇人煮飯，得番我，哥同老豆，三條友都吾知食乜好之前收到PIZZLAND既傳單，見未試過，所以決定叫黎試下睇佢地既catalogue，價錢OK喎，又平又多款揀....最緊要係有我最鍾意食既海鮮焗飯~~!!!!!!嗌左芝味B餐 PIZZA：我叫左啖啖肉，要普通批，吾轉大批，原來升級做大批都係加20蚊咋！！飯：海鮮焗飯小食： 要左烤雞兩件，有得揀辣OR吾辣，我叫左一件辣一件吾辣跟住有3個餐湯我再散嗌多兩件吾辣既炸雞PIZZA食落去都算鬆脆，好juicy好多料....有辣肉腸!!!!!!!!!!!!!!!!!海鮮飯有青口，魷魚仔，蟹柳，菠蘿粒，蘑菇....麻麻地吾知係咪擺得耐得濟，暖暖地，吾算熱但係面頭有成層芝士....正!!!!!!!!!烤雞okay啦...我覺得可以再濃味少少同炸雞相比，我都係鍾意炸雞多D，因為夠卜卜脆餐湯係忌廉雞蓉湯....都係咁啦..味精湯如果佢可以加D栗米，雞粒同火腿粒會豐富D炸雞不得了....好脆好juicy成個餐夾埋$178...都算抵食之後會繼續嗌佢 下次試下香辣海鮮焗飯先我屋企人食到捧住個肚
繼續閱讀
今天朋友仔生日, 但我們玩完好累, 晚上唔想周街迫, 就叫Pizza 回家吃。其實這已是我第2次光顧此店, 上次選的 日式風味Pizza 頗味也道不錯但海鮮闊條麵就太淡味今次有4個人食, 本來可以試多D野, 點知打到去佢話雞翼又賣晒,Ribs又賣晒, 好失望... 仲要送的蒜蓉包都賣晒, 不過變左多送兩罐汽水就算數。結果 揀左千島風情Pizza(厚批) 很不錯, 不過佢的普批得6件唔多夠 (下次都係加$20轉大批)煙三文魚焗飯 味道好Rich, 有驚喜, 一致認為堅係好味香脆魷魚圈 炸粉剛好, 不會太粉太厚, 配上疑似千島醬的醬汁頗野味吞拿魚蘑菇螺絲粉 可能個煙三文魚焗飯太好味, 使吞拿魚相對地很淡味&失色, 而且這裡的飯質好像比麵質好, 下次不會再點這款每人$40吃到這麼多真的很便宜, 現在這市道, 想找平民化價錢一點的食物已經很難了, 而且整體味道也算是不錯又可以call order後再落街自取, 很方便 (自取是便宜頗多),不過如果有男生一起吃, 一定要加$轉大批, 我們因為有生日蛋糕要吃才剛剛好。唯一可惜的是, 這店芝士粉要$1一小盒, 如果能夠free給客人會更體貼。
繼續閱讀