跟朋友睇完TALK SHOW , 實在係太肚餓喇, 見意粉屋在眼前, 就二話不說地衝上去, 好彩係TEA TIME 時間, 唔算多人, 侍應帶我地到窗口位坐, 個環境幾OK.
點了兩個SET, 加多$18 有酥皮龍蝦湯, 個皮好脆, 連埋湯一齊食, 好有咬感,
湯底好濃. 點了個藜麥雞扒沙律, 個汁有少少酸甜, 好開胃呀. 雞扒D 肉好嫩.
另一個係蕃茄雞扒天使麵, 麵跟雞扒分開上, 好好呀, 唔駛浸到D 雞扒淋晒,
個蕃茄湯底就淡味咗少少啦, 不過都合格的.

心血來潮好想食雞煲, 即刻約埋三五知己黎醉雞店.
最鐘意食佢個椰子雞煲, 因為真係好足料, 沒有味精,
當飲晒D 湯時, 佢地係會加返椰子湯底比我地打邊爐,
不會像其他食肆只會加清湯, 有朋友第一次黎食,
都讚不絕口, 打邊爐D 食物完全不用醮豉油, 跟個湯底好夾.
個花生雞腳配啤酒就最好, 雞腳好淋, 花生好惹味.
另外佢地個自加制檸檬蒠米水好滋潤.
鋪頭地方好細, 得幾張枱, 唔打電話黎BOOK 肯定沒有位.

一直都知道海底撈係大陸好出名, 竟然黎咗香港開分店, 太好喇, 不用上大陸都試到.
從來都未試過有咁好的服務, 首先佢地知道有三位壽星女, 一早已經係枱面擺上三隻公仔, 好有心思.
另外亦都準備咗玩具FOR 小朋友玩,  侍應叫阿文, 不斷有禮貌地告訴我地有咩事可以找他. 阿文一開始為我地奉上熱湯, 跟住給我地一人一件圍裙, 怕我地會弄髒件衫, 長頭髮的會給予橡筋紮頭髮,
又派透明膠袋入住個電話,  食蝦時又會行過黎幫忙剝蝦穀. 洗手間又會有一些女性用品提供. 輪到食物, 蕃茄同麻辣湯底好正, 食物質素係一般,價錢有D 貴. 點板麵會有人黎表演拉麵的, 又有變臉表演睇,
餐廳亦提供咗個LED 燈的生日牌給我地影相之用, 只能夠講個價錢係食服務.

返工時候食LUNCH 係最苦惱, 完全無IDEA 想食咩, 附近D 餐廳真係食到厭.同事話有一間好出名的車仔麵黎咗尖沙咀開分店, 既然係新野, 梗係要黎試一試啦,
好可惜無得打電話去外賣自取, 去到店鋪已經見到條長龍,  橫掂都黎咗, 點都要試吓. 其實個效率都算係快架喇, 見到D員工都快手快腳咁去做.

我點了蘿蔔, 豬腸, 東菇幼麵, 微辣.  蘿蔔好入味好淋, 豬腸好爽口, 東菇真心覺得失望, 一D 都唔好食. 個辣好正, 食得辣的朋友不防叫大辣.

屋企人生日, 想買個美味蛋糕,  突然想起大家都未試過LADY M, 靈機一觸不如買幾隻不同味道的LADY M , 一來可以大家SHARE 嚐試不同的味道,又可以一齊試LADY M.  去到店鋪, 已經見到條長長的人龍,  心想我只是買外賣, 不是堂食, 應該不用排隊吧.  我地告訴侍應來買外賣的, 真的沒有想到還需要排隊等的,  不過沒闗係, 只是等了五分鐘.  看見堂食的人, 其實個環境真心一D 都唔ENJOY , 因為見到排隊的人在自己附近, 好難可以好RELAX 地享受.
輪到我地選購時, 問他要多少件才可以砌一個圓形, 可惜佢誤會咗我的意思, 以為我要佢砌一個圓形比我, 不斷強調不會砌圓形, 見到佢的面口有點不悅, 我亦無唯再跟他交涉, 是但揀了6件不同味道的CAKE. 雖然店鋪環境一般, 服務態度麻麻(可能真係做到無停手, 好難有笑臉). 不過真心D CAKE 係好好食, CREAM 好滑, 千層皮好薄, 蛋糕好綿.價錢上係有D 貴, 但都要試下.

每到LUNCH時間就頭痛,  間間餐廳都人山人海, 又熱又唔想迫, 唯有買外賣回家食. 不過叫外賣就最怕係等等等, 餐廳好多時都會處理咗堂食D 單先, 方便佢地快快食完可以做多一枱客. 經過和樂餐廳,  都係座無虛席, 佢有一樣野好, 就係叫外賣好準時, 多數只需等10分鐘就有得拎喇, 也是我外賣的首選. 今次揀咗個日式咖哩菠蘿雞扒飯配台式珍珠奶茶. 凍珍珠奶茶唔駛加2蚊架,. 甜味恰到好處, 唔會太甜. 雖然係罐頭菠蘿, 老實講無乜邊幾間餐廳係會比一大片菠蘿架.雞肉唔會好"鞋" , 跟菠蘿係絕配, 每一啖飯都有足夠的芝士加日式咖哩汁, 好好食呀.

難得阿爸阿媽肯出街, 就決定同佢地好好地食一餐好的(我請) 揀來揀去決定揀呢間, 貪佢位置方便, 最重要係OPENRICE  度可以PRINT 張7折優惠黎用. (其實係OPENRICE度 BOOK 枱都已經有折, 可惜我太遲BOOK, 唯有打電話BOOK啦)

生蠔細細隻,好新鮮好好味, 同埋唔多人爭架, REFILL 好快,  蝦, 龍蝦仔,翡翠螺,青口合格
壽司同刺身真係好一般, 食少D 留肚食其他野仲好 甜品雪糕選擇都算多,味道真心唔差.

天氣熱, 好想搵個地方坐低抖吓, 突然之間好想食雪糕, 行下行下見到呢間 iCREMERiA,  竟然見到有薰衣草味道的雪糕, 對上一次食薰衣草味已經係多年前日本旅行時食過. 唔理三七廿一, 坐低即刻點個薰衣草味雪糕先杯雪糕好靚, 仲有一枝薰衣草係度 薰衣草味剛剛好, 不濃不淡, 雪糕又香又滑, 齒頰留香!

行街行到好累,又到晚飯時間, 行行下見到呢間的易拉架, 就上去試試新野啦.行到門口見到裡面燈光比較暗, 有好多張枱都已經被留座, 好好彩被安排坐窗口位 睇完餐牌最後揀咗"Movenpick套餐.

南瓜湯, 微暖....南瓜味唔算太濃
雜菜沙律----個汁偏酸, 各方面都新鮮
西西里牛肉飯, 牛肉得幾粒, 飯比較有咬口, 味道有D 啖, 諗住有少少酸, 但係又無喎.
PIZZA---餅底好脆....D 肉有D 鹹....我覺得一般
只能夠說雪糕係最好食

好耐都無食過放題, 朋友建議食呢間, 都好丫, 係旺角都算近油麻地MTR. 有BOOK 枱所以唔駛等,不過個場都OK FULL.

可能而家興食蒸氣海鮮, 餐廳會每枱有一個迷你蒸氣火鍋, 下面係一個粥底, 貪新鮮試吓都無防
當然選擇唔算太多, 當過吓口癮咁囉. 最後食個粥底出奇地好食, 真係D 精華係晒係個粥到
燒物就無咩特別
必食刺身.....味道跟鮮味都好一般.......
埋單後有甜品, 呢個味幾好食, 益力多味就麻麻地喇........