PHI Coffee & Pancake (形點 II)

營業中

休息中

食物係ok嘅，但服務絕對不能接受，侍應將成杯水倒落客人身上，我嗌咗嘅soufflé，我知道係需要15-20分鐘，但竟然坐咗半個鐘之後，再追之下同我講原來唔知道要上菜，等我白咗30分鐘😓😓😡😠

同親朋戚友入元朗唔知想食咩好？想係有冷氣嘅地方舒舒服服咁打卡？咁去PHI Coffee & Pancake 就啱晒啦，店內設計以原木為主，打做和諧環境氣氛，真係好識合一家大小情侶嚟gathering!我哋今次嚟叫左以下幾款：雙重濃郁芝士肉醬意粉🍝🧀個人對肉醬意粉情有獨鍾，今次都唔例外，意粉上面鋪住厚厚嘅芝士層，店員仲會係意粉上面放多左啲芝士碎，真係夠晒吸引！肉醬調味惹味，份量又夠多，真係幾唔錯，值得推薦！士多啤梨慕絲梳乎厘（兩件)🍓🥞餐廳除左意粉出名之外，一定要記得叫疏乎厘，士多啤梨味賣相非常之吸引，疏乎厘食落非常鬆軟一啲都唔死實實，而且仲有豐富嘅蛋味，配埋厚厚帶嘅cream同非常甜嘅士多啤梨，簡直係絕配！漢堡扒全日早餐食材用料新鮮，蔬菜類好新鮮，車厘茄清甜爽脆，個份量真係多到夠兩個人食，個漢堡扒先係重點，煎得啱啱好又夠香，扒身夠厚仲好juicy，多士又係好吸引，金黃金黃色，脆口得黎又軟熟，配搭上蜜糖估唔到真係幾夾！

元朗打卡cafe「PHI Coffee & Pancake」餐廳位於形點II相當方便就腳餐廳主打疏乎厘熱食都吸引🤩⭐️漢堡扒全日早餐有牛肉漢堡扒、煙三文魚、煙肉、煎太陽蛋、牛油果、沙律菜、吐司份量非常滿足😍特別推介牛肉漢堡扒外面夠焦香裏面肉質嫩滑非常好食😋 ⭐️濃鮮龍蝦意大利飯廚師用咗龍蝦汁煮成意大利飯加上龍蝦肉味道唔錯😆咬落去啖啖肉好有口感值得推介🫰🏻⭐️蜜瓜在初夏升溫時季節限定蜜瓜味疏乎厘有新鮮蜜瓜、蜜瓜啫喱、蜜瓜cream等等疏乎厘軟熟好好食🤤而且蜜瓜好新鮮⭐️抹茶鮮奶抹茶味道香濃唔會好甜加埋鮮奶真係好夾正呀💕⭐️蜜瓜在沙冰降溫時呢杯係夏天特飲用蜜瓜做沙冰加埋牛奶面頭仲有新鮮蜜瓜消暑解渴一流😙

PHI第一次去食既時候係同2個好姊妹慶生食，個次既食感覺得唔算好突出🫢今次再訪，同🐷先生去食💕可能我地今次叫既食物都係餐廳比較多人叫既款式，感覺進步左💪🏻🔸經典英式伯爵茶梳乎厘梳乎厘果然係餐廳既招牌，震震下咁上到枱，食落蛋味濃但冇腥味，配埋淡淡既伯爵茶忌廉味🔸漢堡扒全日早餐完全係比漢堡扒征服左，厚身不在話下，仲好juicy，多士又係好吸引，金黃金黃色，脆口得黎又軟熟🔸粉紅吞拿魚貓耳朵少女心爆發，用紅肉火龍果汁烹調，但唔會失去忌廉味，吞拿魚用鹽水處理過，有口感之餘但又唔會鞋口🔸人見人愛花茶用花朵圍滿左茶壺既外圍，儀式感加分，飲落花香四溢🔸蜜瓜在沙冰降溫時餐廳E個季節時令水果做緊蜜瓜，蜜瓜沙冰果香清新，中間仲有一層cream，令到口味唔會咁單一食飽飽仲可以玩輪盤拎優惠🤭

這杯飲品采用優質的抹茶粉與新鮮牛奶精心調製,香氣撲鼻、口感細緻綿滑。濃郁的抹茶清香與牛奶的甜美完美融合,在舌尖上交織出層次豐富的口感。不會過於濃烈,反而帶來一股清爽怡人的感受。價格合理。

係屯門幫襯過呢間日式cafe,覺得唔錯。今日Happy Friday,行完街見到呢間分店新開張,而且有我鐘意的蜜瓜主題，所以過黎試下。呢間Cafe嘅裝修簡約又唔失溫馨，感覺好舒服。我地點左✨️炙燒半溶芝士吐司呢款吐司用咗丹麥多士，鬆軟嘅口感真係好正。中間夾咗風乾火腿，鹹香味十足。吐司表面鋪滿咗炙燒芝士，芝士嘅香氣撲鼻而來，仲有一層焦糖脆脆，口感豐富，真係一口接一口。✨️雙重濃郁芝士肉醬意粉肉醬炆得好入味，每一條意粉都掛滿咗濃郁嘅肉醬。再加上面頭炙燒嘅芝士，成道菜嘅味道真係去到另一個層次，成為咗今晚大家嘅最愛。✨️蜜瓜在沙冰降溫時呢款沙冰嘅蜜瓜味道好天然，淡淡嘅清香令人感到好清爽。✨️暖泡沫鮮奶奶泡豐富綿密，牛奶微暖，有奶香。✨️蜜瓜在初夏升溫時黎到呢度，當然要食埋甜品。我點咗一份蜜瓜鬆餅。鬆餅嘅蛋味好香，質地鬆軟，入口即化。配埋蜜瓜芝士醬，呢個芝士嘅質地似奶蓋咁，濃郁但唔會膩。仲有蜜瓜啫喱同蜜瓜忌廉嘅搭配，清新嘅蜜瓜味道喺口中散開。最正係日本蜜瓜，果肉夠甜又juicy，十分高質。呢間cafe的主菜同甜品都做得唔錯，我地都好滿意。

呢日做完野有心情就同男友去咗形點走走，順便食個晚飯。行到形點II三樓發現原本係泰國餐廳個位轉咗做呢間「PHI Coffee& Pancake」，咁當然唔可以錯過啦！🧡濃鮮龍蝦意大利飯（$165）龍蝦肉鮮味滿滿而且份量唔少，個鮮味亦都帶到落個意大利飯汁到，正！🧡炙燒半溶芝士吐司（$92）芝士爆滿，巴馬火腿咸香味十足，配埋厚厚嘅鬆軟吐司，大滿足！🧡蜜瓜在初夏升溫時（$142）梳乎厘Pancake夠哂挺身，入口蛋香滿滿，整體甜度剛剛好！蜜瓜形態包羅萬有，無論係蜜瓜啫喱、蜜瓜粒、蜜瓜肉、蜜瓜cheese foam、蜜瓜cream都有，鍾意食蜜瓜嘅朋友千其唔好錯過呀！🧡玫瑰暖泡沫鮮奶（$42）泡沫質感綿密，賣相夠哂吸引！入口淡淡玫瑰花香，唔錯！🧡抹茶鮮奶（$46）抹茶味夠，唔會苦澀，甜度剛好，入口舒服！

PHI coffee終於在元朗開設分店了，當然要去朝聖。但我1時25分到達時，全店滿座，等位約20分鐘才能入座。下次要注意時間啊。午時套餐 A+B+C 好化算，一次過滿足幾個願望，選了以下套餐內容：雙重濃郁芝士肉醬這款上枱已經吸引眼球，濃濃的蕃茄肉醬及芝士非常美味，意粉亦軟硬適中，一口接一口的不停進食士多啤梨幕絲梳乎厘即時製作需時，但值得等待，鬆軟口感入口即溶，配上士多啤梨醬甜甜的，飯後甜品一絕單骨雞翼套餐只有2隻，個人份量不怕浪費，微辣口感及新鮮炸起，惹味得很抹茶鮮奶味道不濃不淡，調配份量不錯，抹茶控不能錯過另外，單點了不在午餐範圍內的食物傳統卡邦尼意粉每條意粉也沾上濃郁的醬汁，每一口也很滿足，咸肉也是大片大片的，吃得很過癮經典英式伯爵茶梳乎厘最喜愛的伯爵茶配上梳乎厘非常搭配，還有焦糖餅，麻糬，小蛋糕，忌廉等點綴，每次來都衝著這個吃呢Lotus 海鹽焦糖法式吐司必點的吐司，烤了的焦糖香蕉及吐司，與雪糕同吃，味蕾感受著不同層次，脆軟口感交替，大愛飄浮士多啤梨梳打原來有新鮮的士多啤梨及果乾啊，難怪說會飄浮，甜味難怪新店已經座無虛席，真的要擇日再來朝聖啊

元朗yoho最近新開左間pancake店，之前系九龍區食過吾錯，所以約埋fd 一齊再去多次！宜家仲有蜜瓜系列甜品同飲品，忍吾住要叫返份！蜜瓜在沙冰降溫時 $68呢杯系蜜瓜沙冰，貌相好打卡able，飲落幾香甜蜜瓜味，飲落幾fresh，好岩夏天飲。班蘭椰子咖啡 $52特色咖啡，同樣貌相吸引。底層系班蘭、中間系咖啡，上層系椰子泡沫，咖啡飲落既同時飲到椰子同班蘭香味，另外以菠蘿乾同班蘭葉做裝飾襯托。漢堡扒All Day Breakfast $132All Day Breakfast 幾豐富，有漢堡扒、煎蛋、煙肉、煙三文魚、類似叉燒既肉、牛油果、炒菇、沙律菜同吐司。漢堡扒厚身鬆軟，吐司香脆鬆軟，好重牛油，仲可以加蜜糖一齊食。龍蝦意大利飯 $165意大利飯夠濕潤，幾香龍蝦味，但龍蝦肉只有3塊，感覺比較少。蜜瓜在初夏升溫時 $142個名改到好搞笑，其實就系蜜瓜souffle pancake。Pancake有3件，幾香雞蛋味，而且食左一半都仲好挺身。左邊加上蜜瓜cheese foam，右邊就加左蜜瓜cream，2款食法，2款醬都偏向甜。另外仲有蜜瓜啫喱、蜜瓜粒，蜜瓜都好甜好好味。

之前起美孚分店食過唔錯，今日行過yoho見到諗住encore。 一開始有位藍色頭髮女侍應幫我哋睇有無位，之後有位戴眼鏡女侍應出嚟西口西面叫我地門口出面排隊，排緊嘅時候佢都有望到我地。等咗十幾分鐘之後叫人入去我哋先知原來排隊係起另一個位置，仲要係我地主動問先知，wtf? 藍色頭髮女侍應全程都態度好好，仲有幫佢同事講唔好意思，不過另一位戴眼鏡女同事實在態度欠佳。我哋最後都係無幫襯，亦唔會再幫襯。

Yohomall新開即同好姊妹來試下！環境好舒服，日式木系設計.呢間吐司🍞真心好好食😋 滿滿牛油香勁鬆軟，炙燒半溶芝士吐司勁厚身，面頭焦糖中間火腿仲有好多芝士好邪惡😈all day breakfast 的吐司加蜜糖好好味，超豐富有煙三文魚、沙律菜、太陽蛋、煙肉，仲有勁厚身漢堡扒超juicy🤤吞拿魚貓耳朵粉口感煙靭，夢幻嘅粉紅色💕打卡一流，軟殼蟹意粉濃厚嘅蕃茄口味，軟殼蟹脆卜卜好好味🥰.呢間嘅飲品賣相味道都100分！天然蜂巢棒棒冷咖啡好高質，香濃咖啡加上蜂蜜甜絲絲💕蜜瓜沙冰清甜解渴，花茶口味清新，玫瑰鮮奶so igable!!!!十分香滑.最後你呢間必點梳乎厘！空氣感十足軟熟Q彈，伯爵茶口味就好出，仲有瑪嘉烈蛋糕和蕨餅😍蜜瓜口味十分香甜清新，仲有啫喱同好多蜜瓜🍈.

二人世界嘅星期六🩷呢間連鎖店 PHI coffee & pancake開咗入嚟元朗YOHO，咁又去試吓啦😀 不過意粉🍝竟然出色過pancake🥞🍝炸軟殼蟹意粉個汁係羅宋湯嚟嘅，好味又開胃👍🏻👍🏻 軟殼蟹係原隻上，亦都炸得好好，外面脆，入面亦有蟹膏香🦀 我同老公一人一半，唔夠喉🤪🤪🥞食pancake梗係揀原味啦😝都夠鬆軟嘅，不過唔夠蛋香，個cream勁甜，我勁鍾意食cream都冇食晒，加咗$20要個雲呢拿雪糕，後悔😔又細又溶👎☕️老公杯熱啡佢話正常😀🍵但我杯抹茶latte就唔掂☹️冇茶香，勁奶，完全唔好飲，不過個拉花都叫有啲誠意🤪

已經嚟過幾次，剛剛開業一個月服務很好，甜品可以後上，由七月起價錢亦加價，服務也差了很多，落單時同女侍應說了甜品後上，她還提我要等20分鐘，我說可以，隨即甜品跟主菜一齊上，我說後上因為仲有時間慢慢食，食完主菜後再叫女侍應可以上甜品，她亦回答ok，等了很久還沒有來，之後另外又搵男同事話唔好意思漏了單要否取消？！！我心諗兩次都是女侍應漏了，還是專登？！！我說我不趕時間等甜品，最後25分鐘才有！！！一係佢就唔好問我需唔需要後上甜品，我都冇問題做唔到就唔好問個客！！！這天是星期三平日兩點幾不是繁忙時間，實在令人太失望😑

食物款式多種包括有甜品和熟食如意粉🍝😍餐廳屬於Pet Friendly，攜帶寵物需要坐在外面😊餐廳衛生環境良好🌟食物的造型精緻味道好味😋價錢合理🌟可作攜寵人士下午茶首選😉食滿$38 8有一次抽獎機會

什少去元朗的我，得知PHI Coffee & Pancake @phi.coffee.pancake在元朗開了分店，特意前往打卡😍店內裝潢以木系為主，環境簡潔舒適，可以靜靜地與朋友在此品嚐美食放鬆心情😝- 煙三文魚蟹肉熱香餅🦀 $105熱香餅質地鬆軟，充滿牛油🧈及蛋香🍳，中間加入牛油果蓉🥑、蟹肉絲🦀及煙三文魚，整體口感豐富，鹹香味十足，配上沙律，味道更清爽🤩- 龍鮮蝦意大利飯🍚 $165意大利飯軟硬適中，口感煙韌，吸收了濃郁龍蝦湯🦞精華，表面放上鮮甜龍蝦肉😙，質地爽彈，相當惹味😆- 經典英式伯爵茶梳乎厘🥞 $158賣相相當精緻，梳乎厘鬆軟綿密😋，空氣感十足，加入蕨餅、瑪德蓮蛋糕🍰、伯爵茶脆脆、伯爵茶忌廉及雪糕🍦等配料，表面淋上香濃伯爵茶醬，層次豐富😚- 豆花咖啡☕️ $52很創新的配搭， 豆腐花幼滑，充滿黃豆香味，剛好平衡苦澀咖啡香，但略嫌甜度較高🤩- 抹茶鮮奶🍵 $46抹茶與鮮奶碰撞更突出抹茶香味，甜度剛好🤣餐廳地理位置很方便，大家不妨於商場購物過後到餐廳享受美食🥰PHI Coffee & Pancake (元朗)📍元朗朗日路8號形點 II L3樓A315b號舖@phi.coffee.