PHI Coffee & Pancake (形點 II)

營業中

休息中

今日去Yoho Mall 行街，lunch 見到呢間梳乎厘幾吸引，等左一陣就入得，之後叫左： 石板街梳乎厘 ~梳乎厘即叫即整，等左15分鐘就熱辣辣上檯，一定要即食，一碟有三件梳乎厘，夠晒鬆軟，蛋味香濃， 配上朱古力漿、mousse、杏仁、曲奇同棉花糖等材料夠晒豐富 漢堡扒全日早餐～滿滿一整碟，漢堡扒好juicy配搭煎蛋、煙肉🥓、法式吐司、煙三文魚、炒磨菇、沙律菜、車厘茄同埋牛油果🥑等等，吐司外酥內鬆軟，充滿蛋香 傳統卡邦尼意粉~意粉煙煙韌韌有嚼口每條沾上汁，份量多非常Creamy 熱烏龍茶～茶味香濃，解膩一流呢間食物擺盤精緻，餐廳裝修主打日本木系文青風格有室外座位，響商場3/F環境寬敞寫意，店員服務態度好，西鐵站樓上交通夠方便！

久違有一段時間冇去過、佢嘅食物同埋環境都幾好、這間位於元朗YOHO《PHI Coffee &Pancake》佢嘅食物都係依然保持到最佳水準、整間店面環境木系裝置粉色為主調😍、好有別的風格坐著感覺都唔錯！秋冬濃栗子梳乎厘 $148整份梳乎厘賣相配答都好靚😍、分別有三件梳乎厘😯、配埋香甜栗子蓉滑滑忌廉、佢嘅梳乎厘食到入口熱辣辣軟綿綿、每一口即化口感鬆軟😋、配埋栗子蓉帶點香甜軟滑、兩者相當之夾好好味、尤其是整塊秋葉通透又夠薄脆口好特別！煙三魚蟹肉熱香餅 $105呢一款熱香餅送到望到賣相特別🤔、夠哂吸引多層口感😯、整個包咗滿滿香濃芝士裏面包裹班尼迪蛋、下面鮮味三文魚同蟹肉牛油果😋、底層熱辣辣軟綿綿熱香餅、整個真的多重口感味道😚！蕃茄海鮮扁意粉 $112呢一碟海鮮扁意粉滿滿蕃茄醬😯整碟分別有蕃茄、青口鮮甜腍嫩、魷魚鮮味煙韌口感、蝦肉鮮甜爽口彈牙、每一款沾滿汁液別一般嘅味道🤭、尤其是佢嘅扁意粉沾滿蕃茄汁帶點酸甜口感醒胃😋！冬日栗子咖啡 $58呢一杯栗子咖啡望見好特別又吸引😯、真係唔捨得飲睇得又飲得😍、杯邊圍繞栗子蓉花邊、中間軟滑忌廉同栗子肉、下面飲到層次濃郁啖啖口感😋、整杯嚟講我覺得都唔錯☺️！雲

這家店的梳乎厘班戟一直令我念念不忘，前幾天終於忍不住再次到訪元朗分店，食物質素一如既往地令人滿意，難怪一直十分旺場。漢堡扒全日早餐 漢堡扒充滿肉汁，蛋香濃郁的西多士惹味可口，另有煙三文魚、牛油果等等的配料，非常豐富。蝦哈哈意大利飯 海鮮有青口、大蝦和帶子，鮮甜且份量不少，配搭濃郁的龍蝦汁意大利飯，讓我們快速清光。經典英式伯爵茶梳乎厘梳乎厘口感鬆軟綿密，配搭蕨餅、瑪德蓮蛋糕、伯爵茶脆脆等配料，拼砌出充滿美感的甜品，另有小卡片註明每一樣配料，十分貼心。焦糖脆脆鮮奶咖啡 / 玫瑰泡沫鮮奶 飲品甜度恰到好處，味道亦不俗。

今日試的套餐是團購買的包括芝士肉醬薯條、藍莓梳乎厘、兩杯latte價錢是$118 （未計加一）以下係餐廳本身的餐牌Lunch set 餐牌芝士肉醬薯條 👍🏼👍🏼👍🏼薯條配上肉醬和忌廉令人食到停唔到口牛奶咖啡味道正常份量合理的咖啡藍莓梳乎厘 👍🏼👍🏼👍🏼很有蛋香喜歡藍芽醬的酸味很怕很甜的組合忌廉較甜整體評價連鎖店來說梳乎厘質素很穩定星期日亦有lunch set 套餐自由配搭要幾多樣食物價錢比逐樣單叫的cafe便宜人均一百元

又黎到元朗揾食喇今次黎到元朗YOHO試吓呢一間新開Cafe！其實佢喺全香港都有好多間分店今次終於開咗入元朗啦！仲要係pet friendly 添🥰🐶（坐出邊啲位）餐廳裝修主打日本木系文青風格好適合女仔打卡呀❣️平日過嚟唔算多人無需排隊成個環境幾好又young食物賣相都真係幾唔錯餐廳有lunch set嘅價錢都非常相宜$13X - $16X左右啦因為keep fit嘅關係我就叫咗個雞扒set 蘑菇略嫌炒得唔夠味道Ap而雞扒都幾香口💕值得留意個牛油多士好味😋我覺得加少少錢可以食埋佢哋嘅招牌pancake Pancake 個中心爭少少好似未熟晒但整體嚟講性價比都幾唔錯咖啡亦都好飲係元朗mall入面地址又方便下次可以再黎呢！

最近幾個星期日同假日都黎食早餐，貪佢環境較靜，前三個禮拜轉咗 menu，加咗個叫 “豐盛英式早餐”，第一次叫有蛋，焗豆，煙肉，腸同其他嘢，雖然只得一隻蛋真係好難叫“豐盛”，不過整體都算係幾英式，第二次就冇咗豆同腸，轉咗雞扒 + 煙肉，第三次就連煙肉都冇埋，其他不變，食三次，個餐嘅名一樣，價錢又一樣，但食物次次都唔同，兼且越黎越縮，問職員，答話睇返相係咁，但餐牌上係冇相，原來佢意思係佢部手機有 。咁我下次去會唔會冇埋隻蛋，跟住冇埋塊雞扒，得返塊多士同菜 ，但仍然叫 “豐盛英式早餐”？ 呢間餐廳嘅管理混亂不堪，唔怪之得咁靜。

呢間以前我好鐘意食🤪因為佢個set好抵3百令蚊有appetizer+湯+兩個main course總有個pancake!!!不過可能真係太平 而家佢個set轉左冇pancake🥲見佢開左係yoho 近近地自己又去食下先！今次我係星期日晚上時間去食見到周圍餐廳都排哂隊但呢間係成間鋪都吉咁濟😳✨綠野仙蹤意大利飯✨味道係唔錯既 不過味道偏淡唔係好食得到係咩味🌝下次未必再叫✨濃鮮龍蝦意大利飯✨我expect佢係好鮮味點知個味同綠色個碟差唔多….味道都係偏淡 唔鮮味又唔算惹味…可以skip✨辣蕃茄蟹肉扁意粉✨完全食唔到蟹味 整體偏酸又唔辣失望…就好似好酸既肉醬意粉咁✨漢堡扒全日早餐✨除左塊漢堡扒係幾juicy 其他野都一般牛油果冇味 三文魚好凍 都係失望之選…✨提拉米蘇咖啡✨呢間既咖啡係唔錯 整體唔會好甜 咖啡味好重 不過呢杯嘅咖啡偏酸之前喺旺角嗰間飲過冇咁酸✨海鹽焦糖疏乎厘✨終於黎到我最最最期待嘅疏乎厘pancake!!真心佢既疏乎厘pancake係我食過最好食極級fluffy而且所有野都好夾 必點！！連屋企人都話寧願唔食主食叫多兩個pancake食好過🌝我自己食過幾隻唔同味既pancake但

今日陪外國回來的友人去南生圍遊玩，在元朗集合，先吃個早餐才開始旅程。我帶他到形點II 的PHI，店舖座位舒適好開陽，是聚會的好地點。All Day Breakfast with Signature Soufflé 全日早餐疏乎厘這個全日早餐好值得推介，疏乎厘質感輕而蓬鬆，有蛋香，二層疏乎厘上面都有煙肉和煎蛋，又有牛油果車厘茄相伴，色彩繽紛再加上蜜糖的點綴，鹹甜配合得很好，口感豐富。Passion Mango Yogurt Bowl熱情芒果輕盈乳酪碗因為沒有芒果所以改了藍莓，還有士多啤梨椰子粒等，乳酪味道和質感都好，但係原來個乳酪碗係用花生粒而唔係穀物，都係我第一次嘗試，不過還是用穀物的比較有口感和好吃啊！Latte 口感柔滑，拉花細緻，更喜歡用的一個靚靚的白色杯子。Iced cappuccino 細細杯，不錯，喺食具上也花了心思。

放工之後去咗YOHO MAX發現好似冇咩好食經過見到呢一間就入咗去之前見到又做優惠，不過個優惠已經完咗 但係見到今期有Kurumi嘅菜式，我本身好鍾意三麗鷗嘅角色見到好吸引就入咗去 不過入到去我嗌嘅反而唔係佢嘅角色，而係叫咗個佢嘅粉紅色嘅吞拿魚明太子意粉 我本身唔係好鍾意食吞拿魚，但係佢嘅吞拿魚反而冇咩腥味我真係好鍾意食佢嘅意粉，因為佢係比較特別唔似出邊嘅長通粉或者普通意粉 佢係有少少貓耳朵嘅形狀 之後仲叫咗個疏乎厘叫咗個士多啤梨味 佢仲有好多其他美麗如哈密瓜，但係我本身唔係好鍾意食哈密瓜，所以叫咗個士多啤梨 🍓啲士多啤梨都幾甜，同埋佢嘅疏乎厘都做得有空氣同唔會過甜，下次會同屋企人再嚟食！

PHI 分店都唔算少，但係我都去過好幾間，yoho呢間真係印象最深刻😡因為yoho呢間喺屋企附近，之前都去過其他分店，確實出品都唔差，服務態度又好，呢間分店我去過3次，今次真係最後一次😡第一次，啱啱開張，上菜慢，我都體諒佢第二次去，明明間舖開朝早9:30，我都已經11點幾先至去，成間舖得一個樓面，然後有8成檯都未執，個女侍應安排我坐咗張二人檯，佢執完上一位客人食完果個餐，但係佢無重新比套餐具我，話知道上一個客人無用過，我真係無言，然後我坐咗10分鐘，都係無人幫我落order ，所以我走先⋯⋯然後尋晚，我同仔仔去食，只係食咗一個鐘都未夠，個侍應已經過嚟問要唔要上埋個班戟，大姐啊！細路仔食得慢是常識吧！我都算，諗住幫吓手等你返檯返快啲，生意難做，點知我叫個店長可唔可以幫手換過啲新碟比我哋食班戟，佢竟然：「得啦！一陣就幫你換啦！」 心情唔好，可唔可以唔好發洩喺我哋身上？唔知PHI嘅管理層可唔可以改善下呢間舖嘅服務態度？

最近我終於有機會試下。星期五晚去的時候，餐廳人不算多，但隔離兩枱嘅客人講得比較大聲，感覺有點吵。我點咗幾樣嘢，首先係Carbonara，賣相非常吸引，但對我來講，味道有點過於cheesy，食到後來覺得十分膩，可能係個人口味問題。然後係番茄海鮮意粉，反而比我預期中好，味道幾balanced，唔會太酸，而且材料都足夠，食落去感覺相當滿足。再來係肉醬薯條，真係好脆，肉醬加上芝士，味道十分惹味，令人忍不住想再多食幾口。至於Cafe Latte，味道不錯，但唯一有少少唔夠熱，可能需要再加熱一陣。Iced Chocolate都係ok，但味道甜左少少，似乎更適合小朋友嘅口味。最後，我試咗Blueberry with Greek Yogurt Souffle，Blueberry醬十分濃郁，還有一球小雪糕，souffle做得好fluffy，味道亦唔會太甜，賣相靚靚，整體上都食得開心。

中秋節翌日假期，同朋友去咗呢間野食BREAKFAST 。 入到餐廳咁啱過咗11點，見個染唒紫色同金色頭髮嘅女侍應咁啱出咗黎收個BREAKFAST 餐牌。個下一心諗住黎食BREAKFAST 嘅我，有啲失望地問個staff係咪無得揀早餐了？點知個staff係黑面咁款繼續一路收餐牌做自己野完全冇眼神交流地只答咗我一個字 “無”。之後，我再問個staff “咁你哋會唔會有all day breakfast揀呢？”之後同一個staff同樣木無表情(都仲係木無表情咁款)地回應我 “我哋只得English all day breakfast”。 當時我聽到有all day breakfast , 就心諗算啦，照入座啦。因為我真係好想食all day breakfast….入到去睇到個餐牌先發現，原來成個餐牌嘅主餐只得幾款選擇…. 不過，當時我心諗，唔緊要！見到個餐牌嘅English all day breakfast 圖，有大啡菇~ 睇落幾正。我就堅持選擇咗叫個English all day breakfast 。 到個English all day breakfast到嘅時候，我發現我個Engl

最近呢間餐廳好有話題性，因為佢哋做咗個兩折嘅優惠，所以真係好多人去！好好彩我哋係第二日就去咗，所以冇咁多人排隊，但係都等咗45分鐘先入到去。你間餐廳主要係食疏乎厘pancake，佢哋比較少熟食，只有幾樣意粉同飯選擇。今次我哋四個人嚟到，食咗兩個意粉同兩個甜品，另外再加三杯野飲粉紅吞拿魚貓耳朵意粉呢款一上枱就覺得好靚！粉紅色真係好吸睛，加埋面頭嘅吞拿魚望落去真係好好食。面頭有好多芝士，食落去好香，不過佢嘅吞拿魚食落有啲嚡，減咗少少分數。卡邦尼意粉味道不失不過，佢嘅煙肉同出邊嘅唔同，係類似臘肉咁樣嘅形態，肥膏真係好多，雖然香口但係真係食唔到幾多嚿，望落去料都唔算好多，下次唔會再揀呢個。蜜瓜疏乎厘pancake 呢個真係好適合打卡！份量好大份，亦都有幾多蜜瓜，疏乎厘pancake火候啱啱好，好香好鬆軟，但係個cream就爭啲啦，唔夠蜜瓜味之餘仲好甜，食到最後仲有啲漏。迷你雜果熱香餅配蘋果汁小朋友好鍾意食！本身鬆餅都帶有少少甜味，怕甜嘅其實唔需要落蜜糖都可以。蘋果汁有啲甜，我覺得小朋友就唔係好啱啦。焦糖脆脆鮮奶咖啡都幾香焦糖味，飲落唔錯。斑斕椰子咖啡斑斕同椰子幾夾，不過椰子味比較出，斑斕味相對

中秋節優惠，身份證有10個“0”字，就可以享有全單2折！2個“0”有9折，6個“0”送免費梳乎厘。 Dinner Set $368餐湯或沙律+主食兩款+小食一款+飲品2杯磨菇湯，磨菇味超香，有粒粒磨菇碎。綠野仙蹤意大利飯，奶油味香，略帶微苦，帶子好大粒好嫩，飯入面有紅椒、露荀。蕃茄海鮮扁意粉，青口有5隻，另有八爪魚仔、蝦，蕃茄味濃，但偏酸。香水檸檬茶用檸檬及青檸，味道清新，青檸味香，微甜。朱古力上面有Cream，賣相不錯，朱古力味濃。 藍莓希臘乳酪梳乎厘 $125食唔到有希臘乳酪，梳乎厘好香蛋，好厚身，微甜。藍莓醬偏酸，配上cream同雲呢拿雪糕 。反而藍莓醬味太濃，蓋過左梳乎厘本身既香味。 北海道牛乳芝士蛋糕 $68好creamy，好軟，但好甜。芝士味唔濃，蛋糕底， 食落似木糠布甸。另跟飲品一杯。整體食物味道不錯，份量亦算多。2折後埋單$170，超抵食。但等候食物時間比較長。

這裡環境舒服。門口也設有座位。主打咖啡和pancake。當然兩樣都要試試。焦糖脆脆鮮奶咖啡。焦點好脆香甜配鮮奶咖啡夠香滑。提拉米蘇咖啡味道則較香濃。傳統卡邦尼意粉，個醬汁好creamy。火腿有點咸，但配意粉一起食。中和味道變得剛剛好。梳乎厘班戟口感好。超軟的。推介這個 --蜜瓜在初夏升溫時， 蜜瓜超級甜很香。配上Melon cheese foam淡淡的芝士奶蓋。仲有蜜瓜啫哩，蜜瓜忌廉，蜜瓜脆脆。口感豐富。