影片
營業時間
今日營業
09:30 - 21:30
星期一至日
09:30 - 21:30
以上資料只供參考, 請與餐廳確認詳情
已經有幾個月冇去過這間食嘢、ㄑPHI Coffee〉店舖佢嘅係以Pancake為主都好多選擇、每一次去到必叫嚟食、今次仲望見配搭特別又有創意🤔、係以泰式風味混為一體😯、叫咗食物同飲品都係融入泰式配搭嘅味道、必定要試吓好幾款特式美食🤭！泰式梳乎芒果糯米飯整款賣相配搭簡單擺款都睇得、係以梳乎厘軟綿口感配芒果肉一片片清香甜軟圍繞伴邊、配埋白白咸咸甜甜忌廉混於糯米飯、食到入口脆口帶點粒粒軟糯口感味道特別😋、再加添香甜椰汁別一般的味道！椰香冬蔭功海鮮意粉 呢一款海鮮意粉賣相色澤泰色味道、整碟送到上枱散發清香椰香😚、入口佢嘅意粉沾滿汁液味道濃郁帶點微辣口感、青口鮮嫩、魷魚鮮味煙韌帶點咬口、鮮蝦新鮮爽口、每一款配料沾吓佢嘅汁液更加美味又好食😋！漢堡扒全日早餐呢一份全日早餐真的份量十足😲營養又健康、漢堡扒、牛油果、三文魚、香腸、多士、蘑菇、沙拉菜、太陽蛋、整份賣相睇得吓🤤、尤其是佢嘅漢堡扒夠哂大嚿😯、上面淋滿美味香濃汁液、肉質鮮味腍嫩啖啖口感😋！糯米芒芒椰奶沙冰呢一杯泰式椰奶沙冰金黄色賣相、飲到入口香甜芒芒味道、酸甜醒胃香滑口感味道特别！黃金比例泰茶呢杯黃金比例泰茶望見都幾特別🤔、只係得半杯色澤幻變賣相、飲到入口好似好茶味道！
繼續閱讀
早前朋友生日，約左去食PHI Coffee & Pancake慶生。PHI都算系一間著名打卡食店，佢地既梳乎釐pancake出名鬆軟香甜。餐廳日系裝修簡約舒適，店員態度親切有禮，適合一班ladies談心。佢地最近推出開心果主題餐點，我至愛!!無花果巴馬火腿吐司 一上菜已經勁心心眼，好靚好IG-able。擺盤用心，賣相又吸引，真系未食都一定要先打卡。無花果同黑桑椹好香甜，加少少蜜糖更有層次，吐司厚切鬆軟之余，略略烤過好香牛油味，配埋大大塊既巴馬火腿，咸甜兩者互相平衡，非常出色。開心果帶子意粉意粉份量唔少，帶子好厚身鮮甜，表面煎得金黃同時保留刺身口感。軟硬適中嘅意粉沾滿creamy既開心果醬汁，並灑上開心果碎，令到意粉食落更有層次兼富有果仁香氣。開心果梳乎釐超級推薦，賣相吸引之余仲好好味。梳乎釐pancake蛋味香濃，質感鬆軟綿密，空氣感十足!! 上面鋪滿咗開心果，真系好好好濃郁，隔離仲有開心果布甸同埋開心果碎，撈埋一齊食會有意想不到既效果，鐘意食開心果嘅朋友仔一定會好開心。開心果咖啡香濃咖啡配上堅果香味濃郁嘅開心果醬，中和左咖啡的苦澀味，飲落層次豐富又醇厚。
繼續閱讀
最愛這家的梳乎里，鬆軟而有質感每隔一段時間，卡卡便會回訪❤️今次在幾個仔考試前食餐好來慰勞自己加上卡卡最近小朋友及家人相斷病倒真的好需要給自己時間#metime 一下當媽後的你也不要忘記錫一下自己喔～💞❤️漢堡扒全日早餐➡️超豐富的全日早餐，爆滿肉汁的漢堡扒、咸香的煙三文魚、冧滑的紅酒燴牛腩、香脆的煙肉、鮮美的牛油果、蘑菇、車厘茄、沙律菜，每款食物都新鮮味美，值得下次encore❤️開心果帶子意➡️帶子熟度煮得剛好，鮮嫩甜美，用上開心果醬造出的意粉醬，好掛汁，每條意粉都沾滿開心果意粉醬，鍾意它新鮮而不膩❤️特濃開心果迷上梳乎厘➡️ 除了有滿滿的開心果碎及杏仁之外，厚厚鬆軟而又有質感的梳乎里上，淋了誘人的翠綠色開心果醬，配埋軟滑的開心果奶凍及香滑的開心果忌廉一齊食，絕對是滿足了我這個開心果控喔～❤️開心果咖啡➡️開心果醬配咖啡真的是絕配，奶泡上更灑了開心果碎，開心果迷別錯過😍❤️天然蜂巢棒棒咖啡➡️ 這是一杯香甜的咖啡，愛吃蜂蜜的我即點了這杯來試試，果然滿足了愛吃蜂蜜的我，蜂巢棒棒配上香濃味甘的咖啡，真是絕配喔～如果怕太甜的你，可以先取出部分蜂巢棒棒，來調配出自己喜愛的口味👍
繼續閱讀
晚上相約了朋友到位於元朗Yoho II 的「PHI Coffee & Pancake」，餐廳推出了不少跟開心果的食物，甜品和飲品。決定一試。餐牌食物選擇多圖片吸引，沙律前菜、小食、王牌Pancake、意粉、飲品、甜品等。煙三文魚蟹肉熱香餅 － 煙三文魚，牛油果配搭蟹肉的鮮甜清新，熱香餅餅底香甜，十分吸引！開心果帶子意粉 - 我最愛食意粉，帶子厚肉，意粉彈牙，醬汁creamy 及帶開心果仁味道，創意十足，令人回味無窮！特濃開心果迷上梳乎厘 － 有三大件份量十足再附上開心果奶凍，賣相吸引，輕盈蓬鬆的梳乎厘入口即化，開心果醬濃郁香甜，味道濃而不膩，甜品愛好者的絕佳選擇！凍開心果咖啡 － 十分精緻，清涼，咖啡的微微苦與開心果的甘甜完美平衡，夏日飲品新體驗，值得一試！豆花咖啡 － 豆花滑嫩，咖啡味香，豆花帶淡淡的清甜，兩者比例完美香滑！總括來說，食物賣相及環境吸引，裝修風格很有格調，店內有燈光很有氣氛，加上有木系及半戶外感覺的座位，環境舒適，十分適合跟朋友談天的好地方，而且交通方便，是一間很有誠意的西餐廳，值得推介。
繼續閱讀
捉緊夏天的尾巴，食過芒果全餐先！【椰香冬蔭功海鮮意粉】將泰國招牌冬蔭功湯料與意大利意粉結合，酸辣濃郁的湯汁與彈牙的鮮蝦、魷魚和青口完美平衡。【漢堡扒全日早餐】滿足了對經典早餐的所有期待，漢堡扒多汁鮮美，搭配蘑菇和煎蛋，又有清新的沙律、煙三文魚和牛油果，簡單卻令人滿足。而最出色的一定是牛油味道香濃的鬆軟餐包。【糯米芒芒椰奶沙冰】是一款清涼解暑的特飲，中間香葉包裹着椰奶糯米飯，和芒果冰沙搞拌後味道香甜清新，混合糯米的微妙口感，既有甜品的層次，又有飲品的順滑。【羅勒檸檬特飲】檸檬的酸爽與羅勒的草本香氣相輔相成，清新提神，令人耳目一新。【泰式梳乎芒果糯米飯】將傳統泰國甜點重新演繹，椰汁糯米飯口感軟糯重椰香味，搭配熟透的芒果，甜而不膩，椰奶汁香濃卻不過重，配搭梳乎蛋糕輕盈的口感，整道甜品層次豐富。
繼續閱讀