Penna

營業中

休息中

餐廳主打價錢親民既精緻意菜，室內裝潢係復古歐洲風，以深桃木色系為主，加上牆上藝術品、皮革座位、精緻餐具，休閒氛圍非常適合放工輕鬆食餐飯：另設有 VIP 房可容納十幾人，特別日子黎慶祝打卡都非常合適。○ 餐 前 麵 包自家製薄脆口感好似薯片一樣，Sourdough 外脆內軟，烘到暖暖地，蘸黑醋橄欖油好開胃。○ 慢 煮 八 爪 魚 橄 欖 沙 律 // $168八爪魚好嫩，加上酸蔥頭、黑橄欖、火箭菜，係好開胃既前菜。○ 香 烤 意 大 利 蝸 牛 // $98蝸牛用牛奶浸泡去除泥味，加入大量蔥蒜醃製，再加入香草、牛油及與百蘭地一齊烤焗。入口順滑香口Q彈，一啲腥味都冇，juicy唔乾。底下仲有一層薯蓉，濃郁奶香 + 綿滑口感同蝸牛係perfect match。○ 薄 切 油 甘 魚 配 芝 麻 柚 子 醋○ 托 斯 卡 納 海 鮮 湯 // $168上枱時侍應即場淋上海鮮湯，已經聞到龍蝦既濃郁香氣，入口鮮味十足，相信用左多種海鮮熬製而食，調味剛剛好唔會太咸，入面仲有蝦、蜆、鱸魚、帶子，成碗都係真材實料。○ 龍 蝦 意 大 利 飯 // $298足足有半隻龍蝦埋係意大利飯入面，非常吸睛 ~蝦鉗

冬至避開唔食中餐都係我屋企既一個傳統，一來中餐係屋企經常食到，二來中餐我都真係一般般，所以今次做冬揀左食意大利菜「Penna」叫了兩個晚市套餐，再加一個主食，先來一個薄脆，係餐廳自家製的，蘸黑醋橄欖油食味道好夾，仲有巴馬火腿伴蜜瓜開胃菜蒜蓉牛油帶子帶子焗得岩岩好，加了薯蓉同蒜蓉牛油真係好香呀，好似食緊焗法式田螺個味咁慢煮八爪魚橄欖沙律慢煮八爪魚好嫩，仲有醃製過既酸洋蔥、黑橄欖、火箭菜，加上大量橄欖油撈埋一齊食，味道調得岩岩好，好開胃既前菜湯牛肝菌蘑菇濃湯打碎了既牛肝菌再加蘑菇味道真係又rich 又濃郁，成碗都係真材實料既濃菇湯托斯卡納海鮮湯入面有一隻蝦、蜆、鱸魚、帶子，侍應再淋上海鮮湯，海鮮湯鮮味十足，相信用左多種海鮮熬製而食，濃郁得黎唔太咸，好好飲主菜香燒豬肋骨香燒豬肋骨有別於平時較常食到既美式豬肋骨，沒有個層厚厚既BBQ醬汁，而意式煮法就搽了一層甜甜地既醬汁再加上唔同既香草，外面燒得好香脆，入面既肉質仲好juicy，一樣咁好食炭燒和牛西冷扒（5安士）點了medium既和牛西冷扒，外面煎得香脆而入面既肉質帶粉紅色，又香又腍身龍蝦意大利飯半隻龍蝦起埋肉加埋係意大利飯入面，意大利飯用上龍

見到太古開咗呢間意大利餐廳環境裝修得幾靚,燈光比較暗幾有氣氛🙈Lunch Set嚟講都算幾抵食,食物質素整體中上👍🏻《3-course Lunch Set $208》餐前麵包外脆內軟,烘到暖暖地,輕鬆清碟😂《巴馬火腿伴蜜瓜》蜜瓜好甜,火腿唔會太咸💁🏻‍♀️《薄切生牛肉片 +$38》生牛肉片好好食,幾嫩!《香炒大蜆 +$38》蜆都幾新鮮,粒粒都幾飽滿,個龍蝦汁好好味👍🏻《烤雞凱撒沙律》正常發揮💁🏻‍♀️淨係食完啲前菜都飽左一半🤣《香煎太平洋紅蝦及帶子闊條麵 +$68》意粉好掛汁,龍蝦汁都唔錯幾香,蝦就有啲霉左,肉質較腍,但帶子就幾新鮮💁🏻‍♀️《原隻烤春雞配白胡椒醬》雞肉好嫩,皮脆肉滑🤓《Coffee +$18》咖啡就用左Blooms Coffee,不過我就覺得正正常常冇咩特別,見佢單點成$68杯,都係食set lunch加錢叫抵啲😂Penna太古太古城道18號太古城中心3樓314號舖[⭐️5分為滿分]味道⭐️⭐️⭐️⭐️環境⭐️⭐️⭐️⭐️⭐️服務⭐️⭐️⭐️⭐️價錢⭐️⭐️⭐️推薦⭐️⭐️⭐️⭐️

🩷Penna🩷同朋友約食生日飯，夜晚好攰諗住近近地搵間商場入面嘅LUBUDS group西餐廳聚會就算，意外地搵到一間環境舒服,服務又好嘅驚喜餐廳 (啲碗碗碟碟仲要好靚🩶)————————————————我哋試咗：❆ Kanpachi Carpaccio with Sesama and Yuzu sauce 薄切章紅魚配芝麻柚子醋汁 $138章紅魚切得好薄，鮮嫩滑口🤌🏻上面淋咗芝麻柚子醋汁，酸酸甜甜，好開胃嘅Starter🐟❆ 黃酒煮大蜆 Chinese yellow rice wine stir clams $158大蜆用黃酒煮得恰到好處，鮮甜多汁。大蜆粒粒都新鮮，幾大隻,吸收到黃酒嘅香氣，每一口都帶出豐富嘅滋味👅❆ 龍蝦闊條麵 Lobster fettuccine $298半隻龍蝦起咗肉，意大利麵全部朔晒龍蝦汁🦞鮮嫩多汁嘅龍蝦肉同彈牙嘅闊條麵超級夾,加上濃郁嘅醬汁，味道更上一層樓。❆ 野菌意大利飯 Wild mushroom risotto $158香濃既飯入面有唔同種類嘅菇，每一啖都帶出獨特嘅風味🍄米飯煮得啱啱好，完美地吸收咗野菌同醬汁嘅味❆ 慢煮12小時和牛面頰 Slow co

今日都喺未開工，本來約咗朋友星期三去銅鑼灣一間懷舊西餐廳食午餐，最後改在今日去她家附近的餐廳食意大利菜，因為上星期五晚個媽咪通知我話見紅，以為好快開工就通知朋友改今日，點知到個媽咪都無動靜未入醫院，好彩朋友唔介意只係時間比較趕，通常我哋食完午餐都會邊傾邊散步1-2個鐘先各自回家，今日食完點半左右就各自回家，開工後又會忙要等完工先再約，而呢個朋友成日周圍去，我完工可能她又去咗旅行，所以要啱時間先可以出嚟一聚，呢間餐廳我第一次嚟，環境都好清靜可能太早未太多人，差唔多一點就比較嘈，我哋叫咗2個3款的午餐，呢度有2款百幾蚊同3款就2百多少少，原本個friend 話2款都夠我話share叫3款，我諗住今次我比所以叫多啲，其實都唔太多嘢，每人一個湯，2個沙律同2個主菜，另加18要杯普通咖啡或茶，我哋都叫咗咖啡，食物精緻都好好，只係個意大利飯米唔太熟好硬，個friend 食咗唔多我就唔浪費食哂，哈哈哈

我一向好少寫食評，但係响呢間餐廳嘅體驗令我不得不拎起兩隻手指，寫低我嘅滿分感受😂…我一向都有食開呢個集團嘅P系餐廳，餐廳嘅環境、食物嘅水準同職員嘅服務永遠唔會令人失望，基本上已經成為我其中一間飯堂…今日同幾位兩個月無見嘅舊同事食午餐，繼續選擇兩個月無黎嘅Penna，環境好舒適(反而係我哋張枱太嘈🤣），食物仍然係一流，經理嘅服務更加係熱情+細心（經理同職員仲認得我！！） 有乜野好得過用美食同笑聲黎總結一個星期呢？多謝Penna👍🏻👍🏻👍🏻

灰衫嗰個侍應勁趕客。我約咗同事嚟慶祝我正日生日，想喺間好少少嘅餐廳諗住會服務好啲啦，點知我哋遲咗少少，佢當場取消咗我哋Booking, 叫我walk in 入。都明白餐廳淨係hold枱10分鐘，但係嗰日勁多吉枱同埋我哋都到咗啦，有冇必要做呢個動作呢？仲有佢唔需要補多句同用啲咁嘅語氣嚟同我哋講話：「因為你through OpenRice book我而家取消咗你一次，你俾我取消第二次嘅話呢你就以後冇得嚟食㗎啦！」真係好巴閉，好大牌喎！見你咁有自信就睇吓你啲食物得唔得啦嘩點知主菜嗰隻雞都唔熟嘅❗️⁉️⚠️好彩我冇食到肚痾😵真係唔建議任何人嚟受氣同埋risk your health🙏🏼

首先食過Lubuds既中菜日菜都不錯，自然對呢間意菜很有期望星期六的下午同朋友黎慶祝生日。無訂位可以直接walk in。只做lunch set 分別為$168 兩道菜 & $208 三道菜。我點了burrata cheese salad & slow cooked wagyu beef cheek risotto。菜式雖然有burrata, lasagna, pasta, risotto 等等但其餘都吾似意式menu一見個沙律份量足，可惜個burrata cheese 係半個，我明白成本但我未見過一道菜係用半個burrata, 一係你做兩人份落一整個另外risotto 到了分量也足，牛面肉軟稔好味，整體不錯但絕不是意大利利水準Overall 我當普通西餐食是不錯, 但為食意菜就免了。可能係太古城大家覺得係香港人多所以迎合返本地口味，但我去得意大利餐廳就想食正宗的，不是localised Italian food。

Penna是太古城內較為新的西餐廳，前身為Mango Tree，應該都是屬於同一集團。今次是吃晚餐，星期五晚上場面依然冷清，數埋全場只得廿個客，應該都是今今時今日的香港實況。Menu選擇不算多，但懶得諗嘅情況下，決定食set dinner：$498四道菜我覺得價格十分合理。前菜：巴馬火腿伴蜜瓜湯：牛肝菌蘑菇濃湯偏鹹，有湯精味，飲完口渴。主菜：香蒜辣椒意大利麵配香煎帶子辣！愈食愈辣！辣到食唔出仲有咩味，可惜。甜品：朱古力慕絲配布朗尼及檸檬梨子雪芭意粉實在太辣，好彩有雪芭減減辣。Brownie 偏乾硬，但擺盤有誠意。Blooms coffee,中規中矩，無怪味算是飲得。此餐廳食物雖然不是太突出，慶幸服務殷勤有禮，添水換碟都十分勤快，在今天的香港服務業中算是比較出眾。

Dated my friend and she suggested going to this resto! .We ordered Buffalo Chicken Wings, Roasted Italian Escargot and Roasted Australian Barramundi with Horseradish Cream Sauce & Basil Oil to share. Covered in cheese, the Buffalo Chicken Wings tasted a bit spicy with smooth meat. They were quite crispy and hotly-served. Grilled with butter, herbs and brandy, the escargots were buttery and juicy with a wine aroma. Marinated with an abundant amount of onion and garlic, it had a slightly chewy tex

同事聚餐，嚟到penna一試高質意大利餐🇮🇹叫咗▶️Parma ham melon, soup, Sirloin (medium)蕃茄湯🍅濃郁creamyParma ham切得好薄，有入口即溶嘅感覺炭燒西冷🥩外層皮脆，內裡肉嫩，好香嘅炭燒味

今日初三，比較多食肆營業。今日encore下這店。店內空間感十足，加上典雅深棕色的裝修，配上暗昏的燈光，氣氛十足，但餐牌的價格只係cafe 的價位。午餐兩道菜$168、三道菜$208。麵包熱乎乎，口感鬆化香軟，加上油醋汁，不錯。蕃茄湯蕃茄湯有蕃茄粒，口感香滑creamy, 帶蕃茄的天然酸香，加上忌廉的奶滑，質地沒有太稠厚，味道不錯。烤三文魚配白味噌忌廉汁烤三文魚烤到剛剛好，魚肉內部保持粉紅色，口感嫩滑，完全唔腥又無骨，加上白味噌忌廉汁，帶少少咸香和味噌的甜，加上烤脆薯，味道不錯。炭燒澳洲頂級西冷+$98Honey 的牛扒有少少令人失望，雖然賣相美，肉味濃，但肉質大部分帶筋，口感比較韌，能吃的只有一大半。Bloom coffee +$18咖啡味道幾香，咖啡味幾gentle, 感覺是蒸溜咖啡的味道，加上熱奶，是幾ok的。

上星期六同朋友去咗鰂魚涌拎門票，知道笑波子最近介紹果間意式餐廳係太古城入面，所以順便行入去試吓☺️呢間餐廳叫✨Penna✨我哋簡咗Lunch set入面包咗前菜，主菜及飲品，我地另外加咗18蚊要埋甜品🍮前菜我哋都簡咗巴馬火腿伴蜜瓜🍈，而主菜就簡咗炭燒豬鞍配牛肝菌汁🐷而是日甜品就係荔枝芝士蛋糕🍰👉巴馬火腿伴蜜瓜🍈係味道豐富嘅開胃前菜，巴馬火腿味道濃但唔會好鹹，而且切得好薄質地又嫩，所以非常易入口，而非常足料有大約5-6塊火腿，巴馬火腿下面放咗幾塊蜜瓜🍈蜜瓜非常甜又爽口，適合食完濃味火腿之後食幾塊蜜瓜refresh一下味蕾😆👉炭燒豬鞍配牛肝菌汁🐷豬鞍以炭燒處理，表皮有燒得好靚，用刀切開果吓會覺得表皮硬，但再切入啲就會知道佢係外脆內軟，非常容易切開👍🏻肉質非常嫩而且保留到肉汁，沾上牛肝菌汁後，豬鞍非常惹味，個人覺得可以唔需要沾上牛肝菌汁，直接食可以品嘗到炭燒豬鞍真正嘅味道，味道非常似平時食開嘅乳豬味，但唔會好膩亦唔會有豬騷味😋👉荔枝芝士蛋糕🍰餐廳將蛋糕放平上枱，一上枱就會見到蛋糕橫切面，非常特別☺️蛋糕上面有一層薄薄荔枝味jelly，中間最大面積係芝士蛋糕面最底層係朱古力蛋糕，三層一齊食會覺得酸

今日過咗黎太古，同朋友黎食野聚下～見到呢間環境都唔錯，就試下個set lunch 🍽️首先餐包好軟熟（同個醋同橄欖油好夾）前菜：牛油果沙律（好好食🤤）Upgrade 加錢前菜👉🏻要咗個蜆(超好食)❤️好彩有試，用餐包點個汁食仲正！主菜:Upgrade 加錢👉🏻豬鞍🐖剛剛好，唔會過熟，肉質爽甜有厚度！旁邊啲配菜都好好味😋另一主菜👉🏻香煎三文魚腩🐠配菜同份豬鞍都係差唔多嘅野有啲翠玉瓜、番薯、薯仔、青瓜、雜菇……最後，餐飲叫咗杯熱咖啡☕️整體來講，呢間都唔錯👍

呢間新開的義大利餐廳裝修都幾新穎、幾靚。經過見到午餐168，被吸引住行左入去。168包頭盤同主食，義大利餐黎講，真係超級抵。頭盤我地揀左兩個沙律，份量都幾足，味道也可以。主食佢地侍應推薦了燒雞，另外牛魔王的我選擇了牛扒（+$98）。燒雞出到黎賣相一般，但食落真係好味，雞肉嫩滑、皮脆，又有香料的味道，值得推薦。牛扒賣相就好吸引，食落還有炭燒的味道，物超所值。整體而言，呢間餐廳有機會的話我會再去，亦會推薦給朋友去。