Park café

價錢不貴的自助餐酒店,服務態度非常之好，話就話12點食到2:30但都可以坐到3點先走都冇問題！ 而且環境舒適,好闊落,重點係,沒有太多大陸人, 所以拿取食物嘅時候都好有秩序!

下午茶openrice優惠折後大約$112位，當日平日去，全滿，我坐窗邊位，雖然人多，但唔算好迫，食物亦不停供應。芝士做主題既甜品不過不失，比較失色係第一round食炸薯餅，非常唔新鮮，似尋日早餐放到依家自己焗既蒜容包幾好食，即焗薯容味道不錯，有凍熱檸茶/水，咖啡任飲，仲有雪糕，慢慢飲個tea都好舒適。值得一讚係服務，負責收錢既職員好有耐性同禮貌，收碟亦好有效率。而我見到隔離枱食椰汁西米糕，就去問左其中一位職員放係邊度，原來已經清哂，佢立即叫同事去搵，我就企係甜品區等，等左陣未有我自己番番位坐，隔左5分鐘左右，有位職員親自為我送上西米糕，好窩心可能我係孕婦啦，但今時今日咁既服務態度我去其他酒店都未遇過超抵讚！

成日都上OPENRICE睇下有咩食,寫食評就第一次..阿仔復活節假最後一日訓到成10點即興去食個LUNCH BUFFET岩岩好12點可以拎野食,款式唔算多,熱葷10款內,例牌有沙律,刺身(冇食唔知新唔新鮮),生果3款,冷盤有蝦/青口/螺,好多cake,甜品有即製梳乎里同阿仔每人食左3個...仲有蟹肉粟米忌廉湯好好飲,加埋舊蒜蓉包簡直一絕...我加埋阿仔total$270都算抵食

每人可享用半隻燒龍蝦(侍應每人俾張咭仔)，龍蝦即燒，原汁原味，size 大隻，肉質鲜甜彈牙，好大塊肉鹅肝多士每次即燒(要排隊)鹅肝size 較细，口感唔creamy (有蘇味)，但味道新鮮蒜蓉煙肉芝士焗蠔(size 细隻，但鲜甜，芝士味濃)，生蠔每次限取3隻(size 细，口感creamy)長蟹腳(有海水味，肉鲜甜)，蝦(彈牙)，青口(细隻，)鲍魚龍蝦海鲜粥有鲍片絲和龍蝦肉絲，粥好绵而且鮮甜燕窩燉蛋白好好食，燕窩絲好多，蛋白好滑(不算太甜)火焰燉蛋某時段侍應推出(即場火燒燉蛋)㕑師用糖灑上燉蛋面，再用火槍燒至金黃色，再淋上燒至有藍火的酒(勁靚!)甜品㕑師细心(見有手抱BB)主動留一個無淋酒的燉蛋俾我們(好细心呀!)另一驚喜有生日蛋糕奉上Book 枱只知當月生日有半價(同行需有3位成人组合，享有七折優惠)，食到中段(侍應奉上蛋糕，有生日牌和臘燭添)小驚喜蛋糕乾左小小，但心意滿分熟食好多選擇有羊架，燒紐西蘭肉眼(肉七成左右熟，肉質鮮嫩)，紅咖哩炒龍蝦鉗(龍蝦甜大隻，鲜甜)，紅酒牛肝菌牛舌酥盒(外表细緻，酥皮盒香脆，红酒味好小)，鹅肝醬海鲜卷(鵝肝醬唔濃味)，紅燒花膠扒香菇(花膠剪碎左，煮

十二點鐘準時到場，第一次到這個场，地方簡潔乾淨 唔講得 食物嘅高檔 ，但品種之多， 200蚊樓下每人消費都算值嘅， 特別一提沙律蔬菜就特別新鮮呀， 三文魚及壽司都ok， 甜品 班戟我最正配上的鮮忌廉及朱古力醬

呢3個月一共食咗6次buffet／放題，想唔變肥都難啦，不過呢個tea buffet又真係太抵咁，每人只需 $113，唔去試又好似對唔住自己，反正放全日假，朝早去LC開倉，下午食自助餐，咪當補充體力囉！呢個＂芝士奇趣＂下午茶自助餐，比想像中多芝士製品，芝士拼盤／芝士火鍋／芝士迷你pizza／芝士雞蛋仔／芝士流心撻／芝士丸等等，其中最突出係芝士流心撻（其實一d都唔流心），芝味香濃，即焗即搶熱辣辣，亦係最搶手最快無。除咗芝士食品外，仲有我狂吞既三文魚刺身／焗茄子／焗田螺薯蓉／炒蔬菜／蒜蓉包／肉醬意粉／炒飯／沙律／凍肉／凍青口／凍東風螺／忌廉南瓜湯／粟米蛋花湯／車仔麵檔／生果／蛋糕／朱古力溫泉／pancake／格仔餅／雀巢雪糕… …整體嚟講～不過不失，以百零蚊價錢叫值回票價。六人共消費: $677

喺尖沙咀行完街諗緊食咩好，見到百樂酒店嘅自助餐有蠔食而且未試過，於是晚餐食選擇多啲嘅Buffet。餐廳設計簡單，客人唔太多，食物款式唔算多，但賣相唔錯而且質素幾好。入座每位送芝士焗龍蝦半隻。蠔新鮮但較肉較細，無咩蠔味。海鮮吧只有涷蝦，蟹腳，青口三種，品質可以，但蟹腳嘅色唔靚。燒牛肉同火腿好韌。刺身款式少但新鮮，冷盤別緻好味。鵝肝肥美充滿油香。熟食不過不失，但款式少。燒蝦大大隻，羊架質素高。湯類有老火湯，忌廉湯以及燉湯。甜品款式唔多但係好味，而且有疏乎厘同足料椰汁燕窩。

Openrice訂座好方便，又有75折平日搵下午茶自助餐 並不容易 , 剛巧知道有芝士下午茶buffet即刻訂座，3:00pm去到，座位舒適，可能平日人流冇咁多，食物都算多選擇芝士迷要黎，朱古力芝士雞翼第一次食，blue cheese都有，最攪笑有兒時喜歡的牛牛牌芝士甜品主題芝士撻

過咗尖沙咀拜年，順便約埋幾個老友一齊去下午茶，聽朋友話之前食過百樂酒店嘅buffet口碑不錯 。於是乎心血來潮想去試下下午茶。去到嘅時候，環境係幾好，衛生都唔錯，座位都夠寬敞。搭正三點鐘，開始攞嘢食啦，啱開始嘅時候攞咗小小嘅甜品小小嘅中式小食同埋少少嘅 三文魚魚生，可能太肚餓嘅關係，覺得啲味道還可以，以為陸續會更新食物嘅款式，點知来来去去就係炒飯同埋雞翼同埋菜等等， 食到半冷框濟濟地走咗去飲杯即磨咖啡， 又苦又澀，之後又走去車仔麵度叫咗碗米粉湯麵，得兩粒牛丸兩片魚片兩粒芝心丸嘅配料，認真慳皮呀，唯一值得讚賞係甜品雜果啫喱杯同埋米糠布甸，四個大人一個細路 食咗809蚊，覺得唔係好抵， 味道總括嚟講 一般般，絕對冇酒店式嘅buffet水準， 老實講下次就唔會再試啦！！！

打此食評，主要是想讚揚員工。聖誕期間，我們一家人到百樂buffert， 其間一名親友不適(感冒)，幾乎暈倒。在場職員不斷提供協助，亦主動提議後補兩個吉位，讓親友和照顧親友的稍後再光顧。讚!食物方面，選擇尚算多選擇, 喜歡它的燉湯;雪糕方面，除一般的雀巢外，還有Dreyer's and Movenpick,甜品選擇夠多，quite good.

發現百樂酒店tea buffet轉主題。芝士下午茶。嘩。芝士控嘅我。立刻訂位。星期一至五。15:00-17:00$188 有75折原價加一每人$160比之前紫薯tea buffet貴左。一開始當然沙律，冷盤先啦。沙律菜幾新鮮。芝士主題當然唔少得芝士拼盤啦。當中最中意blue cheese 🧀 仲有即製芝士撻。還可以。起碼真係流心！雞蛋仔。一般。無特別。窩夫有驚喜。好香脆。加埋啲配料。食左三塊仲有咖啡。茶。自己整！海鮮有蝦。青口同螺。朋友食左幾轉。唔錯！仲有蒜蓉多士。好夠味！熱食方面。雞亦係芝士朱古力。聽落怪怪地。食落都係怪怪地。芝士波。魚蛋包住芝士。都幾彈牙。紅咖喱一啲都唔辣。一般。雞肉比得包。好食。個包脆脆地。食左幾塊。仲有魚生同車仔麵。車仔都要左冬陰功湯底。偏酸。都係一般。三文魚唔錯。即焗肉細薯蓉。肉醬做得幾好。甜品蛋糕。有啲失望。竟然無new york cheese cake😞已經有好幾走芝士蛋糕都無咩芝士味。當中最好食嘅食日式芝士蛋糕

「龍蝦鵝肝自助餐」Openrice有75折，抵食過放題。基本每款熟食離唔開加啲鵝肝醬同龍蝦肉做點綴。而原隻龍蝦則開場一個鐘後出動，而煎鵝肝由兩個鐘後出動，好奸呀😏 今日我為鵝肝而嚟，點都留定個肚💪 最後食完一碟接一碟，好滿足❤❤海鮮刺身算咁上下，可惜我生蠔後遺症未好，食左三隻就收左手。飲品甜品選擇都幾多，班阿豬媽狂搶燕窩燉蛋，燕窩芝士流心撻，另外仲有三個大牌子嘅雪糕。相中黃色個粒榴槤芒果粒西餅仔，做得幾好，細細粒但好夠榴槤味。整體上不過不失，服務態度都幾好，坐得舒服，全場都係講廣東話。P.S : 隔離枱男仔一月生日原來有半價，送埋生日蛋糕，仲抵！

用openrice訂座有75折，每位$155.3，有芝士流心撻、芝士火鍋、朱古力噴泉、冷盤、熱熏、三文魚刺身、鯛魚刺身、甜品，下午茶價錢算唔錯， 芝士火鍋的青口很爽口、薯條都脆；但芝士鍋的芝士味道不算太濃，濃味D比較好吃。 有港式車仔麵、焗薯蓉 夠香滑、芝士流心撻熱辣辣，要求不高的基本上合格。 還有飛碟三文治、牛角包三文治、壽司、沙律菜、款式数量嚟講都可以接受 。北海道牛乳奶凍和榴槤芝士蛋糕這兩種甜品都不錯，可以一试。 職員普遍上都是有禮貌的。 尚有十分鐘便完，但碟上已沒有芒果榴槤芝士蛋糕，我向職員詢問還有沒有，最後他取一碟新嘅出嚟，所以值得一讚。

有時有啲野係要去試中伏先開心既😆 人地講太幾多句中伏都無用😂 而早排同朋友慶生去左紫薯做主題既下午茶buffet☺生日個位有半價😉 除番開每人$188 原價吾記得 依個價都感覺接受到 紫薯item都幾多👌 紫薯三文魚炒飯(當係三文魚炒飯會好啲)紫薯醬雞翼(雞翼不錯 但吾關紫薯事😂)紫薯梳乎厘(太甜同埋好易塌 無乜梳乎厘feel)紫薯班戟、紫薯牛奶撻、紫薯焗田螺 仲有幾隻紫薯味既cake👀 仲有紫薯粒配沙律既前菜啦😂 但整體質素都麻麻 比較好既係班戟(可以order多啲紫薯或無cream 幾好)、撻同埋田螺(好夠蒜 田螺又吾會有怪味) gimmick既野真係得gimmick😂

下午茶來講已經算好豐富啦，價錢抵食，位置方便，環境都不錯。食物質素都唔錯。boxing day一行六人幾日前訂台都訂到。今期紫薯大家都中意食，食到好飽，如果有埋紫薯軟雪糕雪糕就仲好啦