Park café

細女過二日就生日，時間啱就會喺正日興祝，有時出街食，有時在家煮，二個女都大晚上又要返學，時間好難配合到，最後缺定今日提早興祝先，因我喺細女正日都要返學，早個星期同啲同學去百樂食晚餐，裝修完環境好，食物又多咗，但價錢如果無優惠就好貴，今次食午餐又試下，但就有些少失望，無咩嘢食，價錢都要$238加一，好彩有生日優惠一個差唔多$200左右，咁呢個價錢就無咩嘢食都覺得OK，而家食嘢主要大家可以邊食邊傾，環境都算清淨同坐得都舒服，時間過得好快，食下，傾下影下相又比人追交枱因有下午茶，咁我哋都要趕回家煮晚餐去醫院比老爺，啲女又要回家做功課，好開心愉快的午餐

今晚有二個同學生日，而家食自助餐間間都四，五百元真係幾貴，我哋成日去的龍寶已經唔招待街客，搞到無咩平又抵食自助餐，今次見百樂裝修完又有生日優惠大家話去一試，點知打去問話頭20位有6折更抵，一個人都係$350左右，有半只焗龍蝦送還有送生日蛋糕，咁我哋就唔洗用啲餅仔去切個蛋糕，今日人唔多，服務都好好，而且裝修完攞嘢食大好多同款式都好多，個個眼潤肚拃都食唔到咩，由其喺我剛病完好多都唔食得，唯有影同學攞回來的食物，食完就拆禮物同食蛋糕又過咗愉快的一晚

簡左依間餐廳因爲依間幾抵 $478 7折再加一 計埋都係3字頭 仲有生蠔 長腳蟹等海鮮 對比同地區算係抵 位置都幾方便生蠔真心好大隻 又幾新鮮 龍蝦就每人半隻 焗得唔錯幾好味 長腳蟹腳就任拎 仲會不停refill 海鮮唔計上面3款都仲有3-4款 依個價錢計其實好抵下熱食唔算少 各型式都有 最值得推介係海鮮炒飯 好足料 未見過咁足料 又炒得好夠火喉 仲有就係辣椒糕醬爆爆龍蝦鉗 勁好味凍盤壽司幾多 有溫泉蛋 幾特別 甜品幾多 有朱古力噴泉 仲有芝麻糊 豆腐花 當然仲有其他蛋糕 好吸引8點鐘仲有火焰雪山 好特別既環節 不過燈太光 唔係咁睇到火焰 雪糕有2款 movepick雪糕 比想像中多口味 不過有一兩款冇介紹 唔太知道咩味要問職員

早排係open rice見到park cafe有優惠 就book左黎試下lunch buffet 以平日$198加一既價格 仲有75折 估唔到比想像中更加多野食未夠12點我地已經到左 接待員好有禮貌咁俾我地入去坐住先 門口幾開揚 聽講岩岩裝潢無耐 入面既環境都幾新淨 不過就為凍左小小 冬天仲開到咁凍冷氣著少件衫都唔惦 不過好彩職員都幫我地轉左張冇咁凍既位置 凍盤沙律其實都唔算少 三文魚蟹肉球 三文魚味好濃 不過有小小掩蓋左蟹肉味 超中意食壽司刺身既我梗係望下個壽司吧 都算多壽司簡 刺身都有4至5款簡 最意外既係海鮮都有番4款不過如果有埋蠔當然就更加吸引啦熱食方面 除左炒飯 中式食物 牛扒 都有番印度類食物算係多元化 不過如果加番d唔辣既素食會吸引小小 仲有可以試下加蒸魚會更好 牛扒都好軟熟 鮑魚雞絲粥都必食 唔會好咸又唔會太淡 又夠料 食完熱食 梗係睇下蛋糕甜品 比想像中多好多甜品 計埋都起碼有10幾款 不過就有一兩款係有小小酒類成份係度 有酒精敏感既人真係要留意 幸好 都唔會樣樣都有酒或者好濃酒味 有酒既都其實只佔半成至一成左右 最好食既都係椰林飄香奶凍 都有d酒味既 椰林飄香奶

是日，囝囝由下午四時訓到晚上八時，囝囝難得訓得咁好，所以我們沒有特意嘈醒他，以讓其自然醒。但他八時多才醒，仲要換埋衫，差不多九時多才能外出用膳，故我們一家三口特意去百樂酒店享用其宵夜自助餐。在此餐廳裝修前，我們也品嚐過數次該餐廳的自助晚餐，感覺幾好，而宵夜自助餐則第一次享用。冷盤：有蝦、螺、青口、刺身及生蠔。蝦：不算細隻且清甜；青口：不過不失；螺：味道較淡；刺身：我們只品嚐了三文魚，其夠新鮮及有鮮味；生蠔：幾大隻，而且幾creamy，較少海水味，幾合本人的口味，但每人每次只限取兩隻，個人覺得較少，因一般自助餐通常都讓食客最多取三隻，但幸好，可能因師傅手腳快的關係，通常排一至兩分鐘隊，便能取生蠔，故本人覺得此安排尚可接受。熱食：該自助餐提供了不少熱食。燒賣：一般；辣味螺：夠辣，彈牙；魚蛋河粉：較淡味；酥炸生蠔：香口，夠熱，幾好食；羊架：肉質鮮味而不太「蘇」，口感也鬆軟；蟹鉗：夠味，多肉；中湯：一般。甜品：沒有本人最期待的芝士撻，但如M字頭雪糕、格仔餅、芝士蛋糕等甜品也不錯。環境：與裝修前相比，卡位較之前舒適，空間感也較寬敞，而擺放食物的區域大小與裝修前則相若。服務：服務員有禮，refil

剛剛裝修完，聽業內人士介紹所以去了一次。再加上OpenRice有優惠，每個人只係＄410，仲有長腳蟹，生蠔等，我估係香港都比較難搵到了，但係講到尾都要講質素。一入到去因為新裝修，所以都覺得比較新淨光鮮，因為價錢平又有咁多嘢食所以我開頭都不抱太大期望，但係食完一樣有一樣之後，越食越滿意。我個人喜歡先食甜品，再食沙律，再吃主菜。雪糕方面已有兩個牌子選擇，加上又有椰汁燉燕窩，現場表演火焰雪山，有得睇有得食。到熱食，剛巧做黑松露主題，由飲湯，食熟食，都有黑松露的菜式選擇。

平安夜來到依間食自助餐真是好唔錯氣氛好之餘仲要自助餐乜嘢款都有得食，例如生蠔，啲生蠔好肥，仲要有鮑魚，鵝肝，長腳蟹，牛扒，火雞，羊扒，燒物，仲有好多好多刺身同埋冷盤，熱盤等平安夜當日自助餐分咗兩輪，我就食夜啲果輪即係8點九，依家好就好在拎食物就算係生蠔唔會排到好長龍等好耐先拎到平安夜當日仲要有抽奬，分左14個奬項，亦有聖誕老人周圍同人影相同派禮物，而每一張枱都有一啲關於聖誕嘅飾物，令到氣氛更加好我一定會再嚟依間唔自助餐

今年嘅聖誕節，爸媽話打算搞個大食會或party同兩位小孫女慶祝一番，我哋後生一輩當然無任歡迎喇！對於怕麻煩嘅懶人嚟講，    X'mas buffet係我哋嘅不二之選！臨近聖誕，各大報章都有好多hotel buffet廣告，花多眼亂，心大心細下揀咗"Park Cafe"。我哋志在玩多過食，見呢間酒店除咗供應節日小玩意之外，仲有聖誕老人派禮物及幸運大抽獎添！節目豐富兼有娛樂性，價錢又相宜，成人$358/位，小童$268/位，提早預定更有78折優惠，即時就book定位喇……是日一行七人準時到達餐廳，大家一入門口就畀種類多多，各式其式嘅甜品bar櫃吸引住，心裡暗喜，估唔到呢間cafe都几多嘢食喎！甫坐下，大小朋友們已急不及待，隨即拆開枱上嘅節日小玩意，然後戴上聖誕老人帽子selfie 自娛一番！侄女們玩弄著吹籠、哨子、汽球等等，不亦樂乎，完全忘卻肚子餓……醉翁之意不在食，在乎節日氣氛是也不過都要入一入正題，介紹一下啲嘢食先……冷盤海鮮唔算多，有長腳蟹、青口、蜆、螺、凍蝦等等。最正係長腳蟹，估唔到係非常鮮甜，肉質爽口啖啖肉，我哋食完又食，連小侄女都食唔停口呢！剌身有三文魚、希靈魚及鯖魚，雖然只

平日去食自助餐，都未見過得幾枱客，仲要接近聖誕節。去到以為自己早到，得一枱客到左。見openrice有優惠券咪試下囉⋯⋯去到第一件事梗係拎生蠔先啦！唔係即開，冇冰座住都算，仲要係微暖食左三隻都冇再食，冷盤不外乎蝦，螺，長腳蟹，青口啦，普通囉，冇乜鮮味。刺身方面，有三文魚，象拔蚌，鯛魚，希靈魚等...但最最最離譜嘅係，魚生居然係暖。我走果時仲見到佢個櫃因爲唔夠凍滴緊水。呢排做主題係黑松露。仲有每人半隻焗龍蝦送龍蝦味道都還可以。而所謂的黑松露主題，當中都真係有唔少食物都加左黑松露，但味道相當淡，唔係黑松露味淡喎，係啲食物本身冇乜味道，真係唔好講咩黑松露味......冷盤熱盤都比較差，但甜品相對較為正常。有個蛋白撻都幾好味，梳乎厘就居然有黑松露味，較為特別都有少少奇怪。最後食左個燉蛋白。份量少，但淺嘗就算。另外一提，可能冇乜客嘅關係，啲員工都相當hea。以咁嘅價錢，我真心覺得，放題好過佢。

朋友生日，酒店自助餐有優惠，二話不說就馬上訂位，服務員很有禮貌的。此間酒店的自助餐有多款熱食、凍食，但竟然有生蠔，雖然細細隻，口感Creamy，值得一食。意想不到的還是長腳蟹，仲有焗蠔，因為不是間間抵食的酒店自助餐會有蠔及長腳蟹食的，如果鍾意食蠔及長腳蟹，絕對可以回本。此外，仲有向最愛的焗田螺，贊！整體來說是經濟抵食自助餐，酒店服務一流

Happy lunch buffet gathering👍👍🍰🍣🍖🍹🍦🍕🍴地點很好，西鐵線及荃灣線可達，今次點評餐廳，百樂酒店剛裝修完，煥然一新。食嘢始終係環境行先，就算點好食，環境差是會影響朋友們享受及吹水的心情。😘平日客人不多，可以慢慢取食物，飲品是自取的，有多款選擇，服務生們的服務非常好。今次有朋友生日，他有半價，而其餘7位計了我們75折，很優惠👏👍，不久會再去。

原本只係諗住帶綠茶控媽媽用超平價錢食個頹tea buffet,點知驚喜爆燈😱一入到去見到好多好精美既綠茶甜品，完全唔係一分價錢一分貨，係一分價錢百分貨既賣相。。有靚靚甜品食下，已經覺得係bonus la...點知仲要有十幾款熟食😱😱😱。。車仔麵檔😱😱沙律吧😱😱⋯⋯呢啲係lunch buffet先有 la⋯⋯不但止。。。仲要有冷盤區我當日去有青口，蝦，螺。特別一讚係蝦，隻隻鮮甜而令我最驚喜既，竟然有刺生sushi仼食，我當日有四款刺身，其中兩款五星buffet都少有既三文魚腩同鯖魚刺身鯖魚刺身真係超級好食要高度補讚翻甜品，綠茶甜品係超高質素，有咁多美食擇我都食咁多甜品就證明幾好食。唔係甜到漏既假綠茶，係堅有綠茶味必食既係即整綠茶心太軟，雞蛋仔，格仔餅(岀面糖水鋪食呢三樣都已經過百啦⋯⋯)再補充，有兩款湯，有兩款杯裝dryers 雪糕，有咖啡，茶，荔枝茶仼飲每人加埋237.6⋯⋯(買一送一優惠去到15/11)真心抵到喊，講真，我覺得佢比holidxxxx xxxx ge lunch buffet仲高質素

之前見到上網有介紹, 加上生日又有折, 咁就諗住去試下, 一Book 就要book 左成個月有位, 諗住一定好好食, 點知.....又係伏本來話有5款刺身, 最後得3款, 三文魚, 鯛魚同希靈魚, 質素好普通生蠔, 比平時平價自助餐大隻, 不過冇蠔味熱野食唔多選擇,質素亦係好一般甜品有 M字牌雪糕, cake就唔吸引, 唯一最好食係佢既pancake機出既pancake 之後我同朋友都覺得睇返廣告係吸引既, 但係事實就......又做左一次俾廣告曚左既蠢豬

八月一日開業至今已經試第二次因為價錢及食物成正比第一次進餐後送上優惠卷兩次價格也是大約$350小朋友更是四歲以上才收費這個真的無比細心大多數自助餐也需三歲以上收費但其實他們也不能吃多先由生蠔說起生蠔來自紐西蘭大而肥美但少了海水味壽司選擇多但飯有點點硬原因因為一早預備好刺身肥美而新鮮沙律款式多而且有牛油果沙律火腿片有兩款及兩款煙魚選擇味道非常不錯麵包只有一款普通餐包熱食選擇也不錯大部分是海鮮而且非常爽口我發現這餐廳食物不太咸用上食物本來的味道連龍蝦湯也非常淡味有需要可自行加鹽很多餐廳的龍蝦湯實在太咸最欣賞的是即煮意粉意粉款式多白汁煮完後放在一個超大芝士上再煮芝士有點像瑞士芝士不太咸但非常濃郁好味飲品吧有燈汁汽水牛奶冷熱紅茶咖啡機雪糕除了雪糕吧還有一杯杯的Dreyer's每晚有火焰雪糕即場表演表現後要乖乖排隊分派甜品款式各適其適非常多選擇燕窩蛋撻撻皮非常厚脆撻皮的甜品非常出色餐廳裝修非常鮮明以白色為主及燈光也是給人感覺非常乾淨相比燈光昏暗有格調但裝修太舊這更令人食慾大增職員們很有禮貌其實這個價格有這個質素感覺非常良好所以才吃完再吃價格貴對食物會有期望但這間自助餐價格算便宜食物質素比價格還高

看到雜誌介紹這裡的下午茶自助餐，覺得很吸引喔！！是綠茶主題的呢～有頗多款的綠茶甜品之外，還有提供一些冷盤和熟食星期六、日及假期的話是每位$218 ～由3點到5點，可以吃兩小時 ლ(╹◡╹ლ)大概坐了1／3的客人而已，所以不用排隊拿食物( ´∀｀)σ 雖然只是下午茶自助餐～但可選的食物種類也算齊全吧像是一些基本的沙律材料供自行搭配，也有一些是已經加好沙律醬的可選擇海鮮方面則有青口、螺和蝦～新鮮度還不錯！！發現綠茶口味的啫喱～還加入了營養價值很高的藜麥，口感很豐富的喔另外還有壽司、刺身之類，不過每次也覺得這些還是留待在日本餐廳比較好。所以吃了～自助餐常見的火腿 (・´ω`・)這裡有兩款三文治可選：火腿芝士牛角包三文治 & 綠茶紅豆蓉手指三文治喜歡前者牛角包那酥軟的口感，後者那個的紅豆不是太甜也不錯( ~っ~)/ 熱食方面，整體來說一般而已通常下午茶自助餐會有的點心也有～不過味道始終是怪怪的有一些炸物和酥皮撻，但這些需要現炸現食才香口。放久了就是很硬很乾那樣呢比較特別的有 綠茶豆腐蜆煲 ～但這很淡味。果然配清酒的煮法才惹味因為熱食其他像Pizza之類的不太吸引，好像還有看到花生糊所以最後還是