更多
2023-03-15
766 瀏覽
星期六一早約左閨蜜慶生遲遲未決定再食咩最後揀左呢間靚景餐廳因為臨時轉地方 所以唯有係冇book位既情況下walk-in好彩咁岩有客人埋單 可以安排到位置雖然唔係窗邊位置 但有位都好已經好lucky 我地三個女仔Order左四樣野食 加一枝酒一落完order店員隨即放左一籃麪包個人比較鐘意食脆口既 所以長條形好似手指餅 同薄脆個款比較岩我口味 手指餅咁個個係有少少鹹味既脆條而薄脆款係只有麪粉既香味同埋烤焗既味道面包個款咬落去會覺得好似好油 油浸面包咁既feel 但其實食落都ok既巴馬火腿伴蜜瓜蜜瓜好香好甜巴馬火腿略鹹左少少黑松露、牛肝菌、牛乳芝士、火箭菜pizza由於閨蜜唔食蕃茄 而我又好鐘意食火箭菜所以揀左呢個pizza 黑松露味好香 但略有少少鹹同埋可能佢主要係芝士既關係 有少少膩香煎牛柳伴薯蓉及粉紅胡椒汁牛柳我地叫左7成熟 咬落岩岩好 一d都唔靭一d柴既感覺都冇薯蓉超級滑 入口即溶 食到停唔到口重點係唔會好膩 超級邪惡另外仲order左一個芝士意大利雲吞伴松露忌廉汁味道ok 但份量真係好少 大約得六至七粒左右但佢個忌廉汁配頭盤個個包真係一流🤤同埋蕃茜蜆肉意大利粉一上枱就聞到好香 意
遲遲未決定再食咩
最後揀左呢間靚景餐廳
因為臨時轉地方 所以唯有係冇book位既情況下walk-in
好彩咁岩有客人埋單 可以安排到位置
雖然唔係窗邊位置 但有位都好已經好lucky
我地三個女仔Order左四樣野食 加一枝酒
一落完order店員隨即放左一籃麪包
個人比較鐘意食脆口既 所以長條形好似手指餅 同薄脆個款比較岩我口味
手指餅咁個個係有少少鹹味既脆條
而薄脆款係只有麪粉既香味同埋烤焗既味道
面包個款咬落去會覺得好似好油 油浸面包咁既feel 但其實食落都ok既
巴馬火腿伴蜜瓜
蜜瓜好香好甜
巴馬火腿略鹹左少少
黑松露、牛肝菌、牛乳芝士、火箭菜pizza
由於閨蜜唔食蕃茄 而我又好鐘意食火箭菜
所以揀左呢個pizza
黑松露味好香 但略有少少鹹
同埋可能佢主要係芝士既關係 有少少膩
香煎牛柳伴薯蓉及粉紅胡椒汁
牛柳我地叫左7成熟 咬落岩岩好 一d都唔靭
一d柴既感覺都冇
薯蓉超級滑 入口即溶 食到停唔到口
重點係唔會好膩 超級邪惡
另外仲order左一個芝士意大利雲吞伴松露忌廉汁
味道ok 但份量真係好少 大約得六至七粒左右
但佢個忌廉汁配頭盤個個包真係一流🤤
同埋蕃茜蜆肉意大利粉
一上枱就聞到好香 意粉硬度適中 d蜆都好大隻
醬汁岩岩好 唔會好乾又唔會太濕
味道亦唔會太淡
值得推介既係酒廳既Moscato 好易入口
佢既甜度係我鐘意既 感覺上飲幾多都唔會醉
可惜我地唔記得左影低佢
順帶一提 我唔知係我地坐位既問題 定佢餐廳既問題
全晚我地個位都係超級焗 好似冇咩冷氣咁
本身天氣都唔凍 仲要空氣唔係好流通
搞到我地兩個女仔都鼻敏感發作 抖唔到氣咁
張貼