Paper Moon

營業中

休息中

I’ve chosen Paper Moon for this year’s birthday. We have order two set meals for 3 people. Initially the October Birthday Offer on the menu stated that the resto will give a bottle of Prosecco to the birthday person on the birthday, but the manager gifted one bottle to us even i was one night before my birthday. 🎉The overall service was decent. During my meal my phone ran out of battery. One of the staffs even lent his own power bank to me👍🏼👍🏼👍🏼It was a nice experience here.

Paper Moon開業都超過一年，不過一直無機會試到。先講環境，無可挑剔，望著心曠神怡既海景，人也放鬆起來。點了一個pizza, 份量頗大，吃起來口感鬆脆，很authentic的意式風味，辣肉腸非常惹味！再點了西蘭花汁青口貓耳粉，醬汁特別，可惜偏咸，跟侍應反映過，原來是跟足南意製法，所以偏咸（據說已減鹽）。值得一讚是外藉店長挑通眼眉，回應顧客需求迅速，亦因為我們給予用餐意見，送了tiramisu給我們呢！

剛剛開張嗰陣都試過都覺得味道一般，最近再試，依然冇乜驚喜，得個樣味道真係好一般，只係一間食景嘅餐廳，海膽pasta，海膽慕絲味啲pasta都係冇味，另外嗰個薯仔粉係林啤啤，一啲質感都冇，比較正常啲就係嗰個蜆肉意粉，甜品相對比較正常啲！但係整體都唔合格

同朋友慶祝食生日飯一年一次緊係食好啲啦所以我揀左海港城入面既有海景既餐廳最出名係Paper moon 有180度全海景勁正所以今次慕名而來較早前已經打電話book枱所以唔洗等位入到去環境好有歐陸式餐廳配埋個靚海景影相一流我哋要咗三個lunch set分別有 spaghetti 同 risottoAngus牛扒都好正味道剛剛好 仲好juice首先有麵包供應之後仲有前菜parma ham配沙律跟住就主菜仲送埋甜品食物質素好有水準2百至3百幾蚊既價錢仲有靚景值得一試

兩個人去食 其實都要千幾蚊 叫左個龍蝦沙拉 🥗一食就知 d 沙拉係無咩誠意 完全無調味 仲有一陣生水味 姐係洗兩洗 放係我碗就上得...第二樣係beef tartare...又失望多一次 無牛肉味 唔夠薄 頭盤都搞成咁後面兩個意粉 海膽果個都幾好食 另外個雲吞就勁咸...我唸呢間野都係得環境係值得俾呢個錢....

琴晚同老公去咗呢間餐廳食飯慶祝生日，我哋已經系一星期前已經book 咗8：30檯，同佢哋話明系慶祝生日想要張海景檯，佢哋都應承咗。到琴日我哋8：35去到佢話執緊檯叫我哋等一下，執到8：45都未有得入。Ok 等下無問題，個侍應帶我哋入坐張檯唔單只係無海景，仲要係走廊位，d人係我哋隔離走來走去（係真係用走的！）。我同我老公都蚊蚊哋，你安排唔到個位果時係電話入面唔好應承我哋可以啦！坐低咗我哋叫咗個Pizza 同 ravioli，一杯mocktail，一杯啤酒。杯啤酒我老公以為係生啤因為一入去有張好大ge bar檯，點知佢俾咗一支係7-11 買到嘅細啤。而我杯mocktail 就等咗半個鍾都未到！最後要催先有，好既就係佢哋都知我哋等咗好耐free 咗杯mocktail 啤我哋。Pizza 好味。Riveloni 就太多cheese 搞到太咸，分量好“法式”好“高級”，但全晚成場嘈到好似街市大排檔加上我哋個位置就好似係一間得好細張檯嘅大排檔食野。食物，氣氛，服務都完全與檔次不相乎！

今日咁岩有同事生日所以黎到尖沙咀想食好啲，諗起海港城有得睇吓海景，所以就搵咗paper moon食lunch🤣我就叫咗個海鮮意大利飯，我鍾意佢個飯夠多汁之餘，粒粒飯都分明，唔會話太濕而爛晒，而且青口同蝦都好大粒，蝦又夠彈牙，中意食意大利飯可以試下。同事就叫左海膽香蒜扁意粉，除左有好多海膽之外，好多汁好juicy，D意粉吸晒海膽汁味，食落淡淡海膽味好豐富☺️另外仲叫左個龍蝦蕃茄扁意粉，龍蝦有開邊半隻，都幾大隻，呢個係乾身dd，意粉都夠彈牙岩岩好。另外甜品有Tiramisu係呢到幾出名，同埋心太軟，擺盤好精美，岩晒我影相打卡🤣總結，呢到d野食除左味道滿意之外，擺盤都好靚，有埋海景心情都好d啦👏🏼👏🏼

海港城既餐廳最靚海景角度都算係呢度， 係海港城頂層停車場觀景台向下望就會發現呢間餐廳擁有住最靚既角度即時同朋友決定訂枱呢度有分用餐時段， 我地book 左8:30，但原來近海果邊只係for 飲野， 咁唯有食完先調過去啦total 叫左3樣野加拿大龍蝦番茄salad 雖然份糧唔多， 但賣相好靚， 龍蝦好鮮甜， 食左第一層就會發現原來仲有好多配菜， 有紅菜頭， 青瓜， 幾款新鮮沙津菜， 全部都好夾， 唔係得個樣黑松露芝士意大利雲吞伴忌廉汁好喜歡黑松露既香味粒粒滿布芝士既雲吞配埋上面一塊薄薄既蘑菇， 又香又好味士多啤梨千層酥餅最後食埋個賣相好靚既甜品， 酥餅超脆好似好多層咁， 每層都有d 吉士同細碎士多啤梨， 超香甜鬆脆， 吉士唔太多先係重點， 太多反而唔想食， 呢個絕對要再黎食

聽講呢間餐廳平時好爆，全因佢係海景餐廳黎講唔算好貴。咁好彩又比我地即日book到，一於試試去。我地三個人叫左個西班牙海鮮義大利飯，賣相好令，蝦同青口尚算鮮甜，但份量唔多，食落去唔夠熱。呢個劍魚圓筒意粉賣相好令，但食落去d魚腥腥地，唔算好味。跟住叫左個parma ham野菌芝士pizza，薄批脆脆地，d火腿好新鮮。士多啤梨特飲好令好解渴，不過飲到一半得返d刨冰。對正維港，仲可以出去平台同朋友影相，食景抵返曬！

Paper moon 於海運大廈，近海邊位置邊吃飯邊看着美麗的維多利亞景色，令人十分舒服店內環境舒適餐前麵包，略嫌麵包不夠熱Appetizer 先來一個三文魚牛油果青瓜他他，裏面有三文魚和牛油果🥑，混上沙律醬，三文魚十分新鮮，但略嫌牛油果不夠多Lobster pizza, 除了火箭菜味道較突出外，整個Pizza都沒有味道。黑松露芝士薯糰，黑松露味不太突出，但這裏的自製pasta texture 不錯煙燻豬肉寛條麵，店員表示這個菜是餐廳比較受歡迎的一道菜，這個pasta 配上番茄醬汁，味道較濃，pasta 的texture 也是不錯。這餐廳的菜都不夠熱，有待改進。

來papermoon我認為係一定要食佢既pizza，因為做得夠乾身又脆.所以我的確係對papermoon既pizza有好高既評價。我地揀左個黑松露pizza,松露味好足，而且香口。然後叫左個煎石斑，本身係諗住叫sea bass既，不過waiter話石斑會好食d就揀左，魚既肉質好好，味道唔濃，係只食魚既鮮味。不過我地叫左兩樣野食同啤酒已經接近1000蚊埋單，抵唔抵就見人見智啦 另外我地坐左出面，直接望住海景～幾relax

今日朋友生日，預早經OpenRice book咗位先，一早已經係remark落埋想係dessert寫birthday message，啲staff好細心真係會睇咖💓講下，佢地會free提供麵包，有三種，個人覺得有一種比較似酥皮果個好好食，因為好煙韌🤤 另外再order咗 白酒蜆肉意粉 同 黑松露芝士意大利雲吞， 啲蜆肉好新鮮又唔腥，呢樣good🤤 而且個意大利雲吞芝士同白汁味好岀，啱哂鐘意食芝士嘅我。最surprise 我嘅係佢上面係黑松露片，唔係碎，呢樣好正🤤啊啊，仲有嗌多咗個士多啤梨千層酥，佢個平好脆，吉士份量啱啱好，只係士多啤梨甜啲同埋多啲就好啦🤣不過，佢啲份量唔算特別大，嗌嘅時候可以衡量下🤭 BTW，之前聽人話呢到岀名係pizza,下次再去試先🤤

Paper Moon  佢地除左Pizza之外佢地既Seafood Risotto都好出色.  重點係佢個lobster sauce,好濃郁食落好rich意大利飯也煮得剛剛好,飯不會過軟食落有層次很滑身creamy , 正！加上不同的海鮮配搭有蝦, 帶子同埋青口整體來說也很豐富可惜的是上邊既海鮮唔太新鮮,有一點扣分! Pizza朋友叫咗一個好素既pizza.配料主要係茄子青瓜. 朋友叫完，我仲心諗：下？會唔會中伏㗎？ 誰不知，原來味道都唔錯，比想像中好食素pizza都幾清新，食兩件都唔覺得膩！Pizza烤得得剛剛好，個餅底都幾香脆，唔會好硬，表示喜歡！不過下次嚟我會試下有肉既pizza哈哈哈哈哈～ （始終係食肉獸）餐廳環境好，果日天色都好好丫食完叫左杯野飲同朋友慢慢吹下水～正

The service was okay, the sea view was stunning which made my girlfriend really happy.The tables are rather cramped due to limitation of size, showing a lack of privacy.The food didn't worth its price. The pizza was hard and difficult to be cut. The seafood risotto, which is a signature dish, does not really stand out. Worse, the mussel and shrimps were not fresh, if not gone rotten, I couldn't manage to spit it out. I feel sick for a period of time.

呢間餐廳係海港城入面，成間餐廳都係用左落地玻璃，出面就係維港。如果慶祝一d特別節日，黎呢到食野就岩哂啦。本身以為呢d海景餐廳價錢一定好貴，但原來意粉個d都係大約200蚊鬆d，呢個價錢有食埋個環境，算係咁啦。呢個劍魚青瓜大圓筒意粉，睇個名好似幾特別，因為我從來都未食過呢種意粉。黎到個賣相都媽得意，真係好似大圓筒咁。但唔知係劍魚個味道定個汁既味道問題，陣味腥腥地，我覺得麻麻地。跟住再叫左個Pizza Regina。個pizza應該係即叫即整，岩岩拎到黎既時候係好熱，呢個時候食就岩啦。個薄餅底脆卜卜，一d都唔硬，再加埋上面係有番茄、芝士、Parma ham、蘑菇等等，呢個配搭一定唔會出事。真係值得一試～