Pancake Colours Cafe & Bar (已結業)

朋友生日去左呢度食餐飯!!入到去幾靚WO~~!!都幾適合傾計!^^叫左個咖哩軟殼蟹PIZZA!好好味呀~~佢個皮幾薄,幾脆~都幾入味!咖哩烤餅!~得4塊!= ="得果少少~不過好味WO~好脆好酥皮咖哩焗龍利柳飯~~~好濃郁呀!!!D魚好林好好味~D汁都幾多3個女仔SHARE份量都OK呀!!!~個湯幾濃幾CREAMY~!杯野飲係檸檬緣茶,好清!~岩晒食完咁肥膩既野~服務好!應該個男經理好有經驗咁,而且我地冇COUPON佢都話俾我地!個女WAITRESS 幾NICE,笑容好~^^價錢又唔係貴,又有湯又有野飲!~環境又OK!~唔錯!

29 june, 09 打電到這間cafe做咗個booking係3 july, 09 , 7:30pm同兩位好耐冇見的朋友聚餐, 諗住搵個可以坐耐d的地方傾吓計.....我訂枱時都已經好小心問定有冇限制, 例如時限, 最低消費....當時呢間cafe的員工答我係"無限制"啍! 點知3 july, 09當日呢間cafe 打電話比我, 只限食兩個小時, 仲只係食set dinner, 五十幾蚊個d.....一聽完已經火都嚟埋, 我咪同佢講: 吓! 當時訂枱已經問清楚你同事, 佢話無限制嗰喎.cafe's staff: 公司規定, 星期五, 六及日都只限兩小時, 可能幫你落BOOKING個位係新同事, 佢唔係咁清楚...我: 你而家先同我講, 搞錯呀....cafe's staff: 唔好意思, 呢d係公司規定, 無辨法, 咁你仲要唔要枱? 我哋留枱只限十分鐘最後都冇要張枱, 仲要張枱做乜吖? 唔想邊食邊頂氣呀.....公司咁講規矩, 點解唔教好d個新同事, 亂咁回答客人問題??一句新同事唔清楚公司規定就打電話同客人講兩句就當交代清楚??搞到我臨時臨急要轉其他地方, 好多地方已經full b

今日同個friend 2 個去食叫左粟米白汁魚柳飯比想像中好叫左凍檸茶不過上果陣先知原來係檸檬綠茶但係個waiter 落單果陣都冇講不過都算過得去, 但下次唔會再簡呢個飲品2 個人叫左1 個飯1 個pancake 同2 杯野飲都係七十幾蚊埋單好抵食d 位ok 好坐算係傾計ge 好地方不過d waiter 叫好耐先應 -_-

第一次黎呢間，裝潢幾靚。事緣 約左班fd 睇結婚相，我已經遲左少少上去。我d fd 已經 叫定野食 (我之後睇番電話record︰19:42)，我去到之後 個場都爆爆地，所以都立即叫左野食先~ 我地大部份人都係叫 意粉，所以 都合理時間 有得食，only 一個fd既仲未黎(馬拉喇沙烏冬"人氣推介" )，so 我地食緊既時候 催waiter。個waiter 竟然話︰今日比較多人，要等20mins。但由落單到而家 已經 20mins了waiter: 緊係啦, 你地仲要叫呢個咁"橋"口既野，c傅要由生煮到熟，d 湯又唔知要點...(我都唔係太記得佢d"理由"了)我地︰下! 你又唔一早講!食呀食.. 我地都好慢咁食，個烏冬仲未到，又叫番頭先果個waiter : 我幫你入廚房催催。30mins ... 仲未到...叫第2個waiter，佢都係入去催...個個waiter 都話催左幾次...食完 ! 個烏冬仲未到! 叫左個 waiter 叫經理黎，個經理都唔敢過黎，扮傻左一陣我地 揮佢手先先"見到"我地。50mins了，經理! 可唔可以轉野食?! 經理: 煮緊ga 喇，我自己都入左佢催幾次了。

有次搭 Lift 咁啱七樓開門見到間嘢幾靚，於是決定試吓！因為未齊人，但夠鐘兼過半數人，所以同咗一個朋友上去先～十分鐘後，另一個朋友嚟～佢已經講晒我啲資料包括姓乜訂幾點兼電話號碼比個職員聽～但啲人都可以夠膽死帶咗我朋友去另一邊嘅兩人枱兼同佢講未有人到！（我係 Book 咗四至五位，兼坐咗喺間嘢十分鐘架囉！）個職員仲好抵死地同我朋友講話佢會幫手搵吓我喎！但請問個職員知道邊個係我咩？最後係朋友打比我，我講個枱號佢知佢先嚟到．．．然後，過咗陣．．．間嘢竟然打嚟催我叫我快啲上去！我就同個職員講我已經坐咗喺度好耐架啦喎！個職員仲要反問我坐喺邊囉！嘩，新開啫！唔係亂到咁呀嘛？佢哋服務都幾奇怪架！個侍應拎住一盆最少有五客湯，咁有四個人以為佢會比四客啦，點知佢放落一客就走咗．．．之後催咗幾次先比埋另外嗰三客我哋．．．食物方面，都唔錯嘅！但正如有啲人咁講，枱細細碟大大！為咗有位放碟，咩都要快！有湯嚟就快快飲，唔係無位放主菜．．．　豬仔肋骨，還可以。（但唔比刀我哋結果係要用手食．．．）　鹽燒肉食扒，好味！唔會叫七成熟變咗全熟！（唔明點解得三、五、七成熟揀，其實我想叫六成．．．）　煙肉蛋芝士薄餅，個邊好脆，

星期六晚8位booking, 接線生話搬左去瓊華7樓,去到仍然見到樓下落力派傳單既先生, 7:15分上到去見到差唔多爆場, 好誇張, 聽講開左幾日好明顯升左grade, 裝修氣氛都同銅鑼灣果一間差不多,而食品方面多左好多野, 最好係甜品一part8人點左8個套餐如下1) 黑松露xxx什菇糙米飯 – 好creamy, 好香, 全菇系列(2) 日式什錦薄餅 – 無驚喜, 係果底幾脆, (3) 原條豬仔骨 – 超級無敵大, 太多, 3個人都食唔到, 有一條半, 燒得唔錯, 係條骨瘦左d(4) 喇沙海鮮鍋仔麵 – 好好味, 成個bowl上好夠熱, 好多海鮮, 好馬來feel,(5) 美國厚切朱扒 – 講明12oz大, 上菜都唔差, 真係未見過咁大塊朱扒(6) 帶子海鮮燴飯 – 我諗係我見過最大的帶子, 用蓋做底, 原殼上, 飯燴完放係帶子殼上, 最後放大帶子肉, 推薦呢道菜式, 出面好少食到其他忘記了…………..甜品朱古力曲奇木糠布甸 – 睇得出有花心機, 一層一層蓋上去, 好味朱古力心太軟 – 食過最出色的, 以前呢度無得食, 依家有, 皮脆內軟, 朱古力

上星期和三五知己預祝生日, 去到瓊華發現有新餐廳登場, 立刻入去試食！上到去好冷清, 得幾枱人, 唔知係咪新開新無咩人知呢...心諗唔通拎野...啲野唔好食先會咁？最終同朋友叫咗幾樣野食, 愛作新嘗試的朋友甲揀咗"鰻魚汁釀雞翼", 保守的朋友乙揀咗"金菇肥牛卷", 而情侣丙丁就揀咗"芝士忌廉蟹籽煙三文魚意粉晚餐"及"香芒蝦肉薄餅晚餐", 我自己揀咗我的最愛~~"藍莓芝士餅"~~~比自己獨食(生日大晒架^^)講真...用鰻魚汁釀雞翼, 我唔識欣賞呀...明明食緊雞翼..但個汁總令我想起鰻魚咯.....金菇肥牛就一般無咩驚喜！晚飺的意粉同薄餅, 好好味呀！的忌廉同蟹籽的味道很好, 香芒蝦肉薄餅都無令我失望...唯一遺憾係唔夠熱咯...如果再熱啲一定更加好味！甜品好香滑呀...正！整體都OK呀, 呢度好在無人趕你走....食完飯可以同佢哋傾下計, 都幾好！