Pancake Colours Cafe & Bar (已結業)

這間分店的裝潢，令人覺得很cozy，一點也不拘束。Tea set的選擇很簡單，都是一些甜點或三文治，於是和男友各點一個cake set，因為食友對這裏的甜點都十分讚賞。Blueberry tart+ coffee︰很漂亮的Blueberry tart﹗每一粒的藍莓都放得整整齊齊，每一粒都很新鮮，很好吃。男友說咖啡很香濃，不是偏酸的那種，正合其意；咖啡又夠熱，他喝一杯都覺得不夠，要再追加一杯呢﹗木瓜豆腐花 + 寧檬綠茶︰，豆腐花更是想不到的幼滑，是一點粗糙的口感都沒有﹗一層腐花一層木瓜，層次分明，茶十分清澈，有淡淡的芳香，正好配合甜點一起喝。原來這間cafe是別有洞天的，每一個area不同,環境更美更優雅，與我倆坐用餐的地方環境截然不同。侍應有笑容，也很親切。環境cozy但有點吵，不過都是一個很好的體驗

係openrice download左pancake既優惠卷, 旺角有優惠, 成日都係晚上來食, 今次同埋同事過黎試下, 中午12時多, 個場唔係好爆, 跟夜晚排隊爆場既場面差好遠, 但係都冇哂窗邊位,坐左個好暗既位, 不過好靜好優閒.點左個午餐, 海鮮炒烏冬, 問佢地可唔可以辣炒, 要勁辣果種, 少女侍應去問廚房, 竟然話可以用三種新鮮辣椒去炒, 指天椒, 生辣椒, 同辣椒仔,我都好期待試下, 炒完出黎, 個d辣椒味已經迫到我流汗, 睇個樣已經知道對辦,食第一口, 都以為冇料到, 咬幾口等左十秒,成條脷麻左, 想著火一樣, 味道又有少少甜好好味, 頂住頂住食哂, 好在杯餐飲都勁大,夠我解辣, 我同事就叫左個芒果法式班戟, 個樣好對辦wo!!!, 芒果睇落去已經知道夠甜,D creamy香滑又夠多, 忌廉打得好實, 但一定要配雪糕一口一口咁食, 凍少少食正好多, 午餐好抵食, 可以係openrice download coupon下次都會多d試下午餐, 因為唔洗等位.

一直都好想黎食架喇因為好似好靚咁去到之後,發現同相都唔係好大差別埋位HEA下HEA下咁嗌野食嗌野食果陣真係發現有服務性問題由於今次我同老公坐對面,老公舉手嗌STAFF黎落單,D STAFF係晒老公後面,我隻戇居佬就好戇居咁舉左分幾兩分鐘XD我就見到有一男一女既STAFF企係數米後係道傾計講笑咁,個女仔好SWEET咁笑,個男仔好專心咁講野令個女仔甜笑,果個女仔望住我老公舉手都唔過黎不過除左呢樣都冇咩大問題,個女仔都跑過黎落單,笑容又夠,冇話我地阻住佢地談情,而且食飯期間,情聖WAITER都好斯文有禮,主動加水,做D野都冇話係唔尊重客人,例如玩呀講粗口呀果D野都冇做,剩係談情姐,亦冇話催你落單呀催你走果D,同埋都幾醒目隔黎枱係三位韓國遊客黎既,可能佢地太相信香港治安,三位遊客飯後去洗手間,放低晒D手袋呀相機呀係位道,被冧甜笑既WAITRESS路過意圖執野果陣,竟然發現到同SOFA同色既既手袋們,夠細心,有保護色都睇到,咁就冇執到,仲係附近行下幫遊客睇住手袋談情雖然係大問題,但其他禮貌,笑容,醒目都加晒分,如果談情期間見到有客舉手,識得停一停諗一諗,滿分講返食物方面,卡邦尼蛋汁煙肉意粉個賣相

要幫朋友興祝生日係OPENREICE 睇左呢間吾錯~有好多個 就決定黎呢到啦~我地12點幾到...真係又無咩人BOR我地1人叫左1個SET 不過野飲既CHOICE就吾係甘多但我地都轉左個DRINKS +$8 D野食都幾快黎到我緊係食呢到最出名既卡邦尼蛋汁煙肉意粉個蛋汁真係好好味,但覺得喊左小小但都吾錯 1個人真係食吾曬食飽飽梗係玩GAME,佢D GAME 好多都係VIP先玩得好彩我地自己有帶DEAL 如果吾係我諗都幾快走人我地由12點幾玩到5點幾,真係一個又平又HEA時間既地方!!!!!P.S 好:侍應好有禮貌 會成日黎你有咩需要 吾太好:自己黎CAKE 去要CUT 餅$ 30 我地就覺得吾係甘抵 但總括真係吾錯,有下1次!!!!

記得好耐以前係西洋菜南街既分店有過不愉快既用餐經歷, 今次友人推介呢一間, 把心一橫, 俾多次機會pancake colour啦._.最初個waitress話minimum order係一個set dinner, 但係後來落單既waiter話叫一個pancake都可以, 太好了 友人話呢度d餐既份量好大, 我地又想食甜品, 三人行叫兩個set dinner再加一個pancake就好夠啦白汁煙三文魚意粉哇碟意粉果然真係幾大碟-_- 醒目waitress上完菜即刻問我地要唔要碟仔share. 佢個白汁幾creamy, 有濃郁奶香味, 唔會稀框框. 頂頭果幾塊煙三文魚鹹味適中, 不過略嫌有d腥, 唔多鮮味. 意粉夠彈牙, 唔會林得滯痴埋一pad. 仲有d熟既三文魚碎撈埋落去d sauce果度, 兩種三文魚一齊, 味道幾豐富. 米蘭焗肉醬意粉意粉幼身略嫌有d太硬, 不過點都好過有d發到好粗一pad野. d肉唔係幾醬, 好大舊meatball咁-_- 好彩夠冶味, 都撈到下意粉. 芝士夠多好正呀 仲有d茄子, 雖然未見過呢個配搭, 我覺得個味都ok, 唔會好怪.餐湯.餐飲.跟餐甜品餐湯係忌廉湯,

上星期五去食...得兩個人冇book位..結果等左一個鐘...真係好多人....叫左兩個意粉同雞軟骨...我最想就係食個卡邦尼蛋汁煙肉意粉,但整得麻麻地啦,個汁唔smooth,可以多d芝士味就會好d...好多一粒粒野係意粉度,都唔知乜黎...唔通係d蛋?仲有個龍蝦仔炒闊條麵呀...仲衰...d龍蝦仔都冇乜肉食...個意粉好似乾淨淨咁...唔得...估唔到等左咁耐,都唔係咁好食,所以有d失望囉....同埋o個度好嘈...

其實我已經光顧了十多次了, 從第一次與朋友一起嘗試這間餐廳後已經愛上了這間裝潢不凡的CAFE所以在光顧第二次的時候,我已經急不及待申請了它的VIP CARD了! 都是五十元就可以入會 , 每次光顧都可以享有9折優惠及可以借它VIP專區的東西來玩. 因為這樣就埋伏了我往後去旺角必吃之處......我和朋友每次都玩DEAL !! 玩多久都沒有人催我們結單^^ 它有很多不同類型的意粉餐,飯餐,甜品等. 已經嘗試了不少 不過最喜愛的還是!! 已吃了它起碼五,六次!! 味道真的很好! 另外晚餐我特別喜愛 ,那隻炸軟殼蟹真的很脆及鮮甜! 炒飯非常香及適中的咖哩味 ! 而且份量真的比較多,吃完會很飽甜品方面我特喜愛 , 上面有一球雪糕,下面有很多玉米片加CREAM加MANGO粒,我很喜愛那麼多層次的甜品而且跟餐叫只是加$24~環境方面都比一般的餐廳及CAFE特別, 椅子大大張的及形狀很與別不同!服務方面都很快及好, 很快便有食物吃! 不過我會喜愛食午餐多一點,,因為較平一點! 不過有些餐晚餐才有 所以各有各好了!弄至每次去旺角都要去光顧它一次...哈...已中了它的毒

因為有lunch 7折, 這個銅鑼灣pancake fans決定轉戰旺角, 結果........................12點半去到, 有3秒鐘懷疑到底開左門未......因為全場基本沒怎開燈, 大部份客人都被安排坐在窗邊有日光的位置, 但中間的大班椅太高, 日光照不到餐廳內部,要不是門口有watress姐姐招呼, 我好大可能會走......我覺得這兒太多高身大班椅放在中間, 空間感比銅鑼灣差...不過從另一角度想, 有大班椅隔開, 感覺上私隱度就較高...(雖然其實都係會聽到隔離傾計...)有去過pancake colours的朋友都知道, 這裏的椅子, 裝飾都有獨特風格...而旺角分店的椅子擺法, 某程度上為餐廳添上了神秘感...我order了一個煙三文魚海撒沙律配油醋汁($59), 這不是lunch set之一, 價錢比set貴, 但份量很小, 實在難以想像銅鑼灣跟旺角兩個分店的size會差那麼遠! 煙三文魚得一朵花=2塊... 菜只佔了碟的一半... 還有油醋汁=泰式醋汁?! 雖然比起銅鑼灣店新鮮, 但實在不值此價................友人order了煙三文

是日天氣真的很熱，正中午時份吃了點東西過後，不想再在街乾煎蝦碌，就去Café吃點甜，嘆冷氣上上網也好，遂就來了這所近來人氣甚巨的西餐店子，看其名字，相信主打也是吃班戟吧，所以甫坐下，就立定決心吃班戟。下午茶餐有班戟供應，可是我和女友坐下時也未夠鐘，所以決定先來個刨冰解解暑，選了去年被炒起的綿花冰，這客紅豆綠茶綿綿冰，除了綠色的綠茶綿綿冰及一大堆紅豆外，還有一塊塊白色的東西，吃起來帶點椰汁味，軟軟滑滑，原來椰果是也，那堆紅豆蓉雖然豆殼煮得夠軟又起沙，但甜家下得太多糖去煮了，吃起來明顯過甜，至於那綠茶綿綿冰，其實其味道是不錯的，入口微甜，使甘香的綠茶味更易突出，只可惜綿綿冰有點點融化的跡象，吃起來層次感不夠。吃了刨冰之後，再來吃下午茶餐了，與女友先點一個芒果法式班戟，以小試牛刀，過了不久，店員為我們送上班戟，碟上有兩片芒果、一球雲呢拿雪糕及兩件呈三角形的班戟，班戟內充滿了忌廉，本人有一怪癖，是好吃的忌廉會很喜歡吃，不好吃的忌廉通常會被全棄，是日正正就是後者，忌廉雖然滑溜，但入口偏膩而沒太多奶香。而忌廉內藏的芒果片及外邊那兩塊芒果片味道一樣，就是如一般蛋糕店的糖水芒果片，吃起來不是沒有芒果味

筆者和友人看戲前已買了漢堡包充饑，所以散場後也不怎麼餓，於是信步在旺角街頭閒逛，抱着「姑且一試」的心情光顧這間位於瓊華中心的樓上餐廳。這兒裝潢華麗，仿古味道濃厚，和餐廳大部份的顧客–一眾貌似九十後、煥發着青春氣息的少年男女形成有趣又強烈的對比。不過燈光比較昏暗，筆者不大習慣，也不禁佩服那些埋首筆記本電腦的青少年的眼力。服務水平不怎麼樣，人手明顯不足，侍應生好像刻意迴避與顧客的眼神接觸，筆者和友人等了好一會兒才能點菜。筆者直覺認為由於主要客源是經常來「蒲」的「九十後」一族，他們對服務沒有太大要求，所以對這種待遇習以為常；友人卻不以為然，認為「九十後」才是容忍度最低的一群。孰是孰非沒有定論，不過我們一直在等倒是事實–也可能侍應生會先照顧熟客的需要吧？蒜蓉包：焗得很脆，帶有濃濃的蒜香，份量也很足夠三文魚芒果米紙卷：三文魚的味道給芒果蓋過了，可能是不夠新鮮吧？米紙卷有點糊木糠布甸：有水準，入口香濃軟滑，但不會太甜膩原想加叫食品，但實在等得太久，於是決定結帳離開（當然也經過另一輪等候），友人有點不滿，對筆者矢言不會再來。總結：一字記之曰「等」！這種服務令筆者和友人放棄加點食物及不再光顧這間食物水

劉三好剩係得3個好.pancake colours cafe 有5個好!服務好 食物好 環境好 價錢好 氣氛好我真係唔明點解佢咁多喊喊面..服務真係非常好! 先看看頭兩幅圖吧.友人點的白汁煙三文魚意粉,來到非常乾身. 然後要求侍應可否加些白汁給她. 他解釋說如果直接加汁的話會很杰身,建議我們不如讓廚房將整碟意粉加汁再煮煮它. 他不但沒有黑面 嫌我們麻煩, 還很殷勤地為我們服務! 這個侍應令我們一致讚好!另外收碟拾桌時都好殷勤,服務態度很好.唯獨是不夠醒目: 當我們切蛋糕時,餐廳為我們棒上蛋糕之後 沒有立即為我們送上碟和餐具. 然後我叫他給我們8個碟,他真的只給8個碟...沒有給我們叉... 真的是名乎其實'叫一叫,郁一郁'. 不過他們的服務態度是好好的!另外一提的是,我們需要付30元切餅費, 但卻沒有服務員為我們分餅,我地要自己分 食物好好好好好好 價錢好只售約50元的lunch set, 有餐飲及湯送. 與外面的西餐廳的價錢差不多!以cafe來說,我們坐了整個下午,這個價錢絕對化算! 食物方面真的亳不馬虎!食得出好有heart! 意粉它的意粉非常al dente ! 是優質的意粉,

昨日同個fd打算去呢間ｃａｆｅ食個ｄｉｎｎｅｒ，上到去已經好多人．一坐埋位，個ｗａｉｔｅｒ已經同我地講最低消費是一個ｓｅｔ　ｄｉｎｎｅｒ．叫左ｄ焗意粉同埋魚生ｎｏｏｄｌｅ，ｄ味淡到．．ｄ汁好像好稀．．果杯蘋果果醋ｇｒｅｅｎ　ｔｅａ．．真係甜到，有ｄ難飲．．最後叫佢上甜品啦，因為我地一食完，ｄ　ｗａｉｔｅｒ已經三次走黎問我地上唔上埋甜品，係咪即係叫我地食完好閃．個ｗａｉｔｅｒ放果兩杯甜品好大力囉，其實唔想上可以唔好上架．．．．雖然環境ｏｋ，但咁ｇｅ服務同埋食物我真的覺得唔值呢個價，有ｄ失望．

三款餐牌，以前甜品只是附在普通餐牌後面，現在有獨一個，我急不及待先看甜品menu，各式各樣的甜品，每款為之吸引，有點放棄正餐的念頭。為了有多餘空間食甜品，我選了較輕怡的海鮮湯烏冬，絕無少料；有好多海鮮,另外，烏冬夠滑，應該是用品質較好的即食烏冬，碗內還有牙菜、魚蛋及紫菜，材枓豐富，其實算抵食。經多一輪師選後，在眾多甜品中最終選擇了心太軟, 雪榚配朱古力蛋糕一同食，對我來講真是一流口舌享受，可惜雪榚不太結實，開始有點溶化，味道夠香又不太甜。 YUMMY~~

呢間cafe不斷賣廣告,有意無意都會經過d分店午餐都係30-40,咁就試下啦。環境方面, d位係好令,好似皇宮chair咁不過抬頭望下個天花, 似乎冇太花心思去裝修成間餐廳坐到埋位,睇下d紙巾個盒 ? 係未樓上neway拎落黎架?龍利柳燴飯係meau上面揀, 選擇係多,但好普通飯其實點解? 唔係好香 d汁好yummy架咩d飯濕到一patpat..唔係講笑.. 食左幾啖唔想食條魚就煎得ok卡邦尼蛋汁煙肉意粉 有好大陣芝士味, 呢個幾好, 食過咁多間卡邦尼呢個唔會creamy到太傑, 同埋多左陣好特別呢芝士味餐飲 凍朱古力好似維他果d倒俾你飲,中唔中意就見人見智啦不過甜得滯啦好彩唔駛加錢成個格局d傢俱係好, 但係冷氣好少,個天花又見到水管,唔講以為我自己返左大陸, 可能晚餐會好少少啦,又或者甜品會好d,不過唔會再試。

同朋友仔上個星期黎呢度食飯...貪佢可以慢慢坐.....d sofa 好舒服, 真係可以坐好耐好耐....我地兩個都係點左個西冷牛扒餐...唔錯唔錯....但好特別, 佢地係冇紅茶供應, 想飲凍檸茶..變左要叫凍檸檬綠茶....原來味道都唔差的~不過哩一一樣野, 真係要改善改善...果度 d sofa 太高身, 太舒服既關係.....你點樣舉手, 佢地都係睇你唔到....想叫 waiter, 真係要等好耐, 佢地先會見到你....