Outdark (飛達商業中心)

營業中

休息中

這天和朋友相約一同前往旺角吃東西，餐廳位於旺角的中心地帶，鄰近地鐵站，地理上十分方便快捷 。餐廳主打的就是韓式美食，我和朋友挑選的食物如下：甜辣炸雞韓式，年糕，炸芝士條，炸番薯芝士條烤牛肉飯卷芒果Adeblueberry smoothie最喜愛的就是他的炸雞，外皮香脆可口，內裏肉汁鮮嫩，絕對是高水準之作，加上餐廳自家配製的甜辣汁，令人十分開胃又惹味。飯卷方面，看起來平平無奇，但實際用料十足，分量豐富，最重要味道經過精心調製，味道正宗又適合香港人口味。

新式韓菜體驗難得收早，口痕痕試下人氣韓菜~有驚喜！門面漫天星的佈置，令人感覺好似置身於韓國，座位空間夠。menu多選擇，仲附上食物簡介，有選擇障礙嘅我樣樣都好想試😍食物海鮮煎餅：咬落去有肉質口感，食落去唔會好淋，正！香蒜蜜糖炸雞，好大份，雞肉好嫩，好重蜜糖味，好抵食。送酒一流！烤牛肉粉絲：味道濃郁，粉絲口感彈牙。牛肉飯捲，牛肉配合青瓜同黃瓜，唔會覺得太飽～Grapefruit飲品 飲落酸甜適中。好freshStrawberry smoothie濃郁奶昔味，奶滑和有士多啤梨香味，好香整體環境好適合一班朋友聚舊！推薦！

聽就聽左好多次！終於試到來自韓國釜山的過江龍分店由釜山遍佈全韓國嘅outdark啦門口有隻大啤啤熊！🙈🙈入到去仲有好大幅情人鎖牆，柔和嘅燈光加埋掛滿星星嘅天花板，都幾chill架😜影相打卡一流🤤紫菜包飯黎講韓國餐廳好少有炸蝦飯捲，有青瓜蘿蔔絲炸蝦依然香脆整體都好夾另外當然唔小得微辣嘅韓式海鮮面，個辣湯勁正！有去韓國個陣飲嘅感覺！主角雙式炸雞！😃我地叫左兩隻味，一個甜辣一個蜜糖，兩個都唔漏，幾正！炸粉唔會勁厚，如果唔夠味，佢仲有得再點醬添！

下午約了朋友吃韓國料理，餐廳黑漆漆一片，靠着微弱的燈光照明，天花懸掛着一條條星形的燈飾，氣氛不錯。翻開餐牌，原來這家餐廳是韓國的過江龍餐廳，有炸雞、飯卷等韓國料理。⭐️烤牛肉$98烤牛肉粉絲，份量不算很多，配料有香菇、黑木耳、紅椒等，入口味道卻不錯，調味料不會太鹹。⭐️炸蝦飯捲$88我覺得這裏最出色的就是飯卷，我們點了兩份飯卷，味道都很好。炸蝦飯卷中中間有炸蝦，入口爽脆，很滋味。⭐️牛肉飯捲$88牛肉飯卷的配料有牛蒡、青瓜、蘿蔔、雞蛋等，吃起來不錯，跟在韓國吃的味道差不遠。⭐️green apple$34蘋果味梳打，配韓食最好。⭐️honey yuzu tea$34蜂蜜柚子茶也很好。

韓國著名嘅outdark，一直都好受港人歡迎，趁開學日，帶兩個寶寶過嚟食個lunch🥰知道放學有得去街街，勁開心！黎呢度，兩個必點雙拼炸雞 🍗全份$192～有五款口味可以揀，店家用上韓國雞肉，再配搭爽口蘿蔔和四款醬汁，我哋揀咗原味同蜜糖炸雞，今日唔知點解，原味炸雞個外皮有少少厚，反而蜜糖味就無呢個問題，配搭薯條薯格甘薯塊，加上成座山咁高嘅造型，好特別，難怪咁耐都係人氣之選❤️新出品嘅 海鮮炒粉絲 $98～材料豐盛，有雲耳、蝦仁、蜆、八爪魚、冬菇、紅綠椒絲和，洋蔥絲，粉絲濕潤得來唔會太油膩，感覺清新，同平時嘅豬肉炒好唔同，食得出海鮮嘅鮮味添。

好耐無食過炸雞啦，之前夜晚walkin唸著去，結果佢地full house，唔接受walkin，今日放假就book左食lunch😍，同之前一樣咁高質👍🏻-香蒜蜜糖炸雞🍗 炸雞好脆好香，仲配埋蜜糖甜甜地，而且仲有唔同款式既薯條🍟，波浪薯條、薯角同薯塊都有，真系一次過滿足你三個願望🥰😋😋-芝士炒雞🧀🍗中間既芝士炒雞會有職員幫你攪均，仲有年糕係入面，如果唔食得辣既朋友可以選少辣，旁邊有泡菜、菠蘿🍍、爐邊蛋🥚同紫菜飯，如果食得多中間既芝士炒雞會有啲喊，咁就可以食下則邊既配菜中和下👍🏻👍🏻👍🏻- Blue Lemon 🍋 好想檸檬味之餘又唔會太酸，可以開胃🤣-Yuzu Ade 柚子份量岩岩好，唔好好甜，不過記得攪均先飲，如果唔係啲柚子好快沉底-Grapefruit Ade 西柚唔會苦同藥水味，飲落甜甜地又好fresh既感覺，幾好飲☺️

耐唔耐就想食韓國菜🇰🇷，呢日都唔例外，一個人喺旺角，諗緊去邊間好，即刻腦袋急轉一下，記得呢間幾好味，咁再冇乜考慮之下，就決定去開餐😆叫咗 $188嘅「辣豆腐湯烏冬 Spicy Sundubu-udong」，同埋 $45嘅 Blueberry Smoothie😆「辣豆腐湯烏冬」上枱嘅時候連埋個火爐🔥一齊，熱辣辣😋；餐牌上邊咁樣介紹：「由水豆腐，五花肉，各種海鮮以及蔬菜，附上烏冬，雞蛋，配上香濃的湯底，再由石鍋盛上」😋；見到有五花肉➕海鮮➕蔬菜 一齊煮，就知道會好惹味，果然湯底味道濃郁😋：五花肉 半肥瘦；海鮮有蝦仁🍤、八爪魚仔🐙、蜆肉；蔬菜有金菇菜、雜菌、香蔥、辣椒🌶️等；水豆腐同烏冬都好滑😋。Blueberry Smoothie 唔係好甜，清新幾好飲😋。最後再加咗一杯 $34嘅 Korean Honey Ginger Hot Tea，熱辣辣幾夠薑😆

今次去食韓國菜😉一入鋪頭就覺得環境幾好 比較暗 但有好多星星燈好靚 但不過坐耐左就覺得音樂有啲大聲 同朋友傾計都有啲辛苦 辣炒豬肉$268成個餐都幾大份 豬肉肥瘦均勻 味道幾好 係好韓式既辣味 不過就咁食就會有少少咸 配埋側邊既飯/芝士食會比較好 用豬肉同半溶芝士一齊食好夾😆幾正 不過就會好快膩 好彩有幾粒菠蘿🍍中和返 豬肉既下面用左好多芽菜墊底 但最低既芽菜會吸哂啲油 食落覺得比較油膩 海鮮煎餅 $98 呢個菜式就幾好食😋 煎餅有少少咬口煙煙韌韌 韭菜好多 所以食落都好甜同埋啲海鮮有唔同既口感

之前已經嚟過outdark食，因為食物質素高，而且環境充滿韓國嘅風味，所以今日選擇黎「翻桌」😍值得讚嘅係食物質素依然keep到水準！今次我哋選擇左：甜辣炸雞（半份）$118份量超大！起碼有六七舊炸雞，配上唔同嘅薯條薯格👍🏻醬汁唔太辣，冇影響到炸雞卜卜趣嘅口感，咬落好多雞汁流出，好juicy!而薯條沾上香辣粉，好野味！😋韓式烤牛肉$188因為鐵板上，所以好夠熱！亦有好多唔同嘅配菜，例如芽菜、洋蔥、年糕、青椒等，材料豐富！牛肉亦好入味，肉質鬆軟。海鮮煎餅$118煎餅嘅餡料亦好多，除咗唔同嘅蔬菜之外，亦有魷魚，蝦等，口感豐富🥰好好食！飲品方面就叫咗Blue lemon $34同strawberry smoothie$45，前者其實係檸檬溝雪碧，夏天飲解渴一流😊，後者甜甜地，唔係好creamy個d,飲落唔覺‘製’。

同事講開好耐冇食炸雞， 雖然韓式餐廳越開越多， 但係好食嘅炸雞很多都不似預期～今晚來到人氣韓國餐廳「OutDark」～ 依然是漫天星星， 有情調又有氣氛， 加上強勁的音樂， 實在非常熱鬧～ 由於太受歡迎，用餐時限1.5小時～ 大家都依然耐心等候～辣豆腐湯烏冬$188橙紅色嘅湯底令人熱血沸騰， 湯底嘅辣度好輕微， 配上韓式豆腐，菇類，八爪魚，豬腩片， 還有蝦仁， 超豐富～ 烏冬要快啲食唔係就會煲到好腍， 個湯有少少辣飲落又幾有海鮮味！醬油炸雞（半份$118）半份份量也不算少。 附上三種醬汁：一款似果蓉甜甜地，中間甜辣醬和蒜味醬油。 醃酸蘿蔔夠爽脆～ 配炸雞是不可缺。炸雞外皮香脆， 淋上的甜醬油薄薄一層啱啱好唔會好重味 ， 炸雞本身好入味， 雞肉仲好juicy 好 嫩，一啲都唔乾， 試了兩三件唔同部位都一樣咁juicy， 果然冇令我失望， 質素依然keep 到！伴碟竟也有三種炸薯： 炸薯角，脆炸薯格， 和炸粗薯條～ 三款都熱辣辣，香口美味！ 灑上甜甜地嘅調味粉， 韓風味道十足！Grapefruit Ade $34西柚味梳打清新夠氣， 還有兩片真嘅西柚， 特別解膩！藍莓乳酸沙冰$45微微乳酸

同FD慶祝生日，佢一直想食outdark，我地揀咗食旺角店，等撚咗個半鐘一共叫咗四樣野兩杯野飲：泡菜煎餅原味炸雞一份芝士炒雞炸蝦飯卷Blue LemonBlue Curacao flavour其實四樣野食都唔差，全部都好q大份，諗住四個人一人叫一味餸，結果都食剩幾多，惟有打包攞走我最鍾意佢個泡菜煎餅，夠足料多泡菜炸雞都好食，仲有薯條薯角嗰D送，肥仔最愛芝士炒雞好q多，仲有年糕，辣度叫normal啱啱好炸蝦飯卷垃圾野飲我冇飲，我D fd話OK餐廳好q黑，環境嘈到似去酒樓飲茶，係佢地唔播某大台，播韓文歌同埋好熱，冷氣應該開30度左右環保餐廳埋單八舊野，港女餐差唔多啦，利申覺得小貴

見到好多人推介，正評又多，所以支持下💛可惜同想像中有點落差😑😑😑餐廳好熱🥵 冷氣嚴重不足，尤其有鍋食，好多枱開gas 爐，更加焗。食到好辛苦，個個食到流晒汗。雖然開左好幾部風機係度吹，但無乜幫助。- 芝士雞鍋 $328 普通韓式辣醬雞 (肉質正常，好多雞皮) 加一堆芝士 。鍋邊係普通雞蛋漿，少少徧硬紫菜飯 & 罐頭菠蘿粒。咁嘅價錢會有點期望，但事實上係好普通，少許失望😭~牛肉炒粉絲 $98一人份量嘅韓式普通炒粉絲, 冇乜特別。- 飲品 平均$45 由於太熱叫咗兩杯，strawberry smoothie & 另一杯唔記得乜嘢，都係好普通。整體來講有非常大改善空間 ，CP值一般。並唔係其他人所講嘅勁好食，必食😞 可能個個人口味唔同 🙈

#outdark·芝士豬肋骨 ($338)除咗芝士豬肋骨 入邊仲有爐邊蛋 紫菜飯 泡菜同菠蘿 店員好貼心 會幫我哋攪拌芝士同雞蛋🥰豬肋骨好淋同入味 每一條都怖滿咗韓式辣醬🤤捲埋芝士一齊食 真係不得了✨不過食咗兩三條其實都好膩爐邊蛋就正常 不過紫菜飯可能放係爐上 有啲乾同硬😥·雙拼炸雞 ($192)今次叫咗香蒜蜜糖炸雞&甜辣炸雞🐓呢度嘅炸雞會配埋薯角 薯條同薯圈😍炸雞入面好Juicy 啲汁一咬就流出嚟🤤我自己就鍾意香蒜蜜糖味多啲🍯

放假想揾間餐廳慢慢食午餐，見呢間outdark氣氛唔錯，位置夠多又未爆，應該係唔錯嘅選擇！由於裡面燈光昏暗，用星星吊燈營造浪漫氣氛，舒舒服服坐低，好快就忘記其實出面又熱又曬既天氣。呢度當然會有韓式炸雞，仲有唔同嘅味道可選，不過我哋都唔係好肚餓，所以只係揀咗半份（$118）香蒜蜜糖味，半份都唔細，兩個人夠哂！除咗雞件仲有薯條薯角和波浪薯，所以都飽架！雞全部去骨，細細件容易食，炸醬外淋上蜜糖醬，味道還可以，只略嫌未夠juicy,但不至於好乾。另外都叫左個炸醬麵（$98），這個炸醬同我想像的不同，其實似上海粗炒，唔怪得佢餐牌寫「韓國人最常吃的中華料理」，有啲菜、豬肉片、雲耳和粟米粒一齊炒，仲有兩隻鵪鶉蛋添！味道好濃，似醬油味，都唔錯。雖然午市沒有套餐，不過我哋都散叫咗兩杯飲品，蘋果Ade其實就是梳打吧，蘋果味唔算特出，整體偏淡，加咗兩片青檸，倒是幾清新的。另外一杯是藍莓奶昔，見到藍莓打碎的粒粒，不過佢又唔同一般好杰的奶昔，相對水狀，味道ok.

餐廳佈置十分有氣氛，燈光微暗，天花掛滿星星嘅吊飾，就好似喺繁星底下食飯，好放鬆～🌟雙拼炸雞（$192）我哋揀咗香蒜蜜糖同埋甜辣味，一次過可以滿足兩個願望。估唔到全份炸雞嘅份量勁大，每款味道嘅無骨炸雞都有六至七件，再加上好多薯角、薯條及薯格，真係好豐富！炸雞全部都新鮮炸起，熱辣辣，再喺上面淋上香蒜蜜糖醬及甜辣醬，嫩滑嘅雞肉加上酥脆嘅外皮，以及醬汁嘅味道，真係大滿足！鍾意重口味嘅我哋，當然希望可以再多啲汁啦！哈哈😄🌟海鮮煎餅（$118）估唔到塊煎餅咁大塊，一送上黎真係嚇親我地。煎餅上鋪滿多款配料，包括：蝦、魷魚、紅椒及蔥等，好豐富。煎餅煎得唔錯，外脆內軟，加上上層配料，以及醬汁，好惹味，口感好多層次！🥳不過始終煎餅都係麵粉製成，比較容易飽肚既一款食物，如果多啲人一齊share食，就可以留肚食多幾款啦😜🌟DIY Rice Ball（$45）將紫菜、飯素及蟹子拌勻，搓成一個圓球就完成啦！飯團味道唔錯，充滿濃濃既麻油和紫菜香味😉成個過程好容易，輕輕鬆鬆就可以製作完成，又有得玩，又有得食😚🌟Blueberry Smoothie（$45）🌟Strawberry Smoothie（$45）兩款smoo