Outdark (飛達商業中心)

營業中

休息中

繼續都係韓國嘢🤣🤣希望大家唔會睇到厭啦～平時食韓國嘢第一時間會諗起炸雞，但其實除咗炸雞，仲有好多正嘢食😆😆😍豬肉鍋 $288👀因為最近實在太熱氣😂想食少啲煎炸嘢，今次就揀咗豬肉鍋～成個鍋會有粟米芝士、紫菜飯、菠蘿、泡菜同埋炒豬肉！分量起碼可以2-3人share～中間嘅炒豬肉仲會有大量魚糕、蔬菜同年糕😍醬汁甜甜辣辣，如果有肚量係建議叫多一碗白飯，撈埋飯食係超正👍🏻👍🏻😍海鮮煎餅 $118👀唔知點解最近食韓國嘢都好鍾意叫煎餅食🤣又係俾佢嗰分量嚇親🫣比想像多！同埋入邊真係會魷魚+蝦肉！重點真係佢配個兜醬汁～甜酸辣有齊晒！超正🥰🥰😍藍莓乳酪 $48👀係有啲九唔搭八🤣🤣無奈真係唔想飲酒，好似加咗乳酪嘅飲品都會相對健康🤣仲可以清下腸胃🫣🫣好飲！

過左咁多年，人氣依然鼎盛😯，食客仍然讚不絕口。佢最出名嘅應該係芝士豬肋骨，但我喺韓國食過，麻麻地，所以今次我係衝住炸雞而嚟😏。餐廳環境真係好暗，中意嘅人可以話好有情調，同埋幾有私隱感，但影相好難影得好，光線唔夠影到好矇😅。蒜香蜜糖炸雞 (全份) $178男友表示好驚訝🤣，估唔到除左有無骨炸雞外，仲有三款炸薯，分別薯條、薯格、薯角仔，個人覺得薯角最有薯味。炸雞估計有10-15件，而且幾大件，啖啖肉😋；肉質唔會好實、好鞋，但又未到嫩滑。個醬雖然幾濃蒜味，但唔係果d會令人口臭嘅臭蒜味，我中意😏。另外仲跟左3個醬，分別係蒜香蜜糖、茄醬、有玉桂味嘅辣醬。我同男友比正常男/女性大食，但呢盤炸雞真心多!!!😨 亦可能因為個汁甜嘅關係，令人好快滯，食到尾真係要夾硬食🤣。加蕃薯芝士條 $28/3條濃蕃薯甜味，中間係芝士味唔濃嘅水牛芝士，可惜食果陣已經拉唔到絲😞。Hoegaarden $38/1支330ml自己本身唔好酒，但既然嚟到，就要入鄉隨俗------炸雞配啤酒!! 第一次飲，味道唔錯，唔會好苦，飲落幾爽。

旺角名物,韓式炸雞專門店 呢度仲有各類韓式鍋物同小吃類今期呢度主打鮮脆炸八爪魚,原隻炸脆,放上鍋上,有芝士粟米,飯團,辣炒年糕,各類食材,非常豐富,類似大雜鍋咁,主打就係香脆又鮮彈牙爽口既脆魷魚,夾埋辣年糕食,口味正宗!!仲有拉絲芝士,一定好食!環境仲好有氣氛!!點少得韓式炒粉絲,加上麻油同肉片炒,唔油膩之餘,香氣迫人,味道豐富,粉絲又索曬食材既味道,份量也不少!消費$400/ 服務好,環境夠打卡,食物接近當地口味,好食 旺角彌敦道613號飛達商業中心2樓

好想好想去韓國旅行呀 嚟outdark一解思鄉之情 睇下menu先諗起韓國最掛住就係佢嘅魚糕湯 街邊個d真係好好味 一於今次叫一盤嚟食 當然韓國係唔會有獅子狗呢款嘅 除咗魚糕之外仲有粉絲年糕係入面 點可以漏咗炸雞呢 兩個人可以嗌半份炸雞 我哋叫做香蒜蜜糖味 原來除咗雞之外佢上面仲有薯條薯格好大盆啊 無骨嘅炸雞啱晒我呢啲懶人 食到唔停口啊 仲有叫咗個韓式牛肉炒粉絲 我哋掛住食魚糕湯同炸雞冷落咗佢仲有叫左罐忌廉溝鮮奶同蜜桃汁 蜜桃汁好surprise 唔係d膠味 仲有果肉係入面 可以一試 超豐富嘅一餐 食完出去排埋長龍勁多人等位 要食真係要早d嚟

每次想食韓國嘢，第一時間都一定會去旺角Outdark🤤🤤🤤幫襯左都超過5-6次，每一次都試唔同嘅嘢都唔厭🥢私心推薦炸魷魚配辣炒年糕，每次食完上面啲魷魚，喺底嘅年糕就會超級入味😋另外一定要提呢度嘅炸雞，有好多唔同味！而我最鐘意係甜辣炸雞，辣味唔太重，啱曬怕辣又想試嘅人🍤最後我每次都會叫呢度嘅炸醬麵，係我食過咁多間韓國餐廳最好食🍜但份量都算多，細食嘅人可以同朋友share!outdark另一賣點係環境夠曬浪漫，暗暗地有星星燈飾襯托🙈啱曬同朋友飲住嘢傾計！

呢一間係旺角嘅樓上韓國餐廳🍴最吸引一定係佢哋個環境 都幾浪漫 有情調🌹嚟到必食佢哋個炸雞🍗炸雞嘅外皮炸得好香脆 入面嘅雞肉好嫩滑 而且無骨 啖啖肉 仲好Juicy 再配埋大量嘅薯條，薯角同薯格 份量十足🍟

Outdark以星光閃閃的佈置聞名，一進餐廳就感受到熠熠星光的浪漫氣氛，餐廳生意興隆，人氣滿滿、平日六點半左右全場已經要等位原味炸雞炸雞外皮炸的酥脆，內餡保有juicy的雞汁，好好味，附贈一些薯格、薯塊。既邪惡又美味，食量小的朋友們記得點半份就好，必食炸蝦卷喜歡吃飯的朋友點了份韓式飯捲，炸蝦意外脆口彈牙，整體味道十分清爽開胃海鮮煎餅煎餅皮薄料多，每一口都吃得到配料，沾上一旁辣醬最對味！烤牛肉炒粉絲炒粉絲味道偏鹹，換句話說味道相當濃郁，很適合配著飯卷一起吃。Mango Ade清爽好喝又解膩，來一杯配上炸雞，真係正

今日終於有機會試一直都好多人推介嘅韓國餐廳 Outdark , 喺旺角地鐵站行去好快，五分鐘唔洗就去到。我地當時6點幾左右去到，都已經幾多人，睇黎真係名不虛傳甘受歡迎。入到去餐廳好有情調，天花有好多星星燈吊落嚟，播主音樂 好有feel幾浪漫。我哋兩個人被安排去一個卡位，坐得好舒服。香蒜蜜糖炸雞半份 +年糕 +芝士條 炸雞嚟到超大份，我差啲以為自己嗌錯咗全份，數過都有七大件，嚟到熱辣辣。上面淋咗好多蜜糖醬，食落甜甜地帶有蒜香。最厲害嘅係，就算淋滿醬汁都保持到超脆嘅外皮，入面嘅雞肉亦都超多汁。 芝士條外皮酥脆，入面可以拉絲，芝士味夠濃 年糕煙煙韌韌，年糕嘅醬汁係甜辣味嘅，超正 炸醬麵 份量好大，每條麵都掛滿醬汁，而且配料有好多椰菜，木耳同埋肉片。食落鹹度啱啱好 ，濃郁好味 海鮮煎餅 煎餅嚟到賣相好好，外皮煎到酥脆，入面有好多韭菜紅椒青椒等，仲有大大粒蝦，食落香口，而且食甘多炸野，食到菜感覺都健康啲 Strawberry smoothie / Mango Ade 士多啤梨味酸酸甜甜解膩一流 /芒果梳打唔會太甜

🐣🐥Outdark 🐣🐥旺角彌敦道613號飛達商業中心2樓聞雞跳舞 聞雞起舞旺角站雅蘭中心E出口行幾分鐘內就到記得係飛達商業中心 唔好行錯見到門口有啤啤熊 sorry嗰隻唔係啤啤熊 巨人版熊仁 成個人咁高 佢隔籬有隻大老虎趴喺度係啦 就係呢度你會覺得有啲 復古經典嘅感覺裏面嘅裝修 加上燈光都係比較偏暗睇返餐牌嘅簡介 原來負責人 老闆係特意安排實色木板 木枱木凳 黃光影影 既然喺韓國超過60間分店嘅炸雞專門店嚟到香港冇理由唔試烤牛肉冇乜肥膏 唔係低成本製作烤牛肉飯卷亦都係材料足 大大嚿非酒精飲品Green Apple 🍏 價錢平靚正 $34炸雞肉多 冇多餘炸粉

呢一間韓國餐廳長期都勁多人去食 必食佢哋個芝士炒雞🐔有半邊爐都係芝士 再撈埋落個年糕炒雞肉到 每一舊雞都包滿拉絲芝士 真係超級惹味🧀旁邊仲有啲芝士蛋、泡菜、紫菜飯同菠蘿🍍真係超級豐富！

耐唔耐都會想食下韓國嘢，今日就去咗旺角呢間Outdark，餐廳氣氛好好，燈光較暗，滿天星星，幾有情調。🇰🇷海鮮炒年糕賣相十分精美，用上傳統韓式熱鐵板鍋，上枱時店員會幫手剪魷魚鬚，烤得好香脆。而入面其他材料好多，包括有蜆肉、年糕、菇類、椰菜，年糕口感軟糯，好味！不過要留意佢個醬汁除咗較為重口味之外，仲會越煮越辣，我同朋友食到辣得好過癮！而鍋外邊仲有紫菜飯、芝士粟米、菠蘿粒同埋泡菜，相當豐富！芝士碎熱溶咗之後呈現長長嘅拉絲效果，真係好邪惡😍🇰🇷泡菜煎餅份量都幾多，而且煎到非常香脆，口感好好食！泡菜亦都好足料！點埋醬汁食更加惹味🇰🇷Strawberry smoothie🍹士多啤梨味道好出，加埋乳酪味好夾，口感較杰身🇰🇷Mojito Ade🍹甜甜地幾清新下，解渴同埋解辣岩晒

呢間韓國餐廳環境氣氛一流，昏暗嘅環境配星星吊燈，營造韓劇浪漫的氣氛☺️☺️☺️🧡芝士炒雞 $328韓國餐大滿足之選，揀咗normal辣，甜甜地辣味不重，啱哂食唔到辣嘅朋友仔🌶芝士加熱溶化後，店員會幫忙把雞粒和年糕拌勻，芝士有拉絲效果。我鍾意個醬汁與芝士好夾，啖啖肉，邪惡美食😋😋😋外圍有菠蘿可以解一解膩。還有泡菜、紫菜飯團、韓式雞蛋卷🧡韓式烤牛肉飯卷 $88都有成10件，每一件卷牛肉份量都好多，但如果牛肉可以再入味d就更好🧡outdark ade $34我揀了Grapefruit，感覺會比較fresh，加了西柚味嘅梳打水

之前同屋企人食過已經有讚無彈，今晚約朋友再食呢間⋯⋯一樣冇令我失望朋友入到去「嘩」一聲話好靚，環境已經贏咗先烤牛肉飯捲$88烤牛肉好正，材料豐富雙拼炸雞$192（甜辣炸雞、香蒜蜜糖炸雞）兩款炸雞都正到冇朋友，汁料又正、炸雞夠脆，薯條又夠熱⋯⋯我先頭都驚食唔晒，但係好食到停唔到口芝士豬肋骨$338除咗有豬肋骨之外，仲有車打芝士、紫菜飯、雞蛋卷、泡菜等等車打芝士經過熱力溶埋一齊，將佢包住豬肋骨食，原來係好好食的芝士控嘅我同朋友都非常滿足呀飲埋特飲⋯⋯正！Blueberry smoothie yoga$45Grapefruit $34Yuzu$34呢間真係好多人幫襯，想食韓國菜一定會諗到呢間，環境又好，食物質素真係一流，我啲朋友話下次一定會再嚟

氣氛指數：🌕🌕🌕🌕🌖好味指數：🌕🌕🌕🌕🌗記得同朋友黎食過幾次，第一次食仲一齊寫左個鎖掛住餐廳😁 一直對呢間炸雞店印象好好！好岩聚會又好有氣氛！成間餐廳都係星星勁靚😆😆😆記得之前係食撈芝士的炸雞鍋！超正！今次就試左啲唔同的野😋【雙拼炸雞 - 香蒜蜜糖味&甜辣味】$192除左炸雞仲有啲薯條薯格食，香蒜蜜糖好正！甜辣炸雞偏甜，如果再辣啲就好啦😆但如果唔係好食得辣朋友仔應該覺得岩岩好 😋 總捨炸雞就同以前食一樣咁好食！【串串魚糕湯】$198食完炸雞，飲個熱辣辣嘅魚糕湯，食返啲軟冧冧的魚糕balance 返好正！料材好豐富，有魚糕、年糕、獅子狗卷、蘿蔔、金菇，仲有青口、鵪鶉蛋等等！【藍莓乳酪smoothie】$45Smoothie都算幾滑，甜度對我黎講岩岩好，朋友飲草莓味就覺得甜左小小。重點好大杯，哈哈，食炸雞食到口乾可以飲黎爽爽P.S. 估唔到outdark廁所咁乾淨，仲有香薰😂😂以黎呢度食炸雞可以放心飲野飲！

大推年糕鍋 一食落去 我返左家鄉啦🎶🎶🎶真係完完全全會係韓國先食到既味道🤩🤩偏辣既 怕辣既朋友要小心炸雞份量好多 但同韓國既無得比 韓國橋村炸雞實在太出色 呢度酸酸甜甜既汁都幾好味 雞都夠脆 仲去晒骨 我就比較鍾意有骨既 辣味就唔夠香辣其他菜式都一般般 主要係個年糕鍋可以一解思鄉之情