Outdark (飛達商業中心)

營業中

休息中

Walk-in 去，本身都預計應該可能真係要食得好急切，最後被趕走，但竟然沒有，仲可以一坐到尾，可能今晚咁啱無乜客，食物好好食～勁大份量，想再試其他野，環境氣氛都很好～仲要洗手間勁乾淨，難得。最深刻，埋單時，700幾蚊，可能燈光太黑，無為意，以為俾左8張$100，點知店員收左，行左一陣⋯⋯突然返轉頭同我講，你俾左$1700⋯ $1000當左$100俾，店員都好有質素～👍🏻多謝妳☺️期待下次再試其他野~~野食分量真係太大，兩個人點3樣嘢，最後要包走佢～～十分滿意的一餐🤟🏻🤟🏻🤟🏻

旺角飛達商業中心嘅Outdark人氣一向高企，今次有機會梗係要專程上去試下。依度環境寬闊，而且佈置浪漫燈光柔和，同時播住韓星音響，好似置身於韓國咁。今次order左烤牛肉炒粉絲、海鮮原祖炒年糕及飲品青蘋果梳打。烤牛肉炒粉絲嘅牛肉既香濃入味又夠腍，粉絲索晒d精華味道，配合埋蔬菜絲食可口。海鮮原祖炒年糕超大盤多料，用火爐keep住溫度，令內裹芝士保持拉絲狀態，有原隻炸魷魚、年糕、蜆、蝦仁、金菇、腐皮、芽菜、椰菜等等放盤中央、旁邊有紫菜飯、菠蘿、泡菜及車打芝士。魷魚超惹味值得推薦，點埋醬汁食一流，其他食材都極可靠，韓式年糕我至like。飲品青蘋果梳打清新口味，配合韓國美食就啱哂！

呢間餐廳真係大人小朋友都咁鍾意，環境靚周圍掛滿燈飾，食物質素唔錯大大碟，而且位置全部都係卡位，好好坐添，帶小朋友都方便！豬腳 大 ＄268～大同細份只係差$30，食得晒嘅大份絕對係性價比高。底下嘅蔬菜開胃解膩！還可以將肉夾喺配搭嘅羅馬生菜裡面，超級適合，點上韓式辣醬，味道微辣甜甜地，配合生菜嘅清新，喺我心目中，呢款簡直係呢間店嘅靈魂料理，每日新鮮製造，要下午5:30之後先至有架。海鮮炒粉絲～一上枱就見到出晒煙，夠晒熱辣辣，充滿麻油香，份量唔算多，勝在足料，海鮮量豐富，粉絲入口彈牙有咬感，醬汁甜甜地，好地道！

一早book 咗7：30三位,去到環境係幾少女既浪漫,掛滿好多星星吊燈,店內女客人亦較多.我地點左,炸醬麵,海鮮薄餅,雙拼炸雞,海鮮炒年糕.我哋都係眼闊肚窄,分量亦偏多,結果都食唔曬,要打包.我哋都一致覺得炸醬麵相對出色,醬汁甜甜地,好易入口,麵條相當彈牙,較似食緊稻庭烏冬嗰種口感.但亦都睇得出有啖啖油.第二,海鮮薄餅同海鮮炒年糕.海鮮薄餅煎得好香脆,海鮮炒年糕,炸魷魚本身有調過味,炸粉好香脆,年糕醬汁正常,好多蔬菜係底,但都係重油份.側邊嘅紫菜飯,唔錯.相對失望係個炸雞,叫咗一個醬油伴蜜蒜香炸雞,醬油味很淡,不是每一塊雞都佔有醬油醬；而蜂蜜蒜香炸雞,蜜糖味很重,令雞太過甜,所用的蜜糖質素好一般,兩款炸雞炸粉相對上厚硬,而不是鬆化薄脆的.雞肉唔算乾,但一定談不上嫩滑,多汁.雞肉本身沒有調味.較好的是每件雞都是無骨；反而旁邊的伴薯條,薯格相對上出色.較香脆,有薯仔味.總結,食物不過不失,唔知係咪韓國嘢特色,所有食物用油很重.同其他餐廳比較,價錢都叫做合理.好適合一大班人食.但我唔會係成日想返來食個種.

串串魚糕。。炸雞。。Cocktail 😍😍😍以前去韓國旅行，幾乎日日都會食，鍾意唔同嘅餐廳有唔同嘅製作方式，香港喺Outdark就有得食喇！餐廳裝修怖滿星星，浪漫又適合打卡👍🏻串串魚糕湯～一窩端上，上湯滾住，材料有冬菇金菇椰菜紅蘿蔔等新鮮蔬菜，魚糕和獅子狗卷整成一串串，湯頭甘甘地，甚有韓式風味，飲一碗暖在心頭！雙拼炸雞～原件連皮連骨嘅雞件，初初見外皮好似略厚，入口卻酥脆無比😍，內裏雞肉嫩滑，仲有少少咇汁添！

🧡炸雞🍗快樂🫶🏻🤣每每有不吐不快嘅事，總係要搵朋友出嚟飲飲食食傾下計，呢間嘅apple & mango米酒係姊妹們至愛💖 有咩事都好，飲完心情都會好🍻 淨係呢間分店都嚟咗四次🤣餐廳嘅裝飾有好多星星燈飾，職員都係韓國人，每次嚟都覺得去咗首爾，炸雞🍗係韓國夜市嗰種，即炸連同薯條薯格，一份3-4人量，碗紫菜飯係我必點之選，用手整紫菜波波球好治癒🥰 豚肉粉絲都炒得香嘅，下次想試埋芝士邊排骨🧀 韓國有太多好好玩嘅回憶同青青🕊唯有嚟多幾次解下思韓之情🥹#outdark #outdarkhk #koreanfood #koreanstyle #korea #chicken #cheese #韓國料理 #韓式炸雞 #重點係米酒 #圓子美食課

久仰Outdark嘅大名，今次終於有機會同朋友嚟試喇～入面嘅燈光暗暗地咁，頗有情調，營造到一種放鬆而寧願嘅氣氛。餐牌樣樣望落都好吸引，我哋第一次嚟，就點咗最招牌嘅韓式炸雞同芝士豬肋骨。甜辣炸雞（半份） $118即叫即炸，熱辣辣新鮮上檯。我哋兩個人食，叫咗半份炸雞，有五大件，重有埋薯條同薯格，份量啱啱好。炸雞外層炸得非常香脆，入面嘅雞肉嫩滑，肉汁豐富；再點埋個甜中帶辣嘅醬汁，惹味開胃薯條同薯格都炸得好脆，有薯味，重有蒜香蜜糖醬、茄醬同辣醬可以點，唔錯。芝士豬肋骨 $338睇樣都知正，芝士份量勁多等啲芝士熔熔地嗰陣，就會有職員過嚟幫我哋用啲芝士卷住啲豬肋骨。每一件豬肋骨都可以被滿滿嘅水牛芝士包住，芝味濃郁，芝士愛好者一定會好滿足。豬肋骨肉質軟腍，辣辣地咁，非常惹味。側邊嘅配菜有韓式雞蛋卷、紫菜飯、泡菜同菠蘿粒，雞蛋卷好滑，配埋啲芝士食好正；紫菜飯就好似啲加咗飯素嘅飯咁，鹹鹹地好香口，就咁食都好食。Outdark Ade (Grapefruit) $34酸酸甜甜，清新解膩，個樣重好靚好打卡able見到人哋個忌廉海鮮都好似好正咁，重有好多嘢想試，下次一定會再嚟幫襯

Outdark 🇰🇷🐥我朋友突然間好想食韓國菜🇰🇷識食一定介紹佢食Outdark因為係正宗韓國人黎香港開既甜辣炸雞 $178 全份佢地既炸雞全部都係用雞腿肉整無骨啖啖肉超正外層卜卜脆又唔會好厚入邊雞肉咬落去好嫩口又Juicy配埋甜辣醬汁 惹味到無得輸呀伴碟仲有啲波浪薯條、薯角、薯格仲灑左啲芝士粉係上面 好邪惡呀Fried Shrimp Kimbap $88今次試左炸蝦Kimbap賣相又靚又好食份量有成十件咁多炸蝦都幾大件再加埋紅菜頭漬 雞蛋 青瓜 醃蘿蔔令口感更豐富個蝦尾仲有用黎做點綴泡菜煎餅 $98煎餅好大份呀廚師煎到兩面都好香而且加左kimchi 紅椒青椒落去令到個煎餅Juicy左 唔會好DryOutdark Rita $78Peach Flavour X 1664靚靚打卡飲品～本身已經有一杯加埋杯啤酒 好似飲極都飲唔曬咁Peach $34飲落唔會太甜既Peach Ade 唔飲酒既朋友話有汽飲品配炸野一流環境燈光偏暗 但好靚好舒服一邊吹水一邊食炸雞一邊飲啤酒真係人生一大樂事呀⭐️⭐️⭐️⭐️⭐️⭐️⭐️味道：👍🏻👍🏻👍🏻👍🏻👍🏻打卡：🦚🦚🦚🦚🦚推薦：🐽🐽🐽🐽🐽⭐️⭐️⭐️⭐️⭐️⭐️⭐

📍 Outdark 🌍 旺角彌敦道613號飛達商業中心2樓2/F, Fee Tat Commercial Centre, 613 Nathan Road, Mong Kok📝 整體評分：8 ／10我地2個女仔食量都好大，但呢到既份量仲大！🥢豬腳JOKBAL🥢 $238 (450g)豬皮非常之Q嫩又唔會好大層肥膏，有D甜有D蒜。食到厭厭地就包下生菜食。🥢醬油炸雞 Soy Sauce bonless chicken🥢 $118 (半份)炸皮好好食，夠哂脆且乾身，雞肉又嫩，醬油味就唔係好覺。配料仲有好多薯條薯角薯..🥢炸醬麵 Jiajeng🥢 $98 韓國既麵質真係好正，爽滑又有咬口， 豬肉片洋蔥椰菜拌埋韓國特製既黑豆醬，厚實既味道。

Outdark（Mong Kok)哩間舖頭對於鍾意食韓國嘢🇰🇷嘅朋友就一定唔陌生 場內環境暗暗啲 吊燈令成個氣氛好唔錯🌟 好適合同朋友一齊邊食邊吹水～⌖ 香蒜蜜糖炸雞🧄🍯🍗💰$178炸雞隔離配有薯格、薯塊、薯條🍟 香蒜蜜糖味幾推薦😚 只係炸雞唔算好嫩滑 同埋醬汁淋得唔夠均勻💦 幸好隔離仲有幾款醬汁供你選擇 都幾貼心🤨～⌖ 炒年糕（豬肉）🌶️🥘🐷💰$288賣相夠晒吸睛🤩 中間係年糕炒豬肉 隔離就有粟米水牛車打芝士🌽🧀、紫菜飯、菠蘿粒🍍、炒泡菜 食落樣樣有 好豐富😋 尤其係中間嘅年糕炒豬肉特別出色😍😍 豬肉一啲都唔韌 年糕配埋正常辣度🌶️ 煙煙韌韌咁好正！ 仲可以配埋隔離拉絲嘅芝士同埋紫菜飯 又係另一番風味🤤 不過食到最後就知道其實好油 罪惡感即刻飆升🤫 最後略嫌菠蘿粒始終唔係燒過 所以食落一般 泡菜質素亦比較普通🤥⌖ 炸醬麵🍜💰$98炸醬麵由炸醬（用黑豆製成嘅韓式醬料）、豬肉碎、蔬菜同麵製成 醬料係甜甜地 份量都幾多😌 不過食多咗有啲膩 share食就最啱喇😛😛☻ 回頭指數：8/ 10 #Fatshit_ami #Dinnertime #旺角美食 #港式美食 #食好細 #香港美食 #韓式美食

每次相約大學朋友們聚會，十次有七次都會選擇位於旺角的outdark 韓國餐廳。 一來地段方便，二來就是喜歡這裡的食物，水準質素穩定。而且掛滿星星燈及偏暗的情調，總是予人放鬆的感覺，同好知己傾訴暢談好地方。-至於食物方面，以下是我最愛的❤️串串魚糕湯 重拾韓國旅遊的回憶，必點魚糕湯。 每次去韓國明洞瘋狂逛街，肚餓時總愛光顧小攤檔的魚糕湯。 魚糕湯之所以令人念念不忘，其精粹皆因湯底。爽彈的魚糕配上清甜不膩的湯頭，還加了青口、煙韌韓國粉絲及年糕、蘿蔔、金菇，令人滿足。-❤️海鮮煎餅 無論是泡菜抑或是海鮮煎餅，每次都是難以二選一。 兩款都很愛吃！ 今晚點了海鮮煎餅，煎餅有韮菜、蔥、蝦🦐及八爪魚🐙，煎得香口，餡料亦不吝啬相當豐富。-❤️韓式米酒在那麼放鬆的氛圍與朋友聚會，怎能缺酒呢。 餐廳的韓國米酒每次也是必點的。 有不同款式的水果米酒，草莓🍓/柚子/蘋果芒果🍎🥭。 我們試了<Apple and Mango Makgeoli >Makgeolli 是韓國最有名的米酒。米酒有微甜的香氣與果香，入口順滑，酒精濃度低，喝多了亦不易醉喔🤭 而且米酒配煎餅，是絕配呀😋😋😋😋😋

呢間韓國餐廳，已經唔係第一次食，今日又同朋友嚟～座位闊落，枱都大張，呢度食物份量係預大家share食，金屬盤都好巨下😆環境較暗，有星星掛燈～影相打咭係幾有氣氛～烤牛肉飯卷 $88我去韓國食過之後係返唔到轉頭，愛上咗🥰而家無得飛就食住呢卷先～一解單思之情。雙併炸雞 $192睇韓劇成見啤酒🍻炸雞～引死人🤤我就香蒜蜜糖炸雞+甜酸炸雞+梳打，一樣咁爽～呢盤炸雞，仲有薯條薯格，慢慢傾計慢慢食啦～泡菜煎餅 $98煎餅香脆，因為揀咗泡菜，其他配料都係蔬菜～稱得上係素食😌豬肋骨芝士鍋 $338萬眾期待😚🥳好耐無聽到「邪惡」「拉絲」呢啲字🤣🤣正呀！仲有紫菜飯，簡單但美味～益力多梳打、藍莓梳打 $38

講起韓國炸雞我第一時間一定會諗起outdark今日起旺角又想食炸雞即刻黎左飛達中心呢間食🙊基本上每台都有叫😆分量超多有好吸晴既轟炸魷魚炸得勁脆口，點埋炒年糕既甜辣醬好惹味入邊仲有大量炒年糕、魚糕、蜆同埋蝦仁鍋邊仲有芝士，芝士內裡有甜甜的粟米可以包炸魷魚同年糕正到爆炸仲有泡菜同埋紫菜飯，撈埋黎食都好得最尾可以食菠蘿清吓口😋甜辣炸雞黎到點可以唔食炸雞每次都會叫呢隻味，少少辣炸雞粉漿薄薄一層，唔會太厚香辣加埋油脂感，好滿足呢間好好，會比埋炸薯條你食我好鍾意佢既薯格黎到點可以唔食炸雞每次都會叫呢隻味呢間好好，會比埋炸薯條你食我好鍾意佢既薯格Mango/Grapefruit ade食左咁重口味既野真係好需要清新既野飲生果梳打真係一流又解渴又有生果味夠晒fresh💗

旺角呢間專食韓國炸雞嘅餐廳，我都去咗唔少次，呢一間餐廳嘅炸雞真係令我非常難忘。佢嘅炸雞配薯角薯條，我哋揀咗半份無骨炸雞，香蒜蜜糖味甜甜地，亦都唔會搶過炸雞原先嘅味道！而佢嘅炸蝦kimbap每一次都一定要嚟食，每一啖都食得好滿足，自己覺得仲好食過喺韓國食😂呢個真係必嗌！最後我哋仲嗌多咗個海鮮煎餅，海鮮煎餅亦都唔會好油，海鮮包括蝦同魷魚等等，就算唔陪佢提供嘅辣汁，已經好好食！而佢哋亦都有唔同嘅酒精類飲品，但亦都有梳打選擇！

經Openrice訂座19:30，條款冇寫只係留枱10分鐘，佢啲職員當日打嚟confirm booking時都冇講係10分鐘，我哋19:43去到，門口個職員話一早講咗只會留枱10分鐘，遲咗3分鐘所以唔會再留枱，要我哋攞飛再排過。我即時「黑人問號？」，因為我哋一行7人，有4個人已經準時到咗，只係見餐廳限時個半鐘交枱，所以諗住等齊人先入去。如果佢真係有同我哋任何一個人講留枱10分鐘，我哋就一早入去坐，嗌咗食物先啦！咁都唔緊要，但門口個女職員態度超差，我哋又冇話要同佢拗(事實亦冇拗)，但佢全程起哂降，黑哂面，好似隨時想同我哋鬧交咁，我心諗你咩事？不過我哋遲咗就係遲咗，始終自己都有唔啱，所以都唔理佢，直接攞飛再坐埋一邊等咗半小時先入得。入到去啲侍應都係勁怪，一係黑面，一係就遊魂，落單又亂落，而且餐廳啲音樂開到超大聲，職員同我哋根本係互相聽唔到對方講咩，但要佢重複又唔耐煩(你餐廳音樂大聲又關我事？)講返食物，其實唔難食，但呢個質素嘅炸雞其實而家好多餐廳都整到，根本唔需要嚟呢間餐廳受氣，餐廳氣氛又嘈，成餐飯都食得好唔自在。全晚唯一最好禮貌嘅moment係咩？就係叫你埋單嗰陣囉！