Outdark (H8)

營業中

休息中

好耐冇食韓國炸雞，所以近排同朋友經開尖沙咀厚福街就順便去 Outdark 度嘆吓，諗返起都真係幾耐冇食。因為份量都幾大碟，所以叫咗雙拼炸雞、芝士條同海鮮煎餅。雙拼炸雞 ($192) : 招牌菜點可以唔叫，份量多到成座山咁 😍 有薯條、薯角、大大件炸雞同芝士條，炸雞有四款口味揀，叫咗香蒜蜜糖同甜辣味，炸雞脆卜卜啖啖肉，而且兩個醬汁都非常惹味，食多幾件都飽飽地 ; 芝士條有拉絲效果無得頂，做小食配啤酒一流。炸蝦飯捲 ($88) : 炸蝦非常脆口，而且仲有酸蘿蔔、雞蛋、青瓜等配菜，味道層次超豐富。同朋友每人各自叫咗兩杯幾大杯嘅特飲，芒果梳打 ($34) 同藍莓沙冰 ($45)，前者清爽得嚟帶點芒果香，後者藍莓味道較為濃郁，兩杯味道都唔錯。

韓式炸雞餐廳，我通常會推介Outdark，因為我食了三年都無加過價，價錢仍然親民合理，所以這間餐廳經常坐無虛席。甜辣炸雞半份，番薯芝士條，海鮮炒飯，豬肉炒粉絲，烤牛肉飯捲，飲品飲mojito ade

同FD慶祝升職，主角話想食韓國嘢, 當然又去幫襯返outdark啦。估唔到周日中午outdark都好多人，全場都FULL咗一半。Outdark環境一如既往的好，今次揀咗韓式烤牛肉，海鮮炒粉絲，同兩杯Outdark RITA drink。韓式烤牛肉喺我同FD啲first choice，牛肉已經預先用韓式醬料醃制，食落好鮮甜同埋好彈牙。牛肉已經超大一份，仲伴有金菇，韓式年糕，黃瓜，韭菜同辣椒。黃瓜，韭菜同辣椒都預先醃制過，食落喺酸酸甜甜，哩啲最啱夏天食，勁開胃！韓式年糕好煙韌，因為喺用鐵板烹製，所以食落都幾香口，成份韓式烤牛肉全部食完都已經飽飽地。海鮮炒粉絲炒得幾有鑊氣，同埋配料都幾豐富，有八爪魚仔，蝦仁，蜆肉等海鮮，仲配埋青椒和木耳。粉絲嗦哂啲醬汁，食落都幾惹味。海鮮都夠新鮮，同啲醬汁都幾夾，唔會覺得有腥氣，唔錯。今次要慶祝FD升職，特登揀咗兩杯好靚D嘢飲，Peach Flavour with Corona & Blue Curacao Flavour with Corona。 兩杯嘢飲真喺好靚，喺杯上面倒咗放隻Corona，飲落少少，Corona會慢慢倒落隻杯中。Peach Flavo

朋友話想食炸雞，喺尖沙咀梗係揀韓式🇰🇷炸雞喇😋餐廳環境比較昏暗，深木色卡位同星星🌟吊燈擺設，氣氛幾好😆韓國餐廳啲食物全部都大大份，share一齊食好開心🥳🥳🥢雙併炸雞🍗 ($192)揀咗香蒜🧄蜜糖🍯同甜辣🌶兩個味，仲加$28要芝士條🧀炸雞脆炸漿唔厚，雞肉仍然juicy👍🏻👍🏻🧀芝士條外脆內軟仲有少少拉絲👍🏻配埋薯格、薯條🍟同薯片真係多到食唔哂😅🥢海鮮🍤🦑煎餅($118)大大份好多材料，蝦、魷魚、洋蔥🧅、椒🫑等調味唔錯，醮埋特製醬汁更惹味👍🏻鍾意佢粉漿唔厚，感覺冇咁heavy👍🏻👍🏻🥢烤牛肉🐮飯卷($88)飯卷材料好豐富，卷得好實調味甜甜地嘅烤牛肉同配料好夾👍🏻青瓜🥒、黃瓜等配料都令飯卷口感更有層次🫐Blueberry yogurt smoothie🥤 ($45)藍莓乳酪唔會太甜，幾好飲👍🏻

久違嘅韓國美食之旅，因疫情關係，已經遙遙無期，美食更係遙不可及。今次，小編為左想尋回oppa 味道，搵左間由韓國年輕人開辦嘅餐廳，名叫outdark ，係韓國更係數一數二。呢間餐廳，主打年輕人市場，每樣食物都係諗過度過。作為年青人嘅我地，揀左夜市熱門小食同大家分享。串串魚糕湯夜市中嘅明星入面有齊韓國街頭布帳馬車嘅小食，魚糕、獅子狗、青蠔同埋蔬菜，碗湯係吸收晒入面啲精華，好清甜嘅魚糕同海鮮味，令人回味無窮。值得一提嘅係，佢地會提供gas爐，保持住一定溫度，食落仲會係暖笠笠，由其係冬天，不二之選。海鮮煎餅香脆可口韓國人鐘意一塊煎餅一啖米酒，但可惜今次我地冇嗌到米酒，體驗唔到當地文化。另外最意想不到，單單一塊煎餅，可以令人垂涎三尺，海鮮同野菜嘅比例岩岩好，唔會太油膩感，相當香脆可口。如果唔夠咸，可以點佢比嘅醬油。烤牛肉炒粉絲粉絲同牛肉，缺一不可，粉絲將牛肉嘅精華吸收晒，令到每一啖都有牛香味，喜歡牛嘅朋友一定要試。但略嫌三色椒多，粉絲略少，較可惜一點。Mango ade 一杯大杯嘅芒果飲品，足夠應付一個晚餐。

呢間韓國餐廳🍴🇰🇷最正一定係佢哋個炸雞🍗真係堆到成座山咁多！炸雞外脆內嫩滑 仲要無骨 啖啖肉🐔底下面仲有大量嘅炸薯條同炸薯格🍟全部都炸得好香脆 份量十足 真係幾個人食都夠😍

之前食過依間韓國餐廳，覺得環境好chill，有d酒吧feel，而且食物質素都好高。同朋友行完街街，當然要上去開餐啦！😋 香蒜蜜糖炸雞 （半份）$118醬汁超正！蜜糖甜而不膩，蒜香味夠香夠濃。炸雞嘅外皮炸得香脆，配上醬汁，一咬入去，醬汁融入鮮嫩多汁嘅雞肉，好味！另外仲有炸粗薯條同炸薯格，點埋蜜糖醬汁同樣一流！‼️好食指數 9/10‼️推介指數 10/10😋 泡菜煎餅 $98煎餅裡面唔單只有泡菜，仲有紅椒、青椒同洋蔥，所以味道夠豐富，食落有濃烈嘅香味，好啱重口味朋友嘅口味！另外煎餅外層煎得香脆可口，唔會鬆散，好有咬口，加埋個汁一齊食好惹味，份量亦都相當充足！‼️好食指數 8/10‼️推介指數 9/10😋 烤牛肉飯卷 $88飯卷裡嘅飯粒好煙韌，依樣勁加分！配上醃蘿蔔同青瓜等爽口配料，再加上烤牛肉，成舊飯卷口感勁豐富！‼️好食指數8/10‼️推介指數8/10😋 串串魚糕湯 $198魚糕湯煲底有個爐，keep warm令個湯唔會凍。湯入面有勁多配料，年糕、竹輪、魚糕串、冬菇、金菇、蘿蔔同粉絲，當中最好食係蘿蔔，索晒湯嘅甜味，而且煮到勁淋，好好食。‼️好食指數8/10‼️推介指數8/10😋 Blue Lemon

3個女仔食生日飯，不用收切餅費，平日都dinner 塊好多人食，要一早book 定枱泡菜煎餅反傳統，加左青椒，金菇，好好食，所有食品都有份量，對得住個價錢，食物高質

比人見到同朋友食好野又要帶佢黎食不過outdark真係值得既佢既炸雞同海鮮鍋真係好高質海鮮年鍋鍋屋企人指定要食既鍋😆剩係睇相都覺得吸引事實係真係比相更出色魷魚新鮮，炸出黎吸引湯汁少少辣最愛食佢既年糕，夠晒軟糯仲有爐邊芝士，屋企人好鍾意芝士拉絲辛辣炸雞今次想挑戰食辣少少又真係幾辣🤣我諗佢起碼有譚仔中辣既程度如果唔得辣要小心不過我覺得好過癮又辣又脆夠晒韓獨家食法係加上年糕鍋既汁同芝士正到不得了😋好快咁同屋企人K.O左成碟下次可以成個大size🙊OUTDARK ADE今次揀左Yuzu佢既ade都好好飲岩岩鍾意飲汽水又有水果味既人呢杯真係解辣一流

仔終於考完試，諗住同佢去科學館行下，但附近無咩好野食。跟住朋友介紹我去呢間厚福街既韓國餐廳，我心諗第一個反應唔你好多野都辣，啱小朋友食咩點知我上OpenRice 睇完就明啦，因佢其中一道DIY飯團，我估無小朋友唔like。我仔係牛角飯fans,但食完第一啖已經話仲好食過牛角飯。有埋手套可以自己整已經好玩，仲要飯素同紫菜好足料，唔會得面少少，而且$45 好抵。阿仔仲整埋俾我食，so sweet。另外menu睇相好似唔算大份既炸雞，我估張相係半份，結果我同仔食到攬住個肚走。我地簡左豉油同蜜糖兩味，豉油有少少辣，蜜糖好啱小朋友食。肉質非常滑，仲好Juice。side dish 簡左芝士條，成功拉絲，係未好吸引？蕃薯芝士味仲好味，甜甜地飲品方面我幫仔簡左Blueberries smoothie,對眼睛好。我自己簡左芒果梳打，好fresh 配炸雞一流。好味到仔忍唔住叫多杯桃味梳打，仔已經講定下次黎科學館要encore。

有睇開韓劇嘅大家可能都會間唔中想食下韓國菜😂我同朋友就係突然好想食炸雞，所以就唔咗呢間都幾出名嘅韓國餐廳試吓了～～餐廳裝修得好靚，啱晒女仔打卡，而且一直播住K-pop，氣氛好好！！-香蒜蜜糖炸雞 $178呢個價錢嚟講真係好大份!!脆卜卜又大件嘅炸雞真係好邪惡，配埋甜甜地嘅香蒜蜜糖sauce又真係幾夾～雞肉醃得幾入味，肉質鮮嫩多汁，仲送埋炸得金黃，香脆可口嘅薯條，薯格仲有薯角，兩個人一齊食絕對唔係問題🦦-海鮮煎餅 $118大大塊而且煎得好香口，有好多海鮮，差唔多啖啖都可以食到蝦仁/魷魚仔。配上特製醬汁都真係幾惹味，正！-Outdark Rita $78我哋叫嘅係Peach flavour*Kronenbourg 1664，好refreshing! 而且啤酒真係原枝上，好飲又十分打卡able💜-DIY飯團 $45將飯素，紫菜，蟹籽同有好香麻油味嘅飯撈勻，然後捏成一個個飯團，美味之餘又好玩😂-芝士條 $35一份總共有四條，每一條都係炸到金黃色嘅，香口得嚟芝士味好濃，仲可以輕鬆咁拉絲，芝味max🔥-

好耐無食過韓國野，早前去過旺角嘅outdark，知道尖沙咀H8 都有分店，就趁假日黎食餐好啦。餐廳門口用左一幅愛情鎖牆黎做裝飾，內裡環境偏暗，背景播放著音樂，帶俾客人一種放鬆心情嘅氣氛。我地一行三人，簡簡單單叫左一個魚榚湯，一份炸雞同一份飯捲食。串串魚糕湯：太耐無去旅行，真係好掛住韓國夜市掃街嘅野食，魚榚係夜市中嘅明星，野菜同香菇令到平凡嘅魚榚滲入鮮味，好好味，所以見到呢個魚榚湯就忍唔住叫黎食啦。呢度嘅魚榚湯有成鍋，有青口、魚板、年糕、竹輪，冬菇，蘿蔔同粉絲等等，浸住有野菜和香菇嘅清湯，一路用個鍋滾住，湯底味清甜好飲，配料滲入湯嘅鮮味，非常好味，值得推介。炭豚飯捲：炭豚飯捲也相當用心，外層嘅紫菜包著飯，內有青瓜、蘿蔔、豚肉同蛋，豚肉份量多，餡料相當豐富，飯嘅口感亦夠鬆軟，唔會過硬，飯粒握得緊密，夾起黎食時唔會容易散開，食落亦好有層次感。原味炸雞：呢份炸雞比我地預期嘅大，上檯時真係令我地「哇」一聲，一份炸雞配有格仔薯塊，薯條同旋轉薯角，一次過滿足晒四個願望。炸雞外皮香脆，粉唔會太厚，食落啖啖肉，咬落仲好多汁，無骨嘅做法更令客人食起上黎更方便暢快，令人食得非常滋味。每份炸雞都配三款醬汁，分

好味指數：🌕🌕🌕🌕🌖回頭指數：🌕🌕🌕🌕🌕上次食完Outdark 就覺得真係好正！男朋友未食過，已經決定要帶佢黎食返次！😋同埋上次無食到芝士！！！！【芝士炒雞】$328係拉絲芝士！！！🤩🤩🤩（本來好傻仔咁以為係會溶😂）熱到咁上下有職員過來炒芝士，好得意🤭芝士加炒雞絕配！但芝士記得要襯熱食，唔係會變硬哦！鍋邊有紫菜飯、蛋同小小配菜。紫菜飯好似有點飯焦咁，正！【串串鍋】$198🍲魚串鍋上次食過，真係好抵食同好食，韓國街頭小食必食😋所以又再食了😋😋話說，個鍋仲有青口架！【Mango Ade】$34爽！食雞飲就岩晒😙

受到疫情影響，很多餐廳的生意都一落千丈，用餐時間更是門可羅雀，唯獨只有Outdark座無虛席，可見Outdark真的是有口碑亦有實力。海鮮炒粉絲在韓劇裡是很常出現的國民美食之一，Outdark的海鮮炒粉絲的海鮮挺新鮮，魷魚，蝦仁，蜆肉等海鮮密鋪粉絲上，超有療癒感，蜆肉大顆飽嫩，魷魚彈牙，蝦仁爽口，粉絲具嚼勁，吸附芝麻醬油的粉絲香氣四溢，令人忍不住一口接一口。炸蝦飯捲的表現不錯，一大件炸蝦飯捲塞進嘴裡嚼，感受飯捲多層次嚼感與口味。包在飯裡的炸蝦並沒有因為米飯與蔬菜的濕潤而軟化，仍保有一定的脆彈感，飯捲用料實在，紅蘿蔔，醃蘿蔔，青瓜，牛蒡，雞蛋混著吃，風味清爽不膩，媽媽讚不絕口。Strawberry Smoothie天然果甜度處理恰到好處，並且喝的同時還可以吃得到士多啤梨果肉，甜甜的士多啤梨與酸微微的乳酪結合，使士多啤梨甜味更鮮明，如果你是士多啤梨的愛好者，Strawberry Smoothie絕對是你最佳之選。吸一大口Blueberry Smoothie，感受藍莓跟乳酪交織的好滋味，甜酸甜酸濃濃果香，Blueberry Smoothie細膩柔滑的口感，喝起來相當綿密順口，清新怡人。想吃韓

勁鍾意Outdark，因為無論食物同環境都咁正，今日又約咗朋友嚟聚吓舊，順便同佢慶祝生日。感覺就好似享受緊星空下的炸雞😂食韓國菜點炸雞是常識吧，因為朋友唔食辣，所以我哋就揀咗香蒜蜜糖炸雞。我鍾意呢度嘅炸雞，係因為佢一定會配埋薯條同薯格，零舍豐富。串串魚糕湯份量相當多，滿滿嘅一大兜，裏面有串串魚糕、年糕、獅子狗卷、金菇、蘿蔔等，真係食極都唔完。而我就最鍾意食佢嘅魚糕，串起嚟食就更加方便。最後我哋都食咗個泡菜豬肉炒飯，炒飯用泡菜連泡菜嘅汁一齊炒，少少辣非常香，配埋大大隻煎蛋同紫菜，真係非常惹味。呢個份量我哋三個人食就啱啱好啦！