Outdark (H8)

營業中

休息中

今日放假，同朋友去左尖沙咀厚福街食韓國菜，我地揀左人氣極高既釜山過江龍-Outdark 餐廳裝修好有情調，門口有一排情人鎖，室內枱頭有漫天星星，燈光微暗，氣氛浪漫，打咭一流！我地點左芒果梳打、柚子梳打，大大杯，好清新好夠味！▶️海鮮薄餅，好多人大推，當然要試下🤤果然驚艷😍賣相靚，未食見到已經流口水🤣好足料，口感非常豐富，帶少少脆邊，點埋個醬汁更加惹味，一份有好多塊，但一d都唔油膩👍▶️泡菜豬肉炒飯，勁開胃惹味，飯粒粒圓潤飽滿，豬肉同泡菜份量都多，每一啖都食到咁滯😋▶️雙拼炸雞，我地揀左蒜香蜜糖拼醬油炸雞；兩款都係無骨啖啖肉，皮薄外脆，內裡juicy，肉質嫩滑🤤蒜香蜜糖就外面有醬，醬油就本身舊雞已經有味，兩款都一樣好味！配埋薯條、薯角、薯格，非常豐盛😚沾滿蜜糖又帶有蒜香，勁的確高質，難怪好評如潮

已經第2次回訪依間，近排佢再裝修過，餐廳位於尖咀cotton on附近入面係木系風格，幾好坐適合朋友情侶吹下水，好得意既係好多店員都係真心韓國人，所以要有小小英文溝通😂嚟到依度，又要再叫下2 味炸雞，今次叫左甜辣同香蒜睇完韓劇又會想食炸醬麵同煎麵飲品大概38元，又唔係好貴，都幾大杯，柚子梳打，清新估唔到炸醬麵咁大碗，2個人食都有d太多😂入面有豬肉洋蔥粟米加埋杰身醬油，好有去左韓國既感覺，不過如果2個人嚟食，好似我咁，就要有大d既胃😂又係起大碟炸雞，除左肉汁炸雞外，仲有好多炸物，海量薯條同薯角，好邪惡呀，雞係無骨，啖啖肉，適合多人食海鮮煎餅，份量又係好多，好多料，蝦彈牙，好食！總括嚟講，依間地點好，食物好食大份，適合2人以上嚟食，聽住韓文歌，扮住去左韓國先😂

Outdark🇰🇷📌原味炸雞Originate Outdark Chicken🍗 + 芝士條 Cheese Stick🧀(💰168 + 💰28) 炸雞幾脆✨啲雞肉都唔柴，但成個感覺就係冇乜特別🧐芝士條真係拉到絲😍要趁熱食🔥凍咗啲芝士就會硬哂拉唔到絲🌟📌東萊海鮮煎餅DONGRAE Seafood Jljlm(💰118) 海鮮+ 蔬菜的組合🦐🫑 每次去都必點🤤💚好脆，唔同出面有啲煎餅咬落去勁粉👍🏻 超級足料🥢📌蘋果芒果米酒 Apple & Mango Makgeoli(💰135) 米酒酒精濃度唔高🍾啱唒一路食飯一路飲🤣蘋果芒果味都幾足，但好多芒果渣🤢一路飲一路吐渣，成個口都係一絲絲嘅渣😂🍸Outdark環境好好🥰昏昏暗暗超有氣氛🥳但每次去都好多人要排👫🧍🏻‍♀️🧍🏻🧍🏻‍♂️🧍🏼‍♂️如果想去記得Book位or早啲去到等位✨

二訪outdark 除咗因為呢度環境好之外，食物都非常好食，食到地道韓國風味👍 每次食到正宗韓國食物都好似去咗韓國旅行咁，慳返唔少機票錢🤣推介呢度嘅豬肉炒年糕👍一次過食到炒年糕、甜辣炒豬肉、車打芝士、紫菜飯、菠蘿粒同埋泡菜，而且價錢唔貴二百幾蚊咋，仲要超大碟！呢度以自家製的獨特辣醬取代傳統辣椒醬用來炒年糕，所以年糕唔會一味死辣，辣中帶甜，食起嚟煙煙韌韌，而裏面嘅豬肉同埋魚糕同樣索爆湯汁，真係極惹味！好食到會顧住食唔記得咗傾偈囉😆講到韓國人氣食物點少得炸醬麵呀！呢款由黑豆煮成醬料再配以豬肉碎和蔬菜，製作出嚟嘅經典中華料理，喺呢度可以話相係完美呈現呀！香濃嘅醬汁令每一條麵條都呈現着完美的黑色的光澤，食呢個面就係要狠狠地大啖大啖把麵條塞嘴巴，讓整個口腔充斥着那甜美的黑豆香氣，咁就最完美啦！食過真係返唔到轉頭㗎😇by the way 呢度嘅環境氣氛再配埋咁靚嘅星空月亮裝飾，真係好適合拍拖👫

呢間餐廳係好耐之前嘅介紹過啦，今次走咗去同朋友又食多次！入到去嗰個裝修環境都係冇變到仍然都係有好多滿天星星嘅吊燈，好浪漫💕餐廳食物嘅選擇有好多有炸雞炒粉絲 韓式煎餅炒飯等等包你一定搵到你鍾意食嘅嘢食！首先嚟嘅就係烤牛肉飯卷一碟裏面有1舊度，勁多仲要好大舊❤️佢係超級足料絕對唔會揸流攤，有青瓜，紅蘿白，蛋等等麻香味超級重所以食落去成個口感係好豐富之後再嚟嘅就係辣炒豬肉，又係超級大！除咗豬肉以外佢仲有椰菜如皋同埋年糕喺入面勁多嘢食而旁邊亦都會有菠蘿泡菜紫菜飯同埋芝士粟米。一路熱住一路食再睇住啲芝士溶埋，真係好正啊最後叫埋魚糕湯 份量又係勁多除左魚糕串仲有年糕，青口，粉絲，金菇，獅子狗等等又係勁豐富個蘿蔔係我幾欣賞嘅一樣配材，好夠林，又索哂個湯嘅味道，唔錯。呢啲整體野食嘅分量都多，600幾銀3樣野算係性價比算高

都有一段時間冇上過嚟尖沙咀呢間outdark喇🙈因為次次上到嚟一開lift 門，就知道唔等兩個鐘係食唔到😂所以次次都放棄了🙈今日特登lunch同老公出嚟食，終於成功食到喇🥰🌟尖沙咀分店同旺角店一樣，都有彩虹鎖牆作為店舖嘅signature 🤭餐廳入面嘅佈置以星空為主題🌌 微暗嘅燈光配以掛咗滿閃閃星星月亮等嘅燈飾✨氣氛浪漫又有情調～好適合姊妹/情侶飲嘢食嘢吹水傾心事☺️我哋兩個人今日嗌咗➡️半份炸雞 $118全盤都係新鮮即炸🤩 除咗炸雞之外，仲有唔少薯條薯塊伴碟～夾夾埋埋堆到成個小山丘咁🥰無骨又大件嘅炸雞入口外脆內軟☺️超入味💕而且肉質鮮嫩有彈性✅咬落去仲有少少🤏雞汁爆出黎🤤薯條薯塊除咗夠熱又夠脆之外，仲有以芝士粉調味一下，所以幾好味☺️建議大家兩個人嗌半份，可以試更多其他食物☺️串串魚糕湯 $198湯底係蘿蔔昆布/紫菜湯底黎嘅😃清清地又有d清香嘅味道咁，感覺有啲似日式嘅關東煮～入面有：獅子狗串、魚糕串、魚肉串，配料方面就有➡️蜆、鵪鶉蛋、蘿蔔、年糕、金菇、冬菇、香蔥、黑木耳，仲有粉絲添❗️岩岩食咗d熱氣炸雞🍗薯條🍟飲番幾啖清香魚糕湯感覺清新又舒暢😌烤牛肉飯捲 $88飯捲夾起好結實😎除咗牛肉做餡料之外

和朋友次次來都係食海鮮熱盤，炸雞雖然好味，但次次都係二揀一之下，最終都係揀海鮮熱盤！主要係真心覺得好食，出面地方食唔到。店內環境浪漫抬頭星夜滿天，場景令人放鬆心情食得痛快，加上韓食美味價錢合理，地方闊落和三五知己飯局都係理想之選。忌廉海鮮炒年糕 $328次次食原祖甜辣味，今天試下忌廉味，原來都幾好食，醬汁甜美無甜辣嗰種霸味，反而突顯各種食材原味。配料超大盆火爐燒住熱食好好食，有原條炸魷魚彈牙鮮美、年糕煙韌煙韌、魚糕軟彈、蝦仁細細粒、小蜆好鮮美，和今次仲有爽彈的黑木耳超正呀！爐邊仲有紫菜飯、菠蘿粒和泡菜，配料非常豐富，一盆好夠飽，實在超抵食。Blueberry Smoothie $45 飲落藍莓味特別濃郁，加上乳酸味道酸甜，有少許藍莓碎，好飲。Strawberry Smoothie $45比藍莓口感更滑，绵密奶昔口感，士多啤梨味都好突出，甜度適中好飲。

Horrible experience No Mood Eating with Super Crowded Seat and Poor Service lol(first time using this symbol lol)We come as six people, and they give us a 4ppl seats lolll,  we’re shocked and asked whether there’re bigger table for us instead of this 4ppl seats (or even actually 2ppl seats cause we saw many 2ppl group sitting the same table as us lolllll, ,or we sit In separate two tables), they said NO impolitely, really unacceptable, super crowded we cant move our body and can’t even move our

環境來說，真的一流，很有情調又浪漫，天花板周圍都掛滿了滿天星的燈，而接待及下單的人，剛巧也是韓國人，感覺真的很像到了韓國當地吃東西啊！香蒜蜜糖炸雞半份，其實都超大份，因除了炸雞外，還會有3種不同的炸薯，炸薯條，薯角及薯格，所有炸物都炸得香脆而不油膩，而炸雞更是出色，外脆肉嫩，超多肉汁！而烤豬梅頭肉拌韓式調味醬，梅頭肉下層鋪滿了金菇，令金菇吸盡豬肉的油份及味道，超好吃！炸蝦飯卷又是超好吃，想不到炸蝦包在壽司中吃到最尾，還能保持脆身，而內裡的用料也十足， 有紅蘿蔔、醃蘿蔔、青瓜、玉子及炸蝦，很豐盛！至於飲品的藍檸檬梳打超靚，甜甜的，打卡超正，而罐裝的桃汁內裡很多果肉，有驚喜！

尖沙咀有名氣嘅韓國菜😍厚福街條街多嘢食就係人都知啦😌今日我哋就食韓國嘢😎烤豬梅頭肉配韓式醬（$188)炸梅頭肉，粒粒都啖啖肉，韓式醬酸酸甜甜鐵板上重配埋下邊金菇！同埋同埋其他蔬菜！熱辣辣上枱！真係出晒煙㗎！烤牛肉飯卷（$88)食韓國嘢呀點少得食飯卷❗️麻油味勁香！一碟有10舊！好足料入邊有蘿蔔絲蛋絲青瓜！韓式烤牛肉炒粉絲（$98)炒粉絲，唔會太油膩！牛肉岩岩好唔會太硬身！澱粉質飽肚精選！飲品方面🍸🍹☕️就叫咗一杯藍莓乳酪同埋一杯熱嘅蜜糖柚子茶秋天天氣飲杯蜜糖柚子茶就好滋潤！幫助消化食物份量都唔細份！兩個人飽到差啲食唔晒！😌🫶🏻

一直都好鐘意outdark，野食選擇多之餘又好食！次次去親都座無虛席，今次係接近萬聖節黎，裝飾都好有氣氛。首先叫左份雙併炸雞（$192），叫咗醬油炸雞同蜂蜜蒜蓉炸雞，雞肉全部無骨啖啖肉，炸完仲保持到好多汁同滑，味道方面一鹹一甜，夠哂多醬入味。叫炸雞仲要配埋薯餅、薯條同薯角，配埋啲炸雞醬有幾夾喎！另外仲叫咗海鮮煎餅（$118），原來韓國人鍾意喺落雨嘅時候食一份香脆嘅煎餅！依個煎餅由海鮮同野菜炒埋一齊，配埋個鮮甜嘅醬油食，口感同味道都好豐富。嘢飲方面就叫咗士多啤梨yogurt($45)同芒果梳打（ $43 ）個yogurt係由士多啤梨同酸奶粉以及牛奶混合而成，入口順滑而且酸酸甜甜咁好開胃。杯梳打唔太甜幾解渴，仲加咗啲萬聖節嘅元素好得意！餐廳除咗嘢食好食之外仲幾有心思，難怪keep住有人氣嘅

一入到嚟餐廳，見到漫天星星，好浪漫呀！餐廳以木燈嘅卡座形式為主，牆上掛滿了鎖頭，燈光微暗，好有氣氛。餐廳喺韓國已經有65間分店，將正宗韓國的啤酒炸雞帶來香港。蜜糖蒜香炸雞由於臨近萬聖節，炸雞配上南瓜型的薯條，和插了蝙蝠和南瓜的牙籤，為萬聖節增添氣氛。半份炸雞份量都不少，足夠兩個人食。炸雞外皮鬆脆，內裏肉汁豐富，配上甜甜香香的蒜香蜜糖，特別嘢味。海鮮煎餅好鍾意食海鮮煎餅嘅大葱，每次去韓國餐廳道必點！可惜煎餅粉漿過多，煎餅比較淋身，適合喜歡吃淋餅的朋友。韓式炒粉絲用料豐富，唔好睇細細碟，有好多粉絲，牛肉和配料。美中不足是都是比較淋身，粉絲不夠煙靭。藍莓乳酪和草莓乳酪這兩杯絕對有驚喜，不會假甜和藥水味，是新鮮的果肉，絕對推介！個人更喜歡藍莓味。最後餐廳整體質素都不錯，侍應服務有親切有禮，韓式打扮的後生女，更有韓國人在場，以為自己飛咗轉韓國。

厚福街比我搵到間炸雞店，原先諗住食午餐都同埋炸嘢都冇乜特別期望，但上到去有驚喜喎！入到門口細細間，有好多願望鎖喺門口，全部都係卡位，坐得好舒服。啲服務都好好，啲侍應生成日都行嚟行去，睇吓有乜嘢要幫忙，所以反應好快。炸雞嚟到連埋啲薯條，個賣相都擺得幾特別，整到成座山咁高，去買幾個醬料，炸雞外脆內軟，果然名不虛傳。叫咗兩杯飲品都好好飲，藍莓草莓奶昔乳酪，兩杯都好唔錯，好明顯係即榨，仲有少少果肉，好fresh 的感覺！

今次試下好出名既韓國野Outdark堅係有韓國人上到來環境微暗 帶少少星空感播住韓文歌 超有感覺座位又闊落 員工年輕又有禮物一定要叫既韓式炸雞雙拼口味甜辣拼香蒜蜜糖無骨大件炸雞 每啖都肉汁爆滿外脆內軟既表面 淋上微辣既醬汁超級惹味 附送香脆薯條同薯格海鮮炒粉絲有蝦 有蜆肉 有章魚粉絲比較軟身 但好入味 又香 烤牛肉飯捲個賣相真係好得睇得出好比心機整唔會好似其他地方 一夾就散叫左兩杯梳打青蘋果梳打蜜桃梳打 配炸雞又得 配粉絲又得 百搭值得再次嘗試

秋意漸濃，又是開懷地品嚐韓式炸雞的好時候，而Outdark絕對是尖沙咀吃韓式炸雞的首選，雖然我們吃了無數次Outdark，但Outdark的魅力有增無減，教我們至今仍回味無窮。Outdark的蜜桃梳打氣泡感很強，喝到最後都還有氣泡，持久度超好，漸層的蜜桃濃縮果汁在底部，攪勻開來，原本以為加入檸檬會很酸，結果不會，蜜桃梳打是屬於酸甜得宜的蜜桃檸檬味道，相當清爽。使人舒壓的柚子梳打，散發清新的柚子味，柚子梳打冰冰涼涼，梳打氣泡與柚子果肉相約在嘴中跳舞，甜酸的柚子肉配上梳打的氣泡蠻暢快過癮，喝了心情放鬆。海鮮辣炒麵用料頗足，滿滿的一碗海鮮和蔬菜，麵量亦蠻多，湯頭看起來紅艷艷好像超辣，實際喝起恰到好處，舒服的辛辣度，讓人越吃越喜歡，炒麵的麵條是我喜愛的口感，嚐起來軟中帶彈力。大廚在炒麵中放了許多椰菜，木耳和金菇，菜蔬的甜味令炒麵更美味。海鮮均非常新鮮，八爪魚嫩彈，青口甜嫩好吃，令人眼前一亮，蝦仁爽彈，我們相當滿意海鮮辣炒麵的食材實在。假如各位偏好傳統型的紅通通韓式炸雞，選吃甜辣炸雞就沒錯。甜辣炸雞賣相不錯，擺盤用心講究，炸雞選用去骨雞肉製作，方便食用。大口吃下甜辣炸雞，炸雞外皮香酥，肉質鮮嫩多