OPPA韓國燒肉店

營業中

休息中

同兩個食肉獸朋友約食飯 本來想 book另一間多啲好評既韓燒 但係 full左，咁見呢間都多好評 咪走去試下 ， 點知比好評呃左，同朋友一致認為係伏，仲要價錢唔平。我地一行三人叫左個$8**既套餐 有牛有豬有雞 有少量海鮮同魚扒， 首先啲前菜泡茶芽菜都正正常常，但啲燒物真係完全唔掂， 牛冇牛味 豬冇豬味 魚有腥味，最重要係冇調味! 仲要啲肉一上黎係暗紅色，似放左勁耐，同埋燒出黎乾爭爭 好難食，自問煮野食都唔差，真係巧婦難為焦米炊。乾都唔緊要，冇味都唔緊要，咁我咪點醬油囉，點知醬油都係冇咩味 我有錯覺以為食緊醫院啲健康餐。總之呢間店啲好評我地真係 r爆頭都諗唔明點黎。