OPPA韓國燒肉店 (已結業)

食牛肉最重要的是重牛味及重分量 ，一般餐廳提供的只有8安、12安、16安及24安的分量，但我要求高、食量大，我喜愛的是 *(無限安)*，所以非食放題莫屬。有次偶然和太太途經大埔一間牛肉放題燒烤店令我從此喜歡上大埔。首選要環境好坐得舒服、份量要夠才食得滿足、出品要好新鮮又好味，當然價錢又要合理喇。位於大埔直街的韓式燒烤放題除了提供 A4和牛及其他牛肉部位外，我最讚賞的是他們免費提供酒精濃度由4至12度的多款美味果酒，這絕對能令你今晚醉上一回，而多款半價的手工啤又是昇華你的口感選擇，又絕對能令你滿醉而歸，當然喇！你不能再自己揸車回去。除了店家免費提供的醉蝦、深海虎蝦、蒜蓉鮑魚及多款美食外，值得推介的是 牛骨雪濃湯及蔘雞湯 與及表面平平無奇的豬腩肉條，包你一試傾心，從此放棄減肥。 飯後甜品是 *Haagen-Dazs* 及 *Movenpick* 雪糕，又是店家值回票價無私的奉獻。*溫馨提示*，因為是新開店，趁沒有太多人發現，快快去嘗試一下，以免日後排長龍。

牛魔王大埔重現，原以為韓燒放題不外如是沒有驚喜 ，但前晚和朋友到大埔直街一間新開的韓燒放題試一試，結果被一碟澳洲和牛金錢展 K O，真係非常之正！店內的主題裝修有創意，環境舒適寬大不覺焗促，在完善的抽氣系統下不會油煙四散滿佈全身已經值得加分，再加上重音樂配搭下令人食勁大起，胃口大開。店內多款果酒全是任斟任飲任你攞，手工啤酒又半價，在我完全沒有準備之下，店家又奉上兩杯紅酒及白酒，累得我要坐的士回去，所以奉勸跨區的朋友不要開車過來免得醉醺醺的給交通警員開罰單。一開始奉上的除了是應有的各類調味醬汁外，專業的店家在牛肉盛器 木版上寫有每份牛肉的各種部位的名稱，如牛肩胛,封門柳,牛肋骨,下腹腩,三角腩,牛排骨,牛舌和金錢展等等，好等食客品嚐首輪美味的牛肉後可以任意精確的加添。店家免費奉送的醉蝦,虎蝦,及蒜蓉鮑魚仔值得推介，另外看似平平無奇但份量十促的豬腩肉更是一絕，不能不試，一定要起雙飛。

朋友生日飯，就近去左大埔，原本諗住食其他嘢但係見到韓燒太吸引於是就即興入左去食！好彩有位！兩個人揀左弘大燒肉放題一開始會送一個高級牛拼盤🤩🤩🤩😋同埋一人一個生蠔🙀咁dum本嘅appetizer我真係第一次見🤣d肉上到黎真係正到我同friend都哇哇聲因為首先佢嘅賣相好靚其次d肉嘅質素真係唔話得每一啖都入口即化咁 最推薦係無骨牛肋骨💯超嫩其他正常嘅韓燒小菜都會有食完高級牛就可以開始叫其他放題嘅肉類，呢個五花腩都十分掂仲有熟食類最後仲有得揀個哈根大師做甜品😆食完兩個人真係扶住個肚出餐廳🤣

大埔人想食燒肉？唔洗走到好遠既市中心附近都已經有得食😂而且仲幾高質👍🏻👍🏻今次已經係第二次去食質素keep到可以繼續番兜👍🏻....今次點左個江南海鮮燒肉放題除左手工啤之外其他都係任點任叫頭盤先嚟咗個牛全宴有黑毛和牛肩胛黑毛和牛三角腩澳洲和牛下腹+牛舌牛排骨、牛肋肉等等好豐富全部都好好食個人覺得最好食係個牛肩胛好重牛味而且入口即溶推👍🏻👍🏻....另外仲有個海鮮拼盤同大大塊豬腩肉海鮮拼盤有帶子鮑魚螺個鮑魚最有驚喜豬腩肉睇相都知道好正脂肪肉嘅比例一比一肥死都要食....另外仲叫咗啲雞肉豬大腸羊架等等呢幾樣都可以試吓但當然主力係食返啲牛啦....值得一提嘅係呢個餐可以任飲紅白酒啲紅白酒唔係低質素呢個價錢絕對係值飲左幾杯👍🏻....最尾每人仲會送返杯Häagen-Dazs雪糕所以呢個放題絕對係抵食可以再翻兜

入到大埔見朋友，佢話要帶我食好嘢，今晚不醉無歸。同我飲酒，佢究竟返唔返到屋企架⋯⋯闊大嘅空間，好有返咗韓國嘅氣氛。點左個江南海鮮燒肉放題每位$368先來一大盤日本．澳洲．加拿大靚牛，牛嘅唔同部位都食到，每個旁邊有張紙仔，鍾意邊款都知道叫乜嘢叫，reorder 最方便。和牛雪花靚，澳洲牛味濃估唔到佢仲有醬油蝦食，好大隻蝦，醬油甜口燒肉又點可以冇五花腩呢，呢件肥瘦均勻，包菜加蒜頭食一流海鮮有鮑魚仔．螺．同埋大大粒扇貝，全部都好新鮮，燒一燒就食得。手掌咁大隻虎蝦已經開邊，燒一燒彈牙鮮味。唔單止海鮮燒牛肉任食，佢啲啤酒燒酒氣水全部任飲，今晚簡直去咗韓國咁，燒啤，炸彈齊晒！

任食A4日本澳洲和牛，海鮮頭盆任食，基本上係無敵，最緊要係佢有齊TOKTOK同5隻果味燒酒韓國超人氣飲品任飲！仲有隻人氣日本沙冰生啤酒都係任飲，抵到無朋友。基本上有四個大飲品雪櫃嘅有酒精無酒精飲品任你揀。地方超大唔怕多人無位。個和牛拼盤用一個牛形拼盤，再放埋唔同部位嘅名牌，食過啲咩，再重覆叫嘅時候就唔怕唔知點叫。海鮮都非常新鮮，虎蝦，鮑魚，帶子，蟹腳，基本想要嘅都齊。仲帶紐西蘭羊架，神戶黑毛豬，豬大腸。韓式料理又有部隊Shake Shake飯盒，雪濃湯，蔘雞湯，炒年糕等。今次真係不醉無歸啦！

久唔久都會燒肉癮起想食下燒肉, 大埔北區選擇唔多,當癮起都會到呢間 Oppa 燒肉用膳, 之前未有放題時食過幾次，都覺得食物質素尚可，昨日見依家餐廳做放題就再黎試下，食物都係 keep 住一般水準，但係值得一提就係某侍應態度可以衰到冇人有，除咗一入鋪介紹餐牌果位員工(好似係經理)比較慇勤之外，果兩位一肥一瘦男女員工簡直係極品，開頭我以為佢地係啞的，十問九唔應，落親單都漏，擺到明係 hea 落，追單又唔應，追到兩三次先答 "整緊" !?間鋪已經唔係多客，d 燒肉都要半個鐘整？而我終於知道果個女侍應唔係啞嘅。想同果兩位侍應講，其實唔想做可以唔做的，出面大把工請人，搵份自己想做嘅無謂辛苦自己，幫公司倒米，都唔係要求你有 d 咩五星級服務，但可唔可以有番 d 基本嘅禮貌呢？

大埔食街果然係名不虛傳今晚去大埔尋寶短短2-3條街竟然有二十多間唔同種類嘅餐廳主要係以日式居酒屋, 韓燒, 雞煲為主最後我們一行二人都比呢間韓式燒肉放題所吸引$268一位任食兩小時當中最吸引是佢有一板牛肉即係一板當中有唔同牛嘅部位A4黑毛和牛肩同A4黑毛和牛三角腩就冇得再order 肉質十分嫩口燒到五成熟即可不過呢兩款牛肉就不是任食只按人數俾一次而其他牛肉部份就有無限添加整體食物質素不錯係少有放題而有咁高質量一開始仲會按人頭有一隻生蠔送啤酒汽水只加多$40亦可任飲而最後亦有雪糕甜品可選🤗

今次再試左二百幾+$30汔水任飲放題，所有肉質真係無得輸，上第一輪食物時食物盤已經好吸引，每款也寫得好清楚係小紙上面，等客人第二輪再叫時就清楚好多啦，所有牛肉類和五花腩也是相當出色好味，唔可以唔試。

今次黎到OPPA韓國燒肉大埔店，比我嘅第一感覺係空間幾闊落，枱同枱之間距離十分足夠。幾個朋友坐埋一齊一邊燒肉一邊傾下計郁下唔需要迫埋一齊。食物質素同出面好食嘅韓式燒肉不遑多讓，可以揀返唔同嘅部位，其中有d牛會用醬料醃好，燒完香噴噴又幾惹味。除左肉類之外當然仲有海鮮啦，開頭會送d飽魚虎蝦帶子呀，食得幾滿足。尤其係虎蝦大大隻再開邊，唔會有燒到出面熟入面生嘅情況。野飲方面我認為係大加分位，唔同口味嘅韓國果酒任君選擇，果酒唔啱飲嘅果汁紅白酒手工啤又得得左。一大班fd子聚下傾下計食野飲野呢度幾唔錯～

一入到鋪頭完全沒有招呼，只有一名女士應用隻手指指你坐嗰張枱，啲嘢食完全沒有味道又唔新鮮，成個場得兩個人做嘢，有冇禮貌又發脾氣，都唔知你咁多嘅好評係咪用錢買返嚟，垃圾👎🏻👎🏻👎🏻👎🏻👎🏻

餐廳環境❤️每張餐桌上都有個抽油煙機，而且又有圍裙供應，對於我呢d又怕油煙又怕整污衣服的人黎講，簡直係恩物個爐盤係斜斜地，多餘的油會溜走， 設計新穎細心。服務態度❤️一入門口，員工會主動介紹唔同嘅食品畀我。當上菜之後，又會主動解釋每一片牛肉之部位要燒嘅時間， 當見到你個爐盤有鑊士嘅時候， 會主動幫你換，非常貼心！食物質素❤️食物種類選擇繁多，最主要係食牛， 仲有唔同類型嘅海鮮， 虎蝦帶子生蠔任食， 飲品選擇亦都好多， 而且仲有白酒紅酒韓國燒酒等，最正嘅係和牛下腹腩， 脂肪比例分佈平均， 入口即溶！任食黎講可謂相當高質👍🏻

在大埔踩完單車後，揾放題美食叉下電先先來每人一隻生蠔作一份前菜然後上一盤頭盤-有A4黑毛和牛肩胛、A4黑毛和牛三角腩、澳洲和牛下腹腩、澳洲和牛牛脷、封門柳、鹿兒島牛柳粒、加拿大牛排骨、無骨牛肋肉，多款牛肉均標籤部位，方便我地想再食邊款都可以再加單任點食燒牛肉唔怕油膩，因為已準備好一盤生菜俾我地，再配上蒜頭、青椒、紅椒及醬汁夾在一起食很爽呀，不經不覺食多咗幾舊和牛韓式炸雞新鮮炸起熱辣辣，內嫩有肉汁除和牛外不少得其他肉類-雞肉香腸、雞腎、豬頸肉、牛柳粒、雞翼，海鮮-八爪魚、魷魚都有得食韓式餐必飲番碗泡菜豆腐湯，豆腐幾大件，還帶點辣真露蜆湯，蜆肉鮮甜，還帶點酒味有朋友與我分享韓式米酒牆上的的話幾Cutie，地方闊落，有條煙通抽走啲油煙，食韓國燒烤最緊要唔大油煙有靚和牛任食我地充滿電喇

今晚約咗食燒肉放題，每個月約出嚟食一次好嘅靚牛肉，因為我哋幾個都係牛魔王。大埔媽咪揀咗OPPA，最出名係高質和牛燒肉海鮮放題，既然我哋一場黎到就梗係食好啲啦，江南海鮮燒肉放題$ 368。店員介紹可以任食和牛海鮮頭盤，而 Order 紙上的食物一樣可以無限添加。一邊燒烤一邊食真係口喝㗎嘛，所以可以有埋飲品放題真係抵食到超飽的。我哋一嚟就食最貴嘅 A4 級既和牛，有日本又有澳洲，我覺得越肥越好食,脂肪紋靚到咁就最正喇！ 脂肪分布平均，輕輕煎一陣已經急不及待放入口，果然係入口即溶。除咗肉仲有海鮮，深海虎蝦好似手掌咁大隻，肉質靚。仲送韓國特色醉蝦，蝦肉彈牙有酒嘅香味！另外附送帶子一大份，肥大肉厚，直情刺身級質素。平時我都好鍾意食韓國芝士，拉絲效果好正喔！食到最後最邪惡嘅東西就係 movenpick 雪糕, 雖然一個月先食一次甜品對自己好啲啦！又好食又抵食我哋一定會再嚟幫襯！

突然美女艾華相約晚膳，受寵若驚！梗係立即應約啦。重來傷心地，當年想租此舖位竟然被 Oppa 橫刀搶掉，時也命也。人頭擁擁要耐心等一下才能入座。首次到訪細閱餐牌，唔想諗呢，是但套餐吧。沒有醬油蟹供應，失望。基本助料，烤肉醬、岩鹽、淡醬油，特別送上青紅尖椒絲。兩位贈送三小碟前菜，泡菜、昆布、大豆芽。泡菜，輕輕的酸辣爽脆。昆布，麻香有趣。大豆芽，咸香多汁，趙到索索非常過癮又好好味呢。泡菜烤蛋，短短單邊？那麼好快食晒咪有排等。嫩蛋加爽脆微辣泡菜，十足菜甫蒸蛋，好搞笑。我寧願食淨蛋，撈飯一流。真露原味，真怒！當然要狠狠地灌杯杯清啦。4 色冷麵，全熟蛋、泡菜、大豆芽、紫菜、青蔥、青瓜、雪梨汁、甜辣醬。麵質跟食開的不同，不是嚥韌彈牙，另類的爽滑感覺。湯底味道甜甜酸酸夠開胃，加上惹味甜辣醬，夾雜所有爽脆配菜啜入口，味道始終都係麻麻地，而且份量偏少，兩啖消滅。都係自己燒最好，侍應幫緊您燒既時候都要離開忙其他工作，經常會 over cook，記得自己睇火喇。牛小腸，極似牛粉腸，勁肥勁油，麻麻地。A4 日本和牛，依度最貴既牛扒索價 $288 個大洋，色澤嬌嫩粉紅，油花均勻吸引。和牛天生味淡而牛油澎湃，口感油