影片
開飯介紹
提供日式浜燒水産黑門市場的地道特色小食、海鮮、時令食材等，款款新鮮美味。此分店設有1人座位，照顧不同食客需要。
繼續閱讀
營業時間
今日營業
12:00 - 15:30
17:30 - 23:30
星期一至日
12:00 - 15:30
17:30 - 23:30
以上資料只供參考, 請與餐廳確認詳情
有關餐廳
有關獎賞計劃
出開銅鑼灣，順便嚟埋呢間save低咗好耐嘅餐廳食飯，都幾唔錯餐廳位置旺中帶靜，佈置非常日式，唔講又呃到人我去咗日本海膽蟹味噌甲羅燒我會推介呢個係必食item!! 好打卡able，足料、口感一流，重點係海膽好大嚿！每一啖都係蟹籽粒喺口中爆開+海膽嘅咸鮮味，仲撈埋隻鵪鶉蛋，好滑不一啖上去梳打餅上面咁食法唔會太漏，非常精緻睇住佢慢慢烤熱，就算同怕食生嘅人嚟食應該都會好安心（btw今晚咁啱見到有啲年紀比較大嘅長者都嚟食haha)北海道蜜柑鯛薄切刺身名符其實嘅薄切刺身，好薄但都好多片，配搭個醬汁唔會蓋過佢原本嘅味道，very nice~黑門令龍蝦湯煮海鮮睇menu見到呢個係人氣之選，點啱咗而家坊間嘅海鮮鍋好濫，是但比啲急凍嘅又賣到好貴，呢碟就唔同！睇落差唔多嘅海鮮，但一食就知唔係啲普通嘅海鮮，有咬口! 而且大致上都係每款兩件，兩個人一齊食好方便,同埋最後嗰啲龍蝦湯真係好濃郁，好似順便點埋個湯飲咁至於有咩海鮮就睇相啦：燒雞腎（一串）配埋杯Asahi生啤，更有日本居酒屋feel!壽司小卷呢度嘅壽司都有好多款，我揀呢個，食完都唔怕太飽，冇咁有罪惡感！磯燒芝士魚蛋呢個夠晒特別，第一次食到，係有香港魚蛋特色+日本燒烤芝士小食咁🧀總括嚟講，啲食物唔只賣相靚，味道都好好價錢都係講緊二百零蚊一個人咁上下，開喺港島旺區食材又高質，算係抵食了！
繼續閱讀
日式的裝修好似真係身處係日本嘅居酒屋，勁Chill。枱與枱之間亦有足夠嘅空間，即使多客都唔會覺得逼，牆身仲有好多宮崎駿嘅壁畫，真係好靚。# 黑門鰻魚玉子燒蛋皮薄又柔軟, 一食覺得蛋好滑又濕潤，唔會煎到乾晒，入面包住嘅鰻魚肉入口即溶，口感十分好。而蛋嘅柔軟同鰻魚配搭得好好，調味亦唔會話太甜或太鹹。#焦糖蘋果鵝肝多士煎咗嘅鵝肝食落好綿，中間嘅蘋果片好清新，再加埋本身焗到好鬆脆嘅多士，加埋嘅口感好特別。鵝肝嘅味道好出，而蘋果嘅酸味啱啱好地中和返成道菜嘅味道令到唔會覺得好膩。#黑門令蟹味噌甲羅燒一上菜已經覺得外觀好吸引，師傅仲會幫你燒埋，仲好細心會問蒜粒幫我落埋定遲啲自己落，因為本身鍾意食蒜頭，所以直接叫師傅煮嘅時候落埋。雖然落咗蒜，但完全無蓋過咗蟹肉同蟹膏嘅味好鮮味，平時出去食有時都會食到好聲嘅甲羅燒，但呢個完全無，好好食。煮完個份量都好多，好想要多塊餅去襯返。#鐵板宮崎柚子胡椒香蔥牛舌心可能因為鐵板上，所以一上菜濃郁的黑胡椒嘅香氣已經即刻撲鼻而來。一開始以為牛舌心嘅味道會被佢蓋過咗，但完全冇。牛舌心本身嘅牛味好出，配埋個黑椒汁，反而覺得好夾。而牛舌亦煮得啱啱好，肉質好嫩唔會好韌，肉汁又多汁。啲配菜亦都同個味好夾花。#椰子雪葩最後仲叫咗個甜品，用椰子殼包住嘅質地細膩滑順椰子味雪糕。雖然雪糕入邊冇椰果肉，但係椰子味好濃郁。炎炎夏日，呢個簡直係不二之選。中意椰子味嘅真係可以試吓。#柚子檸檬梳打柚子蜜好足料，檸檬嘅酸度啱啱好中和番柚子蜜嘅甜，食住咁多好野，加返一杯清爽嘅柚子梳打真係啱啱好。總括而言，食完會番尋味！會想再去食，仲要人均只係200幾一位，真係好抵食！
繼續閱讀
海膽蟹味噌甲羅燒甲羅燒入面有海膽，蟹肉，蟹籽，蔥花同鵪鶉蛋，燒熱後混合味噌，鹹鮮味十足。塗上餅乾，蟹籽口感一卟一卟，而且口感脆脆的。什錦天婦羅有六款天婦羅，包括炸蝦天婦羅，南瓜天婦羅，地瓜天婦羅，冬菇天婦羅，茄子天婦羅及青椒天婦羅。我特別喜歡地瓜天婦羅，因為炸粉裹得很薄，而且地瓜很甜。😋 青椒天婦羅坊間少有，值得一試。深海池魚刺身四片池魚刺身切得厚薄均勻，魚肉嫩滑鮮甜，並不會腥，賣相吸引。黑門三文魚加州反卷每一件反卷上面有大約兩件三文魚，有大量蟹籽包裹著漬飯；漬飯包裹着玉子燒和牛油果，味道清新。餐廳位置容易尋找，而且店面裝修精緻，人均消費大約$200，性價比高。
繼續閱讀
同朋友喺銅鑼灣附近行完街，見到呢間裝修好有日式嘅餐廳入咗去食。平時好驚啲餐廳入面多人嘅話會好嘈，呢度啲枱之間嘅距離都算多，唔會聽到隔籬枱傾偈講啲咩，亦都唔需要好大聲咁講嘢。坐得好舒服。問店員佢推介啲咩，佢介紹咗我哋食甲羅燒，係佢哋嘅招牌菜。跟住我哋仲叫咗個三文魚加州卷，牛肉金菇卷，腩肉車厘茄卷，同埋燒銀鱈魚。為返就兩百幾蚊一個人。 加州三文魚，裏面有啲牛油果，面頭有好多蟹籽，仲有三文魚子，味道好豐富！ 唔會錯嘅選擇！牛肉金菇卷，調味唔會好鹹，我好驚出面食串燒，師傅會落勁多調味。呢個啱啱好。 同埋整到個大細係 bite size , 唔會食得好le hea.腩肉車厘卷，係我平時食串燒嘅至愛底，青卷多汁少少酸，中和番腩肉嘅油膩感，一啖咬落去爆汁。好食。最後去到銀鱈魚，都係燒得皮脆，肉質好嫩滑，一夾落去，啲汁就開始流出出嚟。
繼續閱讀
想感受下日本風情黎呢到就岩哂🤩店內環境完全還原日式居酒屋嘅裝修好似走咗入銀座既居酒屋咁靚！呢間店提供黑門市場的地道特色小食、和牛、海鮮、壽司刺身同各種時令食材，全部食材採自日本，新鮮空運到港😍今次黎試一試佢係咪真係100%還原係日本食！大阪木津海鮮丼 $238呢個豐富嘅海鮮丼，有甜蝦、海膽、三文魚子、蟹籽、油甘魚、鯛魚、拖羅、帶子、芥末八爪魚、玉子仲有香到驚艷我既赤醋飯！本身唔鍾意食酸嘢嘅我都覺得呢個飯好好味仲配埋啲紫菜類似飯素嘅嘢識識吓好快食晒成兜！魚生全部都堅新鮮，樣樣都鮮甜最讚係三文魚知食得出唔係急凍貨喺新鮮嘅北海道三文魚子！好鮮甜🤩海膽蟹味噌甲羅燒 $128甲羅燒係餐廳招牌之一，今次加左海膽，鮮味好濃，以梳打餅拌甲羅燒，更加食到濃郁蟹膏味，再加上海膽，入口更加 creamy除左海膽，仲有明太子同蟹膏款可以揀～仲有專人幫你燒埋🤫豚骨湯牛肉稻庭烏冬 $108 食日本嘢最鍾意最後叫碗烏冬或者拉麵暖下個胃～呢個牛肉薄薄地入口即溶又香牛味仲有大量櫻花蝦同炸蒜增加左咸鮮味！湯底好濃又鮮甜😋大滿足提燈串燒$48好難得喺香港見到有呢個價錢嘅提燈食！雙眼發光🤩「提燈是雞的卵巢和未孵化的蛋，連在一起穿在一條竹籤上一整串提溜起來，看起來就像是一盞提著的燈籠，因此得名。」個蛋黃相信係人生食過最濃郁最嫰既蛋黃🤤
繼續閱讀