OMG Chicken (已結業)

放假去將軍澳海濱散下步，唔講唔知開咗咁多食肆！係donki嘅商場出面有一列商店，抱住八卦心態行入d，見到一間omg chicken 門口掛住隻尖叫雞咁有趣，就吸引咗我去食。店內整潔，光線充足，有單人吧枱，夠哂私隱。自家製燒烤醬半隻燒雞雞肉嫩滑多汁，份量偏小，燒烤醬濃郁入味。OMG pizzapizza十分驚喜，餅底鬆軟得黎又有咬口。水牛芝士份量足，外賣雖然冇拉絲，但相信堂食熱辣辣味道更佳。雞肉同車厘茄配搭天衣無縫！炸雞軟骨，唐揚脆炸魷魚，薯條炸物因為外賣關係所以口感欠佳，但粉醬薄，味道正常，值得堂食再試！飲品只有汽水和橙汁，建議可以提供更多選擇。

放工來到將軍澳海旁那邊與朋友食晚飯，不想食得太貴，所以想找間比較便宜點的餐廳，和朋友食個飯傾傾計。行行下，發現了這間專食烤雞似的「快餐式餐廳」— 「OMG Chicken」。OMG 是以Fast food store 的形式來經營，食客都是自助取餐及執拾盤碟。Menu 都很清楚地用上顯示屏上投影，食客可以在餐廳外面就一次過看整個餐牌，一目了然。要重點強調OMG 的套餐實在比起鄰近的餐廳抵食，我們兩人都是單點套餐，再加上Combo，兩人再share 便會是非常之足夠。⟁ 1. 半隻燒雞 （加沙律）話明OMG Chicken，來到當然要食這裡的燒雞。一人餐有半隻燒雞，份量其實都相當大件，我就要了OMG自家燒烤醬，燒烤醬會塗在燒雞上，所以其醬汁味道會融入在整份燒雞中。熱辣辣的燒雞，皮香肉滑，比起K字快餐店的雞塊質素高得多。沙律就特別有香橙作為topping，所以食落就會帶點甜甜酸酸的感覺，食過沙律後更加開胃。⟁ 2. OMG Pizza （加薯條）另外一個餐就點了以餐廳同名的Pizza，兩個人食order 8吋就剛剛好。OMG Pizza 的配料分別有車厘茄、雞肉、車打、蕃茄醬和水牛芝士，配

幾乎每次去Donki都會發掘附近嘅新餐廳，今次喺OMG chicken揀咗佢哋嘅2人餐貪佢睇落都幾豐富，唔單止有朋友想食嘅燒雞仲有我想食嘅pizza，套餐入面有半隻燒雞、8吋薄餅、薯條、2隻雞翼或者沙律(二選一)、2片蒜蓉包同兩杯飲品！燒雞：雞肉嫩滑肉汁豐富一啲都唔會嚡，唔需要點醬汁都已經好食！醬汁有幾款可以選擇，我哋揀咗OMG秘製辣椒醬，醬汁酸酸辣辣有啲似泰式辣醬咁非常惹味👍🏻OMG spicy pizza：有辣肉腸、雞肉、車打芝士同意大利臘腸，材料好豐富配上蕃茄醬每啖都食到滿滿嘅配料，批底有嚼勁，連pizza邊都充滿麵粉香❤️蜜糖雞翼：雞翼熟度剛剛好，表皮有滿滿嘅蜜糖，入口香甜惹味又juicy 😋蒜蓉包：勁香蒜蓉味又脆卜卜，真係好食到想食多幾片😍食物全部即叫即整熱辣辣，食到捧住個肚走每人都唔洗一百蚊，真係好抵食！！

前排屋企人去了將軍澳海旁走走，經過見到間新開，型格又幾熱鬧的餐廳，就建議買外賣回家吃。有雞又有pizza食的2人set都只需$168，而且好豐富，真係好抵食。2人餐包的半隻燒雞可以自行配搭不同的醬汁，但重點是雞肉燒得好香同好嫩，完全唔會好乾身的感覺，雖然只是半隻雞，都啖啖肉。點了truffle mushroom pizza，好多菇之餘好香黑松露味，配上好濃的車打cheese香味同麵包質感的pizza皮，幾高質，性價比高。套餐的蒜蓉包好脆，最開心的是用了有薯仔皮、同惹味調味的粗薯條，口感好好。還有新鮮沙律和有汽橙汁飲，呢餐抵食得來大🈵️足～

《OMG Chicken》🍕OMG Spicy PizzaWoo呢個pizza一焗起充滿芝士香，鋪滿配料嘅pizza真係特別吸引🤤個pizza係薄批，批底薄得嚟都幾煙韌，加上辣肉腸同埋粒粒雞肉，好足料，無得輸！.🍗燒雞半隻（普通辣）揀咗秘製辣椒醬，少少辣食落好惹味，雞肉堅嫩滑，又帶點烤焗過嘅焦香，我地爭住食🤣.我地食嘅係$168嘅二人餐，仲有配薯條、蒜蓉包同沙律㗎，餓底同朋友都飽到攬住個肚🤤所以呢個價算係幾高CP，呢間已經bookmarked 下次encore🥳🥳🔺🔺🔺🔺🔺🔺🔺🔺🔺🔺OMG chicken將軍澳澳南海岸唐俊街23號MONTEREY Place 地下G23A號舖🔻🔻🔻🔻🔻🔻🔻🔻🔻🔻

新年前去Donki辦年貨，去之前緊係要食咗野先有力去攞野啦！南澳附近開咗好多新餐廳，今次就㨂咗主打雞嘅餐廳。唔想諗咁多就㨂咗2人餐$168，都有幾多野架，份量唔少，超飽！半隻燒雞 (蒜蓉蜜糖汁) - 雞好香滑，加埋醬汁👍🏻蒜蓉包 - 即叫即整，蒜蓉味濃薯條 - 好脆身Pizza (pepperoni) - 即叫即整，熱辣辣，當然好味沙律 🥗 - 醬汁好味，好開胃2杯飲品 - 食快餐當然要飲汽水整體唔錯，服務態度好，餐廳乾淨，抵食，2人餐份量，夠3個人食，值得一試！

將南最近都非常熱鬧，在海邊散散步，還可以租借共享單車，環繞海濱一圈😎😎黄昏時分，看著日落美境。日式超市附近有很多特色餐廳小店 ，選擇了新開的韓式炸雞店。餐廳乾淨簡潔，而且假期也有套餐 ，只不過是百多元OMG秘製辣椒醬炸雞店員推薦的秘製辣醬炸雞，果然很惹味，而且肉質嫩滑，多汁又入味。煙鴨胸pizza細細個8吋pizza，2人品嘗啱啱好 ，有點日式風味，鴨胸加大葱+和風醬汁，餅底 煙煙靭靭。新鮮生菜沙律蔬菜新鮮感覺清洗乾淨， 有生菜🥗+甜柑🍊+蕃茄🍅，醬汁清爽開胃。蒜蓉包+炸薯條香脆可口蒜味香濃，薯條份量很多，滿滿一盒 ，好底食。

今日同朋友去海旁度食嘢，比我發現到依間高質嘅西式餐廳💗 我一向都對食雞有好高要求，但依間餐廳完全滿足到我嘅要求，因為燒雞真係勁好味😋同朋友一齊叫咗一個二人餐，分量十足裏面有蒜蓉蜜糖汁 半隻雞超級推介食呢度嘅燒雞，勁香勁好味，一咬落去好多肉汁，而且雞肉好嫩滑💟 上面配上好香口嘅蒜蓉燒汁，成個味道勁夾，勁滿足另外仲有薯條一份同埋蒜蓉包兩片薯條同普通嘅薯條有分別，因為上面加咗依間餐廳特別嘅辣粉，但其實食落去唔辣，反而好香口蒜蓉包都係高水準嘅發揮，我嘅最愛😚仲有沙律添！沙律勁fresh🤩最後仲有一個J. Thousand island chicken pizza八吋份量超級多，底下嘅pizza皮勁好食，裏面仲要落足餡料，上邊加咗千島醬，好味又飽肚😋

早幾日，同好友去咗將軍澳海旁踩單車，經過一間新食店試業期間，專賣燒雞的，即刻走入去幫襯下。我們點了一串珍寶雞肉串（蒜蓉蜜糖汁）薯條套餐、雞肉卷、炸雞軟骨珍寶雞肉串套餐（$58）：雞肉串真的是珍寶size, 很巨型，每塊雞肉之間都夾住青椒及洋蔥，除了有蒜茸蜜糖汁的甜味還夾雜這兩種蔬菜的香味，好正。薯條好厚身，還有薯皮，很喜歡呢個厚度，炸得不會燶，還預先灑了七味粉，好味。雞肉卷（$48）：雞肉卷內有生菜、洋蔥、沙律醬、雞肉片，因為雞肉很多汁，所以食嘅時候要小心啲。炸雞軟骨（$36）：份量很多，炸得酥脆，香口。

雞，全部都係雞。尋日同朋友係將軍澳食完下午茶決定要食多個下午茶。行行下俾呢間店門口隻雞吸引咗我入去，入面有好多用雞做主題嘅畫，好可愛。望到價錢幾平就試下啦！Oh My G (雞)!半隻燒雞 ($58)半隻雞都唔會好細，雞肉多汁入味。我揀咗蜜糖蒜蓉汁，勁香。除咗呢嗰味仲辣醬、燒烤醬同埋霹靂汁。其實隻雞夠Juicy，唔點醬都好食。好啲好奇霹靂汁係咩嚟，佢嘅英文係Pig Leg Sauce。OMG Chicken Pizza ($58 8 inch)呢個PIZZA有車厘茄、雞肉、車打、蕃茄醬、水牛芝士，勁足料。芝士味好重，加埋濃厚嘅蕃茄醬食得好滋味。表面仲有啲香草，食落幾香，有冇人都會食？我試呢個係八吋，十二吋都只係$98咋！跟餐配菜＋飲品 (+$18x2)配菜可以揀沙律、薯條同黃飯，我揀咗薯條。即炸嘅粗薯條好脆，表面仲有啲香粉，味道豐富。有冇人都中意食粗啲薯條？我唔中意飲汽水，所以見到嘢飲有得揀果汁先生橙汁好開心！ 注意試業期間只收現金，附近都唔見有ATM，所以記得帶錢嚟買呀～

OMG CHICKEN今日收工就走左將軍澳諗住星期三有超市優惠， 去開附近當然又係要搵食先啦見到依間餐廳新開，仲要主打燒雞半隻燒雞依隻燒雞都幾好味今次叫咗彌勒食落口肉身到幾滑珍寶雞肉串果然係珍寶嘅雞肉串佢哋嘅雞肉大大件配咗青椒食落去好好味跟餐配左沙律同埋薯條佢哋嘅薯條上面仲有辣粉味道好好味同出邊嘅薯條唔同就算係外賣都好好食整體二間餐廳嘅食物同埋質素都唔錯果然將軍澳依幾年係多咗好多新派嘅食物依間餐廳絕對都算係宜家外賣時間選擇其中一個唔錯嘅choice

呢日喺將軍澳覓食，圍住Monterey Place行過圈，行吓望吓，見到呢間小餐廳，光猛整齊乾淨企理，有Pizza食，有啲興趣，咁就入去開餐😋叫咗$58嘅OMG Chicken Pizza 8吋, 加$18要咗House Salad, 套餐包一杯嘢飲，咁我叫咗Cream Soda😁好快食物就ready, 自己出去櫃檯攞。呢個Pizza當然有雞肉，仲有火箭菜、芝士、蕃茄、番茄醬，幾香口幾好食😋。House Salad新鮮又好味，個Salad Dressing鹹鹹地仲好似有啲芥末味，好開胃😋

食完下午茶之後，喺附近買外賣返屋企食，就叫咗個二人餐。二人餐 $168二人餐有幾多嘢食，包括一個八吋Pizza、半隻燒雞、兩隻雞翼、薯條、蒜蓉包同埋兩杯汽水，幾抵食。OMG Chicken Spicy Pizza呢款pizza有辣肉腸、雞肉、車打芝士同埋意大利臘腸，好足料，而且啖啖肉😂啱晒食肉獸🥩呢款pizza係厚底，但唔會過乾或者太硬，口感幾好。好多芝士加埋番茄醬令pizza更香又有啲濕潤感。半隻燒雞配蜜糖蒜蓉醬呢隻燒雞size都幾大隻，搣開嘅時候有肉汁漏出，而且雞肉嫩滑幾Juicy，唔會’鞋颯颯’😝 而燒雞本身帶有一陣燒烤味，所以唔需要刻意點醬都夠味。蜜糖蒜蓉醬有啲似M記嘅泰式辣醬，甜甜酸酸，令你更加開胃🤤雞翼雞翼同烤雞嘅味道相近，size都幾大隻🐥薯條薯條份量比我想像中更多，薯條係粗薯條，每一條薯條都會沾上香辣粉，食落去就更加香口。蒜蓉包蒜蓉包依然脆卜卜，幾濃蒜蓉味🧄🧄🧄食物質素唔錯之外，相信現場即時食一定更正😢 幾欣賞佢嘅外賣包裝。因為包裝得好整齊，啲汁醬或油完全冇漏。另外，佢會提供即棄手套，如果你想坐係海濱到食都可以。

在旁邊店吃完下午茶，附近不少新店進駐將軍澳這邊，順道買些外賣回去。小店以雞為名，吃的都是各款雞，烤雞、炸雞等。餐牌供應整隻雞、雞串、雞肉卷、薄餅。這個有單點或是套餐，套餐包括沙律、黃飯或薯條。沙律混合水蜜桃，酸酸甜甜，很開胃，而且吃完那麼多肉，還是選一些較輕盈來吃吧。半隻燒雞試試真功夫，形狀大小很可愛的小春雞，烤得蠻香口惹味。而最有特色的莫過於是配雞一起蘸來吃的醬汁。選了餐廳最有特色或代表性的，OMG秘製辣椒醬，而且是加碼的勁辣。雖然越吃越辣，但是吃得蠻過癮呢。飲品點了杯橙汁，喝下去嚐得出是新鮮的果汁，而非樽裝那些。

//將軍澳Foodie又嚟啦//試吓海旁嘅一間西式平價快餐🍔🍟🍕🥤今次係晚市二人餐外賣自取$168·✨半隻燒雞🍗醬汁可選OMG秘製辣椒醬/自家燒烤醬/蒜蓉蜜糖汁/香霹靂汁，我哋就揀咗蒜蓉蜜糖汁🍯🧄半隻燒雞都幾大隻，個汁同雞幾夾，雞肉食落都幾juicy唔錯，外賣返到屋企嘅時候仲熱辣辣♨️·✨薄餅八吋🍕薄餅都有幾款選擇，我哋就揀咗松露蘑菇薄餅，個薄餅係配白汁唔係番茄汁，同埋都幾多芝士，食得出少少松露味但唔算多，薄餅底屬於厚底，有咬口幾鍾意😚·✨薯條🍟用嘅係曲薯，同埋落咗辣粉，幾惹味🤪·✨沙律/雞翼兩隻揀咗沙律健康啲咁，蔬菜都新鮮，幾清新🥗·✨蒜蓉包兩片蒜蓉脆包，係脆到索索聲嗰種，好香蒜蓉味·✨汽水兩杯杯裝，非罐裝·🌟正常質素，住將軍澳嘅朋友想試都可以一試