OMG Chicken (已結業)

同媽咪行完將軍澳DONKI 後，一路海邊行，唔想食貴貴餐廳，發現依間店有好多人在門口等外賣，一於試吓！我哋叫咗一個$168 嘅2人餐有pizza 又有燒雞！半隻燒雞唔係好大隻，燒得肉質鮮嫩唔乾，我哋揀咗OMG秘製辣椒醬(普通），唔太辣好香口惹味煙鴨胸pizza我哋揀咗較特別的口味，海鮮醬與煙鴨胸味道好夾，仲配上青瓜同京蔥，好有片皮鴨風味！雞翼2隻最驚喜係雞翼因為超好味，炭燒香味濃，味道帶少少甜香。薯條粗身薯條份量超多，熱辣辣，配埋帶少少辣嘅調味粉，超正！仲有脆卜卜的蒜蓉包，真係好滿足

OMG 🐔又是一年一度敘舊相見日，今次揀咗近朋友屋企既地方食飯，點知佢同我講話上個禮拜經過已經好想食😚佢一入到去竟然比門口隻雞吸引住，隻雞又真係幾搞笑嘅，啱晒間餐廳個名2人餐，方便的選擇 $168🐔🐔🐔🐔半隻燒雞 （有四隻汁），我哋異口同聲地話揀霹靂汁，因為聽落去個名巴閉啲，又未聽過，其實只不過係泰式汁🤣🤣🤣個人認為唔點汁都有味，但鍾意食汁既我點會放過啲汁🍟🍟🍟🍟🍟薯條份量來講都算多，茄汁怪嘅我表示兩包茄汁唔夠🤣🧄🥖🧄🥖🧄🥖蒜蓉包好鍾意食蒜蓉包嘅我，完全係無法抗拒，雖然佢係用蒜蓉粉，但味道都好香🍕🍕🍕🍕薄餅 8吋 omg pizza有六個款式簡，好多選擇。愛芝士嘅我表示，第一個Pizza有兩種芝士，所以選擇咗佢好飽肚，唔會話冇肉食🥗🍗🥗🍗🥗🍗沙律或雞翼我哋揀咗嘅沙律，因為我哋兩個都係愛食草人士，而且燒雞已經係雞，唔係太想食咁多肉呢個沙律嘅汁我好滿意，佢係少少芥辣味，愈食愈開胃飲品我揀咗橙汁，朋友揀咗熱朱古力朱古力會加返$3環境幾舒服，幾大，而且唔會話好逼夾，啱晒行完Donki過嚟食

同個囡踩單車去左將軍澳海濱公園玩，肚餓本來想去DONKI買小小野食就算，不過見未試過係澳南海岸食野，諗住望下有咩食，跟住見到有間食PIZZA 既舖名叫 OMG chicken，個囡話想試下就入左去試下。 見佢個2人餐好似幾抵都多野食就叫左一個2人餐入邊有半隻燒雞，我覺得個皮都可以, 但係雞中間可能醃唔到，雞中間比較淡，好彩佢有汁跟埋可以點汁食。 PIZZA 叫左千島雞肉，食開一定唔會伏，佢比果D大公司個PIZZA 餅底 薄小小，但又未到人地既薄批咁，都幾好食。 跟餐既薯條都好味，粗身薯條，百拎有雞有PIZZA 食我覺得OK抵食。

返學左幾日，不停咁追zoom時既功課同進度真係追到氣咳，難得有日可以少D功課就出去同小朋友放鬆下，等條橡膠都可以鬆一鬆。 有次行將軍澳海濱公園，知道果邊都好多野食，就諗住去吹下海風食個靚lunch咁。不過由於我地搭得車黎都2點幾，所以就俾小朋友話下事喇。 我地去到澳南海岸，小朋友已經俾門口既雞吸引左入去，仲有2個胡桃夾子既士兵添。個舖名都好得意架，叫OMG chicken ，完全配合門口隻＜叫＞雞。 我地今次叫左個2人餐，有半隻燒雞、一個8吋既PIZZA、一份薯條、雞翼或者沙律 2選1 我地就要左雞翼、仲有蒜蓉包同埋飲品，就咁睇都好多野食 ，仲要每樣都好岩小朋友食。 燒雞都有四種醬汁，我地有小朋友所以我叫左蒜蓉蜜糖汁，其實本身隻燒雞己經好入味，不過個汁好香蒜蓉味食落口 又甜甜地，咁就好似有2種食法咁。 PIZZA 就有六種口味，我地叫左千島雞肉PIZZA，雞肉、燈籠椒、紫洋蔥 加埋車打同Mozzarella 兩種芝士配千島醬，真係好開胃。 雞翼都係蜜糖雞翼小朋友真係超鐘意食，跟埋超大份薯條，唔駛食埋個蒜蓉包都己經好飽。 同小朋友玩完黎呢到食野就岩晒，下次要再黎試下其他冇咁小朋友既菜式先

最近朋友介紹咗一間開喺將軍澳MONTEREY Place嘅快餐店俾我知，話性價比好高，一於去試試 。估唔到開喺海濱長廊附近，喺好多中高檔食肆之中會有價錢咁親民嘅小店，食晚市竟然$80都唔洗就有主菜、配菜、嘢飲，好抵食$76嘅OMG秘製辣椒醬燒雞Combos包咗半隻燒雞，燒雞皮脆肉嫩，肉汁豐富，配上秘製OMG辣醬，好惹味。配菜有薯條、薯蓉、黃薑飯、沙律、忌廉蘑菇湯，選擇好多。沙律菜份量多，用咗油醋汁調味，開胃清新。嘢飲方面，除咗有一般汽水，竟然仲有橙汁、咖啡、朱古力，令我幾驚訝。

今日放工約朋友行海旁經過見倒依間餐廳幾多人排隊，決定入去試吓，$168 二人set 好抵食，有8吋pizza、半隻雞、薯條、蒜蓉包、沙律同飲品。千島醬雞肉pizza餅底香脆，有拉絲芝士，再加上甜甜酸酸嘅醬汁，混合啖啖雞肉，口感味道一流。燒雞我哋選擇蒜蓉蜜糖汁，食落佢蒜香嘅味道唔重，甜甜哋嘅蜜糖味岩岩好唔會覆蓋到肉香。薯條同蒜蓉包都好脆身，薯條落咗好多燒烤粉，香口得來又唔會辣。而沙律裏面落咗芥茉醬口感幾fresh幾特別。飲品方面選擇都好多，我點咗鮮橙汁，淡淡哋唔會酸或者太甜，食完濃味嘅嘢食飲一流😋

23係我嘅lucky no.，食飯坐到23號枱會零舍心情好D。今日來到將軍澳澳南海岸唐俊街23號Monterey Place地下G23A嘅OMG chicken，就double lucky喇。來到咁啱仲有2個位，真好彩，坐低睇menu，咩都想食，咁唔想諗咁多，就嗌咗168蚊嘅二人餐，有半隻燒雞，比想像中大隻，肉質唔錯，都幾嫩滑；有二件多士，脆卜卜，一定要趁熱食；小食可揀沙律或雞翼，於是揀咗沙律，除咗沙律菜之外，仲有蕃茄仔，柑仔，顔色，配搭幾靚，又大碟又好味; 仲有個黑松露蘑菇pizza，勁多蘑菇而配黑松露係傳統配搭，真係好好食。

將軍澳南係新發展地方，開左好多新餐廳，大多數都係偏高價，今日介紹呢間平少少嘅餐廳。.半隻燒雞+薯條 $76燒雞可以揀醬汁，我揀左蒜蓉蜜糖汁。等嘅時間都有少少耐，再摸到隻雞同pizza都係熱辣辣，就知啲野係即製😆燒雞脾位好嫩滑，雞胸就鞋少少，不過整體都好味！薯條上左啲香料粉，好惹味！.OMG spicy pizza $76餅皮好煙韌，上面有雞肉、辣肉腸、芝士，唔算太辣，但都幾惹味.套餐包一杯野飲，可以揀汽水橙汁雀檸都得😁

今次叫咗個外賣pizza🍕，店舖乾淨企理，望落感覺好舒服😌，下次可以試吓堂食。🔻OMG Spicy Pizza $58🔻唔算太辣spicy，但係個辣味係幾香㗎🤗，少少香辣再加上芝士，仲有雞肉粒 ，酸辣醒胃🤤。🔻Pepperoni Pizza $58🔻有2種salami，食落辣辣地🌶🌶幾惹味，個salami仲要有少少厚度架🤩。而番茄醬底就令到啲Salami更出色。手工Pizza係好食啲，望落去好似係厚批，但其實佢係薄批🤫，只係嗰邊闊少少🤏🏻。🔻薯條+$18🔻正呀，$18有咁大盒，成盒係滿晒㗎，粗薯條🍟有少少香辣粉，味道幾好唔單一，薯條仲炸得好靚仔🤵‍♂️。🔻唐揚脆炸魷魚 $52🔻呢個係超正，依個價錢性價比的確係唔錯🤩，數量幾多，比起出邊其他舖頭都已經幾有良心❤️❤️，絕對唔係得幾件，魷魚揸得鬆脆，鹹香可口，仲可以點沙律醬食😍另外佢仲有配一兜好似甜酸辣醬咁，食落甜甜地，又酸酸地又辣辣地，幾惹味👍🏻👍🏻，依個一定要試。🔻烤雞田園沙律 $52🔻性價比幾高，足料又大盒🤩，食落雞肉幾滑，配埋芥末醋汁，微酸帶少許攻鼻辣味🤩，然後粒橙仔又平衡左的辣味，甜辣相衡，好正👍🏻

喺上年開始已經有越來越多餐廳進駐將軍澳海旁，除咗啲出名嘅舖頭例如Jomo同NOC之外，最近都搵到一間好正嘅小店Omg Chicken Pizza 8吋+ Combo 開頭點餐嘅時候有諗過會唔會係啲頹廢Pizza樣🙈但拎餐嗰下真係好驚喜，成個擺盤都好得體Pizza偏薄身🤩，餅底咬落煙韌軟糯，蕃茄嘅味道偏甜同嫩滑嘅雞肉好夾😋如果芝士再多啲一定會更正😌Combo除咗薯條之外仲可以揀飯，沙律或者薯蓉配嘢飲🧃叧外，呢兜薯條嘅份量比我想像中多好多，鹹香味好夠而且仲好脆！總括呢間餐廳我會回頭啊，下次想試佢個Smoked Duck Pizza

今次約左個朋友係將軍澳食飯，原來已經好耐沒黎呢邊，依家多左好多商場，餐廳，再加埋donki。呢間餐廳都係donki附近，形式好似快餐店咁。呢間店的二人餐都好多野食，有pizza，燒雞，薯條，仲有其他小食。呢次叫左OMG chicken spicy pizza，熱辣辣，好足料。半隻燒雞都唔少野，食落好juicy，份量夠，醬汁好夾。蒜蓉包同啲薯條都不錯，配埋可樂真係好爽，食呢啲快餐類真係開心啲。如果呢間開係我屋企附近，我應該會成日去食，哈哈。

新開滋味燒雞店！🐥將軍澳最近開咗好多間西餐廳同埋Cafe但係全部都算係高消費，唔可以成日食，今次終於搵到一間價錢平民嘅燒雞店！估唔到食物質素拍得住海旁側邊嘅西餐廳，仲要平一半！我地叫左二人餐$168半隻燒雞蜜糖蒜蓉汁🐥黑松露蘑菇薄餅🍕薯條🍟雞翼兩隻🐔蒜蓉包兩片可樂橙汁個主角一定係燒雞，燒到啲皮脆卜卜，所有油脂都燒左出黎，連平時唔食雞皮嘅我都食曬全部雞皮！太好食喇！肉質燒完都仲好juice,好多肉汁,仲好鮮嫩！個蘑菇薄餅啲蘑菇多到唔駛錢咁仲要好爽口，即叫即焗！二人餐真係好適合兩個人食飽到啱啱好一定會唔夠食！#將軍澳美食#食好西#食雞雞食飽#性價比燒雞#外脆內軟

#哈比四圍食 #將軍澳海旁真係越來越多好嘢食😋呢一間係食韓式炸雞，但係我俾佢另一樣嘢吸引咗，就係呢個墨西哥雞卷餅😆唔知點解成日覺得呢啲一卷卷有蔬菜又有肉，好似好健康咁🤣但係平時食呢啲墨西哥卷最怕就係食到最尾一啖咩都冇剩係得塊皮😑但係呢一間就有啲唔同，由你咬落去嘅第一啖到尾都係咁多料咁滿足😋另外叫咗一份蜜糖雞翼$34有四隻，燒得啱啱好，食落有少小似平時去燒嘢食嘅雞翼咁樣.➡️ OMG Chicken (將軍澳)將軍澳澳南海岸唐俊街23號MONTEREY Place 地下G23A號舖

最近將軍澳都開左好多新餐廳, 上次經過見到E間OMG CHICKEN聞到勁香勁想食, 加上櫥窗嘅雞仔好搞笑好得意😂, 今次難得再入將軍澳決定要去試試佢🤭🤭🤭 餐廳環境乾淨企理, 而且無快餐店果陣油味, 餐廳提供多款食物, 除左主打嘅燒雞, 仲有大量小食串燒, 睇到人眼花撩亂, 小妹同朋友最後叫左一個份量大, 性價比十足嘅二人餐😋!🌟SMOKED DUCK🦆 PIZZA🍕(煙鴨胸薄餅)2人餐包左個Pizza仔, 店員話E個煙鴨胸Pizza味道有d似北京填鴨味, 於是小妹就揀左E個試下! 入面配料有鴨胸, 大蒽, 青瓜🥒, cheddar芝士🧀, mozzarella芝士同海鮮醬! 味道真係激似北京填鴨😯, 鴨胸好香嫩同芝士幾夾, 估唔到兩款味道比較重嘅食物都可以互相配合, 唔會搶左對方嘅味道🧐, 推介😋!🌟半隻燒雞🍗➕薯條🍟➕雞翼🐔➕蒜蓉包🥖燒雞烤得剛剛好, 外皮好香脆, 小妹揀左燒烤汁, 醬汁滲哂入d雞肉到, 咬落去啖啖肉, 雞油爆哂出嚟非常juicy🤭! 薯條熱辣辣炸得幾脆, 加埋調味粉好惹味! 蒜蓉包蒜味幾香, 同樣好脆卜卜! 雞翼燒得幾香味道夠, 食落唔乾, E個二人份量岩岩好😊

OMG Chicken2人餐 價錢💲: $168好味程度😋: 4/5服務🍴: 3.3/5 (self-service)環境🗾: 3.7/5性價比🥢: 3.7/5回頭率😚: 3.7/5-將軍澳海邊除左啲貴價啲的餐廳，內街都有啲較平民的選擇。今次就揀左間食燒雞既！自己落單，再自己拎餐，成個感覺幾似kfc，只不過係貴小小的快餐。-今次就叫左個二人餐，包括的嘢都幾多，絕對食得飽😂 首先有半隻燒雞，我地揀左BBQ醬味。可以帶手套扯來食真係好爽🤩 半隻其實就唔係好大隻，但雞脾位肉幾嫩，雞胸位又啖啖肉🥰 整體好夠味，燒烤醬搽勻晒成隻雞☺️ 用手食要小心會辣親添呀！旁邊會有一堆薯條，小小粗的薯條上面灑滿辣粉，係我最鍾意的配搭，唔洗點任何茄汁就食得！-個餐仲有一個pizza，我就要左pepperoni pizza。呢到的pizza偏薄，邊位厚小小，所以食落都脆同埋餅皮都幾韌下，要大力扯開🤪 上面搽滿蕃茄醬，仲有小小芝士，但就唔多。反而辣肉腸就份量好多，好夠鹹香😙-仲有仲有2塊蒜蓉包，但唔太熱所以就韌左啲🤨 但味道正常。最尾仲可以揀要沙律定2隻雞翼，食肉獸的我當然要雞翼😝 食落好似kfc的燒雞翼，幾入味。飲