416
11
2
開飯介紹
多國菜西餐廳，主打燒雞及薄餅，而薄餅有尺寸選擇，方便食量較少的客人。餐廳設計走年輕活力路線，提供休閒的用餐體驗。
繼續閱讀
營業時間
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
以上資料只供參考, 請與餐廳確認詳情
食家推介
相關文章
.‼️❤️ 記得CLICK我PROFILE關注我呀 ❤️‼️.🐔 ᖴᑌᔕIOᑎ KOᖇᗴᗩᑎ ᖴOOᗪ @ 🌟 OMG Chicken《👽食神大媽愛韓食》.💁♀️ 圖片展示美食為：Two-People Set HKD 328 👫- 多國海鮮拼盤 🦐- OMG 烤雞 🐔- 義式海鮮意大利飯 🥘Lamb Brisket Casserole with Cheese HKD 158 🍲.👽 大媽今次黎到將軍澳站附近嘅搵食新地標「Monterey Place」，而呢間韓式FUSION餐廳絕對係商場入邊好值得一試嘅選擇，餐牌跨國界超多選擇，見到好多朋友仔夜晚放工同朋友歡聚。.👀 餐牌多選擇，花多眼亂。大媽揀左最適合冬天食嘅熱鍋系列，同超級抵食嘅二人餐：.🤩 呢個「多國海鮮拼盤」真係呢個二人餐嘅一大賣點，大媽喺餐牌度一見到呢一個就直覺一定要點嚟食！果然無失望，足二人份量，有肥大帶子、蝦、三文魚、八爪魚、吞拿魚！好味大件，食完覺得好滿足。🤣.🐔 話明OMG Chicken，必點嘅當然係呢度嘅烤雞啦！今次就試左法式蜜糖汁！🍯 甜絲絲，超好味，外脆內嫩，食到唔停口呀！🤤.🥘 本身對「海鮮意大利飯」無咩特別諗法，點知食落個調味真係做得真係好出色，係好惹味好濃郁嘅醬汁，超濃芝士！但食完又完全唔覺得口渴，真係好大份又好味，絕對滿足到爆！👅.🍲 當晚好凍，所以被餐牌嘅推薦熱鍋吸引，叫左之前未試過嘅「芝士法國羊腩煲」。暖入心，仲要超邪惡有好多芝士，D羊腩好嫩，好好味！😋.😃 整體黎講真係超級讚呀！嘢食唔會失準，服務態度又好，仲要坐得舒服、乾淨、適合聚會傾計，餐牌又多選擇，大家有興趣記得去試下呀 😘.📍 將軍澳澳南海岸唐俊街23號MONTEREY Place 地下G23A號舖📲 +(852)3974-5050.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.
繼續閱讀
將軍澳海旁開左好多文藝又有特色既小店，今次特登同朋友一起試下呢間西餐~睇食評好多讚好佢間既pizza，但係因為夜晚唔想食咁飽，所以決定嗌一個套餐，同一個超得意既兒童餐。軟殼蟹牛油果珍珠帶子意大利飯🌟🌟🌟🌟🌟我地餐湯轉左手打鮮蠔湯，真係非常美味，可以食到蘑菇粒同埋海鮮粒，入口香滑鮮美，推薦！risotto同樣驚喜，飯粒中間有牛油果，帶子，經過奶油燉煮，非常creamy，加上岩岩炸出既軟殼蟹，非常夾味！雙色芝士蟹肉焗大啡菇🌟🌟🌟🌟🌟🌟呢個跟套餐追加只要28蚊，上面係一層好似奶皮質感既cheese，中間有足料蟹肉釀係大啡菇入面。芝士既香，蟹肉既鮮，同埋啡菇既juicy一啖享受，正！！飛機🌟🌟🌟🌟見到有一頁餐牌係兒童餐，每一款都勁得意。有唐揚一口雞，蜜汁台灣腸，肉醬意粉，雜菜沙律同埋蘋果汁。上上黎真係一個飛機造型既盤，雞肉酥脆，台灣腸上有一層薄薄既蜜汁丁香肉桂檸蜜🌟🌟🌟🌟好特別，感覺似熱紅酒既friend，配搭檸蜜幾特別，同埋丁香係一粒粒插係檸檬片上，好得意。飲到肉桂香味，不過味道淡小小。買單兩人350HKD，食到飽！
繼續閱讀
喺將軍澳澳南已有一段日子而又屹立不倒嘅美式炸雞餐廳一一OMG Chicken，餐廳附近隔離嘅食店好多已轉曬其他類形店舖或新食肆，可想而之餐廳有佢既生存之道。餐廳內外都有多種雞圖案，令大家一見到就認得出OMG Chicken。餐廳內播放輕鬆愜意英文歌曲，令食客食得舒適。是日晚餐餐廳內坐滿食客，同時亦有外賣客。Chicken Casserole with Swiss Cheese Sauce 瑞士芝士汁雞煲 $98咸咸香濃既瑞士芝士我好鍾意！雞煲內除了有雞肉，還有冬菇、雞髀菇、甘筍和西蘭花等配料。芝士與配料食材非常夾，而雞肉肉質亦嫩滑。Scallops with Asparagus and Avocado Salad 珍珠帶子牛油果蘆筍沙律 $88雜菜沙律內有牛油果和蘆筍，還有珍珠帶子。帶子雖然細粒，但係好鮮甜，配埋酸酸地嘅沙律，食後胃口大開。Grilled Scallop EEL Risotto 礦燒元貝鰻魚意大利飯 $118意大利飯多汁夠濕潤，飯粒軟硬適中，內裡有兩大隻元貝和鰻魚碎，感覺係日式意大利飯既Fusion菜。
繼續閱讀
OMG Chicken琴晚約咗教會朋友喺將軍澳食飯，佢住將軍澳介紹我去OMG chicken度食，呢間餐廳無一級夠哂方便，入面空間足夠輪椅人士轉動！餐廳唔算細， 可以枱與枱之間唔逼，但大約只能坐30人左右！我哋叫咗二人餐三個人一齊食，夜晚唔想食咁飽，份量啱啱好！1.二人餐：OMG多國海鮮拼盤+是日餐湯配蒜蓉包 +OMG烤雞（4件）+Pizza $328（7/10）呢個二人餐幾豐富，足夠我哋三人食！OMG多國海鮮拼盤有6樣野，五樣海鮮每樣兩件，分別有黑松露大蝦（蝦爽口，黑松露好香）、 蟹子墨魚仔（ 墨魚仔爽口彈牙）、煙三文魚（兩片捲埋好大塊）、 吞拿魚醬配牛油果醬多士粒（細細粒好脆口，吞拿魚配牛油果好正）同埋沙律菜（配上黑醋少少甜，唔錯）！是日餐湯係羅宋湯，蒜蓉包有兩件，非常脆口！OMG烤雞（4件）：我哋揀咗法式蜜糖汁，全靠呢個汁令到個炸雞先好味，但個雞肉唔夠嫩滑，有待改善！Pizza我哋千島海鮮果款，呢個Pizza係薄批，個底薄身脆口，海鮮好足夠，有大蝦、魷魚、蜆肉、魚肉，再加入芒果及千島醬，味道好清新，好好味！2.白桃四季春茶（跟餐優惠）$12（8/10）檸檬乾無哂，轉咗薄荷葉！3.玫瑰荔枝梳打（跟餐優惠）$12（9/10）甜甜地，玫瑰花味好香，雖然無荔枝果肉，但荔枝味重，幾好飲！2人總共價錢$387，有加一服務費！個人口味總評分：8/10地址：將軍澳澳南海岸唐俊街23號MONTEREY Place 地下G23A號舖#OMGChicken #烤雞 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
今日同返有2年無見嘅煮食班同學仔見面，專登入左將軍澳搵佢，就跟佢行左去將軍澳站對出海邊搵食。大家都喜歡食韓國嘢，就簡左間炸雞店食。 餐廳設計以白色為主色，非常簡潔。牆上面有世界地圖及雞的霓虹燈管。聖誕節期間跟設有聖誕裝飾，更添一份節日氣氛。OMG 烤雞 （8件）$188我哋唔想咁熱氣，就叫左美式BBQ汁 同 法式蜜糖汁。烤雞來到擺盤勁精緻，店主有用心樹，將4隻雞疊埋一齊。 d雞超大隻，有4隻雞全翼同4隻雞髀🍗。 烤到外皮超金黃色，唔會熱氣，皮少少脆得來帶點濕潤。雞肉肉質滑而鮮嫩，非常爽口。 所有烤雞在烤焗時，已擦上我哋選擇嘅醬汁，超入味。如想隻雞再多d 汁，可再自行額外點上隨碟比的醬汁。雙色芝士蟹肉焗大啡菇（1隻）$48烤到大啡菇剛剛好，唔會乾晒，菇仲好有水份，好香菇味。芝士蟹肉放在菇上入爐烤焗，令大啡菇更香濃更提出菇嘅鮮味來。西柚檸檬四季春茶 $40要補充維他命C, 一定會簡呢杯飲。 西柚味勁濃，再夾住檸檬🍋嘅清新香氣。出奇哋唔會過酸。伴隨四季春茶香，估唔到咁好飲。白桃四季春茶 $40超有桃味嘅四季春茶，帶白桃嘅香氣及甜味，好清新，無化學味。 四季春茶茶味夠香濃，白桃同四季春茶撞埋超好飲。
繼續閱讀