223
4
0
電話號碼
39745050
開飯介紹
多國菜西餐廳,主打燒雞及薄餅,而薄餅有尺寸選擇,方便食量較少的客人。餐廳設計走年輕活力路線,提供休閒的用餐體驗。 繼續閱讀
營業時間
今日營業
12:00 - 21:15
星期一至日
12:00 - 21:15
公眾假期
12:00 - 21:15
公眾假期前夕
12:00 - 21:15
付款方式
AlipayHK 支付寶 現金 八達通
其他資料
網上訂座
餐廳運作模式 - B類
賞訂座積分
獨家網上訂座
當面支付
有關獎賞計劃
食評 (235)
行完將軍澳Donki想係附近搵野食,見到呢間食雞嘅店鋪好吸引,又有pizza又有烤雞食,一於入去試下!🔸二人餐 $278沙律 + 6件雞 + 9吋薄餅 + 小食 + 2杯飲品▫️沙律🥗都幾大份,仲幾多料,青瓜、車厘茄、柑、沙律菜,幾新鮮,配上沙律醋食好開胃▫️小食: 薯條🍟新鮮熱辣,係粗薯條,更有口感!比較驚喜係佢個醬汁,並唔係平時食開嘅茄汁,感覺係用左新鮮蕃茄打成蓉,再有調味,好惹味,忍唔住成碟點晒!▫️燒雞: 川味青花椒烤雞🍗一共有6件,2隻雞髀,4隻雞翼,隻隻都好大隻,份量十足!無論係雞髀定雞翼,雞肉都好嫩滑,而外皮食到甜甜地,仲有碟辣醬點,好惹味▫️薄餅: 煙三文羽衣甘藍🍕二人份量剛好,切成4件!羽衣甘藍烤完變到脆卜卜,好似食緊紫菜咁,配埋煙三文魚食又係個幾唔錯嘅配搭!薄餅批邊烤到好香脆,批底唔算厚,唔會食到好滯!整體幾好味!▫️飲品🥤香橙熱情果四季春茶好香果味,飲到淡淡茶味,幾清新青瓜薄荷青檸梳打好解渴同好fresh,又唔甜▪️整體二人餐份量十足,食物味道唔錯,值得去試,支持下小店! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-11-02
495 瀏覽
放工後唔想煮晚餐就去屋企樓下食埋先返去🥱見到海旁呢間餐廳嘅二人餐都幾抵食😳就俾佢吸引左黎呢度開餐.💫二人餐 ($278).🌟沙律沙律菜有好多種類 食落好清新 🥗而且仲有車厘茄同甘仔肉 醋汁配埋生果相當開胃.🌟洋蔥圈洋蔥圈新鮮熱辣炸好🧅粉漿厚薄適中 又脆又唔熱氣加上餐廳用嘅茄汁同平日食開嘅唔同食落比較甜仲有鮮茄味 🍅二人餐嘅小食除左洋蔥圈之外仲有薯條/蒜蓉包可以選擇.🌟三重芝士烤雞炸雞有成六件 每人三件好滿足雞件沾上左芝士粉係表面🍗雞肉嫩滑 最神奇嘅係一d都唔油夠晒健康又唔怕肥.🌟巴馬火腿9吋pizza呢個pizza嘅size又係好啱2人份量食完唔太飽/好似冇食過嘢咁而呢個pizza係薄底pizza🍕餅底之間仲塗左一層茄醬 所以好惹味同唔會好乾加埋巴馬火腿嘅咸香味道更加豐富.🌟士多啤梨乳酸梳打 (+$10)想食好d就加左少少錢飲特飲呢杯乳酸梳打係充滿少女心嘅粉紅色酸酸甜甜幾解渴🍹.🌟青瓜薄荷青檸梳打 (+$10)至於呢杯梳打好有驚喜估唔到平平無奇嘅材料配埋會咁夾飲落好refreshing🥒.餐廳大部份都係卡位 所以好好坐 空間又夠仲有好出名嘅雞公仔做裝飾 玩味十足🐔🐣 繼續閱讀
(以上食評乃用戶個人意見 , 並不代表OpenRice之觀點。)
浪漫的將軍澳海邊韓式烤雞二人套餐二人套餐 278元(有加一)包括:沙律一客 / 小食一客 / 烤雞六件 / PIZZA一個 / 飲品兩杯水果蔬菜沙律各種沙律菜/番茄仔/青瓜,喜歡用醋和芥末醬,給人耳目一新的感覺炸原味粗薯條炸得非常有質素的粗薯條,每一條都好有口感,有少許辣椒粉在上,茄汁就悉隨專便啦~BBQ醬烤雞(六件)3隻雞翼+3隻雞髀,BBQ醬在旁邊,烤得恰到好處,嫩滑入味,其實不用醬汁也足夠,還有其他5-6口味,各有喜好~磨菇黑松露PIZZA約9寸厚批(共四大片),大量黑松露鋪面,適量磨菇,原來PIZZA可以配黑松露,搞笑新奇有趣!好食!士多啤梨乳酸梳打 & 香橙熱情果四季春茶 (加10元)*添入士多啤梨醬的乳酸梳打飲品,非常開胃解渴*香橙和熱情果本身就相當匹配,四季春茶更是我最喜愛茶類之一,縱使中秋佳節仍然炎熱,晚上飲一杯水果四季春茶實在可口宜人~OMG Chicken (將軍澳)將軍澳澳南海岸唐俊街23號MONTEREY Place 地下G23A號舖#OMGChicken #將軍澳 #唐俊街 #MONTEREYPlace #海邊 #SEA #SUMMER #烤雞 #韓國菜 #KOREANFOOD #KOREA #CHICKEN #PIZZA #SALAD #磨菇 #黑松露 #乳酸梳打 #香橙 #熱情果 #四季春茶 #士多啤梨 #粗薯條 #新界東 #晚餐 #DINNER #KUMAMON #傻鴨 #雙傻 #香港 #HONGKONG 繼續閱讀
(以上食評乃用戶個人意見 , 並不代表OpenRice之觀點。)
等級4 2021-09-18
669 瀏覽
今日去咗將軍澳搵朋友食飯,所以我就提前上網搵定有咩好食,見到呢間食炸雞嘅店舖性價比好高,而且評語亦都好好,加上佢距離將軍澳中心嗰邊比較遠,感覺上冇咁多人迫,朋友都有興趣,所以決定嚟呢度食。唔使諗啦,兩個人就梗係叫個二人餐($278)啦,炸雞方面有幾種口味,我本身就好鍾意蜜糖芥末呢一隻口味,所以我諗都唔使諗就揀咗呢隻口味,Pizza方面就交畀朋友諗,朋友話佢想食蘑菇黑松露Pizza ,飲品方面加十蚊可以轉特飲,我哋見都唔算好貴,所以都轉特飲,小食方面朋友話想食炸洋蔥圈。首先沙律就嚟啦,聞到個沙律汁覺得好香,通常沙律都只係覺得好清新,而佢除咗清新之外仲多咗份香氣,沙律汁帶酸非常醒胃,佢配搭咗蕃茄仔同埋水果,真係開胃到食唔停口。之後就係洋蔥圈,洋蔥圈炸得非常香脆,炸粉唔會過厚,配上茄汁非常滋味,朋友都覺得炸得好香,一路食不停重複講話好好食,而且份量亦都唔少。跟住就係Pizza啦,一共有四件,非常鬆軟,而且黑松露同芝士嘅香味非常吸引,呢個份量啱啱好,唔會覺得太膩。之後就到主角炸雞出場喇,總共有六件,件件都好大,醬汁非常香,提一提大家如果需要手套可以問職員拎。炸雞除咗非常香口之外,肉質亦都好嫩滑好juicy ,面頭鋪咗啲杏仁片增加香脆口感。飲品方面我哋叫咗香橙熱情果四季春茶同埋哈密瓜乳酸梳打,四季春好清新,朋友飲嘅哈蜜瓜梳打都話唔錯。總括嚟講呢間鋪性價比非常高,而且食物全部都非常出色,絕對會推介朋友嚟食。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-08-07
935 瀏覽
尋晚久違地入咗將軍澳搵friend,咁耐冇嚟先發現原來Monterey Place咁靚咁多好西,跟住就同朋友食埋個靚飯再慢慢逛街。我哋食咗OMG Chicken嘅二人餐。鋪頭門口掛住我最鍾意摙嘅黃色超嘈塑膠玩具雞(店內都吊住好多隻!不過我怕醜唔敢摙!),頓時令我對呢間舖嘅taste好感度大增👍🏼二人套餐非常豐富飽肚,有六件雞、9吋pizza、沙律、小食、兩杯飲品。三重芝士六件雞灑咗好多芝士粉喺雞嘅表面,而且雞肉香香甜甜,肉質幼嫩多汁,好好食。而且我哋數過原來唔止六件雞!總共有八件!唯一不解係點解叫「三重」🤔煙三文魚羽衣甘藍Pizza煙三文魚同羽衣甘藍都係超級究極健康之選,可以彌補食pizza同炸雞嘅罪咎感。三文魚嘅柔軟同羽衣甘藍嘅爽脆、pizza嘅煙韌,三者集於一身出奇地都夾,而且和諧洋蔥圈份量好大!炸得香脆乾爽,好食沙律菜嘅種類多,亦有番茄仔等等甜甜地嘅生果。冇肥膩嘅沙律醬而係用醋取代,健康啲又好食啲香橙熱情果四季春茶有一大片新鮮香橙,茶底令甜甜哋嘅果香調和得健康啲士多啤梨乳酸梳打甜中帶點酸,加上梳打嘅爽快,呢杯飲品啱曬豪邁地嚼雞槌呢種情境———————————————#omgchickenOMG Chicken (將軍澳)將軍澳澳南海岸唐俊街23號MONTEREY Place 地下G23A號舖 繼續閱讀
(以上食評乃用戶個人意見 , 並不代表OpenRice之觀點。)