OMG Chicken (已結業)

最近朋友介紹咗一間開喺將軍澳MONTEREY Place嘅快餐店俾我知，話性價比好高，一於去試試 。估唔到開喺海濱長廊附近，喺好多中高檔食肆之中會有價錢咁親民嘅小店，食晚市竟然$80都唔洗就有主菜、配菜、嘢飲，好抵食$76嘅OMG秘製辣椒醬燒雞Combos包咗半隻燒雞，燒雞皮脆肉嫩，肉汁豐富，配上秘製OMG辣醬，好惹味。配菜有薯條、薯蓉、黃薑飯、沙律、忌廉蘑菇湯，選擇好多。沙律菜份量多，用咗油醋汁調味，開胃清新。嘢飲方面，除咗有一般汽水，竟然仲有橙汁、咖啡、朱古力，令我幾驚訝。