1124
107
52
| 餐廳: | Odelice! (The ONE) |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
影片
開飯介紹
菜式多元化、走巴黎小酒館風格的法式連鎖店，以傳統法國菜食譜為基礎，創作一系列融入亞洲風味的家庭式法國料理。
繼續閱讀
營業時間
今日營業
11:00 - 22:00
星期一至日
11:00 - 22:00
公眾假期
11:00 - 22:00
以上資料只供參考, 請與餐廳確認詳情
有關餐廳
有關獎賞計劃
優惠
| 餐廳: | Odelice! |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
相關文章
邊個話食法國野就一定要貴，性價比高既【Odelice!】都係一個選擇。之前都去過幾次，但裝修後就係第一次去，最近夜晚有套餐、2人甚至多人套餐都有。我地當然選擇左雙人餐啦，CP值超高。套餐包括餐湯、2個小食（甜品都可選）、2個主食。南瓜湯配餐包：南瓜湯好creamy，甜度啱啱好，仲有淡淡嘅南瓜香，飲落好暖胃。餐包外脆內軟，點湯一齊食簡直絕配！The Burrata流心水牛芝士：Burrata芝士超正！切開即刻流心，口感好滑溜。配埋西班牙火腿嘅鹹香、水蜜桃嘅清甜同火箭菜嘅微苦，再加埋樹莓油醋汁嘅酸甜，味道層次好豐富。法式點心拼盤：拼盤好精緻，每樣都好好味！蟹肉他他鮮甜，三文魚醬香滑，迷你蛋批外皮酥脆，炸黑松露球香口到爆，西班牙火腿鹹香十足，一次過滿足晒所有願望！香橙油封鴨腿：佢地既招牌，鴨腿煮得好淋，皮脆肉嫩，香橙醬帶少少甜酸，好惹味。西蘭花苗同燒薯粒簡單調味，襯托得鴨腿更加出色。阿根延安格斯牛脊肉：牛脊肉煎得啱啱好，肉質juicy又嫩滑。鴨肝白蘭地醬香濃得嚟唔會搶咗牛肉味，法邊豆同燒薯粒就中和咗油膩感。Honey Ginger Punch：蜜糖同生薑嘅組合好特別，幾乎無薑味，仲有芒果嘅香甜，加埋蘇打水嘅氣泡感，清新又解膩。Japanese Mule：呢杯cocktail好有驚喜！蚝酒同巨峰提子香甜酒嘅味道好夾，水蜜桃糖漿帶出甜味，紅茶底令成杯酒更加順口。
繼續閱讀
The One呢間法式餐廳已然食過好多次，至今仍然係我最愛嘅法系餐廳之一👍🏻，今次又同朋友嚟咗食2人dinner set（$538），店員會先送上麵包🥖同餐湯🥣，加上2小碟+2主菜，都幾豐富。·Starter♡ 火腿芝士拼盤拼盤有法式凍火腿🥓、西班牙火腿🐖、康堤芝士🧀、Reblochon芝士🧀，配埋麵包一齊食啱啱好。·♡ 法國Charolais生牛肉他他生牛肉🐂以香料調配，無腥味，牛肉口感幾爽滑😚，搽喺麵包上食係好好食😻，感覺好奢侈～·Main♡ 阿根廷安格斯肉眼牛扒（+$50）叫咗5成熟，切開見到肉色粉嫩🤩，生熟程度恰到好處，咬落唔會韌，厚切啖啖肉🤤；搭配嘅粗薯條係即叫即炸，外脆內軟，好高質😋!!·♡ 黑豚帶骨豬鞍（+$45）豬鞍肉質整得香軟嫩口😚，幾有驚喜；特別一讚係個忌廉肉汁同豬苛鞍好夾👍🏻，香甜甘口味道有啲似甘荀汁🥕。·♡ Mango Tango HKD$85·♡ Frozen Strawberry Daiquiri HKD$65·📍Odelice! 彌敦道100號The One 4樓L407號舖
繼續閱讀
好耐之前已經喺灣仔同將軍澳分店食過晚飯，感覺唔錯，知道佢有做下午茶 picnic set，即刻要同閨蜜嚟試下😍野餐在巴黎 Picnic in Paris $258/2侍應首先喺檯面post上紅色餐巾，然後 用巴黎鐵塔裝住兩層嘅 picnic set，真係好有儀式感🤩鹹點：蟹肉他他迷你撻：材料好豐富，好鮮味三文魚醬多士：好清新康堤芝士：好香，分開逐少配鹹點食，一流菠菜芝士迷你蛋批：焗完有好香嘅蛋味炸黑松露蘑菇球：好香黑松露味，熱辣辣好好食甜點：蘋果肉桂迷你撻：肉桂味同蘋果好夾馬卡龍：唔會太甜，剛剛好巴黎式芝士蛋糕：份量好大件，好香朱古力合桃布朗尼：成粒擺落口充滿幸福感😍Picnic set包兩杯飲品: Latte+$18; Sparkling wine +$40呢個set真係好抵食，傾下講下就坐咗兩個幾鐘，過咗一個開心嘅下午🥰評分：最高為5分治癒度：👩⚕️👩⚕️👩⚕️👩⚕️抵食度：💉💉💉💉💉翻兜指數：🩺🩺🩺🩺@o.deliceOdelice! (The ONE)彌敦道100號The ONE 4樓L407號舖📍尖沙咀B1/尖東港鐵站N2出口3分鐘路程#healingbobo #foodie #hkfoodie #foodiehk #香港 #美食 #法國餐廳 #西餐 #將軍澳美食 #荃灣西 #海之戀 #灣仔好去處 #灣仔美食 #尖沙咀好去處 #沙田美食 #香港美食 #TsimShaTsui #TST #尖沙咀 #留港消費 #frenchfood #法國菜 #Picnic #HighTea #下午茶 #Odelice
繼續閱讀
今個母親節帶咗媽咪去The ONE嘅 Odelice! 慶祝，我地中意呢間餐廳氣氛優雅，食物精緻又好食，侍應服務貼心，真係一個慶祝嘅好地方！佢哋有個2人餐，已經有齊餐湯、2個小碟、2個主菜，仲可以自由揀Starter或者Dessert，我哋當然就各選一個啦～🍴Starter香煎帶子外層微微焦香，內裡鮮嫩Juicy，配些小黑醋同埋青豆薄荷蓉醬汁，幾開胃🍲Main我本身好中意食海鮮，所以選左龍蝦馬賽魚鍋，入面有半隻活龍蝦、黑青口、大蝦同盲鱈魚，仲有茴香酒提香，配埋薯粒同濃郁海鮮番茄醬汁，每一啖都充滿住海鮮嘅鮮甜味另外澳洲和牛牛脊係脂肪含量低的瘦肉部位，而且口感鮮嫩好小筋，肉煎到5成熟剛剛好🍮Dessert甜品我哋揀咗法式蘋果撻。蘋果撻嘅蘋果帶住自然嘅水果甜香，撻皮薄而鬆化，配埋微溶嘅雲尼拿雪糕好好食😊
繼續閱讀
餐廳環境歐陸風格，黑白色地板加上柔和吊燈同吊扇，環境十分寫意。假日都有早午套餐提供，價錢由$95起，另可優惠加配小食及甜品。另有提供兒童餐，$88起。阿根廷安格斯肉眼牛扒 $205海量薯條，牛扒煎到剛剛好，淋得黎不失咬口，配上巴黎牛油汁，酸酸地加埋牛油同香料味，令牛扒味道層次提升。凱撒沙律拌有烚蛋同醃菜，非常開胃。兒童餐 - 牛肉餅配薯條 $128牛肉餅肉淋，有牛肉味，配上煎蛋同大量薯條。香蕉可麗餅 +$30， 香蕉配搭榛子朱古力醬，絕配。跟餐送鮮榨果汁，相對健康。
繼續閱讀