Odelice! (The ONE)

同朋友喺尖沙咀行完街唔知食咩，見到呢間餐廳評分都相當高，加上唔同嘅朋友都同我講過呢間幾好食，咁就諗住試一試。個湯幾重紅蘿蔔味，但係飲落去都幾舒服。個包望落去應該係脆卜卜，食落幾煙韌都有啲驚喜。‣ Bistrot Set $538· 法式點心拼盤 ＋$30炸黑松露蘑菇球超級出色，口感creamy而且又食得到黑松露嘅感覺，而Parma ham肉質好細嫩，有鹹香得嚟又唔會過份鹹。而小缽入面就係三文魚肉鬆，搭配多士食都幾得意。旁邊都有個蟹肉撻，撻皮相對上甜甜地，但係夾埋啲蟹肉有幾過癮，加多少少錢就可以食到唔同嘅前菜，都幾值得試吓。· 原隻烤龍蝦 ＋$135成隻龍蝦咁樣上，輕輕鬆鬆就拆咗佢嚟食都幾正，上面嘅忌廉汁都幾香，而下面個底就係蕃茄汁，中和到啲酸，又會帶啲奶香幾正。隔離仲有啲酸種麵包俾你搭配埋一齊食，唔夠飽嘅話仲有啲薯仔。· 阿根廷安格斯肉眼牛扒 ＋$50肉眼牛扒嘅忌廉肉汁都幾出色，所以搭配一齊食嘅時候個味道又會再豐富少少。而且餐廳煎都煎得幾好，咬落去嘅時候唔會覺得啲肉質柴，仍然都係嫩嘅，但係又唔會覺得太難咬。· 蘋果肉桂可麗餅去到法國餐廳果然係要食法國菜，蘋果啱啱好可以中和到肉桂嘅「辣」

Odelice! | 親民價鬧市嘆高質法菜商場裡面隱藏法國浪漫街頭情調，餐牌主打親民價錢。🍽️ 晚市套餐性質比極高，二人餐$538up ，已經包兩個餐湯，自選2款頭盤/ 甜品+ 2 主菜，頭盤、主菜或者甜品都有多款選擇。－ 是日餐湯+餐包 －餐湯味道香濃幼滑，帶有咸香嘅煙肉味－ 生牛肉他他 － 份量多，口感鮮嫩滑溜，牛味濃香，配搭酸種多士一齊食，啖啖肉香－ 烤牛骨髓－ 平日西餐較少食得到牛骨髓，呢度竟然有得食，用匙羹牛骨髓配搭香料，加上酥脆麵包，口感滑捋捋，入口充滿牛香。－ 煎鴨肝油封鴨腿意粉 － 每口意粉都夾著豐富鴨油肝香，加上油封鴨腿肉絲，而鴨肝非常厚身，表面微焦入口即化，值得加分。－ 海鮮燴飯 － 每粒米軟硬適中，燴飯吸收了高湯味，入口充滿淡淡海鮮鮮甜香味。drink Menu都有好多選擇，可以小酌一杯relax下。有紅、白酒、香檳提供。order咗鬼佬啤，入口麥味濃，而沙冰賣相精緻，口感幼滑，充滿香蕉同椰香

位於尖沙咀the one地點非常就腳方便，餐廳環境氣氛都唔錯，同friend兩個人嚟叫咗佢哋嘅2人晚市套餐，有餐湯、自選兩款小碟同兩款主菜，$538起for 2，算係高質之選。是日餐湯係薯仔湯，味道香濃幼滑。餐包口感唔錯，非常軟熟。兩款小碟可以揀頭盤或者甜品，我哋就揀咗每樣一款。法式點心拼盤 (+$30)拼盤有成5款法式點心，款款都好有特色，好似菠菜芝士蛋餅、蟹肉莎莎撻、炸松露球、煙三文魚蓉多士同西班牙火腿。其中嘅蟹肉撻就做得最出色，鮮甜蟹肉配埋莎莎醬同脆撻底，口感味道層次都好豐富。原隻烤龍蝦 (+$135)主菜加錢叫咗烤龍蝦，用嘅係原隻新鮮龍蝦以芝士忌廉烤焗，龍蝦肉質結實爽彈，味道鮮甜，仲有好多蝦膏。配埋個龍蝦蕃茄醬汁，食起上嚟就冇咁膩。阿根廷安格斯牛脊肉 (+$55)另一款主菜叫咗5成熟嘅牛脊肉，牛脊肉中心keep到粉嫩，肉質都算腍嫩，點少少鵝肝白蘭地醬汁，就更加帶出到香濃嘅肉味。蘋果肉桂可麗餅可麗餅上面鋪咗滿滿嘅蘋果蓉同焦糖醬，味道香甜可口，加埋個雲呢拿雪糕，超滿足。Frozen Tripocolada / Punch Fruite (原價$65)2人晚市套餐跟餐叫飲品仲有8折，

每樣食物都很美味，味道獨特，每位員工服務態度超讚！ 假期星期六下午去还可以享受特惠午餐價，超值！ 雖然寫明限時90分鐘，但由於人流已沒有那麼多，所以亦沒有要我們立即離左，感謝！

在香港享受一頓高品質的法國大餐🥳這家法國餐廳的性價比好高，美食的品質有追求🤓晚餐套餐兩人份，還包括了當日的🥣餐湯和餐包。湯入口濃郁柔滑，🍞麵包有原來淺淺的咸味，搭配牛油，香濃誘人。青口一碟有多件，🧄是地道的法式前菜。青口個頭較大，肉質鮮美，與醬汁融合，✨香氣撲鼻，但並不會過於濃烈。煙薰三文魚拼盤，三大塊魚肉🉑搭配法包和酸忌廉一齊食，煙薰三文魚厚實鹹香。#tsimshatsui #尖沙咀美食

位於The One嘅🇫🇷法式餐廳🌟Odelice!🌟，價錢比一般嘅法國餐更親民👍🏻！🇫🇷Bistrot Set for 2 $538🥖餐湯及餐包是日餐湯為香草薯仔忌廉湯🥓法式點心拼盤 ＋$30包含多款法式前菜🪸空運黑青口 ＋$35黑青口新鮮水嫩！🥩阿根廷安格斯肉眼牛排 ＋$45煎鴨肝 ＋$78五成熟嘅肉眼扒好軟嫩，鴨肝甘香可口！🐖伊比利亞黑毛豬肩肉 ＋$35豬肩肉煎至香口，磨菇汁極香郁！🍷Comtesse Malet de Roquefort, Bordeaux AOC $90/glass🥂Sassy Apple Cider, Normandie IGP $60/glass

最近同朋友去位於尖沙咀依間「ÔDELICE」食晚飯，二人餐好味之餘，份量都幾多，食到好飽。*此餐廳收取加一服務費。晚市套餐二人餐（跟餐$673），原隻烤龍蝦，表面鋪滿芥末荷蘭醬汁，龍蝦肉質彈牙，配以檸檬汁食用，味道更佳，配菜包括有粗切薯條、火箭菜。阿根廷安格斯牛脊肉（跟餐$55），五成熟，表面鋪有香葉，肉質厚嫩，牛味濃香，配以鴨肝砵酒醬汁食用，食落帶點鴨肝油脂香味，配菜包括有蘆筍，燒薯粒食落好香口。法式點心拼盤（跟餐$30），蟹肉他他迷你撻，蟹肉份量多，味道鮮甜，配以青瓜、洋蔥食用，味道清新；西班牙火腿，味道鹹香；炸煙肉忌廉芝士球，表面鋪有黑松露醬，底部帶有辣味沙律醬，口感酥脆，內有煙肉、洋蔥；菠菜芝士迷你蛋批，略嫌芝士味道較淡；櫻桃蘿蔔，口感爽脆，配以番茄紅甜椒蘸醬，味道酸甜。生牛肉他他小漢堡（跟餐$0），生牛肉他他份量多，配以生雞蛋、酸瓜、千島醬食用，牛肉肉質更加嫩滑，味道清爽，麵包口感外香脆內鬆軟，食落帶有牛油香味，配菜包括有薯條。2碗餐湯（跟餐$0），西蘭花忌廉湯，表面鋪有麵包粒、香葉，飲落帶有顆粒感，味道清新。2份小法包（跟餐$0），口感軟硬適中，配以海鹽牛油。Strawbe

唔知大家開始聖誕gathering未❓😍幾推介呢間法國菜餐廳，有荃灣/尖沙咀/灣仔/沙田/將軍澳分店～有Set Menu, 有2-5人set, 嘢食都幾高質，環境唔錯，好啱同朋友坐低傾偈❣️🔱Canapes Platter今次嘅法式點心拼盤有蟹肉他他,蕃茄紅甜椒蕉醬,迷你蛋批, 炸黑松露蘑菇球, 西班牙火腿, 好啱同朋友share❤️🔱Seared Foie Gras & Confit Duck Leg Spaghetti油封鴨腿肉好腍身，調味都好好，仲有煎鴨肝，唔會好油膩，軟綿綿，同意粉好夾💛🔱 Argentinian Angus Tenderloin牛脊肉煎得超靚，外層係煎過嘅，再擺入焗爐度焗到5成熟，賣相好靚，仲有蘆筍同埋燒薯粒做配菜，好味！🔱 76% French Dark Chocolate Mousse甜品係超濃嘅朱古力味，入面仲有海鹽焦糖醬❤️🔱 Japanese Mule個base係用咗Gin, 加上巨峰提子香甜酒,水蜜桃糖漿同紅茶, 超容易入口🥰好飲！🔱 Sangria BlancheBase 係橙酒同白葡萄酒,加上青檸,芒果,菠蘿,橙,士多啤梨，好清新！

香港想食餐高質法國餐 原來唔難😍 收左工想食反餐好啲去慰勞一下自己 而呢間法國餐 真係CP值好高 呢個食物絕對對得起個價錢 收左工去食 真係完完全全大滿足🥹🔖Dinner set for 2 HKD538配是日餐湯同麵包，蕃茄湯好柔滑香濃，好好味。而麵包本帶咸香，再加埋牛油，非常香濃惹味法國田螺6件蒜蓉牛油焗田螺，經典法式開胃小菜。田螺幾大隻厚肉，肉質鮮嫩，配埋牛油汁十分香，唔會太濃味煙三文魚拼盤 +20拼盤有3大塊煙三文魚、包同酸忌廉。煙三文魚非常厚肉同大塊，好有咸香，而且配埋法包同酸忌廉食，口感同味道較柔和更豐富煎鴨肝油封甲腿意粉 +35好過份嘅意粉，整個意粉寔中充滿鴨肝嘅油香。鴨肝好肥美，非常香濃，而且油脂好豐富，拌勻意粉後，令每啖意粉都充滿鴨肝油香。而且油封鴨腿本來肉味香濃，再加埋油香，好邪惡嘅味道阿根廷安格斯牛脊肉 +55好香好食嘅牛扒，外皮煎得好香脆，十分香口。而且肉味濃郁，經黑椒同鹽吊味，令牛肉嘅香味更為突出，而且肉質嫩滑。另外配菜都十分好食，尤其係燒薯粒，外皮略為焦糖化，十分香甜，薯味突出，絕不遜色於牛扒Chateau la barriere 80香甜、入口順滑嘅白酒，

很喜歡陽光照射在餐廳內的氛圍 很寫意有別於傳統法國菜的莊重感餐廳裝潢及菜單感覺很輕鬆親民一週忙碌過後 先享受一下豐富的brunch set 🫕是日餐湯是芝士蕃茄湯 蕃茄酸甜清新 creamy綿密 😋🧆炸黑松露蘑菇球相當驚喜外表酥脆 內裡餡料滿滿 包裏著蘑菇 薯蓉等 黑松露味道芳香四溢😋🦀蟹肉他他+$85大量蟹肉混入青瓜洋蔥 增加口感層次 淋上酸甜柚水醋 非常清新😋🍝黑松露什菌燴飯 $95香濃醬汁包裹每粒米飯 菇味濃郁 🍖香橙油封鴨腿 $175鴨皮香煎脆口 內裡肉嫩Juicy 香橙醬汁酸酸甜甜 很清新 跟鴨肉很匹配🍰巴黎式芝士蛋糕 +$48哈 外表有點像西班牙烤蛋餅但原來內裡軟綿綿密 搭上酸甜醬汁 有別於一般芝士味道相對比較開胃解膩

Odelice! 👻今次萬聖節特登約埋幾個朋友去感受吓氣氛喺尖沙咀行街已經有好多人裝扮依家餐廳聽聞佢哋嘅食物非常高質餐廳環境靚氣氛輕鬆真係好適合傾吓偈.🔅香煎帶子伴忌廉煮大蔥帶子煎得好完美外脆內嫩搭配忌廉煮大蔥味道十分creamy唔會膩反而好有層次感估唔到大蔥去住忌廉都幾好食🔅原隻烤龍蝦配薯條配芥末荷蘭醬汁呢隻龍蝦真係好大隻豐滿多肉燒到好香再加咗啲芝士喺上面搭埋薯條同芥末荷蘭醬味道非常襯海鮮嘅鮮味加上醬汁嘅豐富感真係一流😆🔅 阿根廷安格斯牛脊肉配鴨肝砵酒醬汁牛肉煮得啱啱好入邊仲係粉嫩鴨肝砵酒醬汁微甜同牛肉一齊食味道好豐富仲有啲薯仔粒做伴碟節日真係食返塊扒啱晒😛🔅 法式蘋果撻伴雪糕呢個甜品真係唔可以唔試蘋果撻外脆內軟配埋雪糕清新又解膩甜度剛好食完令人心情大好🤤🔅 Sangria Blanche呢杯Sangria Blanche 充滿果香係用白酒做嘅Sangria幾特別得黎又幾襯清新又爽口令人好開心🔅 Passion mojito呢杯Passion mojito又係一絕熱帶水果味道濃郁酒味唔濃易入口飲完真係好開心.整體來講：浪漫西餐 節日必食😚.🎈Odelice! (The ONE) (尖

喺尖沙咀The One搵咗呢間法國菜餐廳試吓佢哋個二人晚市套餐, 再飲杯cocktail🥂, 浪漫一吓💕𓌈⸝⸝ Canapés Platter 拼盤放上各式各樣嘅法色小點心, 可以一次過試到多款唔同款式嘅小食！有蟹肉他他迷你撻、迷你菠菜芝士蛋批、炸煙肉忌廉芝士球、西班牙火腿等等, 相當豐富！𓌈⸝⸝ Smoked Salmon Platter 煙三文魚配上酸種麵包🥖, 煙三文魚好肥美, 每塊都好大塊, 搽上法國白乳酪, 能增添味道層次～🦞Whole Grilled Lobster 原隻烤龍蝦上面鋪滿半溶芝士🧀, 開邊兩份方便兩個人share～ 龍蝦肉質彈牙, 啖啖濃郁芝士香, 旁邊附上芥末荷蘭醬汁、薯條🍟🥩阿根廷安格斯牛脊肉牛肉外皮煎得焦香, 中間肉質都幾嫩, 肉味濃郁, 建議蘸上鴨肝砵酒醬汁享用, 旁邊配上蘆筍、燒薯粒🥔

📍Odelice! (尖沙咀)上次去荃灣個間食lunch慶生唔錯，今次就選擇左去尖沙咀the one個間食dinner 慶生。不過我個人喜好鐘意荃灣個間多啲，環境比較好又無咁暗🤣Openrice 訂座有個星期一至三優惠，75折食個雙人套餐 (原價$658)，折完around 200幾1個人。首先就一定有例牌麵包啦頭盤就有晒2樣，一樣熱一樣凍，都好岩胃口☺️凍鴨肝慕絲(左)就第一次食，估唔到口感同平時啲熱鴨肝咁唔同。羅勒香草醬蜆就係my all time favourite 😻 🩵呢個時嘅一定有當造嘅南瓜湯🩵帶子燴飯🩵三文魚海鮮鍋原來係油甘魚，但係無晒油甘魚就變左三文魚免費寫字服務☺️本身包左個甜品brownie

Odelice算係香港站得住腳嘅法式小餐館，有好多年前灣仔小巷嘅小店，發展到而家喺多個大商場都有分店，可見水準得到食客認可！今日幫襯The One店，二人餐可選兩個前菜或者一前菜一甜品，主菜都係可以揀兩個，亦有一啲升級選擇，加嘅錢亦唔算加得多。欣賞呢度嘅麵包熱辣辣，外脆內軟唔係間間餐廳做到，蕃茄忌廉湯唔會過酸非常creamy，配麵包食一流！我地前菜揀咗Burrata Salad，芝士份量好大，沙律菜主要以橄欖油調味，加少少黑醋，味道清淡，作為開胃菜啱啱好。主菜揀咗Tenderloin同豬鞍扒，前者做到好靚嘅medium rare色澤，配上特調醬汁好香！豬鞍扒係切好上嘅，蘑菇汁係亮點，豬鞍本身口感似豬頸肉都幾啱我口味。甜品揀咗蘋果撻，法式甜品嚟講唔算甜，蘋果肉仲保留到少少爽甜嘅口感～值得一讚呢度嘅白酒同mocktail，多選擇味道亦好，飲唔飲酒都可以喺呢度好好chill一晚。

今晚朋友生日book了The One Odelice晚餐，裝修雅致，經典黑白地板，以藍色為主調，滿有法式情懷, 食物行親民路線法式龍蝦湯龍蝦味濃郁，味道鮮甜，飲落好creamy 同幼滑，餐湯配百吉麵包，外脆內軟Blue Mussels 新鮮法國空運黑青口，配白洒煙肉忌廉汁， 青口好大隻，味道嫩滑鮮甜，青口有少許海水味原隻烤龍蝦足料大大原隻龍蝦，開半邊烤焗後上碟，配香脆熱辣辣薯條阿根廷安格斯肉眼扒牛扒肉質嫩滑，剛巧烤到五成熟，火喉控制不錯，肉質呈現粉紅色，都極重牛味，亦可加入Gravy 醬汁，薯條亦炸得好香脆Passion MojitoWhite Rum做base，加入熱情果蓉及汽酒，味道清新怡人Pastis 法國茴香酒味道甘甜，有點柚子香味，慢慢回味那種茴香味Parisian Cheesecake 巴黎式芝士蛋糕像花朶型好靚，中間焦糖芝士，味道輕盈，有清新滋味，外皮香脆