Ocio (煙廠街) (已結業)

今日同我既妹妹一齊去旺角食飯，見到呢間個名寫到咁撩既鋪名就吸引左我去睇下個餐牌。一打開個餐牌，見到d甜品貌相好吸引！決定入去食下。 餐廳有提供晚餐mein，而且都好抵食，所以就叫左個all day breakfast 😋同埋黑松露軟殼蟹意大利飯， All day breakfast係相當豐富，一上菜就賣相就令人覺得好滿足。 而意大利飯令我最驚艷就係居然有原隻軟殼蟹🥰🥰 而甜品方面，熱香餅係我的首選， 睇圖我以為是疏乎厘，但食落口感比我想像中軟熟。 有興趣既朋友可以一試！ 而刨冰方面，是牛奶冰底 但係士多啤梨偏酸，不過整體來講都很好食

以前係大圍讀書時期，成日去食呢間「Ocio」😎前兩晚經開旺角，點知比我預到佢😆好懷念的味道，呢間Cafe我係大圍食過幾次😎果時已經覺得係平靚正👍🏻經過多年再食，唔知水準又變成點呢🤔所以前兩晚就走左去試🥴🔹焗芝士肉醬千層麵$128 ：佢晚餐有多款選擇‼️而我就揀左好耐冇食既千層麵😎見到面頭d番茄醬🍅已經食慾大開芝士既味道勁香😌拉絲當然絕對無問題😆千層麵一d都唔乾身👍🏻配埋肉醬、番茄醬同芝士呢類組合簡直係完美的配搭🥰可惜份量少左d，唔夠喉🤣🔹奧斯魚蝦蟹拼盤（跟餐）$59 ：其實即係炸魚🐟、炸蝦🍤同炸軟殼蟹🦀仲有炸薯條🍟同沙律菜🥗$59真係超抵食👍🏻所有炸野都唔會炸到好乾身食落仲夠晒香口🤤最鍾意食炸魚🐟外脆內軟🥰口感好正👍🏻🔹鑄鐵鑊仔法式吐司🍞$59 ：呢個我都係第一次食上枱果陣真係嚇死我😂個吐司勁大份呀‼️最終都真係食唔晒🤣Menu都有幾隻味比你揀而我地就揀左「楓糖漿」💕食落唔會好甜👍🏻最正係佢個吐司🍞真係超軟熟同埋原來仲收埋左d秘密㊙️最底層係有吉士㗎‼️真係估佢唔到😍🔹芒果沙冰（跟餐）$15 ：夏天熱辣辣最啱真係飲沙冰🥰

前排喺旺角搵到一間啲菜式好吸睛嘅餐廳👀呢間就係 Ocio.OCIO 特選全日早餐🍽望落非常豐盛😍有茄汁豆🥫德國腸、煙三文魚🐟薯條🍟炒蛋、沙律 🥗窩夫🧇雞扒🐔炒蛋無炒到老咗🍳雞扒大塊又嫩滑🐓窩夫外皮幾脆，點埋糖漿好好味😋.鑊仔伯爵茶雪山熱香餅🥞熱香餅非常有厚度🤩蛋香幾濃🥚質感鬆軟☺️同埋由於係擺喺鑊仔上面煎所以熱香餅嘅底部帶少少金黃色✨旁邊四周充滿伯爵茶醬☕️伯爵茶味唔太濃但好香👍🏻表面仲有一球雲呢拿雪糕🍨.蕃茄濃湯🥣蕃茄味濃郁，仲有少少茄蓉🍅質感濃稠😆味道比較酸，整體酸甜開胃🤤.凍奶茶🥤呢度比較好嘅地方就係可以自行薄奶同糖🥛所以口味自己可調節🥰唔夠鮮奶仲可以問員工攞

軟殼蟹黑松露意大利飯，黑松露味道濃郁；軟殼蟹，以原隻上菜，好肥美，口感外脆內嫩，味道鮮甜、咸香；意大利飯口感軟硬度適中、有咬口；配料豐富，包括有雜菌、黃椒、洋蔥。士多啤梨刨冰，份量十足，包括有草莓口味刨冰、新鮮草莓、一球香草口味雪糕、煉奶；草莓口味刨冰糖漿由日本直送，刨冰滲透住草莓嘅香甜味道，更有淡淡奶香，食落好冰涼；新鮮草莓好新鮮，味道微酸偏甜；香草口味雪糕味道香濃，口感軟滑，配以草莓口味刨冰食用，雙重冰感，食落好清爽；煉奶配以草莓口味刨冰食用，可更突出草莓清甜嘅味道。是日餐湯，為蕃茄濃湯，蕃茄味道濃厚、酸甜，口感濃稠，蕃茄蓉令酸味更突出。凍檸檬紅茶，茶味醇厚，糖水為另上，甜度可自由選擇。

旺角餐廳超級多，每次去旺角都喜歡去不同餐廳食好西，今次走到煙廠街的「Ocio」嘆午餐加下午餐。首先午餐及下午茶套餐都十分多選擇，假日午餐有15款連是日餐湯及飲品，價錢由$58起至$98，確實超值。另外假日下午茶有10個款式，隨餐都會配咖啡或茶，加錢可以轉其他特飲或者小食，價錢實惠相當吸引。先來每人一碗「 忌廉蘑菇湯」是日餐湯，有微細的粒粒蘑菇在湯裡，有忌廉味及蘑菇香。「焗吉列豬扒飯」即叫即焗，需耐心等待，上桌時十分熱騰騰，香味撲鼻，份量十足，單看已經要吞口水。豬扒夠大塊，厚身肉質也不錯，芝士及番茄味濃郁，性價比高。「奧斯鑊仔牛柳粒」是下午茶餐，但份量也不少，一口一粒牛柳粒，質地嫩腍，感覺不錯。「奧斯芝士薯條」值得推介，只加$39就有一份，而且薯條是粗身可食到啖啖薯仔肉，是我最喜歡的一道小食。飲品就點了黑咖啡及檸檬茶，飲品質素不過不失，是正常的飲品，沒有十分驚喜。

  旺角廣華街入面好多吸引的小食店，今次行過OCIO，覺得都好企理又吸引，所以就入去食個TEA。叉下電再開工。先來一杯CAPPUCINO$33，哇好靚呢~~杯係自家餐廳的專用杯，好有HEART呢~味道方面都很好呢~~好香咖啡味，而且都有多泡，打得幾好~~最重要係好滑好好飲呢。野菌大蝦沙律$58，因為天氣好熱，唔係好想食太HEAVY既野，呢個沙律真係好正，估唔到呢個價錢有咁高質素既沙律。賣相真係好好，味道都好，沙律菜好FRESH，而且真係好多蝦, 大隻兼彈牙，真係好好食呀。好靚，真係忍唔住要影多幾張相先。蜜糖蒜香雞翼$58，因為我係雞翼控的關係，所以去到唔同食店都愛叫雞翼的。好香蒜香味，而且雞翼大大隻，一睇就知係貴價貨，個味調得非常棒，而且是新鮮炸起，脆卜卜真係好好食。令人喜出望外。

呢日同朋友睇完模型，一齊行左過去煙廠街食飯食甜品。呢條街都有唔少甜品店同食店，食物種類選擇都幾多下。最後我地揀呢間有得食甜品，同時又有西餐，裝修又靚靚地既鋪頭。ocio我之前已經食過，印象中甜品既甜度都係偏高，但係pancake既質感係相當唔錯。為左方便share，同埋唔好食得太肥，我地只叫左一個焗肉醬千層意粉既set dinner，同埋一份古早味抹茶蛋糕。餐湯係普通既忌廉粟米湯，正正常常。千層麵唔算好大份，不過我覺得share先岩，因為自己一個食哂就太膩。佢肉醬做得都幾好味，芝士都比得慷慨。唯一唔好既就係千層麵做得略嫌淋左啲。甜品方面，佢既抹茶醬放係蛋糕面，有塊膠裝住，比你自己製造流心既效果，都幾好玩。古早味蛋糕質感好好，蛋香味重，質地濕潤，不過本體甜度已經唔低。再加上抹茶醬，實在甜過龍。雖然未至於甜到頂唔順，但建議鋪頭可以考慮將個醬既甜度降低，相信會更加受歡迎！

#黃店經濟圈夜晚9點幾心思思想食甜品 就入左呢間黃色甜品店了❤️價錢適中 甜品選擇有好多例如吐司,窩夫,心太軟等等 每樣望落去都好好味甘！但因為唔係太肚餓 所以就簡左2款輕食既甜品😆波子汽水刨冰 🍧($59)份量好多 望落去好似富士山🤣個波子汽水味唔會太重 配埋個煉奶，甜甜地👍🏻玫瓏蜜瓜雪山🏔️($98)必推🌟 有蛋糕、蜜糖星星、雪糕、半個蜜瓜、啫喱蜜瓜係日本蜜瓜😍 甜到漏岀黎啊！呢個價錢食到日本蜜瓜 真係👏🏻曲奇雲呢拿奶昔🍪 ($49)非常大杯 好重曲奇味😊

有一段時間沒有來這間分店食了，之前在這裡下過午餐，覺得味道不錯，所以今晚一於再來。好在一早已訂好位而且早來到，所以不用等位。餐廳晚上有一些套餐選擇，也能夠散叫。粟米忌廉湯，set dinner有餐湯，忌廉湯都幾creamy，而且夠味，粟米粒都幾多!OCIO特選全日早餐，很喜歡吃這裡的全日早餐，因為夠大份。早餐包括有煙三文魚、炒蛋、腸仔、雞扒、薯條、沙律、窩夫、蕃茄、茄汁豆，炒蛋嫩滑而且有奶味，雞扒大塊，肉質嫩滑。薯條是粗薯條，外脆內軟。窩夫配有蜜糖，拌入蜜糖，甜甜地又脆口，整份大份又食得好滿足!香烤美國安格斯肉眼扒10oz配薯條，牛扒點了5成熟，好大塊，牛肉唔算好厚，肉質鬆軟。配有燒汁，點上令牛扒味道更惹味!薯條份量都幾多，鹽份也很夠，很美味!蜜桃冰茶，味道不會太甜，有茶的澀味，亦有蜜桃的味道，解渴又解膩!這間餐廳食物質素不錯，值得再來!

Ocio kitchen出名甜品選擇多又IGABLE!今次就黎左旺角分店。近排一直尋找香港最好味嘅梳乎厘班戟～於是就決定過黎試下。等位等左大概10分鐘左右～甜品種類有熱香餅、窩夫、吐司、泡冰同古早味蛋糕。今次就睇中呢個玖瓏蜜瓜雪山 $98頂層雲呢拿雪糕灑滿兒時回憶蜜糖星星可增加口感夾層的梳乎厘班戟都算幾鬆軟，口感幾好。不過蛋香味就欠奉。沾上焦糖醬味道更佳～內裏有蜜瓜味啫喱又唔會太甜。最後當然唔少得嘆埋半個玖瓏蜜瓜啦～兩人食都夠晒！

自從開拓左黃色經濟圈之後，就去多左唔同既黃店食飯，其中個人覺得Ocio係一間幾創新既餐廳，今次去左旺角店搵食~-✨ 焗咖哩吉列豬排飯($98) (⭐⭐⭐⭐✨/5🌟)吉列豬排同咖哩焗飯都係我最鍾意既食物，呢道菜色幾特別咁將兩種食物混合，吉列豬排既脆加上焗飯軟綿綿既質感，好似冰與火既交薈。雖然賣相平平，但味道又唔錯wor，依然保持到吉列豬排應有既脆同焗飯上面鋪滿邪惡既芝士，簡直大滿足!-✨ 軟殼蟹黑松露意大利飯($128) (⭐⭐⭐✨/5🌟)黑松露配意大利飯係最能夠將黑松露獨特味道發揮得淋漓盡致既菜色，意大利飯粒好掛汁，好Creamy同幼滑。軟殼蟹原隻上，入面幾多汁，可惜調味咸左少少~-✨ Oero奶昔(⭐⭐⭐⭐✨/5🌟)奶昔賣相平平無奇，餐廳用左一個相當平凡既藍色膠杯盛住，但係味道卻比想像中濃郁同埋好飲。奶昔夠哂冰凍，係用我最愛既Oreo曲奇同雲尼拿雪糕打成既，感覺就好似一大杯溶左既Oero雪糕咁，好味!!如果改善埋個杯就完美~

其實我覺得發明All Day Breakfast 呢樣嘢果個人實在大偉大啦～ 尤其是對於我呢d唔係早起身又鍾情早餐配搭既人😂佢仲有樣嘢好...... 就係乜都有，完全唔使煩😎有選擇困難症都唔驚啦！ （如果你連炒蛋同煎蛋都揀唔到我真係幫唔到你🤷🏻‍♀️🤣）今日lunch突然好想食all day breakfast, 🤪就搵下公司附近有無啦～ 經過煙廠街間Ocio, 之前淨係食過佢d甜品，好鍾意佢個鑊仔雪山熱香餅～ 見佢lunch menu 有all day、諗都唔諗就衝咗入去~先來餐湯，係忌廉粟米湯~ 還好，味道不會太鹹。主角到了！🤩呢個早餐份量都唔少，有炒蛋、特色腸、雞排、煙三文魚、薯條、沙律菜、茄汁豆、焗蕃茄，最最特別係佢配搭窩夫而唔係多士呀！本人嚟講就最鍾意佢個炒蛋、薯條同窩夫啦～餐茶叫咗檸檬薑茶～👍🏻係用Twinings茶包ga~如果2個比較細食既女生可以叫多1、2份小食再share 1個all day breakfast 應該就夠了😜

今日去旺角逛街買完嘢，行去煙廠街搵食。 呢度美食匯聚選擇多，見到奧斯餐廳，佢網上口碑都唔錯，就去試下！照燒牛柳粒意粉牛柳脂肪較少，鮮甜嫩滑，軟熟煙韌，切成粒狀方便一口進食，非常貼心。意粉幼長爽口嫩滑彈牙，用照燒醬汁炒燴，意粉吸收醬汁精華，滋味無窮！奧斯芝士牛肉漢堡以招牌命名菜式。有牛肉漢堡、煙肉、芝士、生菜、番茄、 自家醬汁配薯條。麵包 柔軟鬆化，牛肉漢堡扒，厚身嫩滑多汁，牛味濃沃有口感。配煙肉油脂甘香，加上新鮮生菜番茄，去膩清爽口腔！每款套餐 包餐湯 葉飲品 份量充足確係幾經濟實惠!

OCIO All Day Breakfast☀️🍳🥓 ($98)港女的我見到有all day breakfast緊係揀食佢。一上枱見到好大份！！早餐當晚餐食都夠飽。份早餐有炒蛋🍳，腸仔，煙三文魚，薯條🍟，雞扒🐔，窩夫🧇，蕃茄🍅，沙律🥗同茄汁豆，真係好豐富。炒蛋應該落咗牛油炒🧈，都幾滑，薯條好香口，我鐘意，窩夫幾厚實，點埋糖漿食好有早餐feel。😆😆波士頓龍蝦意粉🦞🍝 ($138)朋友嘅龍蝦意粉有大半隻芝士焗龍蝦係上面🧀🦞，好吸引！佢話意粉用咗龍蝦汁煮，都幾好食。

最近很少去揾新野食，今日去開旺角買野亦都係幫襯好耐久前去過的Ocio。今次叫咗個燒排骨窩夫早午餐同老公share， 窩夫係呢到既招排食品之一，今次食亦没有令人失望，外脆內軟，就算吾係配甜品都一樣出色。燒排骨的醬汁亦值得一讚， 酸酸甜甜正好中和排骨的油膩。嚟到呢度當然不少得叫甜品， 今次叫咗一個朱古力心太軟， 雖然等得比較耐啲，但絕對值得， 心太軟真的非常流心， 朱古力甜而不膩， 配上軟滑的雲呢拿雪糕，食完非常之滿足!見其他人 食的雪山甜品都非常之美味，下次一定要試下